#1  
قديم 26/09/2010, 08:34 AM
الصورة الرمزية الخاصة بـ عنواان الهلال
زعيــم نشيــط
تاريخ التسجيل: 22/01/2010
المكان: المدرج الازرق
مشاركات: 765
أغرب مباراة في حيآآآتي_

السسلام عليكم ورحمة الله وبركاتة:

آهلييييييين زعمآآآء

وش أقول مبروك ولا هآردلك على هالمسستوى الهزيل

يلا خلونا نقول مبروك الفوز..

ــــــــــــــــــــــــــــــــــــــــ

تصصصدقون عااد ياشباب ولايهونون الزعيمات إني بعد مباراة الهلال الذهاب توقعت الهلال يفوز بالإياب بنتيجة ثقيلة على الغرافة والله أقولها لكم مافيه أحد مننا كلنا أحترم الغرافة الاحترام الصحيح اللهم فقط نقول انا نحترم الغرافة بالكلام فقط وعششان كذا حتى اللاعبين اقولها لكم ماحترموا الغرافة من قلوبهم فقط عششان الاعلام..

وعششان مايقولون لعيبة الهلال ماحترموا الغرافة..الموهيييم خلونا من هالكلام.

يوم المباراة قمت من النوم نصف العصر خذيت لي شور(ترويشه) وأنسسسدحت وصليت المغرب وجاي من المسجد مستانس وأتكلم مع أصدقائي وأقولهم أنتظرو الخماسيه بس>>شف الاستهانه وش سوت.

المهم وصلت للبيت وأحتري اللعيبه ينزلون عشان اشوف المتعه والكباري والاهداف الي بتجي اشكال والوان

طبعا كانت امي الله يطول بعمرها وأبوي الله يطول بعمره وخوأتي وأخواني الصغار>>شوفوا شعيبة الزعيم بالبيت

كانو معي بالملحق نناظر المباراة طبعا أخوي جاي من سفر ويسألني من سجل أهداف الذهاب وكيف لعب الهلال ووالخ..

طبعا يوم سجل الغرافة الهدف الاول حسسسيت ان المباراة فيها شي لكن سرعان ماغيرت تفكيري وقلت لا كبوة جواد طبعا أخوي قعد يسألني وأنا اقوله ايه ايه أتوقع أنه سألني ليش عزيز مالعب وقلت له أيه

والله وأجلس شوي ويجي الهدف الثاني أنا التفت على أهلي قلت ايييه هذا هو الغرافه سبحان الله عاد لو أني انا بنفسي محترم الغرافة كان يمكن يكون الامر اسهل شوي من أني أستهين بفريقهم وقبل مايخلص الشوط ويجي ذاك الفاول الي مايحسسسبه حكم حواري وقسم بالله أول ماشفته قلت كفو يالغنام ومادريت الا ان السنغافوري عليه من الله مايسستخق يصفر ويقول فاول قلت ابدا هذا هو الثالث أول ماجاء الثالث وقسم بالله شوي وبصصيح بس مالها داعي عند اهلي رفعت يدي قلت يارب ينتهي الشوط الاول بالنتيجة هذي قلت عشان يمكن جريتس يرمم الصفوف بالشوط الثاني..

اول مانتهى الششوط الاول خليت التحليل وكلش لاني ادري ان التحليل بيقول الغرافة سوا الي عليه واتوقعها غرفاوية ووالخ..

رحت عند فراشي انسسدحت ورحت أصلي وأقسسم بالله إني بكل سجود ادعي ان الهلال يفوز ويوم جيت أشوف أمي تصلي ويوم خلصت تقول والله اني دعيت للهلال عشان انت واخوك الصغير ^_^

وخواتي جنبي يقول أدع وأنت متيقن بالاجابة>>قلبوه درس

المهم يبدأ الشوط الثاني وكنت متوقع يجي هدف للهلال وفعلا مستوى الهلال أحسن من الششوط الأول ثمن وانا جالس وفجأة إلآ أبوي يقول أتحداهم يفوزون على السعوديين>>عنصري خخخخخخخ

أنا بنفسسي قلت أن ششاء الله الله يسسمع منك يارب واتابع واتابع وخلص الشوط الثاني قلت بنفسي أشوى خله اضافي احسن..


بدا الشوط الاول الاضافي وأول مابدا الين الغرافه عامل عمايله وقلت والله بها المستوى ماتوقع نفوز ويجي الشيطان ويحط صورة رادوي براسي وقسم بالله قلت ياليت رادوي في الملعب لحاله بس خله يمزع ع الحارس يمكن نعادلهم

ومادريت الا والغرافة يجيب الهدف الرابع يوم شفت يونس محمود يفصخ فنيلته قلت خلالاص وعلطول رفعت صوتي وقلت الحمدلله على كل حال وخواتي جنبي يقولون لا بيجيب الهلال هدف أنا بنفسي أقول يبوون يهدون أعصابي من هالكلام

وانتظر وانتظر وخلاص راحت الامور على ان الغرافة تأهل وخلصت المباراة المهم وأشوف هدف ياسر وقسم بالله من الفرحه ركبتي صكت بالمشب حق الملحق والله ماحسيت بركبتي قمت أصارخ وانطط واسجد لله واشكره قلت خلاص خلاص نبي بلنتيات ويوم جت هجمة ويلي قلت لا نبي هدف الحين ولا خلوه بلنتيات>>أعذروه كان موب صاحي بها الوقت.

المهم ويجي هدف عيسى المحياني وقسسم بالله صياح بالبيت وقعدت أحظن أخوي الصغير وأصيح والله ماتتوقعون كيف فرحتي ومستانس تمنيت هالوقت اني مع الجمهور المهم انتظر المباراة تنتهي ويوم انتهت واطول على التلفزيون على أخر شي وأمي تقول خلاص فاز الهلال رح اشتر لنا خبز قلت يممه بتابع برنامج المجلس شف سبحان الله يوم الهلال منهزم ماشفت حتى تحليل الرياضية السعوديه بس الحين رحت اشوف القطريين لكن أنا انقهرت القطريين يقولون التحكيم والتحكيم وقسم بالله مدري وش قصتهم الحين هم لهم بلنتي من خيرات طيب حنا لنا بلنتي يوم ويلي يعرضها وتصقع بيد لاعبهم وهدفهم الثالث غير صحيح لان الفاول من الاساس غير صحيح

تمنيت وقتها أني جنب أبو اثنين بالمجلس أقعد احششرهم >>اسكت بس..

هذي قصتي بذاك اليوم.. والله لايعيده من يوم نبي نجوم الزعيم يخلصونها بدري عشان نرتاح..


وعوآفي على الانصات والله يعطيكم العافيه..
اضافة رد مع اقتباس
  #2  
قديم 26/09/2010, 10:46 AM
الصورة الرمزية الخاصة بـ عنواان الهلال
زعيــم نشيــط
تاريخ التسجيل: 22/01/2010
المكان: المدرج الازرق
مشاركات: 765
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اضافة رد مع اقتباس
  #3  
قديم 26/09/2010, 10:53 AM
الصورة الرمزية الخاصة بـ الــدكــتــ 15 ـــور
زعيــم مميــز
تاريخ التسجيل: 06/10/2006
المكان: مـسـافـر بـلا عـنـوآن
مشاركات: 1,667
الله يعطيك العافية يالغالي

الحقيقة كلامك سليم وهذا اللي صار

تسلم وماقصرت .. احترامي وتقديري ..
اضافة رد مع اقتباس
  #4  
قديم 26/09/2010, 10:59 AM
زعيــم فعــال
تاريخ التسجيل: 30/10/2005
مشاركات: 244
والله كل الشعب جن جنونهم بذيك المباراه

بالتوفيق لزعيمنا
اضافة رد مع اقتباس
  #5  
قديم 26/09/2010, 11:12 AM
الصورة الرمزية الخاصة بـ м̶я.źєźǿ»20»
زعيــم مميــز
تاريخ التسجيل: 17/02/2010
المكان: Jeddah
مشاركات: 12,793
من جد والله كلنا فقدنا الامل ، بس الحمد الله الهلال عااااد ،

بأذن الله مع رجووع المصابين راح يتحسن الفريق ونحقق البطوله بأذن الله ،



(ياخووان مافي اخبار عن الفريق الايراااااااني اللين متى ...!!!)

وبالتوفيق يارب للزعيم بالمباراه القاادمه : )
اضافة رد مع اقتباس
  #6  
قديم 26/09/2010, 11:29 AM
زعيــم فعــال
تاريخ التسجيل: 16/07/2008
المكان: هنـاك
مشاركات: 482
مباراة ماتكرر في التاريخ ابداً ..
.
فيه ناس مالهم علاقه بالمباريات ابدا ومع هذا تقاهم متحمسن بشكل ..
.
.
قصتي مع المباراة المجنونه :


وكنت مخطط اروح اشوف المباراة في الاستراحه رغم وجود عدد ( من الفقراوية ) لأني كنت واثق من الفوز بحكم نتيجة الذهاب .. قدرالله وجانا (ضيوف ) من حائل (شيبان ) .. وأخواني طالعين ومافيه الا (ابوي ) .. قلت بجلس عندهم وصعبة اروح وأخلي ابوي لحاله ..! طبعاً الملحق ( مافيه تلفزيون ) .. وأنا حاسب لبداية المباراة بساعتي .. بعد ربع ساعه قلت ابطمر , اشوف النتيجه .. ( الا هي 1/0) قلت افا .. بس يالله واحد عادي .. رحت ولاجيت الا ع نهاية الشوط الأول .. إلا هي 3/0 .. بيني وبينكم .. ( انلخمت ) وماني مصدق
وأنا جالس مع الضيوف والله اسولف معهم ولا ني فاهم ايش يقولون بالي مع النتيجه .! شيكت بعد الشوط الثاني الا نفس النتيجه ..! وفيني صرخة من القهر بس قلت ( استخير ياولد) الفرج جاي ,,! جيت اشيك بعدها الا 4/0 .. يعني تاهلت الغرافه ..!! بعدها جلست عند ضيوفنا وربي مفهي لدرجة ..! مصدوم ..! آسياء راحت ..!! ليه ..! وكيف .. ووشلون ..!! ومتى ..!! وأزاي ..!! ضاق صدري من جد قلت بلا ضيوف بلا هم آسيا راحت ياولد .. رحت بنام من ( الضغط والسكر وانواع الامراض ) .. وأنا طالع للغرفه الا اسمع اصوات جيراننا ,, قلت فقراوية ومبسوطين آآه يالقهر .. بس مدري ايش اللي خلاني اشيك على التلفزيون ..!!
الا والنتيجه 4/2 .. ( انهبلت ) اخذت شماغي وقمت اسوي حركة المروحه .. تخيل ماتعرف شي عن النتيجة الا انها 4/0 وفجأة تلقاها 4/2 وحتى ماتفريغ لفرحة الهدف الاول ..! وجاءت الفرحه مضاعفه على هبال .. ( أمي تخلفت الله علي ) ,, الفشيلة وين : من الفرحة مالقيت احد وطبيت على الضيوف فجأة وأنا اقول ( الله اكبر الله اكبر كبيرا والحمدلله كثيرا ) مدري وش جاب تكبيرة العيد على لساني طبعا بصوت عالي وفجأة .. الضيوف وقفوا كلهم قالوا بس هذا بيرمي علينا قنبله ( شكله من المجاهدين مافيها كلام ) وقفوا ولو اني مبعد عن الباب كان انحاشوا واهرب للسيارة وابوي والضيوف وراي مايدرون ايش السالفه ( شكلهم قالوا هذا راح يجاهد مافيها كلام ) شغلت سيارتي ودعست بكل قوتي ( والله اني مااعرف افحط ) السيارة فحطت بمكانها وفجأة طمرت المهبوله (ولايردني الا برميل الزباله اللي قدام بيت ابو سعد ) وابوي والضيوف وراي ..!!
طلعت من السيارة وانحشت الى جهة غير معلومه خخخخخخ ( القصة طويله ياعيال )
اضافة رد مع اقتباس
  #7  
قديم 27/09/2010, 09:07 AM
الصورة الرمزية الخاصة بـ عنواان الهلال
زعيــم نشيــط
تاريخ التسجيل: 22/01/2010
المكان: المدرج الازرق
مشاركات: 765
خخخخخخخخخخخخخخخخخخخخخخخخخخخخ

اوما انحششت الى جهه غير معلومه..

عواافي على المرور..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:57 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube