من الدوحة : قصتي مع الأمريكي والبريطاني الذي أخذ قميص طلال وحالات الجمهور بين الحزن والفرح ( سواليف) - صفحة رقم 2 - نادي الهلال السعودي - شبكة الزعيم

ولدكم يالهلال · #16 26/09/2010, 01:45 AM

إقتباس


	وأثناء جلسونا في البهو كانت هناك مفاجئة سعيدة لنا بدخول الفتي الذهبي نواف التمياط الذي قدم للسلام على زملائه اللاعبين

ماااشاء الله

والله توي ادري انه دخل

الله يحفظه

الله يوفق الهلال في البطوله الاسيويه

Sultan | سلطان · #17 26/09/2010, 01:46 AM

*

مباراة نار .. نجوم الزعيم اهلكوا اعصابنا فيها .. اتعبونا .. حرام عليهم والله

ان شاء الله تكون لقـــــاح البطولة .. والدرس القوي لها ..

لاهنت اخوي السلطاني

.. اجواء رائعة وصفتها ياغالي

الف شكر لك

*

Register · #18 26/09/2010, 01:50 AM

الله يعطيك العافيه ابوفارس انت وجميع الاخوان

جعلتونا بقلب الحدث واحنا بعيدين .. وتمنينا لو اننا معكم وقدرنا نعطي الزعيم حقه ولكن قدر الله وماشاء فعل

الزعيم لايرضى بزعل جمهوره .. فأبى ان تخرج هذي الجماهير حزينه

فالحمدلله على النتيجه .. وان شاء الله العوض باصفهان مستوى ونتيجه

@أبوعبدالرحمن@ · #19 26/09/2010, 01:52 AM

ماشاءالله , الحمدلله على سلامتكم وخاصة طلال

مباراة دراماتيكية

وبالأخير مايصح الاالصحيح , وأهنيك على تمسكك بأمل رجوع الهلال للمباراة

,

ألف شكر لك ولجمهور الــــــــهـــــلال

فعلا الجمهور الوفي

إبراهيم اللحيد · #20 26/09/2010, 01:56 AM

بالفعل اخوي كلامك صحييح جدآ
وانا راح اذكر لك موقفي ضحك العساكر القطرين علي كثيرآ
كنت افرح بالهدف الأول طبعآ كنت بالمدرج فووق لكن من الفرحه نزلت تحت مره
يوم جا الهدف الثاني
مالقيت قدامي الا ضاابط قطري وانا اللي اضمه ههههه واصاارخ بإذنه قووووول يالله الحمدالله يارب قووووول قوووول
وهو يقوولي خلاص وخر وخر تستااهلون والله بس وخر ههههههه
فرحه لاتوصف
والشي اللي شدني وربي كنت اببكي منه
جميعآ تحسنا مع بعض اشوف شخص هلالي قدامي اقوله مبرووك واضمه
اشوف شايب ابوس راسه واقوول مبرووك
ومانسى الشايب اللي قابلته
قالي بالحرف الواحد ياوليدي هذا الهلال ماقد خيب ضننا كنت واثق انه بيتأهل
الله ياااهي من فرررحه
الله يدوووم علينا الفرح يااارب وعلى المسلمين جميعآ

Hilal love 9 · #21 26/09/2010, 01:58 AM

يعطيك الف عافية أبوفارس وماقصرت لحضورك انت واللي حضروا لأجل الهلال

فعلاً عيشتنا معاك لحظة بلحظة

المهم انك سكت الامريكي وعرفته من هو الزعيم

حالات الجمهور اللي بالملعب التي ذكرتها والله صارت في جميع بيوت الهلاليين

من بكاء واغماء وضغط نفسي وغير الاتصالات والرسائل بعد الهدف الرابع من الشامتين

وأنت تعرف جلستنا أبوفارس وش ميولهم وجيتهم بعد المباراة حصلتهم في حالة يرثى لها والله لدرجة احد منهم بكى من تأهل الهلال

لكن مايعرفون أن الزعيم مايخيب عشاقه لو بعد حين

وانا كنت وقت المباراة في صداع لدرجة الاستفراغ اعزكم الله جميعاً

لكن الحمدلله ماخيبوا ظننا الرجال

لكن في هذي الاوقات لابد أن تستغل وأم العيال جتها فرصة بعد المباراة وانواع الاستغلال من سنتربوينت وسيتي ماكس ومجمع العرب

le leggende milanoo · #22 26/09/2010, 02:02 AM

الحمدلله على التاهل،،،،

اللهم وفق الزعيم بالاسيويه يارب،،،

شكرا اخي ع الموضوع الشيق،،،

أحلـى هلاليه · #23 26/09/2010, 02:03 AM

عشت الجو من كلامك واسلوبك
الحمد الله على كل شي
تسلم اخوي

عاشق الزعيم2099 · #24 26/09/2010, 02:08 AM

ماقصرت يابوفارس والحمد الله على سلامتكم
يعطيكم العافيه الف شكر للجمهور الحاضر

wAiLi · #25 26/09/2010, 02:12 AM

تسلم يالغالي ع كلامك الحلو

والحمد لله ع التأهل

وشعب قطر معروفين بأهل الكرم والطيب

والف شكر للمذيع الكبير خالد جاسم

تحياتي لك

الزعيم ساكن بالقلب · #26 26/09/2010, 02:12 AM

اشكرك على طرح الموضوع وعلى الامل والصبر في المبارة وربي ماخيب ظنك لاكن زعل عليك شوي ليش ماذكرت الزلفي

FIFTEEN · #27 26/09/2010, 02:14 AM

الله الله

انا كنت معكم والله كنك تعيد الفلم بالتفصيل

وانا كنت معكم تحت الدرج (( نحمد الله جاااات على مااتمنى ))

وبعدين رحنا عند الباص المخصص للغرافه لكن تأخروا ما طلعو وكان فيه مسيرات

ااااااه لن تنسى هذه الاحداااااث ابدا ابدا

شكري وتقدري لك

نعم احببت الجمهور الهلال اكثر واكثر بعد هذه المباراه

حرضت في الرياض والدمام ومكه

ولكن في قطر كان الجمهور راقي جدا جدا وتفاعل بشكل غير طبيعي

لا ادري ما السبب ولكن اتوقع اننا كنا في غربه

او انها احداث المباراة

شكرا من القلب

اللورد زيزو · #28 26/09/2010, 02:15 AM

الحمدلله ع سـلآمتكم وسلامـة الجمهور الهـلآلي ..

وأهنيييك ع رووحك ..

#29 26/09/2010, 02:19 AM

شكرا يابوفارس على هذا الوصف للحدث وهي ليلة لاتنسى وستبقى مابقي نادي الهلال

كما قال عنها المعلق فارس اروع ماعلقت من المبارايات لله درك يازعيم .

السلطاني · #30 26/09/2010, 02:21 AM

إقتباس

الرسالة الأصلية كتبت بواسطة Hilal love 9


	يعطيك الف عافية أبوفارس وماقصرت لحضورك انت واللي حضروا لأجل الهلال فعلاً عيشتنا معاك لحظة بلحظة المهم انك سكت الامريكي وعرفته من هو الزعيم حالات الجمهور اللي بالملعب التي ذكرتها والله صارت في جميع بيوت الهلاليين من بكاء واغماء وضغط نفسي وغير الاتصالات والرسائل بعد الهدف الرابع من الشامتين وأنت تعرف جلستنا أبوفارس وش ميولهم وجيتهم بعد المباراة حصلتهم في حالة يرثى لها والله لدرجة احد منهم بكى من تأهل الهلال لكن مايعرفون أن الزعيم مايخيب عشاقه لو بعد حين وانا كنت وقت المباراة في صداع لدرجة الاستفراغ اعزكم الله جميعاً لكن الحمدلله ماخيبوا ظننا الرجال لكن في هذي الاوقات لابد أن تستغل وأم العيال جتها فرصة بعد المباراة وانواع الاستغلال من سنتربوينت وسيتي ماكس ومجمع العرب

والله أنا بالنسبة لي ام العيال أرسلت رسالة جوال تطلب لابتوب جديد

وانا أهلي وأخواني معودهم كل بطولة هلالية أنواع الهدايا اللي بطلبونها

ولكن بعد الغرافة كلهم عطيتهم هدايا رغم أنها ليست مباراة نهائية
يارجل عدنا للبطولة بعدما كدنا نخرج منها
الحمد لله حمداً كثيراً يليق بجلاله وعظيم سلطانه