|
الصرامي !! صاحي او يستهبل ياناس !!! ياعالم ياناس الصرامي انهبل !! او صاير عليه حادث وجايته ضربه براسه !! الرجال انفصخ عقله !! الهلال لعب فيه لعب وصاير يهذري بالزعيم حتى بالصلاه !! استغفر الله من بعد سالفه ان عضوهلالي دخل على الحكام يوم مباراه الشباب وهددهم والمهنا شاهد !! اليوم طلع لنا بسالفه اصابه السهلاوي !!!! وان عضو شرف هلالي داخل الوحده هو سبب الاصابه !!! يقصد عبدالله بن سعد مرشح الوحده القادم هو من جعل اميدو بتحريض منه على اصابه السهلاوي !!! المدعو الصرامي محصل ارض خصبه بعقول النصراويين يلعب عليهم !!! المهم مافيه احد هلالي يوقف هاذا المعتووه عند حده !! انا اطالب عضو شرفنا ورئيس الوحده القادم ان يرفع دعوى ضد اتهام هاذا المعتوه وكلن ياخذ حقه !! الصرامي لابد ان يتادب بالطيب بالغصب لازم يوقفونه ويعرف ان الله حق !! يقولون البعير مايدري عن القراد يالصرامي !! الوكاد انه انهبل وبس !! كل مصيبه يقول الهلال اخاف ينفصل الكهرب عن بيته ويقول عضو شرف هلالي جد شر البليه ياصرامي مايضحك !!!! |
يـآ رجـآل ريـح رآســك ... شكلك جديد على الساحه الرياضيه ، ( السعوديه ) صارت إتهامات ، اقوى واقوى من كذا ، ما بعد ( كلمة عميد الخبال ، ) يوم ذكر في آحد البرامج السخيفه ، [ ولو كان آمير ..! ] ويقصد ، سلطان الرياضه / سلطان بن فهد يعني ، الي يصدر من الصرامي ، مجرد ( تفريغ الحقد المدخر من سنين عجاف ) فـ ما يذكره ، من هاءات سخيفه ، هو دافع لنا لـ الرد عليه بـ المستطيل الاخضر آتمنى ، منك يـ الغالي تتعود على هـ التصاريح الي زي كذا ، موفـق ، |
اصبر لهم شووي ويقوولن الهلال هو الي جايب زنقا و اجانبهم الدايخين ما تدري وش يبوون يسكتون جمهورهم فيه... |
باللهي عليك اخووي وين تكلم هذا المعتوووه ؟؟؟ |
وش ها الموضوع اتمني اغلاقه فكونا من الفرق الاخري والكتاب والصحفيين وخلونا بهلالنا |
تكلم بجريده اللكترونيه اسمها سبورت السعوديه صحيفه معفنه !! الله لايبارك بالساعه اللي قريتها فيه تحارب الهلال بقووه له تصريح قذر مرره !! لابد من الامير الهلالي الوحداوي ان يرفع قضيه عليه ضروري علشان يتادب صرامي بيه !! |
متى ...و أين ذكرها وهل يوجد مقطع اتمنى ان تفيدني فيه أخي العزيز |
انسان سخيف جدا حقود وكريه وش تبي فيه خلوكم بنادي القرن الله يوفقهم ان شاء الله |
زعيم ليش يغلق الموضوع !!! غريبه امركم الصحفي سب الهلال واتهم رجاله بكلام غبي وبهتان وزور !! وانت مو عاجبك مطالبتنا بوقف الصرامي عند حده !! فيه مواضيع واجد تتكلم عن الهلال رح استفد منها وخلنا بموضوعنا واذا ماعجبك لاترد ابرك |
من جدك أنت شكلك أول مره تشوفه على كثر ما شفت أعلاميين فقراويه أغبياء بس واحد بكميه الغباء اللي عند الصرامي ما شفت هذا أنسان مخرف ما يدري وش يقول الحمدلله والشكر تابعه وبتشوف كل كلمه والثانيه موامره من الهلال والنصر تحاك ضده موامره ويتزعمها الأعلام الهلالي ليس على المجنون حرج أنا ما ألومه لأن ما عنده عقل أنا ألوم الدلوخ اللي يلتقون معه |
لاتنقلون كتابات هذا الشخص لان بكذا تعطونه اكبر من حجمه وترا النصراويين انفسهم ينعتونه بالمعتوه الله لايبلانا |
وش ها الموضوع اتمني اغلاقه فكونا من الفرق الاخري والكتاب والصحفيين وخلونا بهلالنا خلونا في حالنا |
هههههههههههههههههههههههههههههه |
انسان مريض طول عمره مالنا الاالدعاء له بالشفاء من مرض الهلال |
سبورت- الرياض: استغرب الكاتب الرياض المعروف سعود الصرامي العنف والخشونة المبالغ فيها التي كان عليها لاعبو الوحدة والتي نتج عنها إصابة عنيفة للهداف النصراوي محمد السهلاوي أخرجته من الملعب بعد دقيقة واحدة فقط كما وصلت الخشونة الواحداوية إلى احمد الدوخي الذي شاهدناه ينزف بغزارة بعد تعرضه للضرب من أحد لاعبي الوحدة وسط مباركة من الحكم مطرف القحطاني الذي لم يوفق في إدارة اللقاء. وطالب الصرامي من لجنة الانضباط بالاتحاد السعودي لكرة القدم بإصدار أشد العقوبات على جزاري استاد الملك فهد الدولي وفي مقدمتهم سليمان اميدو الذي شاهد الجميع دخوله العنيف والوحشي على اللاعب الخلوق محمد السهلاوي. وأضاف الصرامي أنه لم يجد مبرراً للخشونة الوحداوية غير المعتادة وان التفسير الوحيد لذلك قد يكون تواجد أحد أعضاء شرف نادي الهلال داخل الكيان الوحداوي منقول من سبورت السعوديه الإلكترونيه |
| الوقت المعتمد في المنتدى بتوقيت جرينتش +3.
الوقت الان » 12:12 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd