|
:dead: هلا اخوي متعود شفت عليك غلطه بداية الموضوع الا وهي ان المنتخب صار منتخب مدرسي :mad: بالعكس منتخب المدرسه احسن هذا يسمى منتخب حواااااااااااااااااااري ...... انا ما اشتم لاعبين المنتخب بالعكس انا اتمنى انهم يجيبون معهم الكــــــأس لكن ايش نقول ؟؟؟ المــــــــدرب وهو حر يختار الي يبغى .... انا عندي ملاحظه : ليش ما تعاقد المنتخب السعودي مع المدرب يوردانيسكو ؟؟؟؟؟؟؟؟؟ مع انه كان يبغى يدرب المنتخب السعودي بــأي طريقه لكن الحظ ما اعطاه دور على العموم ماصار الا الخير والشباب انشاءلله فيهم الخير والبركه والله يوفقهم يارب.. والســـــــــــــــــــلام خـــــــــــــير ختـــــــــــــــــــــــام مجمـــــ هـلالي ـــــوعــــة |
فتى القصيم انت بس وغيرك خس من جد الشباب صارو زي جماهير الأ ندية الثانية اول كن اللي يلعب مهوب منتخبنا. تذكرون يوم تقولون واحد يكلم في قنوات رياضية ينتقد منتخبنا ويقول انا ما راح اشجع المنتخب من جد الشغلة مصخت:mad: ادارة المنتدى ارجو تحويل الماوضوع على الأقل الى منتدى المنتخب السعودي . او شوفو حل ترانا سعوديين ونحب (منتخبنا قبل كل شي). ولكن اقول تباً للمتعصبين الجاهلين الذين لا يعرفون غير تشجيع التلفزيون . هلا لي صميم انت قلت اللي في بالي والله يستر عليك. الأخوان المشرفين ابي رد منكم لو سمحتم. على فكرة ترى ما في احد في الهلال يستاهل يلعب في المنتخب عطفاً على مستواهم الميت. بالله شوفوا وش كاتب راعي الموضوع يقول انت كاس العال مهموب بمقياس لللتشكيلة:bigeek: اقول يا راعي الموضوع رح ازين وادرس ترى اختبارات النص الثاني جاية واترك الكورة ازين لك ............................................................ |
العزيز , عزيز : الحلوي .. الجنوبي .. هم نجومنا الخارقين في 2006 :confused: :confused: تحياتي لك .. ====================== هلالي صميم ابو زياد : تسلم على الرد ومعك حق 100% التشكيلة تشكيلة تركي بن خالد .. اما المدرب فهو آخر من يعلم !! لأن ماله كم يوم جاي , ومايدري وين الله حاطه فيه !! سلام .. =========================== حبيبكم : ( انا أشهد انك حبيبنا ) .. انا معك في الراي .. لأن كل اللي شاركوا في كاس الأمير فيصل تقدر تجمعهم تحت شعار ( ما عندك أحد ) !! مشكور على مشاركتك .. ========================= Adryano : هو المنتخب يفتقد سامي بس ؟؟ المنتخب مافيه أحد .. ومنتخبنا ( من غير نجوم ) كـنـّـه .. ( لابسه من غير هدوم ) !! :razz: :razz: :razz: تحياتي .. ====================== فتى المدينة : اجل ( منتخب ايه اللي انت جاي تقول عليه ) إلا .. ( بكـسـّــر البرواز وأكيد أبنسى ) :D :D :D ومشكور .. ======================== هزار ولد ابو نزار : المشكلة ياخوي اننا اذا ماتابعنا المنتخب فالدول الثانية يتابعونه , والهزايم بتجي على روسنا وبتفضحنا ..!! يعني المنتخب فينا فينا مافيه مفر ( والله يحملـّــنا عليه الصبر ) !! لك تحياتي .. ======================== أبو ريما : اولا : مشكور على الأغنية يا ذوق ..;) ;) ثانيا: فعلا هذي بداية النهاية .. والمنتخب بهالتشكيل ( البقية في حياتك ):sad: :sad: مشكور وماقصرت .. ======================== فتى القصيم : ياهلا بالقصيم وأهله .. اشكرك واتضامن معك في مشاعرك الوطنية , وان المنتخب يهمنا كلنا , وهذا اللي خلانا نجتمع في هذا الموضوع .. وانا معك في ملاحظاتك على التشكيلة , لأنها في وادي و(الموهبة) في وادي ..!! لك التحية .. ======================== ريانة العود الهلالية : أجل ( الحلوي كارلوس العرب ) :D :D :D :D :D وتراهم بعد يقولون ان ربرتو كارلوس اذا جا يمدح نفسه ويشخـّـص قدام الاعلام الاسباني يقول لهم ( انا حلوي البرازيل ) :razz: :razz: تحياتي .. =========================== ابو الزعماء ( وعمهم بعد ) : صدقت , الخبرة عامل اساسي لنجاح اي عمل .. والمشكلة ان ادارة المنتخب تريد الغاء الخبرة نهائيا , وهذي هي الكارثة !! سلامي .. ========================= هلالي صميم : الصراحة اعجبني ردك الجميل , وافكارك المرتبة , واسلوبك الهادىء .. اولا : ــ سعيد الحربي ــ فهد الشمري ــ فيصل العبيلي ــ حمد هادي ــ سعود الخيبري ــ احمد الخير ــ محمد الفيفي ــ ياسر القحطاني أخي الحبيب هلالي صميم .. س ــ من هؤلاء ؟؟ وماذا قدموا مع انديتهم ليصبحوا ( نجوم المنتخب ) ؟ وهل ادخال كل هؤلاء دفعة واحدة امر معقول في عالم كرة القدم ؟ هل تعلم ان هؤلاء الجدد سيحصلون على الخبرة من خلال احتكاكهم مع لاعب الخبرة ( الامبراطور ) حمد المنتشري !!!! هل يرضيك ان يصل حال ( المنتخب السعودي الأول ) الى هذه الحال ؟ ثانيا : هل ترى ان اصابة عبدالله الجمعان ( الخفيفة ) هي مبرر كافي لإبعاده ؟ ثالثا : لماذا نحصر نجوم الخبرة السعوديين في خمسة هلاليين فقط .. اين عبدالله الشيحان ؟ اين سعد الدوسري ؟ اين الحسن اليامي ؟ اين خميس العويران ؟ اين مرزوق العتيبي ؟ اين حسين عبدالغني ؟ اين احمد خليل ؟ اين عبدالله سليمان ؟ اين كل هؤلاء ؟ ام ان مباراة المانيا مسحت كل شيء !! رابعا : اختيار التشكيلة الجديدة كان من خلال مباريات تحت سن 23 سنة , وهذا خطأ فادح !! لانه من السهل تجاوز اللاعب الصغير والتسجيل في مرماه .. فظهور اي تفوق ــ ان وجد ــ في المباريات السابقة لايعكس قدرتهم الحقيقية على مواجهة المنتخبات القوية الأخرى .. خامسا : كلنا نعرف ان منتخبنا لدرجة الشباب ( كلهم شباب ) ومن سنين وهو ضايع وما حقق شي !! فليست كل تشكيلة ( شابة ) سنفرح بها لمجرد انها شابة , فمن الواجب ان يقدم هؤلاء الشباب مستويات مقنعة ورائعة مع انديتهم ( أولا ) .. ثم بعد ذلك يتم اختيارهم للمنتخب , لا أن يتم اختيارهم ونترك منتخبنا ( حقل تجارب ) وندفع الثمن من سمعة بلادنا .. تحياتي وثنائي وتقديري لك على لطفك ومشاركتك الجميلة معنا .. وياهلا فيك .. ========================== المفهي : يا الله ان تحييه .. وشاكر لك دخولك ومشاركتك لك التحية .. ======================== الزعيم المستبد : هلا ومسهلا .. بطولة القارات في المكسيك ( الله لايعيدها ) .. ولاتقلب علي المواجع .. ومشكور.. ======================== مجموعة هلالي : ( منتخب الحواري ) هذي هي الحقيقة فعلا , لأن أكثرهم قبل 5 أو 6 شهور كانوا في الحواري ثم ضمتهم الأندية عشان يلعبون كاس الأمير فيصل , والآن نجوم المنتخب .. يعني ( حواري بفنايل المنتخب ) !! اما ( يوردانيسكو ) فهم ما يبونه لانه قوي شخصية .. وهم يبون مدرب ( الشور شورك طال عمرك ) !! تحياتي .. ======================== الهلالي الناقد : مشكور يالغالي على اهتمامك بالموضوع وردك عليه .. اولا : انا ماقلت ( كاس العالم مهب معيار ) انا قلت ..( هزيمة كاس العالم مهب معيار ) .. لأن هزيمة مباراة ماتخلينا نهدم كل شيء .. وشف لاعبين البرازيل اللي خسروا كاس العالم بالثلاثة عام ( 98 ) هم نفس اللاعبين ابطال العالم ( 2002 ) .. ثانيا : عندما يكون مستوى منتخبنا دون الطموحات , فالحل لايكون بالاستغناء عن اهم ما يملكه اي منتخب ( نجومه ) .. بل النظر في الاسباب التي جعلت النجوم لايظهرون نجوميتهم , وتكفيك نكبة معسكر ايطاليا .. ( ماذنب اللاعبين ) ؟ ومعسكرات ماليزيا واليابان الفاشلة .. ( ما ذنب اللاعبين ) ؟ وتكفيك شهادات اللاعبين انهم كانوا نازلين لمباراة المانيا بدون حصولهم على اي معلومات عن المنتخب الالماني ؟ فأين الأجهزة الفنية .. ( وما ذنب اللاعبين ) ؟؟؟ ثالثا : اشكرك على اهتمامك بالاختبارات .. ( بس انا مخلص جامعة ) . تحياتي لك يالغالي .. |
الغالي عاشق ابو يعقوب وسامي .. رئيس نادي ( هذوليك ) طاير من الفرحة هاليومين .. وماهي بعيدة ان يكون له يد في هالتشكيلة !! وعموما .. وزكية ماراح ترتاح الين يصكون الهلال .. سلامي لك .. |
والله لو انهم مشاركين بمنتخب الشباب كان افضل مليون مرة من المنتخب الحالي واقل شي منتخب الشباب فيه بينهم انسجام كبير وقدرات اللاعبين ممتازة لكن ما نقول الا الله يستر |
حياك الله يا أبو ريم .. انا معك من ناحية صعوبة وجودالانسجام .. وترى كل المديح ــ النسبي ــ للمنتخب اللي نسمعه في الاعلام منشأه العاطفة فقط وليس مديح عن اقتناع كامل وفعلي بقدراتهم .. نحن نحب كل شباب المملكة , لكن نخاف ايضا على منتخبنا من ان يتواجد بين صفوفه من لم يثبت كفاءته وجدارته من خلال ناديه .. لك التحية .. |
كدشدش كدشدش :D |
اخي متعود انا بمشي معاك نقطة نقطة ثالثا : لماذا نحصر نجوم الخبرة السعوديين في خمسة هلاليين فقط .. اين عبدالله الشيحان ؟ اين سعد الدوسري ؟ اين الحسن اليامي ؟ اين خميس العويران ؟ اين مرزوق العتيبي ؟ اين حسين عبدالغني ؟ اين احمد خليل ؟ اين عبدالله سليمان ؟ لعلمك بس ترى الشيحان لعب مباراتين بالدوري والحين حاطينه احتياط بنادي الشباب لانه مااستعاد كامل لياقته سعد الدوسري توه عائد من اصابه وصارله سنتين مالمس كره الا اخر ثلث مباريات بالدوري مع الاهلي يعني مستحيل يكون جاهز لياقيا او فنيا خميس العويران : بالذمه خميس من يوم ماراح الاتحاد لعب باص واحد سليم ؟ اصلا للحين مالعب مباراة كاملة مع الأتحاد الا اما النصر يعني اللاعب احتياطي بنادي الإتحاد مرزوق العتيبي : صارله سنه ونص لا بالمنتخب ولا بالإتحاد حتى اننا سمعنا انه بيرجع نادي الشباب لانه وده يلمس كره ومالعب الا مباراة النصر بس ومو معقولة مدرب يختار لاعب عشان مباراة وحدة جايز يكون محظوظ فيها وهذا الي حصل تماما الهدف الاول يبي يرفعها دشت قول والثاني والثالث انفراد أحمد خليل : صراحة انا احترم أحمد خليل كثيرا لأنه فعلا من اقوى المدافعين وهذا أكيد ولكن اللقاءات الأخيرة اظهرت ارهاق كبير يسأل عنه اللاعب وان مستواه مختلف على أقل تقدير عن ماكان عليه في كأس العالم عبدالله سليم : اخوي ياليت تدورلي لاعب يبوش مثله وتبي بالمنتخب ترى صدقني عبدالله سليمان فعلا ومع كل احترام له ولتاريخه الكبير الأهلي عطانا اياه عشان يخسرنا بس والمباريات الي لبعبها هيا الدليل , لااريد الخوض في هذا الموضوع اكثر احتراما لمكانته في الكرة السعودية الحسن اليامي لعب حتى الان خمس مباريات بالدوري وماسجل الا هدف واحد ومستواه هابط جدا اما بالنسبة للعناصر الي قلت اننا مانعرفها , زين ياخوي شنو ذنبنا اذا انت ماتعرفها اهم شيء ان المدرب تابع كل الفرق واللقاءات الغير منقولة تلفزيونيا وركز على الغير منقولة يعني الي ماشفناها احنا وتابع اللقاءات واقتنع باللاعبين ترى مشكلتنا هني مانبي لاعب يبرز الا من الاربعه الكبار وهذا عشان احنا شايفين كل مبارياتهم تقريبا وثاني شيء اذا انت تبي تبني جيل شبابي جديد وعندك اربع سنين كامله مو المفروض انك تجرب اكثر عدد ممكن في البطولات المختلفه واضافه عناصر خبرة جيدة ايضا عشان تستفيد منها هذا مافعله المدرب والعنصر الوحيد الي تم اختياره بشكل غريب والي فعلا مايستاهل هو عبدالعزيز الجنوبي لأنه فعلا في عناصر افضل منه واسف على الاطالة |
عزيزي ضرس كبير : انت الضرس الوحيد اللي مكانه ( على الراس ).. مشكور على مشاركتك ;) ;) ======================= اخي هلالي صميم .. اشكرك على اهتمامك وتعقيبك , والذي يدل على حبك للمنتخب , وأجدد تقديري لاسلوبك الهادىء .. وقد لاحظت في مجمل ما ذكرناه ان نقطة الاختلاف بيننا هي ( طريقة دخول العناصر الجديدة للمنتخب )... فرأيك : يدخلون بدون شروط , وبأي عدد , وان عددلاعبي الخبرة في المنتخب كافي وخبرتهم كافيه . أما رأيي انا : يدخلون بشرطين : الشرط الاول : ان يثبتوا جدارتهم الكاملة وتفوقهم الواضح في انديتهم , وان تشاهد الجماهير مهاراتهم ومواهبهم مشاهدة حقيقية وواضحة , وان يتعرضوا لضغوط المباريات الكبيرة والجماهيرية مع انديتهم , ويثبتوا فيها براعتهم وقدرة تحملهم وانهم أهل للمواجهات الكبيرة واللقاءات الصعبة .. ( وكل ما سبق لم يحدث ) ـــ والمنتخب ليس حقل تجارب ـــ !! الشرط الثاني : ان لايدخل اللاعبون الجدد دفعة واحدة وبأعداد كبيرة , بل يكون دخولهم ( تدريجيا ) .. وبأعداد محدودة ومقننة ومنظمة , مثلا لاعب او اثنين كل موسم .. حتى نعطي لهذا اللاعب الشاب الجديد الفرصة الكافية لكي يكتسب الخبرة من زملائه في المنتخب , وان يتعلم منهم طريقة لعب اللاعبين الكبار , ويستمع الى توجيهاتهم له داخل الملعب , ويعرف منهم الاسلوب الذي من خلاله اصبحوا نجوما , فيرث بذلك عنهم مجدهم .. ( وكل ذلك لم يحدث ايضا ) .. اما بالنسبة لفكرة ( امامنا اربع سنوات لنبني فيها منتخبنا ) فهذه الفكرة غير منطقية !! طيب بعد اربع سنوات وبعد نهاية مونديال( 2006 ) ماذا سنفعل ؟ هل سنغير اللاعبين ونأتي بلاعبين جدد ونعود لنبني منتخب جديد لأربع سنوات أخرى ؟؟؟ هل هذا تخطيط علمي لكرة القدم ؟؟ اذا ففكرة ( امامنا اربع سنوات لنبني فيها منتخبنا ) هي فكرة خاطئة تماما , وكل الذين جربوها حققوا فشلا ذريعا .. ( الكويت من عشرين سنة تحلم بكأس آسيا او الوصول لكأس العالم , لكن لم تستطع بسبب اعتزال نجومها السريع في منتصف الثمانينات وانقطاع التواصل فرحل سر النجومية مع النجوم ولم يتلقاه عنهم احد ).. فلابد من الطريقة الطبيعية ( تواصل الاجيال ).. وكل جيل يوّرث الخبرة للجيل التالي ( بالتدريج ) , وهذا ما اتمناه لمنتخبنا السعودي .. يا صديقي لك كل الحب والتقدير .. تحياتي .. |
ليش نحكم قبل مانشوف المنتخب في مباره وديه هي الي تحكم. واكيد ان المدرب له خبرة وتجربة افضل واختيار اللاعبين ماكان الا بعد دراسه مهو بالقرعه.:mad: وعسى ان تكرهوا شي وهو خيرا لكم. وشكرا |
لازم نتحمل عسى يطلع من ها المجموعه احد مثل سامي اونواف |
أخي العزيز متعود كل المنتخبات القوية تعتمد على بناء منتخب جدد كل ست او سبع سنوات فهل تعتقد بأن المنتخب البرازيلي في المونديال القادم سيعتمد على ريفالدو ورونالدو ام سيبرز نجوم اخرون لو تتذكر كأس العالم 94 كان نجمي البرازيل بيبيتو وروماريو وفي بطولة 98 ماشفنا روماريو وشفنا بيبيتو كان لاعب عادي جدا وماله فايدة بالمنتخب هذا الي بتشوفه بالبرازيل وعالعموم انا ضربتلك مثل عن اي منتخب متطور وماسبب تطوره وطبعا في منتخبات مثلنا تقعد بالعشرين سنة على نفس اللاعبين فهل تتطور ؟ شاكرلك التفاعل معاي في هذا الموضوع الاختلاف في الرأي لا يفسد للود قضية :) |
بالنسبة لمنتخب الكويت كان في يله الذهبي يمكن لحد عام 1996 اي بعد كأس العالم بسنتين ولم يتطور لأن ماكان في أحد يعتزل اما الان وبعد تجديد الدماء بعد كأس الخليج فاز ببطولة غرب اسيا وقدم مستوى مشرف في الاولمبيات وانا اراهنك بأنه بيفوز ببطولة كأس العرب والخليج وبكون من اقوى المنافسين على كأس أسيا لانه دمج اربع خمس عناصر خبرة مع عدد كبير من اللاعبين الشباب محمد جراغ وخلف السلامه ونواف الخالدي ومساعد ندى الى جانب الخبرة نهير وبشار وفرج والبريكي وغيره من الأسماء مابي اخرج عن اموضوع ولكن بيني وبينك النتائج القادمة عزيز :) ونتمنى يتاهل منتخبنا لكأس العالم ويشرفنا عشان اذكرك بعد اربع سنين |
طبعا منتخبنا السعودي وليس الكويتي :) |
omega : معك حق , صحيح ان الحكم النهائي يكون بعد المشاهدة .. لكن كلنا نعلم ان الوصول للنجاح يتطلب توفير ( عوامل النجاح ) .. وعندما يقوم اي منتخب ــ بسبب خسارة ـــ بإصدار قرار انفعالي ( واعطاء خروج نهائي مفاجىء) لنجومه , واستبدالهم بلاعبين ( اول مرة يلعبون كورة ) فهذا لاعلاقة له بـ ( عوامل النجاح ) !! سلامي لك .. ========================= عيون البرواز : طبعا اي واحد فينا يتمنى ان يطلع من التشكيلة الجديدة لاعبين مثل سامي ونواف .. لكن سامي ونواف لما دخلوا للمنتخب كانوا ( نجوم ) في فريقهم , وكانت كل الجماهير السعودية تعرفهم وتعرف مهاراتهم , وتشهد لهم بالتفوق في فنون كرة القدم .. اما التشكيلة الجديدة فأكثرهم مجهولين , وفكرة تحويل المنتخب الى ( حقل تجارب ) هي الفكرة التي ارفضها , فالتجارب واثبات الوجود يكون في ( النادي ) وليس في المنتخب .. ولك التحية .. ======================== هلالي صميم : سواء منتخبنا السعودي أو الكويتي كلهم ( منتخبنا ) .. وندعو الله الكريم ان يتأهل ( الأخضر ) و ( الازرق ) معا الى مونديال 2006 :yes: :yes: :yes: :yes: :yes: واشكرك على ردودك الجميلة والموضوعية , وأهنيك على ثقافتك العالية , وسعة أفقك , وانا فخور بمعرفتي بك , واشكر منتدى الزعيم الذي عـرّ فني عليك , لك مني كل المحبة .. |
| الوقت المعتمد في المنتدى بتوقيت جرينتش +3.
الوقت الان » 03:06 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd