صيحات استهجان ضد ياسر.. ويوم اصيب وقام صفقوو له؟؟؟ ومسكين ياهلااااال .. تلقاها من اعداءك والا من بعض جماهيررك .. تعبنا واحنا نتكلم - نادي الهلال السعودي - شبكة الزعيم

هلالي مكـــه · #1 01/10/2010, 11:33 PM

السسسلام عليكم ورحمة الله وبركااااته .... مساءكم/صباحكم .. مثل العسسل

* كلنا تابعنا مباراة الزعيم والاتفاق .. ونحمد الله سبحانه وتعالى اننا سجلنا هدف من البدايه وحافظنا

عليه .. لو لم يتم تسجيل الهدف كان شفنا معاناه كبيرره وضغط نفسي على اللاعبين والجمهوور

لكن الحمدلله سجلنا هدف .. وحتى لو كان غلطه من الحارس الاتفاقي .. بس المهم هدف وثلاث

نقاط .. وانا اعتقد ان اهم مكسب بالمباراه هي الثلاث نقاط فقط لاغيررر

* مع كل كوره يستلمها الكابتن ياسر القحطاااني من بداية المباراه .. كان يقابله الجمهور بصيحات

استهجان .. في منظر غير حضاري اطلاقاُ ... وكأن الهلال خرج من الآسيويه وياسر القحطاني

تسبب بالخروج واضاع ضربة جزاء في الوقت الاخير امام الغرافه؟؟؟

صحيح ياسر ضيع كرات لاتضيع .. ولكن يااخوان ياسر سجل هدف امام الغرافه .. وهدف لو

نظرنا له ودققنا فيه مايسجله أي مهاجم وانظرو لحركة ياسر وكيف ضيٌع المدافعين ...

عموما ماابغى ادافع عن ياسر .. ولكن .. اللي استغربته ان الجمهور يقابله بصيحات استهجان

واستياء .. وبمجرد ماوقع ياسر المره الأولى سكت الجمهور الهلالي الحاضر ... ويوم تعالج ياسر

ورجع الملعب قوبل بعاصفه من التصفيق الحار ... طيب يااعزيزي يوم تخاف على ياسر من الاصابه

وتصفق له يوم قام ورجع الملعب ... معناته انك عارف وفي قرارة نفسك ان ياسر لو اصيب راح

تكون ضربه موجعه للزعيم وخساره جديده .. وراح تضغط على الفريق ككل لاعبين واداره وجمهور

وراح نخسره في آسيا لأنه من افضل المهاجمين...... طيب ليه تطلق صافرة الاستهجان على

واحد من لعيبة ناديك؟؟ ليه التحطيم؟؟ وفريقك مقبل على مرحله مهمه وعلى اعتاب الوصول لنهائي

آسيا؟؟؟؟؟ من جد بعض جماهيرنا محتاجين لتوعيه خاصه ... وتجديد الفكر الكروي لديهم ...

وماأقول غير الله يصلح النوعيات هذي ..

* تضحية رادوي من أجل الزعييم .. كان لها صدى جداً جميل ورائع من الجمهور الهلالي

الحاضر للمباراه .. وكانو يحيون رادوي مع كل كره توصله ... حتى يوم يغلط كانو يلتمسون له

العذرر ,,,

* ماجد المرشدي .. رغم الانقطاع الطويل والغياب .. إلا انه قدم مبارااه جميله .. والجميع

كان يقول ياليتك ياماجد كنت موجود في مباراة الغرافه ... عموما بالتوفيق لماجد وان شاءالله

يستمر مستواه في التصاعد ويقدم اجمل مالديه بالمباريات القااادمه

* عبدالله الزوري اعتقد انه مازال بحاجه للمزيد من الجهد .. واعتقد الانقطاع عن جو المباريات

كان مؤثر عليه بشكل واضح... وكان يعاني من بطء في نقل الكرات والتقدم .. واتمنى يدخل

جو المباريات بشكل اكبر بالايام القادمه ..

* فيصل الجمعان ... لم يكن اضافه للزعيم واعتقد نفس ادوار وليد جيزاني ونفس الاسلوب

وماعنده اضافه قووويه بصرااااحه.. لكن نلتمس له العذر كأول مشاركه مع الزعيم

ورااح نشوووف القادم

* الزعيم كان يلعب وكأن المدرب طالب منهم يلعبو بأقل مجهووود .. ولو شفنا الأداء وكيفية

التحرك .. وعدم الضغط بشكل كبيررر على حامل الكره .. وعدم المبالغه بالهجووم ..

راح نتأكد من هالشي ..

* عدد الجمهور 6852 .. هذا والزعيم ماخسر ولا مباراة بالدوري .. ومتأهل لنصف النهائي الآسيوي

... طيب لو خرجنا من الآسيويه... كم راح يكون عدد الجمهور اليوم؟؟ انا اتوقع راح يكون 600

ويمكن أقل كماااان .. وانا ماودي اتكلم عن الجمهور لأني بصراحه تعبت من الكلاااام .. وكل شي

واضح لكم

* الله يستر من الجاي .. ويااارب يحقق الهلال الآسيويه ... لأنه لو خسرها لاسمح الله راح يمر

بظروف حرجه .. واعتقد راح يلعب مبارياته بدون جمهور .. ولا دعم .. ولاغيرره ..

وفعلاً مسكييين ياهلاااااااااال .. اعداءك يتربصون بك .. وجمهورك مادرى عنك .. إلا من رحم ربي

* ماودي اطول علييييييكم .. دوبنا خارجين من الملعب .. ونبغى نرتاااح ... بس قلت اذكر عدة نقاط

ببالي ... واذا قصرت اعذرووني .. فمان الكريم

أمير الظـلام · #2 01/10/2010, 11:35 PM

الحمد لله رب العالمين على نقـــاط المبــاراة الـــ 3

تفاريس 5 · #3 01/10/2010, 11:35 PM

عفاكــ ربي ياغالي.,,,,,,,,,,,,,,,,,,,,,

a7la.3boooosh · #4 01/10/2010, 11:37 PM

يااااااااااسر كبير مهماا كاان

Ǎβσ Ńαşŝệř 20 · #5 01/10/2010, 11:39 PM

فعلا شي مؤسف
يعني زياده على الضغوطات اللي على ياسر من الحاقدين
يجي جمهور الزعيم بكبره ويزيد الطين بله
اذا جمهوره ما دعمه اجل مين بيدعمه
يعطيك العافيه هلالي مكه وعقبال الاسيويه يا رب

Mr.Debo · #6 01/10/2010, 11:39 PM

أنا لم أسمع أي صافرة أستهجان على ياسر!

king missi hilal · #7 01/10/2010, 11:40 PM

يآسر لآعب كبير ولآ أتوقع صآفرآت الأستهجآن تطلع من جمهور الهلآل
صحيح ياسر هآبط مستوآهـ لكن جمهور الهلآل مآيفعل مثل تلك الأندية
وقفتنآ مع يآسر قويه وآسيآ رآح تجيب طيب غصب لو بأقدآم نآمي
بـ التوفيق لـ زعيم اسيا

حمـ(الهلالي)ــد · #8 01/10/2010, 11:42 PM

ماسمعنا صافرات استهجان ضد ياسر .!!!!!

لايهمك حكيهم ياياسر · #9 01/10/2010, 11:43 PM

الله يع ـأفيك اخوي ,,,

نقطه صافرات الاستهجان ضد ياسر بصصراحة ما سمعتها انا ..

ونقطه الجمعان انا ما ادري وش يحسون فيه الي يحكمون عليه من اول مباراة ,,

اعتقد ان الزوري قدم مباراة افضل من المرشدي ,,

وان ششاء الله في اصفهان يزيد المستوى ,,

موفقين يارب ,,

abodey · #10 01/10/2010, 11:43 PM

هلالي مكه الله يعطيك الف عافيه

نقاط في الصميم

والجمهور تعبنا واحنا نتكلم لكن ما فيه فايده واخص بالكلام جمهور الرياض

تويجري هلالي · #11 01/10/2010, 11:44 PM

من حق الجمهور ياخي بعض الكورات للأسف ماتتضيع الصرآحة لكن مالنا نقول ان شاء الله يرجع يآسر مثل أول واحسن ..
بالتوفيق للهلال والجمهور ماقصر اليوم ..

المرقب العالي · #12 01/10/2010, 11:45 PM

اهنيك اخوي على فكرك الناضج فعلاً كلامك صحيح ياسر من اعمدة الهلال حالياً ومايصير ان جمهور الزعيم يصف بصف الحاقدين على ياسر

مثل جماهير المسيار اللي تعودنا منهم التصرفات الشينه بحقه

ترفعو عن هالأمور اللي تظر نادينا ولاتنفعه

غشاهم موج · #13 01/10/2010, 11:47 PM

مممم

اولا... سوري على الحجز وتاخر فكه

مدري كلما اعدل الرد يقطع الاتصال

يقطع ام الحاله ياشيخ !!!

المهم ندخل في الموضوع

يمكن انت حاضر الملعب وسمعت من قله من الجماهير

ولكن للامانه ماسمعنا شي وما اتوقع ها شي لان الاكثريه عاشقين لياسر

[CENTER] ويقوم بسلامه والعافيه وبخصوص الاصابه ليش ياياسر تحتفظ بكوره شفت وش صارلك !!!

.

غشاهم موج

__20__قناص · #14 01/10/2010, 11:47 PM

والله مادري ماسمعنا شئ بس
اشك صراحة

المنتهـي · #15 01/10/2010, 11:47 PM

ياسر واضح في هذة المباراة ان جل تفكيرة منصب على ذوب اصفهان

لانه لم يتحرك كثيراً وهذا واضح من المدرب

امر غير مقبول ان المدرب يجهد اللاعب في مباراة اقل مايقال عنها متواضعة

والمقبول ان يجهزة تماماً للآسيوية

وان شاءالله بأذن الواحد احد مايخيب ظن الجميع

اللهم وفق الهلال فوق كل ارض وتحت كل سماء يارب العالمين