معآآنآتي في نقل الرقم الى موبايلي مساكم الله بالخير جميعاً .. يا اخوااان انا قدمت طلب نقل رقمي الى موبايلي من 4 شهور تقريباً و اجدد في الطلب تقريباً كل اسبووع :( و دائماً الطلب ينرفض كلمت الاتصالات قالو ما في سبب حتى نرفض الطلب و كلمت موبايلي قالو الرفض يجي من الاتصالات .. و ما ادري اي منهم صادق .. المهم اليوم رحت لـ موبايلي و جددت الطلب و قالي الموضف انصحك انك ترسل شكوى لـ هيئة الاتصالات << الموضف عرفني من كثر ما اجيه و رحت لـ الاتصالات و قالو ارفع شكوى لـ هيئة الاتصالات انا من هنا قلت ما لها الى زعمائها و تكوون الحل |
نفس المشكله حصلت معي بس جدد طلب التحويل ورح الهيئة الاتصالات وقدم عليهم شكوى وسوف يتم التحويل خلال 24 ساعه |
ارفع طلب لهيئة الاتصالات هذا الحل الوحيد |
^^ طيب يا اخواان كيف ارفع لهم طلب و وش الشروط اللازمحتى ارفع الطلب |
الوزارة وزارة الاتصالات وتقنية المعلومات 4634444 6473200 8265555 8240000 5741611 7328900 الرياض جدة الدمام المدينة مكة الطائف اتصل عليهم وراح يفيدونك ان شاء الله |
يا لبى رووحك يا شيخ الف الف شكر لك يا غآآلي |
ارفع شكوي لهيئه الاتصالات هذي ارقامهم 014618022 014618112 014618000 اعتقد الاخير رقم فاكس بس منب متأكد المطلوب اكتب بياناتك على ورقه ثم شكواك وارفق صورة الهويه وارسله لهم عالفاكس وبعد ما ترسلها بالفاكس اتصل عليهم علشان اتأكد على الموظف والله يعينك على مسكة الخط تحياتي... |
انا من شهر 2 ميلادي وانا احاول انقل الرقم طبعا ما بين مشاغل و كسل كنت ما اتابع الطلب بشكل جاد لكن من بعد اجازه العيد وانا ناشب لهب بشكل يومي كل يوم اروح لموبايلي احدث الطلب و يوم السبت الماضي رحت لموقع هيئه الاتصالات في الرياض و قدمت شكوى وطبعا هيئة الاتصالات تقول لك احنا جهه اشرافيه وفيه ناس قدموا علينا و صار لهم اكثر من 4 اشهر ما انتقل الرقم و يقولون لك اللي نقدر نسويه نتابع طلبك و بعد 6 ايام نغرم شركة الاتصالات المهم اخوي ادخدل على موقع هيئة الاتصالات و اطبع نموذج الشكوى الموجود و حاول تكتب المشكله بالتفصيل و اذا تذكر تواريخ اكتببها وبعدها ارسلها مع صوره هويتك على الفاكس هذا فاكس:014618033 و من بكره الصبح احرق هذا الرقم 014618022 الموظف يرد عليه بعد خمس او ست اتصالات متكرره وفي كل اتصال طول الى ما يفصل يعني بالعربي ازعجه ولما يرد عليك تاكد ان شكوتك وصلت سجلت في النظام عندهم الموظف ببيقول لك بعد يومين كلمنا او يقول لك حدث طلب التحويل من موبايليل قبل الساعه 11 الصبح بعدها الموظف يقول لك كلمنا بعد يومين و بيفيدك بان معامله التحويل تاخذ 6 ايام و اذا ما تحول الرقم هم يغرمون شركة الاتصالات انا الحين صار لي اسبوعين شغلي الشاغل تحويل رقمي و بستقعد لهم الى ما يتم باذن الله او الغي رقمي و الارقام اللي تابعه لاسمي معاهم ومن ضمنها رقم زوجتي و اولادي و ثابت البيت و اشترك في موبايلي باقة الموج الازرق بس انا بشوف اخرتها معهم و الوعد قبل اجازه عيد الاضحى والحمدالله موقع عملي قريب من هيئة الاتصالات و مكتب موبايلي لا تنسونا من دعواتكم واخوي اي استفسار تبيه راسلني على الخاص اخوك شبيه الـــريـــح |
اتصل على هيئة الاتصالات او ارسل لي رقمك خاااص وابشر بسعدك |
يعطيكم الف عافيه و انا قايل انكم قدها على العموم انا الان برسل رقمي للاخ ثنياني و كل ثقه فيه و اذا ما ضبط ان شاء الله ارسل شكوى على فاكس الهيئة |
ارسلت الرقم على الخاص اللي في هيئة الاتصالات لما ازعجته قال لي يوم الاحد اذا ما تحول رقمك كلمنا يوم الاثنين و ما عندي الا الصبر مشكور اخوي مقدما على استعدادك لمساعدتنا |
للأسف اخواني ان الطلبات التي يتم الغائها عن طريق الاتصالات السعودية المنقولة لموبايلي الرد توماتيكي يأتي على اي طلب فيه تحويل يعني اي طلب من تحويل من الاتصالات لموبايلي يتم الرد تلقائي من نظام الاتصالات على الطلب بان العميل لديه فواتير او العميل جواله مفصول او العميل عنده مديونية او اي عذر ..... خويي له 5 شهور وهو رايح جاي رايح جاي ..... وما اقول الا حسبي الله ونعم الوكيل على هالاتصالات الزفت ..... وابشركم انا نقلت رقمي لي قرابة السنة ..... |
أتوقع أفدوك الي فوق , وذا تبي أقولك أي شي أنا حآظر , |
UP اتمنى الحل يا اخوان ... |
اخوي لازم يكون عندك صبر و تتحمل اجراءاتهم التعيسه انا مثلا من اول يوم عمل بعد اجازه العيد بتاريخ 18/9/2010 سويت طلب تحويل و من بكره الاتصالات ترد بان الخط خارج الخدمه وعلى العميل مراجعه stc استمريت اسبوع كامل كل يوم اسوي طلب و من بكره هم يلغونه و بعدها باسبوع رحت لهيئة الاتصالات و قالوا لي سوي طلب تحويل جديد قبل الساعه 11 وبعد يومين اذا ما تحول كلمنا وطبعا ما تحول و كلمتهم و قالوا لي سوي طلب جديد و بعد يومين كلمنا و اخرتها اليوم قالوا سوي طلب اليوم جديد وكلمنا ولما كلمتهم قالوا خلاص بنتابع الموضوع و يوم الاربعاء بعد الظهر كلمنا و الموظف اللي في هيئة الاتصالات يقول توك بدري فيه غيرك صار لهم 4 اشهر ما تحول رقمهم تخيل في خلال 20 يوم و صلت طلبات التحويل على رقمي تقريبا 8 طلبات وبدون فايده و موظف هيئة الاتصالات فالح بس يقول احنا بعد 6 ايام من طلبك نغرم stc تخيل دافع لهم مبلغ اكثر من 150 ريال زياده كله عشان افتك منهم ومافيه فايده عشان كذا اذا ما تتحمل اسلوبهم اصدر لك خط جديد وهذا انا بصبر اسبوعين لو ما تحول الرقم بروح لمكتب stc و بالغي رقمي و رقم زوجتي و اخواني و بطلع ارقام جديده على باقة الموج الازرق اصلا لو stc شافت الناس تلغي ارقامهم لما تسوي معهم حركات سخيفه كان تادبت لكن هي لما تلغي التحويل و تشوف العالم تستمر معاها تقول نجحت الخطه و اكيد طفش و الاخ ثنياني وعدنا خير و ان شاء الله ما يقصر معليش اخوي على الاطاله لكن حبيت انقل لك جزء من معاناتي اخوك شبيه الـــريـــح --------------------------- اضافه عقبالك اخوي اليوم الظهر تحول الرقم لكن بصراحه بمجهود من الشباب واحد في الاتصالات و الثاني في موبايلي اللي في موبايلي يفتح طلب تحويل جديد واللي في الاتصالات يسابق الوقت عشان لا يتقفل بشكل تلقائي يعني بالعربي واحد كان يثبت و الثاني يشوت وفي الاخير تم التحويل و كمان ما انسى اهتمام الاخ ثنياني لانه كلمني بعد ما انتهاء التحويل وعقبالك اخوي و بالتوفيق للزعيم و الزعماء اخوك شبيه الــريـــح |
الوقت المعتمد في المنتدى بتوقيت جرينتش +3.
الوقت الان » 12:24 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd