رادوي . رادوي . رادوي .. كفاكم تعلقا به فقد قتلتم البقية. السلام عليكم ورحمة الله وبركاته اخواني الزعماء ... من شاهد ويشاهد مواضيع المنتدى لياسف على حال الجمهور .. اصبح الجمهور متعلقا بالاسماء .. وكان الفوز والخسارة بيدها ومتعلقا بحضورها. نعم اصبح الامر خطير وخطير جدا حتى على ثقتنا في الله .. بدأ النواح والعويل والبكائيات ومتابعة الاخبار اولا باول.. والتنقل في الصحف الرومانية لتتبع اخبار رادوي .. حتى يخيل اليك ان هناك سبعة لاعبين سيغيبون عن الفريق وننتظر عطف الاتحاد الروماني علينا من اجل ان نحقق الفوز .. نعم اشهد ان رادوي لاعب عملاق ولاعب فذ ولاعب لا يشق له غبار .. ولكن ان يصبح الامر تعلقا به وان الفوز مرهون بوجوده فقط .. وان الهزيمة لا يردها الا رادوي ..هنا الخطأ الجسيم.. كنت ممن ينتظر خبر مشاركته لاهمية اللاعب في الفريق ولكن اصبح الامر لا يطاق حيث اصبح الامر كله رادوي رادوي رادوي .. ونسينا العشر لاعبين الاخرين ... نسينا البقيه الباقية .. وكانهم صفرا على الشمال .. نسيناهم وكانهم لا حول لهم ولا قوة ولا ثقة بهم بدون رادوي .. نحن نقتل الثقة في فريقنا .. ننحرها من الوريد للوريد.. فما هو شعور من سيحل مكان رادوي سيكون تحت ضغط رهيب وسيفشل ويفشل ولن يكون له وجود .. لانه يعلم مسبقا ان الجمهور لا يراه شيء مهما اجتهد والسبب مقارنته برادوي ولن يرحمه وسيحرقه كما حرق غيره ممن اجتهد وقتله الجمهور بمقارنته بغيره من الغائبين ..ولنا بمحمد الشلهوب عبر ايام طارق التايب.. فنحن نسينا بقية النجوم .. وتفرغنا للنواح على رادوي .. نسينا من يقوم عليهم الفريق وحققوا الانتصارات بدون رادوي .. ماهو شعورهم وهم يتصفحون المنتدى ولا يوجد في هذه الايام الا رادوي .. ضع نفسك مكان اي لاعب .. فنحن ننزع الثقه من كل الفريق .. ونعطيها لرادوي فقط.. المخلص رادوي . النجم رادوي المبدع رادوي المجتهد رادوي ... اما البقية فلا شيء بنظرنا ...كاني اتذكر ايام طارق التايب .. فبعض الجمهور لا يرتاح للتشجيع الجماعي بل يحب تقديس الاشخاص يحب التفرد بلاعب معين .. هي من قتل فريقنا .. السنوات السابقه .. فتراخى الفريق ليثبت للجمهور ماذا سيفعل نجمكم الوحيد الذي تمجدونه ... لاتقولون لاعبينا محترفون ويفرقون ويفهمون.. لاعبونا بشر .. وثقتهم بالفوز على الغرافة قلبها عليهم في الدوحه برباعية..فهم بشر يتاثرون بما حولهم. فلنعيد الثقة للجميع ولنشجع الجميع ونترك رادوي الان فالفريق هو من سيلعب ولندعمه الليله وندعم كل من يشارك ونضع الثقه فيه فكلهم اهل للثقة .. سواء الحاضرين او الغائبين ..كلهم نجوم يصنعون الفرق .. ملاحظه :- لست ضد رادوي .. بل ثقتي في رادوي كثقتي في بقية زملاءه اللاعبين لانهم يكملون بعضهم البعض فلا يمكن لرادوي لوحده ان يصنع الفرق بدون تعاون بقية زملاءه اللاعبين . |
مشكور على الموضووع اما رادوي له مكاانه في الفريق واذا لعب يرتاااح الفريق كله لانه حاامل اهم مركز وهو المحور واتذكر مبااارااات الاتحااد والهلال في بطولة خادم الحرمين الشرفين للابطال كاان رادوي موقف وخسر الهلال يعني اذا لعب رادوي العالم بكمله يرتاااااااااااااااااح لبى روووحك ياارادوي |
يـ عزيزي ، محد [ مجد رادوي من فراغ ] لاعب يستحق ، آلاشاده ، والمديح ، ولكم إلى حد معين ... نحن مع رادوي ، نعم ، ولكن لا نعلق آمر الفوز ، بـ وجود رآدوي ، آو خسارة الهلال بـ غياب رآدوي .. دائما نقول ، الهلال بمن حظر ... بـ التوفيق لـ الزعيم ، |
آخ’ـووي وش دخخل الفوز والخسساره بيد الاسماء او الاعبين مجرررد تحميس للـآعب لـآ آقل ولـآ آككثر بككذآ بيظظهر بمستوىآ جميل وإذآ هتفوآ آو.....إلخ بآسم لـآعب لـآنه يسستحق .. هذا دآفع للبقيه وروآدوي بططل ويسستآهل اللي فعله للـآزرق مو ششوي |
لاعب يستحق الاشاده..بالاضافه انه يملك الروح والقتاليه عن ناديه ..وهذه قلما تجدها في لاعب اجنبي |
يالغالي اللاعبين كلهم فيهم الخير بس رادوي موقفه مايسويه اي لاعب يتخلى عن منتخب وطنه من اجل الهلال |
وين المشكله ياعزيزي ؟ لاعب كبير وغيآبه يسبب [ مشآكل ] بالدفاع الهلآلي لاعب له ثقله وكبير وله تأثير بالاضآفه على محبته وعشقه للهلال وش حآرق رزك ؟ احد انتقص من اللآعبين الاخرين ؟ احد تكلم فيهم وقال انهم فآشلين .!! انت تعتبر الاشاده بلاعب تعني الاستنقاص من الاخرين ؟ يآعزيزي رآجع تفكير قبل كتآبه الموضوع رآدوي فضل الهلال ( السعودي ) على منتخب ( بلآده ) ولا تريدنا ان نمدح ونشيد فيه .؟ ! الف علآمه استفهآم على منطقك العجيب :yes: |
أهنن بحدرتك بص يافندم :naughty: رادوي يستاهل قسمبلاه ماقصر و يكفي إنه بيعتزك الدولية عشان يقدر يلعب و ع قولته أن الهلال أحق بجهده أما قولتك قتلنا البقية بصراحة دنا بريئه ياحدرة الزابط :s2: همين في لاعبين بصراحة مدحناهم لين طلع مع عيونهم :s5s: و ماشفنا أثر للمدح متشكره قدن قدن |
إقتباس:
لكن يبدو انك فهمت تعلق الجمهور برادوي بشكل خاطئ الهلال من يومه ما اعتمد على لاعب واحد ورادوي يستحق منا الوقفه والاشاده بمستواه ودائم ما يسطر لوحة الوفاء لِ النادي بداخل الملعب ولكم في مباراة بختاكوع الشهيره خير دليل وترديد الجمهور بـ اسم رادوي او غيره من النجوم هو امتداد لِ وفاء الجمهور والمدرج مع النجم مثل ما فعلنا مع سامي ويوسف وغيرهم الكثير وتبقى جماهير الهلال مضرب مثل في الوفاء لِ لاعبينها :) :smilie47: |
, حبيبي الجمهور ماقال الفوز مرهون بوجود رادوي كل الموواضيع اللي تشوفه مواضيع ( شكر لرادوي ) موب تباكي عليه وهو يستحق اكثر من اللي قاعد يصير جمعه مباركه |
انت تبي تكتب موضع بالغصب روح الهلال فية جب لي لاعب مثل روحة في الهلال واقولك كيف الحال بس |
رادوي يستــاهل التعلق فيـــه , وكل لاعب في الهلال معطيـــنه الي مكفيــه من مديح ومن حب وعشق :) |
أخوي ما فيه فايدة محد راح يفهمك!! يا ناس رادوي أن أحبه وأعشقه عشق بس كرهتوني فيه حطيتوه زي مارادونا وبيليه وطيارة خاصة وبلاوي .....! واللعيبه الباقين بيحسون أنهم مجرد تكملة عدد والفريق كامل هو رادوي !! |
كلام رائع أخي مشجع معتدل ..... ويجب علينا كهلاليين مناصرة كل فرد من أفراد الفريق ولكن .. ما يجعل الجماهير تتفاعل مع رادوي أخلاصه للفنيلة الزرقاء التي أشاد الجميع بها وأجد لهم العذر في هذا الجانب .. في المقابل لا أجد لهم العذر في تشجيع بقية النجوم دمت بود |
جمهور الزعيـم يقول للأعب المبدع ابدعـت ويعطيه حقـه من المدح والدعـم المعنوي ، ويستاهل النجم رادوي وبالعكس مو تقليل من بقيـة نجوم الهلال ، لاكن رادوي بـ افعاله ملك حب جماهير الزعيمَ ولإتنسون ياشباب عند الدقيقـه 8 تشجيـع خاص لنجم رادوي :ba: |
إقتباس:
اذا انك تحب رادوي اجل خلييك محاامي له ورادوي له مكاااانته في الفريق هو رووح الهلال وعلى قووولتك مارادونا وبيليه >> عندي هو احسن منهم بكثير :smilie47: والطياره خااص قليله عليه لو ييبي عمري افديييييه انا :smilie47: قول خير او انصت |
ياخوي لاعب ترك منتخبه عشانك ويلعب معك بالروح تذكر مباراة الغرافه وتذكر مباراة الاتحاد كل السعودين ساكتين الا رادوي جاي:mad: تقول ما يستاهل الا الهلال بلا رادوي ولا شي مع احترامي للاعبين الثانين :alzaeem: |
والله رااادوي يستاااهل كل خير والله لاعب يلعب من اجل الشعااار .... |
بالتوفيق لزعيم رادوي عنده روح عاليه في الملعب ترفع من روح بقية اللاعبين |
اخي العزيز اكثر جمهور الهلال واعي وعنده ثقافة تشجيع ليست عند كثير من الاندية لاعب عندما يحترق في الملعب من اجل الفريق كمثال مباراة الوحدة والغرافة لا تريد جمهور فريقة ان يعشقة .جمهور الهلال يحترم من يحترم شعار الهلال ويضحي عشانة انا لا اريد ان اخل في الاسماء عندما يهبط مستوى لاعب ينتقدة المدرج الهلالي حتى يعود لمستواة ويكون اول المادحين له هذى المدرج لا نريد ان نكون مثل غيرنا المدح لمجرد المدح والذم لمجرد الذم اخي العزيز احترم وجهة نظرك لكن لا اتفق معك ودمتم |
حبيبي الجمهور ماقال الفوز مرهون بوجود رادوي كل الموواضيع اللي تشوفه مواضيع ( شكر لرادوي ) موب تباكي عليه وهو يستحق اكثر من اللي قاعد يصير جمعه مباركه |
هناك الكثير من الجمهور ياتيك ويرد مع قراءه العنوان فقط اشكر الجميع فالغالبيه يتكلمون من عواطفهم ونسوا انهم يشجعون الهلال |
وين المشكله ياعزيزي ؟ لاعب كبير وغيآبه يسبب [ مشآكل ] بالدفاع الهلآلي لاعب له ثقله وكبير وله تأثير بالاضآفه على محبته وعشقه للهلال وش حآرق رزك ؟ احد انتقص من اللآعبين الاخرين ؟ احد تكلم فيهم وقال انهم فآشلين .!! انت تعتبر الاشاده بلاعب تعني الاستنقاص من الاخرين ؟ يآعزيزي رآجع تفكير قبل كتآبه الموضوع رآدوي فضل الهلال ( السعودي ) على منتخب ( بلآده ) ولا تريدنا ان نمدح ونشيد فيه .؟ ! الف علآمه استفهآم على منطقك العجيب |
كيف الحال رادوي هو الوحيد في الفريق اللي يلعب بروح وهو القائد الحقيقي للفريق ويستحق هالاشادة واكثر |
ما ظلمنا احد كل لاعب ياخذ حقه بالمدح والي سواه رادوي ما يسويه اي لاعب بالعالم بالتوفيق للزعيم |
أنتوا مشكلتكم ماتفهمون !! رادوي أنا احبه وأعزه بس أنتوا كبرتوه مرة مرة يعني أشوف كل مواضيع القسم عن رادوي !! يعني لو قدر الله ورفضوا الرومانيين مشاركة رادوي !! بتشوف الجماهير و العالم كلهم تحطموا من آسيآ ولا فيه أمل ياخذون آسيا!! |
راادوي لاعب كبير بس ترى يقووول مليوون دولار يعطني الهلا والمنتخب الروماني لا يعطيه شيئ الفريق كله فيه خير وبركه |
زادوي يستاهل الشكر وتتبع الصحف الرومانية اولا باول ولآ احد ينكر ذلك انه لآعب اكبر من الكبير ويوضع عالعين والراس ويسلموو |
عزيزي رادواي له ثقله في التشكيله .. وطبيعي تشوف ردة فعل الاعضـاء بمواضيع رادوي :ba: . ومع احترامي للي حـوله .. مايوصـلون مستوى رادوي ولا ربعه . .. :smilie47: .. |
شف ولي رادوي الشلهوب لي يونق هذولا اهم عناصر الفوز هم والمحياني وهوساوي الباقين |
الوقت المعتمد في المنتدى بتوقيت جرينتش +3.
الوقت الان » 10:33 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd