هذا كل شي صار لنا بـ قطر ( تعرضنا لـ انواع المضايقات من أمن الملعب )
 

بسم الله الرحمن الرحيم

السلام عليكم ورحمة الله وبركاته

ألف ألف مبروك التأهل والحمدالله على كل حال أهم شي التأهل وهذا الي تحقق ولله الحمد ، ماراح اتكلم عن المستوى الفني للهلال ولا عن احداث المباراة راح اتكلم وانا كلي حسره على الي صار لنا بـ قطر ، أول شي حنا كنا 6 اشخاص وصلنا الملعب تقريباً 3،30 العصر وكان فيه تجمهور عند بوابة الملعب وكان الجمهور الهلال قاعد بالشارع وقلنا ننتظر لين تجي الساعه 4 أو 4،30 وفعلاً جت الساعه 4،30 وفتحوا البوابات دخلنا وماكان فيه اي تنظيم وكان الوضع مره زحمه وتدافع وكان الجمهور يردد لبيك اللهم لبيك من الزحمه والحمدالله دخلنا ساحة الملعب باقي بس ندخل للمدرجات وللأسف الامن مانع الدخول بدون اي عذر بس ممنوع وكانهم طرمان ما يردون عليك جلسنا تقريباً 30 دقيقه بعدين جانا واحد لابس شماغ وشكله هو المسؤول عن الملعب مثل النمشان عندنا وقال يا شباب ماراح يدخل احد ما معه تذكره وللأسف ان مافيه احد يبيع تذاكر رحنا ندور نبي نشتري ما لقينا ولا منفذ يبيع تذاكر والحمدالله خويي دبر 7 تذاكر اخذنا 6 وعطينا واحد تذكره اتوقع دبرها من اعضاء مجلس الجمهور الهلالي الي كانوا يوزعون المهم رحنا للبوابة ولا دخلونا وفجأة الجمهور كله دخل الين وصل للباب ننتظرهم يفتحون الباب محد فتح وكل مالنا ننتضايق والاكسجين يقل وكان المكان مغلق او شبه مغلق وكان الجو مرره رطوبه ومافيه مويه وحتى لو فيه ما تقدر تطلع من الزحمه وكل مامر عسكري قال الاتحاد الاسيوي مانع دخول الجماهير وعلى هالحاله الين ما جت الساعه تقريباً 5،30 والجمهور بدا يتنرفز ويتوتر والامن كان ينرفز بشكل غير طبيعي ومسكت شباب من اعضاء مجلس الجمهور الهلالي وقلت له تصرف قال ياخي مو راضين يساعدونا وعلى هالحال جلسنا والله العظيم يمكن ثنين طاحوا علينا من الحر والكتمه وبعدها جانا الفرج الاتحاد الاسيوي سمح بدخولنا لكن الي صار ان مفاتيح الباب ضايعه !! معقوله مفاتيح باب ملعب الغرافة ضايعه وقسم انها قمة الاستهتار والنرفزه وكان همهم كله انهم كيف ينرفزون الجمهور الهلالي الظاهر يبونا نسوي شغب وتشطب المباراة المهم جت الساعه 6 وحنا للحين عالقين ما ندري وش نسوي الجمهور مو راضي يرجع وحنا ناشبين بالزحمه وقبل المباراة بدقايق جاء عسكري معاه حديده وقعد يكسر القفل لين انفتح الباب وتقول يوزعون فلوس بالملعب الناس تركض وقسم بالله انك تستحي تشوف هالاشياء تصيرلك وتصير للسعودين دخلنا وجلسنا والحمدالله بعد دوران لقيت اخوياي جلسنا وكنا مره عطشانين ورحت ادور مويه حصلت هندي يبيع عصير حاااااااااار وتويكس وسنيكرس يعني لو شريت العصير بيبهذلني بالحرقان لانه حااار ولو شريت تويكس وش بيصير فيني فوق اني عطشان المهم بدت المباراة ومع ضغط المباراة بغت تجيني جلطه بالمدرجات بين الشوطين وربي معاد اشوف ابي اشرب مويه طلعت برا قلت بروح لاقرب بقاله لقيت هندي يقولي تبي مويه قلت ايه ابي مويه تبيع قال تعال وطلعت انا وياه ووداني لواحد برى معه ثلاجات ويبيع المويه الي بـ نص بريلين قلت له عطني قد ما تقدر المهم شريت منه وجيت بدخل الملعب قالولي ممنوع قلت ياخي تبون تذبحونا انتم مويه ما تبيعون ولا تبونا ندخل مويه قالي بالحرف الواحد قسم بالله رح لـ مدرجات الغرافة بتلاقيهم يبيعون مويه قسم بالله بغيت اصكه بالكيس الي معي بعد الطلبات قلت له بدخلها بس هنا وبخلي اخوياي يجون يشربون والمهم الحمدالله وافق بالاخير بالوقت هذا جاني ياسر الطلاسي وبيض الله وجهه ويناديني يقول معك تذكره قلت ايه معي تذكره ما تقصر

المهم الي ابي اقوله ان حنا يا جمهور الهلال تعرضنا لانواع النرفزه وماراح يحس بهالشي الا الي حضر المباراة
استغرب كيف دولة مثل قطر مقدمه ملفها لاستضافة كاس العام وماهي قادره تنظم مباراة في دور الثمانية ببطولة الاندية لكاس اسيا !!

وانا بعد صارلي مشاكل عند الملعب وينافخون علينا بس وش نقول +وفيه بوابات فيها عساكر زينين

ويييييييين كرم الضيافه اللي أزعجونا فيه وحسن المعاملة والاستقبال ؟
يامااالت عليهم هالخايسين ، كنت بقول لو في ربعنا خير يردون المعاملة بالمثل ولا راح اقول بأسوأ منها
لكن تذكرت ان كل جماهيرهم اثنين وواحد يمكن مايجي خخخخخخخخ
هم عارفين هالإيرانيين والهنود هالشي ومسوينها متعمدين بس اللي يقهرني كذب إعلامهم هالمعفن
يالله ، هبلوا فيكم يا نجوم موقعة الغرافة وكسر الزعيم خشومهم وهم في عقر دارهم
وما في حرب بدون ضحايا :d
والمهم أولاً واخيراً سلامتكم وفوز الزعيم

مو متعدين على الجماهير الكثيره هذي

حدهم اذا كثروا 15 خخخ
بالتوفيق للهلال وجماهيرهـ

والله مشكلة

هذا وهو الدوري الثمانيه لأبطال أسياء

كيف كأس العالم بيصير

عاد بصراحة اللي صار لكم أهون

والا اللي صار لكم أثناء المبارة من أشباه النجوم المحسوبين على الهلال

أنا أشوف أن أشباه النجوم اللي مثلوا للأسف الهلال في تلك الليلة رفعوا ضغطكم وظغطنا وخلونا نكره الكرة

بس حنا أهون نشاهدها من البيت أنتم علاوة على المصخرة اللي حصلت لكم أثناء الدخول دبلوها أشباه النجوم

أحياناً أقول والله حرام أضرب مشوار لكي أشاهد لاعبين لا يقدرون جماهيرههم

.

ومن حسن أخلاق جمهورالهلال ساكت حتى الآن
أما هم أزعجونا عشان أخرناهم عشر ثواني نجيب تذاكرهم
ماأقول إلا الله يكتب الي فيه خير للهلال...

لي عوده بااذن الله اخوي هامور عندي اكثر من فديو و اكثر من صوره تثبت صحه كلامك


__________________



هلا فيك اخوي تعرف توني جاي من الجامعه ومالي خلق ارفعهم كلهم :d << من احدى القبائل السودانيه :s2:

ويبغى لي ارتب الصور بالفوتوشوب واصغر حجمهم الصباح رباح :d << قصدي الليل وناسه :s2:

رفعت 3 صور وان شاء الله اول مااصحى من النوم بنزل المقاطع والصور كلها باذن الله :wub:

والعذر والسموحه الكاميرا ماهي كانون :d << كاميرة الايفون :s2:


تفضلوا

http://dc04.arabsh.com/i/02085/feamo6cb9ozm.jpg

http://dc04.arabsh.com/i/02085/xoo2ve62lsru.jpg

http://dc04.arabsh.com/i/02085/fdfn2j8x1e9s.jpg



بس عندي نقطة اخوي بالعكس رجال الامن محترمين ماهو مثل ربعنا الله يقرفهم :d
تقل سارق حلال ابوه عكس رجال امن قطر محترمين ويعاملونك باحترام وادب حتى وحنىً طالعين بارك لي احد رجال الأمن وقال تستاهلون :wub: وبيني وبينك الملعب لو تشوف فيه 6000 الف مضايقه بصراحه يفتح النفس انك تحظر الملعب بدون مضمار المويه موجوده والحلويات بأنواعها والعصيرات صحيح انها حاره وخلصت بسرعه << ربعك مايخلون شيء مشاء الله :d :smilie47:

ويااخوي اجلس على الكرسي وقارن ملاعب المملكة من حيث مكان المسجد ونظافة الحمامات و البيع ونظافة الملعب مع ملعب قطر تحصل نفسك تقول اقول وخر بس :s2::smilie47:

من دون مبالغه من شوف عيوني يااخوي الجمهور يرمي علب مويه على العساكر والعساكر يتبسمون في احسن من كذا :s2:


وثانكس اخوي


_______________

باك ثاني واعتذر اخوي راحت علي نومه << عذر السعوديين :s2::smilie47:

بعد ماشفت الردود شباب حصلت معاملة ماهو بشرط مع كل الجمهور لا في جمهور يتعامل مع عساكر غير يعني على حسب وصدقني ياهامور انا واحد من الي دخل من الجمهور مجاناً :d:smilie47:

جلست بعيد انتظرتهم يخلصون زحمة ومن ثم جيت معزز مكرم :s2:


وبعد النومه هذي الصور والمقاطع تأكيداً لكلام اخوي هامور

http://dc04.arabsh.com/i/02088/7cl7fjxkthgt.jpg

http://dc04.arabsh.com/i/02088/ok060z1anef2.jpg

http://dc04.arabsh.com/i/02088/ud2hnwu75c06.jpg

http://dc03.arabsh.com/i/02088/dwd73zm4w9kq.jpg

http://dc03.arabsh.com/i/02088/d6sv1xpz5t8x.jpg

http://dc03.arabsh.com/i/02088/im93yo90nl1j.jpg

http://dc09.arabsh.com/i/02088/kxc38t8ebczq.jpg


وهذي المقاطع :d <<< 2 مقطعين :s2:


لتحميل اضغط هنا


لتحميل اضغط هنا


واعتذر لك يا هامور كأني خذت موضوعك بس حبيت اطرحها مع موضوعك ماحبيت اسوي موضوع جديد :wub::rose:


واعتذر مرة ثانيه الكاميرا ماهي كانون :d:smilie47:

وسامحونا على الصور البايخه بس ماتوقعت اني انزلها بالمنتدى صورتها كذا بس :s2:

فعلا مادري وش كان قصدهم يوم يخلوننا عند البوابات !!

المشكله بدون سبب !

يعطيك العافيه بس

اولا اقول لك الحمد لله ان تعبك وتعب الاخوان ماراح عبث
وعسى ان الله يعاوضكم ويعاوضنا بتعبنا من هذي المباراه
ومن اجل الزعيم ومن اجل دوحة الخير علينا ان ننساء الاحداث
الجائره والوضع المضني لكم ولنا
دمت ودام نبضك ازرقا

شوف أخوي أخالفك الرأي عشان مباراة تقول حرام أضرب مشوار شوف الانديه الثانيه تخسر ومع ذالك عارف الجمهور بالخساره ويحضر
احمد ربك أن الهلال فريقك
ولاعبين الهلال ماقصروا معانا ومقدرينا لو ماقدرونا ماشفت دموعهم
الله يكتب الي فيه خير للهلال


تحياتي القلبيه...

لا تعليق...........................................

اولا : الحمد لله على سلامتكم و ان شاء الله تلقون احسن المعامله في الاوقات القادمه .....

من وصفك للي حصل لكم صراحه يضيق الصدر و اكيد شيء غير مقبول لكن يمكن يكون عندهم عذر لعملهم هذا ...
الصراحة أكيد كل شخص تقابله يختلف عن الثاني في معاملته لك و لغيرك ففيه الطيب و فيه المزاجي و فيه العصبي و فيه الحساس و فيه الشديد و فيه الشرير و فيه اللي يكره و فيه اللي يحب و فيه و فيه ..... و مثل ما تلاقي احد ضايقك فيه احد تعامل برقي مع غيرك ...

أما بالنسبة لتأخير الدخول فهو احتمال تفاجئوا بالحضور المبكر و العدد الكبير و ما حسبوا حسابه من زيادة عدد الأمن و غيره مثل ما سمعنا أنهم تفاجئوا بالحضور الكثيف و احتاجوا زيادة لعدد الأمن في الملعب و أكيد كان عندهم موعد للدخول في وقت معين يمكن انتم تجمعتوا قبله ...مع اني من المؤيدين للحضور المبكر لكن بدون تتزاحمون على بعض.... الصراحه الجو الرطب لوحده مزعج و يسبب اكتئاب و ضيقه للواحد و ما يحتمل في الزحام لكن يمكن هم متعودين على هالشيء فما يلاحظونه مثل اللي ماتعود ....

و لو اسألهم كيف الجمهور الهلالي معاكم ؟؟؟ اتوقع بأحصل على اجابات متفاوته و تختلف باختلاف الاشخاص و نوعياتهم فمنهم من يقول طيبين و منهم من يقول غثيثين و منهم من يقول راقيين وواعين و مثقفين و منهم من يقول كسروا البوابه ماادري باب عندهم (مثل ماسمعت !!!) و منهم من يقول مزعجين و منهم من يقول بالعكس عسل و مااحلاهم و ياليت عندنا جمهور مثلهم .....

المهم اهل قطر طيبين و معاملتهم طيبه و أمن الملعب فيه الطيب و فيه المزاجي ...وفيه عدد كبير من الجماهير مدحهم و فيه عدد تضايق مثلك ...و ماالومك اذا تضايقت لأن الوضع يعتمد على من قابلت و على شخصيتك كيف تقبل اللي حواليك ....بالرغم اني معاك في سالفه ترك الجمهور مضغوط عند البوابه في حر و عطش لكن في نفس الوقت قد يكون لهم عذر اجبرهم على مافعلوه ....
:ba::ba::ba::ba::ba::ba: