الهلال ناقص لاعب (قضية مطروحة للنقاش) في الحقيقة بكل واقعية وعقلانية أن حال الهلال بدون القناص صعب للغاية كلنا شفنا مستوى الهجوم بعد ما طلع ياسر كان المستوى سئ للغاية , كل واحد يستلم كورة يرجع للخلف , وهذا إلي جعل أكثر من لاعب يسدد من بعيد رآآآدوي والشمشووون الكوري والزوووري . والسبب أن مافيه ولا لاعب من الهجوم متمركز صح حتى العرضيات تمر من عند الباب ولا كأن فيه أحد. مع أن الخطة نفسها والتكتيك ماتغير. يا شباب أنا أدري أن مستوى ياسر أفضل من كذا وعنده إمكانيات هائلة لكن إحنا نضغط عليه من جهة وهو يبي يقطع نفسه علشاننا كيف تبونه يلعب ويركز بهالحالة ؟؟ يا شباب لازم نساعده, لازم نخف عليه شوي, لازم نتركه, لازم نخليه يلعب وهو مركز ومرتاح . ياسر خذ راحتك يا خوي ضيع فرص وطير كوّر أهم شئ ألعب وأنت مرتاح في البداية صح بتضيع فرص وهجمات لكن بعدين راح كلها تتحقق إنشاءالله. مشكلتنا ما نعرف الأهداف بالهلال الا عن طريق ياسر يعني لو الهلال ما سجل على طول قلنا ياسر مو في مستواه , ياسر ضيعنا , ياسر ما لعب , ياسر نايم , كأن مافيه لاعب يسجل غير ياسر فكيف يلعب مرتاح وهو يعيش هالضغط كله. مجرد رأي وقضية مطروحة للنقاش تحياتي للجميع |
ان شاء الله يقوم ابوعبدالعزيز بالسلامة ويزيد من قوة الهجوم الهلالي .. وكل الاعبين مكملين لبعض ... |
ياسر لاعب كبير وما نختلف في حبنا لياسر ولكن الهلال اهم .. وكل الاماني ان يرجع الغالي ياسر لمستواه المميز وبالتوفيق للازرق في القادم تحياتي |
صادق والله مشكووووووووووور |
ان شاء الله ابو عزوز يقوم بالسلامه..ويرجع هداف الهلال مثل ماكان..! والباقين والله فيهم الخير والبركه مايقصرون:) عواافي |
معك حق الهلال نزل مستواه بعد ياااسر |
والله يا ناس ياسر يطع نفسه عشان الكيان الهلالي بس انا متاكد بيرجع ياسر الي عرفناه الكبير كبير ياياسر |
ما اقول الا يسلم البطن اللي جابك على ها الكلام وربي كل حرف قلته تعبت وانا اردده بس ماااااااااافي فايده خلاص حطوا ياسر في بالهم وصاروا يترصدون له ويدورون زلاته ... الله المستعان بس وربي الحال صار ما ينطاق والجحود والنكران اللي هم فيه مدري وش اخرته معهم ؟! لاهنت يا بطل .... |
صادق والله مشكووووووووووور |
تسلمون يا شباب كل من دخل وشارك وعلق على الموضوع لأن الهدف من طرح الموضوع هو النقاش ومن ثم الخروج بما يخدم الكيان الأزرق. وترى كلنا مكملين لبعض ولازم تكون لنا وقفات مع كل لاعب يحتاج وقفتنا معه ولا يمكننا أن نتفق على شئ بدون ما يطرح للنقاش ومن ثم تتوحد الأراء. تحياتي لكم |
الوقت المعتمد في المنتدى بتوقيت جرينتش +3.
الوقت الان » 01:09 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd