23/09/2010, 05:12 PM
|
زعيــم متواصــل | | تاريخ التسجيل: 15/09/2010 المكان: الرياض
مشاركات: 165
| |
اللي جاب لنا الفوز الدعاء والاستغفار+علي كفارة يمين+ الحمدلله استجاب الدعاء على الحكم السلام عليكم ورحمة الله وبركاته
احبائي جمهور الزعيم العظيم
الف مبرووووووووووووك فوزالهلال
مدري ابارك ولااهني بسلامة المصابين من الجماهير ومحبي الزعيم للي تعرضوا للاغماء
قسم بالله شي عجيب
لكن لاغريب ولاعجيب الاالشيطان واذا الانسان التجأ لله وعرف ان ربي مايخيب تعب المجتهد
ربي يعطيه وربي بغيت اروووح فيها ماعمري انفعلت مثل كذا الامباراة الهلال والاتحاد قبل سنتين يوم سجل ياسر الهدف في آخردقيقه وخذنا الدوري وامس
المره الثانيه بس امس اشدموخوف وحزن بس امس غبنه وقهر فايزين ب3/0 وبس ننتظر تنتهي المباراةو ونحتفل
فجأة ثلاثه اهداف والله العظيم على طول طفيت التلفزيون وكسرت بيالاتنا وامي بس تدعي علي وتسمي علي
بس انا انهرت بقوه يعني لوكنت حاضره في الملعب كان تدحرجت من المدرج ومايردني االا العسكر
وجلست في الصاله لحالي واستغفر بس استغفر وانا وفيني روعه وصدمه وادعي وبين الآذان والاقامه للعشاء ادعي ودخلت المنتدى والناس تدعي والحمدلله يارب بدعاء المسلمين من امهات وجماهير للزعيم ربي حقق المراد وفاز الهلال ولا الوضع كان صعب جداااا ور بي معجزه الآهيه رغم ان الهلال فريق فوق العاده لكن مباراة امس صراحه فقدنا الامل الامن رحمة ربي لان المدرب عفس الدنيا ولخبط الفريق لكن الحمدلله بعد دخول المحياني تغير الوضع شوي طبعا انا ماراح اتكلم عن المباراة لاني الى هذه اللحظه مبعد شفت الاعاده ماشفت الا بداياتها مثل ماقلت لكم وقفلت التلفزيون الى قبل نهايتها ب15 دقبقه فتحته والحمدلله يارب
&&&&الكفارة
تدرون ليه علي كفارة يمين دخلت على اهلي في الغرفه وكانت هجمتهم وقلت اذاجا هدف رابع وقسم بالله مايتأهل الهلال
طبعا لاشعورياقمت احلف يوم خلصت المباراة و قالت الوالده ترا عليك كفارة يمين قلت انا قايلته<<
قالت ايه قلت من غير شعوري بس الحمدلله على الفوز ولعيون الزعيم بكفر ب100 ريال كفارة
&&&&الحكم عبدالملك بشير واستبداله بالحكم الاردني طبعا زي ماقلت لكم ماتبعت المباراة بس اسمع اهلي في الغرفه الثانيه واطل وارجع لصالتي
يوم بدلو الحكم كنت رايحه اطل عليهم الا ويبدلونه جتني اختي قالت جلسنا ندعي عليه مايكمل المباراة والحمدلله طلع
من خلال ماشفته الاردني احسن منه وليته من زمان تعبان استغفرالله
&&&&الدوري والكأس
انواع الحرب والمشاحنات بس بصراحه احلى حاجه فيها فيصل ابوثنين ولايهون خالدجاسم المقدم
وخليل الزياني محترم
لكن ابوثنين والله افتخربوجوده كمايفتخر جميع الهلاليين وربي بطل احب اسمع لتحليله حواراته تسكيته للمعتوه صالح الداوود ولكل من يتهجم على الزعيم
&&&&الاميرعبدالرحمن بن مساعد اعجبني برده على مدني رحيمي عندماقال له انا نحترمه وانه سمع بالي صار امس (يقصدكلام مدني على الكيكه اللي من شبكة الزعيم انها من الجنس الناعم يقصد البنات )
وعادي المرأة انذكرت في القرآن مثال ذلك امرأة فرعون وقال وحده ثانيه بعدبس ماسمعته زين
اعجبني ردالامير الرائع خلى مدني يستحي على وجهه
والله انه الرئيس المثالي الخيالي بس ياليته امس كان متواجد لانه لوخسر الهلال كان من اسباب الخساره
وجود الامير عبدالرحمن يعطينا الاطمئنان وانا في البيوت شلون اللاعبين في الملعب وجوده يمثل راحه نفسيه كبيره
طبعا مانعرف ظروف الامير عبدالرحمن بس ان شاء الله ماتكون فيه مباراة مثل امس مهمه الاوهو معنا مباراة امس كان الجميع ضامن الفوزرغم ان الرئيس والنائب واللاعبين كانوا يقولون باقي شوط ثاني لكن مهما كان احنا بشر واذادخل في شعورنا الثقه ينطفء الحماس وهذا اللي كان بيخلينا نروح ملح شوفوا لما اللاعبين حسوا ان المباراة بتروح شوفوا ايش سوووا وربي انهم زعماء يقولون ماخاب من استشار وانا اقول ماخاب من شجع الهلال
والحمدلله يارب
&&&&
تأجيل مباراة الهلال مع الاتحاد
خبر حلوو لماقريته لان الفريق ممكن يتعرض لاصابات زياده ومعروفه خشونة الاتحاديين وايضا ان شاء الله يستعيد رادوي عافيته وبقية المصابين
&&&&&الله يشفي الغنام ونيفيز ويكفي لاعبي الهلال شر الاصابات
أسأ ل الله العظيم رب العرش الكريم ان يشفي عبداللطيف الغنام وتياقو نيفيز
أسأ ل الله العظيم رب العرش الكريم ان يشفي عبداللطيف الغنام وتياقو نيفيز
أسأ ل الله العظيم رب العرش الكريم ان يشفي عبداللطيف الغنام وتياقو نيفيز
&&&&&&&&&&&&&&&&&&&&&&&&&&&&&&&&&&&&
اللهم لك الحمد والشكر على فوز الهلال ويارب انك تنصره وتجعل كأس آسيا من نصيبه
اللهم لك الحمد والشكر على فوز الهلال ويارب انك تنصره وتجعل كأس آسيا من نصيبه
اللهم لك الحمد والشكر على فوز الهلال ويارب انك تنصره وتجعل كأس آسيا من نصيبه
وآسفه على الاطاله وعلى التفصيل
اخر تعديل كان بواسطة » جوجوالهلاليه في يوم » 24/09/2010 عند الساعة » 05:25 AM |