السلام عليكم ورحمه الله وبركاته
ألف مبروك تأهل الهلال لـ دور الأربعه في بطوله اسيا .. والتي كانت من أقوى المباريات اثاره ونديه .. وّ بالنهايه مايصح الا الصحيح
بالأمــانه لم أحزن على سيناريو المباراة ولمّ يتخيل فكري شي لا لاعبين ولا جمهور ولا جهاز فني لم تتخيل ذاكرتي الا وجهّ سمو الامير عبد الرحمن بن مساعد لو خرج الهلال بذيك المباراة . ومره اخرى مايصح الا الصحيح وعلى طوكيو بإذن الله
القصه ومافيها .. نبي نغير عليكم شوي ونعطيكم قصه نُكته
تحكي واقع وتفكير النصراوي وقوه حجته بالأدله والبراهين
هذا طوالله أعماركم .. كنت مواصل ليله المباراة ومانمت الا على الساعه 12 ظهرآ بيوم المباراة وجل تفكيري هالمباراة .. وكنت أعرف نصراويين أثنين مواعدهم باليوم نفسه نطلع جميع ونتعشى ، وبصراحه هالأثنين فاهمين دراسيا وعقولهم كامله ولله الحمد .. ماحد به طقه والا شامن له شي
يعني قلت الطلعه معهم ايجابيه بحد ذاته لاسيما انه مع نصراوي
المهم نمت الساعه بعد صلاه الظهر مباشره .. وتروح علي نومه وماقمت الا على الساعه 8 الا ربع
قمت على اتصال على شخص من محبي النصر سابقا والذي بدا يتعاطف مع الهلال خصوصا بالأسيويه وهو بالحقيقه رائدي صميم
رديت وانا مفجوووع بكل امانه قلت هلا قال هلاوالله وراكم تسذا ؟ انا بسم الله الرحمن الرحيم .. وش السالفه ؟
قال 3 0 للغرافه الدقيقه 70
قلت بذمك ! تهرج جاد ؟ قال ايوالله اللعب زفت والغرافه هابلكم هبل .. المهم صكيته واشوف 3 رسايل
..
هالثلاث ثنتين من خوينا النصراوي ووحده من جوال الرياضيه
النصراوي مرسسل الاوله كالعاده تفحطوون بالعالميه وملااايين ملايين ضاعت دراهمك يـ شبيه الريح ملايين <== طبعا ماقال شبيه الريح
ومرسل غرفكم الغرافه ومن هالهرج النكوتي
..
تابعت المباراة وتاهل الهلال .. يوم قضت المباراة ، دقّ علي خوينا
،
قال خلنا اتغدابه قبل مايتعشابي .. قال هههه شلووون تسذا ماعاقت الحكم غيرتوه يوم جت اربعه .. قلت خلنا من المباراة وينكم خلنا نطلع وين الوعد ، قال الوعد المكان الفلاني .. المهم اخذت عشاي ورحت لهم .. ووجييهم كله بؤس وشقى يحول
المهم اخذتنا السوالف عن المباراة - وقال قسم بالله لهم بلنتي حق يونس وغيرتوا الحكم .. قلت تاهلنا بصافره حكم وش المطلوب .. المهم صرفه الرجال وبدا يخذرف
طبعا لحقنا على اخر 20 دقيقه في مباراة الرائد والاتحاد وكان به هجمه للرائد وكان يلحقه كريري وكاد كريري ان يتسبب بخطا .. قال خوينا النصراوي بدون شعور انتبه الله يلعنك معك أصفر
يخاف يوقف عن مباراة الهلال هههههههههههه
للمعلوميه تراه نصراوي ريداوي
! قلت لا موب معقوله الرجال متغير علي
المهم نرجع لسالفه القعده .. فتحنا كم موضوع بعد المباراة .. قلت لهم سالفه عن احد مشجعي الريان في قطر وساله احد الهلاليين في قطر من اكثر جماهيريه بقطر .. قال الرياني الرياان شعبيته كبيره والاولى بقطر ،قال جماهيريتنا مثل الاتحاد والنصر بالسعوديه . خويي انهبل يحسب أنه يقصد انهم اكثر جماهيريه النصر والاتحاد .. قاله والهلال طيب ؟ قال لا هين الهلال مافيه امل تجي شعبيته مثله
..
قلت السالفه لـ حبايبنا النصراويه .. قال خوينا ابو كرت
قال وين جمهوركم قدام الغرافه قلت ماشفته ؟ قال وراه مامليتوا الملعب وانتم بطولات وفوز واسيويه قلت ملينا الملعب ، قال لا لا به اماكن فاضيه المفروض تملاه كله بكبره .. قلت سبق وان مليناه ، قال لا ابي الغرافه .. قلت انتم بنهائي اسيا مامليتو الملعب ولاعمركم مليتوه باي مباراة رسميه ، ولاتقولي اعتزال ماجد . المهم بدا يحككك راسه ، قاله يرجال نص جمهوركم بنات ؟
قلت وش دخل ذي؟ . قال ايه الي مكثركم البنات
قلت البنات يحضرون بالملعب .. قال لا بس معروفين مثل ماقال مدني رحيمي ، قلت نتفخر اذا صار لنا جماهير بنات واطفال وشيبان ورجال وكلش ..
انا الصراحه انصدمت بالرجال ماخبرت انه تسذا .. يدرس بالهندسه وفاهم وعاقل بس يوم دخلت بالكوره بدا يتفرع الرجال وبدا يخبص ..
جاك خويه الثاني النصراوي قال يرجاااااااااال اصلا الهلاليين يشجعون الهلال لانه بطولات يفتح الجريده ويشوف كلشي هلال ويشجع الهلال
قال خويه الثاني ابو كرت ، قال يرجاااال اصلا قلق تشجع نادي دائم ياخذ بطولات والله انه قلق هههههههههههههههههههههههههههههههههههههه
لازم تحس بالضيقه شوي مثل النصر والدليل ان حبنا للنصر أكثر من حبكم للهلال ، بالحقيقه انا بعد هالكلام مت ضحك وقلت معقوله النصراويين مثل الصرامي يتفرعون ؟ ندخل به بجاده يطلع بالجاده الثانيه .. تحجره منا يطلع مناك
.!
معقوله النصراويين ماعندهم حجه ؟ معقوله يكرهون الهلال لهالدرجه ؟
اذا احد يشوف واحد نصراوي متعصب وعاقل يتكلم بمنطقيه يعلمن .. لاني غسلت ايدي من بعد هالأشــكال .. والمشكله من زمان ماناقشت نصراوي .. فـ الله لايلوم الي يلومك يالصرامي ، حتى خربطته وصلت جمهور النصر ، ماعندهم حجه ، ابي حجه حلوهـ ابي اعذار كويسه مالقيته ..
ونعم بالرجــال لكن سبحان الله لادخلت معهم بنقاش بالكوره ، تطلع لنا اشياء غريبه عجيبه
وكانك تكلم طفل عمره 10 سنوات وهم اعمارهم على 25 و30 ..
فـ الله لايلوم الي يلومك يالصرامي
تحياتي ، وبـ التوفيق لهلالنا في دور الأربعه