عبدالله المديري يناجي البحر بسبب الغدر قصيده كتابيه وصوتيه - نادي الهلال السعودي - شبكة الزعيم

عبدالله المديري · #1 27/09/2010, 11:50 PM

بسم الله الرحمن الرحيم

هذه قصيده عاتبت فيها البحر بدموع الغدر اتمنى انها تنال اعجابكم

الغدر !؟

يابحر انا جيتك و انـا كلي احسـاس

من شـان اسلي خاطر ٍ فيك مـفتـون

لـكن على جـالك تلاحقت الانـفــاس

من عبرة ٍ بالعين لا شفــتك تمـــون

طاحت على خدي وانا رافع الراس

ماكنت احسب الدمع في قربك يهون

لاهاج مـوج اطرافك ايـهـب نسـناس

يكشف خفـايا القلب مـع هجعة الكون

حاولت اخبي حسرتي مااقـدر احتاس

يانــعنـبو موجـك تراء يفضح عيون

وانا الذي في الصدر مليون هوجاس

تكفي دخيلك تــعرف اشـلـون مليـون

يعني فسيح الكون في حـجم قرطـاس

يابحر شوف اللون وحكم على اللـون

الحال ناحل والـجفــن يـشرح الــباس

ضايق خفـوق و هــمي اليـوم مسجون

بسباب غرو ٍ يحـسب الـحب نـوماس

مايـدري ان الــحب مآسـآه و جــنـون

ياخـذ نــواة ٍ كــنـها قــطــعـة الــمـاس

أخــر هــمـومـه مثــل مـايكون بيـكون

لأجـيت يـمــه و الـولــه مـــاله قيــاس

ارجع وانـا في ظلــمـة الـدرب مـغـبون

كـسر الخواطـر كنـهــا كسرة الـكـاس

حسبي علــيــه ان كان حـمـلني شجون

يابــحر مات كــليب مــن غـدر جساس

ما مات قلب الصدق لو صــابه طــعون

كــذاب مـــن قــال البحر يــغدر الـناس

الـــغــدر واللــه صاحبـك لانوى يخون

http://www.youtube.com/watch?v=P4_fTF_bViI

......

اخوكم/ عبدالله المديري

A L 7 Z N · #2 28/09/2010, 12:10 AM

إقتباس


	لأجـيت يـمــه و الـولــه مـــاله قيــاس ارجع وانـا في ظلــمـة الـدرب مـغـبون كـسر الخواطـر كنـهــا كسرة الـكـاس حسبي علــيــه ان كان حـمـلني شجون يابــحر مات كــليب مــن غـدر جساس ما مات قلب الصدق لو صــابه طــعون كــذاب مـــن قــال البحر يــغدر الـناس الـــغــدر واللــه صاحبـك لانوى يخون

يالللللله ابداع وربي
كسر الخواطر كنها كسرة الكاس
صدقت وربي
وبالنسبة للقصيدة الصوتيه
حلو الالقاء بس صوتك عالي مره
ولو حطيت صدى كان طلع احلى
بإنتظار جديدك

мιѕѕ ∂ισя · #3 28/09/2010, 01:52 AM

مـــــآآآ شاء الله عليك يـــ عبدالله مبدع وربي
أتمنى لك التوفيق.. قواك الله وصح لسانك
بــإنتـــ ظ ـــار جــديدك..

عماد العنزي · #4 28/09/2010, 01:29 PM

صح لسانك عووووووووووووووووووافي

м̶я.źєźǿ»20» · #5 28/09/2010, 02:05 PM

ادق التحيه لششخصك ، ، قصيده ولا ارووع يابعدي ،

وصح لسسانك ولا تحرمنااا من القصايد الجميله ،

بس بصرااحه انت كاتبه ولا فاشخه من عمو قوقل < مزوح

تحيـأإتي لك ،

نـــــــــواف · #6 29/09/2010, 02:52 PM

صح لسانك يالغلا ولاتحرمنا من كل جديد

والف شكر لك

هلالي المنار · #7 29/09/2010, 02:54 PM

ماشاء الله عليك اخي عبدالله مبدع وربي

وصح لسانك

شاعر كبير كما عهدناك ,,

اخي عبدالله ,,

واصل ابداعك ,,

ونحن بإنتظار جديدك ,,

اتمنى لك التوفيق دوما ,,

تحياتي ,,

عبدالله المديري · #8 08/10/2010, 10:13 PM

الله يعطيكم الف الف عافيه لاهنت ُ على المرور الغالي