مشاهدات من الرحله واللقاء
* دخلنا للمنفذ وانا لابس تي شيرت الهلال مع اني كنت متخوف من ردة فعلهم شوي خخخخخخخخ
بس على ماأعتقد الغرافه ماله جماهير وقابلنا واحد من الموظفين سداوي
وريشت بالسد وقلت فريقي في قطر << فيه أكذب
قال المباراة بتكون حلوه وبالتوفيق
*طبعاً مرينا الملعب اول مادخلنا على الساعه 8 الصبح تقريباً يوم الإربعاء وكنت اقول لخويي ماناخذ إلا أم 50 ريال مانبي ورى المرمى
لقينا شباك التذاكر مفتوح وفيه عدد قليل من جماهير الهلال وتخيلوا ماكان فيه تذاكر إلا أم 50 هههههههههههه
يقول اللي ورى المرمى خلصت تماماً
*مادورنا كثير في السكن ولقينا فندق غويلي وبنفس الوقت عادي
توكلنا على الله وسكنّا فيه
وأحد موظفين الفندق دقيتها سواليف معه وهو نيجيري يالبى قلبه حبيب جداً
اول ماشافني قعد يتهجأ اسم الهلال من الشعار اللي لابسه
واذكر انه اخطأ فيه وعدلت له قلت الهلال هههههههههههه
بعدين قال عندكم مباراة اليوم صح ؟
قلت له ايه وجايين على شانها
بعدين قلت هذا أكبر فريق في قارة آسيا
قال أعرف << احسه سلك لي هههههههههههه
حتى والله بعد مارجعنا الليل سألني وشكله متحمس
يقول هاه بشر فزتوا ؟
قلت له الهلال دائماً يفوز (وجه يقهر )
نجي للمباراة
*للأسف دخلنا الملعب متأخرين شوي يعني على أذان المغرب تقريباً
الا الكراسي فل في الدرجه الأولى
*اضطريت انا وخويي نشوف الشوط الأول كامل وحنا واقفين
طبعاً المباراة بدت وبخطأ حسن خيرات حسيت بعدها بنجيب العيد فعلاً
واشوف الأهداف ورى بعض خاصة بعد الثالث والفاول كان قدامنا واضح ان الغنام شايل الكوره
وقلت الله يستر الا كملها العتيبي وهو يتفرج
تخيلوا اناظر المباراة وانا احترق مامرت علي لحظات مثل كذا في الملاعب أبداً
مثل هالمره والله اني أعض على براطمي من الداخل ( وجه أخضر )
لا إرادياً وتصب دم
*لفت نظري واحد من الجماهير بين الشوطين يصارخ بأعلى صوته ويقول انزل ياسامي انزل ياسامي
وأقول في نفسي صدقت والله يالبى أبو عبدالله بس
*الشوط الثاني حالتنا صعبه وقررنا نروح ورى المرمى عالأقل نجلس ونريح
وفي الأشواط الإضافيه والله حالتين إغماء صارت قريب من عندي وواحد منهم شفته قدامي
خاصة بعد الهدف الرابع للأسف
كان الوضع مزري جداً مامر علي مثل كذا أبداً خخخخخخخخ
خويي يقول بعد المباراة للرياض على طول
وفيه بعض الجماهير تطلع
بس اعجبني واحد واقف يصارخ ويقول لا أحد يطلع
*الا يجي هدف ياسر
والفرحه الهستيريه
للجماهير وبعدها سكتت جماهير الغرافه بعد ماكانت فرحانه وتغني
* طبعاً لا بد من اهزوجة ياسر رددوها عدة مرات
* الهدف الثاني عيسى المحياني بصراحه كنت اتوقع هو هدف الحسم
ماكنت أدري ان هدف ياسر لحاله يأهلنا
انا قمت أصارخ صراخ عظيم جداً وأشوف واحد مانعرفه جاي عند خويي
بعدين جاء عندي وخميته وكلنا نصارخ ههههههههههههه
بعدها حسيت فعلاً ان صوتي راح وفعلاً كنت ماأقدر أتكلم إلى يوم الأحد بداأ يتحسن الصوت
( فداك صوتي يازعيم (
طلعنا من الملعب نحمد الله ونشكره وبنفس الوقت أحس كأنه حلم*
كانت المباراة رايحه رايحه لكن فجأه كل شي تحول لصالحنا
الحمدلله وان شاء الله نلتقي بتغطيات نهائي البطوله << ايه هين خخخخخخخخ