السسسلام علييييكم ورحمة الله وبركااااته ...... مساءكم / صباحكم ...سوووكر




* لفت نظري في اكثر من مرره رغبة الجمهور الهلالي ( جمهور الرياض) في اقامة مباراة الهلال

والاتفاق على ملعب الملز .. بدلاً من ملعب الملك فهد ... وحجتهم ان استاد الملك فهد بعيد عن

الجماهير .. بعكس الملز اللي يقع بالمنتصف وقريب جداً من الجماهيرر .. وانا بصراحه اوافقهم

في النقطه هذي ولكن .. السؤال اللي يطرح نفسه : لو المباراه راح تقام في استاد الملك فهد راح

تحضروون والا بتقولون ماحنا حاضرين ... ومن قال لهم يحطوها بالاستاد؟؟؟

انا بصراحه مااحسه عذر مقنع لعدم الحضور .. والاسباب كلنا نعرفها ... وراح اسردها لكم بالتفصيل






أولاً: حب الهلال فوق أي اعتبار .. يلعب في الرياض والا في الغربيه والا الشرقيه والا الشمال

والا الجنوووب ... الهلال حبه ماراح نختلف عليه .. تشجيعنا ماراح يختلف .. حضورنا

ماراح يختلف .. ولازم نكون خلفه بكل مكان وكل زماااااااااااااان





ثانياً: الهلال يمر بمرحلة مهمه ... ممكن من 10 سنوات مامر فيها .. فريق متأهل لنصف نهائي

آسيا ... بالدوري لعب 4 مباريات كلها فوووز ولله الحمد .. ومباراة الجمعه امام الاتفاق راح

تكون الخامسه .. وبمشيئة الله اولا ثم حضورنا ومساندتنا راح يكون الانتصار الخامس

ويواصل حصد النقاط والعلامه الكامله ..






ثالثاً : الهلال كان في قمة عطاءه .. ومستواه كان جدا ممتاز ... بس كلنا شفنا مباراة الغرافه

كيف تعرض الفريق لهزه قويه ولكن الأهم وهو التأهل .. حصلنا عليه .. عشان كذا

اللاعبين منتظرين مننا مساندتهم عشان يقدروا يبدأو التصحيح لأخطاء مباراة الغرافه

واللاعبين في مباراة الاتفاق والله محتاجين وقفتنا اكثر من أي مباراه اخرى .. يااخوان

كلنا زعلانيين من اللي صار .. وكلنا عتبانين على نجومنا .. بس هذا مايعني اننا نجلس

ببيوتنا ... ونتخلى عن دعمهم ومساندتهم في مشوارهم بالدوري والآسيويه ..






رابعاً : مباراة الاتفاق .. هي اللي راح تعطي نجومنا دافع قوي وراح تهيئهم لمفابلة ذوب آهن

اصفهااان الايراني ... لو اللاعبين شافوا حضورنا ومساندتنا لهم بالملعب راح يشعروا

بتحمل مسؤؤليه ... وراح يحاولوا يصححو الصوره بقدر مايستطيعون .. ورجالنا

كلنا نعرفهم وواثقين من امكاناتهم ... ولازم نحضررر لهم ونجدد الثقه فيهم ..







خامساً : كلنا نعرف الحقد والكراهيه لنا من قبل الجماهير الأخرى ... ممكن يجي واحد ويقول

: يااخي احنا مالنا دخل فيهم خليهم يحقدو علينا بكيفهم ... وبصراحه معاه حق اللي يقول

هالكلام ولكن .. اللي اقصده .. اننا لازم نشجع فريقنا .. ومانخلي أحد يشمت فينا

والله ياخوان في ناس اعرفهم يقولوا يااارب الهلال مايحقق الآسيويه .. ويمكن انتو

كمان سمعتو الشي هذا ... وانا متأكد كل الكتاب والجماهير اصحاب الميول المضاده للزعيم

منتظرين ( هزيمة الزعيم ) لاقدر الله عشان يشنو هجومهم ويتشفوو فينا .. واحنا ماراح

نسمح لهم .. وراح نرد عليهم بحضورنا .. ومؤازرتنا من داخل الملعب قبل خارجه ..







سادساً : لحد يجيني يوم الجمعه ويقول انا طالب ومااقدر اروح الملعب .. واللي يقول وراي دوام

السبت راح اقول له .... المباراه تبدأ الساعه 8,5 .. يعني راح تنتهي 10 إلا شوي ..

يعني اقل من ساعه وانت ببيتكم لو انك بآخر الرياض .. وبعدين اتحدى احد فيكم وقت الدوام

ينام قبل الساعه 12 .. وحتى لو في احد ينام 11 مثلا .. المباراه تنتهي 10 إلا شوي ..

وحط ببالك ساعه للبيت .. يعني الساعه 11 وانت ببيتكم .. ونااام براحتك ونوم العوااافي ..



سابعاً : اللي يشوف في حضوره للملعب صعووبه .. ترى انا وولد عمي جايين من مكه لعيوون الزعيم

.. وتخيلوو نحضر المباراه الجمعه ان شاءالله ... وبعد المباراه مباشره راح نمشي بسيارتنا بر

عشان صباح السبت عندنا دوواااام ... تخيلوو ؟؟ يعني الواحد يشتكي من الدوام وهو ساكن بالرياض

واحنا بنحضر من آخر الدنيا ونقطع مسافة فوق 1000 كيلووو لعيون الزعيم ونلحق على دوام

السبت ان شاءالله .. اعتقد مافي احد معذووور يوم الجمعه .. وكله لعيون الزعيم والله





ثامناً : انا مااقول كلامي هذا عشان احد منكم يثني على حضورنا والا يعطينا كم كلمة اطراء

لا والله ... بس والله العظيم اتمنى اشوف الملعب فل ... ونواصل الدعم لنجوومنا

بالملعب وخارجه .. ونحسسهم اننا معاهم بكل وقت وكل مكان .. وماراح نتخلى عنهم

وبإذن الله آسيا والدوري راح تكون من نصيبنااا


تاسعاً : موعدنا يوم الخميس ان شاءالله .. اول ماتطرح التذاكر للبيع راح اشتريها ان شاءالله

وراح تشوفون موضوعي مرفق معاه صور التذاااكر .. وتكفووووووون ياشعب الهلااال

الموعد الجمعه .. بالملز او بإستاد الملك فهد . او المريخ ... حاضرين حاضرين ان شاءالله

والله يوفق زعيمنا .. وينصره على كل اعداءه والمتربصين فيه .. ]







باقي كم نقطه بس احس اني (فلسعت ونسيتها ) ... واذا تذكرتها راح تشوفوها

بموضوع الخميس ان شاءالله ....... تقبلوو تحياااتي ودمتم بزعاااااااااااااامه