رادوي لاتشوفك عيني...راشد الرهيب: أنا اعشق الهلال وأعشق ياسر
 

السلام عليكم ورحمة الله وبركاته معشر الزعماء


لأ أعلم أن كان رادوي سيذهب للرومانيا قبل او بعد مباراة الاتفاق سواء سيذهب ام لن يذهب لكن نريد ان لا يتم اشراك رادوي في المباراه ويلعب الهلال بنفس تشكيلته الذي سيلعب بها امام ذوب اهن اصفهان الايراني لكي نضمن الاستقرار ونتطمن على التشكيله يعني يلعب بهذه التشكيله::




العتيبي


الزوري المرشدي هوساوي لي يونق




البرقان الغنام


(الفريدي) المحياني الشلهوب ويليهمسون


ياسر

وأتمنى من الجمهور الكبير الحضور ومؤازرة الفريق امام الاتفاق وهذا ليس مستغربآ على جمهور الزعيم...







راشد الرهيب::



قابلت هذا الشخص في ليلة العيد ولم أرد ان أكتب الموضوع في ذلك الوقت قبل مباراة الغرافه لأن الجمهور منشغلين بمباراة الغرافه بما انها تعتبر ديربي خليجي والمنافسه فيها على أشدها....


قابلته في مغسلة سيارات (اغسل سيارتي يقال لي كشخه) وطلع هو راعي المغسله وقعدت اسولف معه شوي بعطيكم المختصر المفيد..


أنا: هلا راشد كيف الحال

راشد: هلا اخوي حياك ( وكان في غاية الاحترام صراحة)

أنا: وينك لانشوفك تلعب مع الاتفاق وسمعنا انك بتنتقل للاتحاد وش الموضوع بالضبط

راشد: انا الان مصاب في الركبه وبأذن الله اسبوعين وأرجع للملاعب وبالنسبه للاتحاد ادارة الاتفاق طلبت خمسه مليون وانا طلبت مليون وخمسمية الف تقريبآ << أو مليونين (نسيت بالضبط) ولكن ادارة الاتحاد رفضت المبلغ..

أنا: طيب راشد قبل عدة مواسم شفنا تنافس بين الاتحاد والهلال على ضمك وليش اخترت الاتحاد.

راشد: شوف حبيبي انا ميولي هلاليه(هو مايدري للحين اني هلالي) وابي الهلال لأن ادارة الهلال مستحيل تهضم حقك او تأخر رواتبك وميولي الهلاليه تجبرني على ذلك بس قدر الله ورحت للاتحاد لأن عرضهم كان افضل والاداره فضلت ذلك اما بالنسبه لي لو الهلال يبيني والله اروح بدون اي مبلغ يعني يعطون ادارة الاتفاق حقهم وانا اجي ببلاش << والله انه قالها بالحرف الواحد..

أنا: طيب راشد انت تقول ميولك هلاليه وتجي الهلال لو ببلاش وأنك تبي الهلال ليه تهاوشت مع ياسر وصار بينكم مناوشات الموسم الماضي


راشد: شوف حبيبي انا بالعكس اعشق ياسر لكن انا راقبته واقسم بالله ماكنت اقصد شي لكن الوضع تتطور بدخول محمد نور بقوه على ياسر ولو تلاحظ أني سحبت نفسي ومافعلت اي شي وبالنسبه لياسر انا اتصلت عليه شخصيآ بعد المباراه واعتذرت منه وقلت له الحركه غير مقصوده وانا من المعجبين بياسر وأعشق لعبه

أنا: يعطيك العافيه ياراشد وان شاء الله نشوفك في الهلال


راشد: الله يعافيك وصدقني هذي أمنية حياتي العب في الهلال ويشجعني جمهوره الكبير ( طبعآ قال كذا يوم درى أني هلالي :)



يأخوان هذا الموضوع اللي صار بيني وبين راشد وأتمنى اشوف راشد في الانتقالات الشتويه مع الهلال أو الموسم القادم لأنه ظهير ايمن متمكن وراح نعوض لي يونق بلاعب مهاجم أجنبي على طراز عالي..



أول مره أكتب موضوع في حياتي اذا فيه أخطاء املائيه أو عدم تسلسل الافكار اعذروني يازعماء



والله على ما أقول شهيد

سلامتك راشد الرهيب يحب الاتحاد
وانا اعرف قريبه زين وهو بلغني بهذا الخبر وهو يبغى الاتحاد وقد طلع في روم الاتحاد وقال انه مستعد
انتقل الى الاتحاد لحبه بهذا النادي.
لكن بس بعد ماصفوه الاداره الاتحاديه وماوقعوا معاه عشان ماعندهم دراهم صار يدور مصلحته.
وعلى فكره جاه عرض من اميرنا وفريقنا معسكر بالنمسا ورفضوه وقال ابغى الاتحاد لا وازيدك راح جده عشان يوقع العقد ومدرب الاتحاد قال ماحتاجه عندي ظهير فصرفوا الاداره النظر عنه بالاضافه الى غلاء سعره.
شوف ياسر يوم جاه عرض الهلال وش سوى.. عكس الرهيب يوم جاه عرض الهلال..شفت الفرق بين اللي يضحي ويصر على حب الزعيم وبين اللي يدور مصلحته ..تبغى تتاكد روحله المغسله هههههه امزح معاك بس انا متاكد
مع كامل التحيه والتقدير

خله يمرح في الأتفاق ولا حنا في حاجته ولا في حاجة النوعياات ذي ,,

معرووووووووووووفه
 

شكرا على الموضوع ياعزيزي ومغسلة راشد الرهيب هذي معروفه بالدمام بشارع الظغط العالي محطة الدريس صح ثانيا تقولي نشيل لي يونج بيو ونجيب راشد الرهيب لالالالا والف لا واكثر الاعضاء هنا يوافقني الراي مهاجمين خلاص عندنا اربعه ياسر وعيسى والجيزاني وفيصل الجمعان وبعدين هوه على كلامه مصاب في الركبه يعني مستواه وعائه بيقل في المستقبل تحياتي لك ولاعاد اسمع سيرة نشيل لي يونج بيو لو سمحت
تحياتي لك وبالتوفيق للزعيم الهلالي يااااااارب

لاعب عادي جدا
ونامي افضل منه

راشد لاعب كبير ولا يختلف عليه اثنين وهو الظهير الافضل من السعودين والله معجب بهذا الاعب وتمني ينتقل للهلال

وصدقني كل لعيبه الاندية يتمنون الهلال لشعبية الكبيرة مو زى فريق المسيار قلة ادب وعدم احترام


والف سلامة راشد ومايشوف شر

احس وراه مصلحه من هذا الحكي والي يشوف حركته بياسر مايقول عاشق للهلال بس يدور مصلحه لان الاتفاف يبي يزفه بعد كم يوم لانه محتاج فلووووووس قال ادور مصلحتي والله اعلم

شكرا لك و له ، و أخبره أن الهلال لا يحتاجه و لن يحتاجه بحول الله ، و ليذهب إلى إتي لحالو أو ليبقى في فريقه ..!!

الله يقدم اللي فيه الخير للهلال
وانا اشوفه لاعب ممتاز بس فيه اللي افضل منه
كل التوفيق له ولهلالناا

انا من بعد حركته العام طاااااااااح من عيني مسوين مجزرره لا وبعد هواش زعزعو فريقنا ينقال انهم بجده عند حبايبه فسبحان الله كرهته ولا وش يدريك انه قال لجماهير الاتحاد انا اتحادي واعشق مهمد نور وهذا مو تكذيب لشخصك حشى بس تكذيب له

اتمنى عبدالله الأسطا
بدل الرهيب

لو يفاوضه نادي الفقر بيقول اعشق النصر وخبيلان
وسبق وقال انه يعشق الاتشاد وقبلهم الاتفاق ، والان يظهر انه هلالي
بعض الاعبين اذكيا ويبون يكسبون جماهير من كل الانديه

الرهيب لاعب بـ مستوى نآإمي بالضبـط ، الا نامي افضل منه قليل اصاباتَ ،

والهلال مو بحاجة الرهيب موجود يحيى الكعبي و للحين ما اعطي الفرصـه