25/09/2010, 08:10 PM
|
 | زعيــم مميــز | | تاريخ التسجيل: 17/05/2007 المكان: PIN:28E6FBA7
مشاركات: 25,530
| |
|
ليت منك اثنين يا سـامي , نقاط متفرقه عن المباراة , صور منوعه , وش سويت في المباراة ..
السلآم عليكم ورحمة الله وبركاته مسآء / صبآح الخير مدخل الله لآيحرمني منك يآعسى عمرك طويل
ياللي كل النآس عندي مآيساويهآ غلآك
والله لو آعطيك عمري كله مآيوفيك الجميل
لو آبوفي مآقدر آوفي يآكثر والله عطآك سآمي  آذآ ذكرت هالآسم مآدري وش آكتب ولآ وش آقول , لآني مهمآ كتبت ومهمآ قلت مستحيل آوفي الآسطوره حقه , لكن بتكلم عن سآمي وش سوى في مبآرآة الغرآفه .. يآجماعه لولآ الله ثم سآمي كآن مستحيل نتآهل , آيه مستحيل ! آنا كنت حآضر بالملعب وشفت سآمي وحمآسه وتوجيهآته , والله من الحمآس يشيل المويه ويجمعهآ ويعطيهآ اللآعبين , طبعآ نزوله للملعب بين الشوطين الآضافيين حرك اللآعبين وخلآهم يحسون بقيمة الشعآر اللي هم لآبسينه وخلآهم يحسون بتعب الجمهور اللي قآطع آلآف ومئآت الكيلوآت ! سآمي كنآ محتآجين وآحد مثله في على آرضية الملعب ,لكن للآسف مافيه  , بس الحمد لله آنه موجود برى الملعب لآنه غير الشي الكثير .. ويآليت تشوفون الهدف الثآني وتشوفون كيف كآن يركض جنب ويلي من الحمآس ! وآخر شي بقوله عن سآمي في هالمبآرآة .. شكراً من القلب سآمي .
. ×~× نقآط متفرقه ×~× *جيرتس فشل بشكل كبير في قراءة المباراة و واضح ان تفكيره كان مع منتخب المغرب للآسف ! *مدرب الغرافه عرف نقاط ضعف الهلال من خلال المباراة اللي راحت وغير تكتيك فريقه وكان ممكن يتآهل , وجيرتس للاسف لعب بنفس التكتيك لكن الله ستر ! *يتحمل اللاعبون جزء كبير من المسؤوليه بسبب الاخطاء الغريبه واللي اول مره اشوفها من لاعبين الهلال ! *ياسر ..الى متى ؟؟ , يعني مهوب معقول الفرص الغريبه اللي تضيع منك , قدام بونيدكور ضيعت فرصتين محققات والامور مشت والحمد لله , وقدام الغرافه في الرياض ضيعت فرصتين محققات والله ستر , وفي الاياب بغيت تحطم احلامنا وامالنا بسبب تضييع الفرص السهله والفلسفه الزايده ! , ياسر والله نحبك بس الى متى ؟؟ , اخاف تضيع فرص في نص النهائي او النهائي اذا تأهلنا ثم ماتتعوض ووقتها وش نسوي ؟؟ تكفى يا ياسر راجع نفسك زين .. *المرشدي , الزوري , رادوي .. محتاجين رجعتكم بـ اقرب وقت .. *تيآقو ..ماتشوف شر يارب وان شاء الله ماتطول الاصابه .. *جمهور رائع حضر وساند .. شعرت اني في الرياض بسبب هالحضور الكبير والخياليي ..شوارع قطر , اسواق قطر , فنادق قطر ..كلها امتلئت باللون الازرق والحمد لله الي مارجعنا خايبين .. *تآخر دخول الجماهير للملعب الى الساعه 5 وربع تقريبا والحجه المفاتيح ضايعه !! *جمهور الهلال كان متفاعل مع المباراة وساند الفريق حتى والنتيحه 4-0 !! *لاتزال مشكلة حسن العتيبي والعرضيات حتى الآن مشكلة تؤرق الفريق الهلال وتتسبب في كثير من الاهداف *جدار الصد الهلالي كان تمركزه خاطئ وبشكل غريب اثناء تنفيد فاول الهدف الثالث للمغربي العساس ! *نواف العابد كما فعل في مباراة الذهاب كررها في الاياب وهي مشكلة تسببه في كثير من الاخطاء التي ليس لها داعي .. *على كثر ما احظر من مبارايات اول مره اشوف جنون الجمهور بالشكل هذا و اول مره افرح كذا ودموعي تنزل لا اراديا  *سامي كان واضح من شكله وهو في الباص انه متضايق من المستوى , وبصراحه الاسطوره قمة في التواضع لبى قلبه .. . . . طبعا صورت بعض الصور المنوعه , وطبعا مبتدأ في التصوير بس قلت نصور كم صوره لعيون الزعماء ..    بصراحه اكثر شي ضايقني يوم تأخرو في فتح البوابات هالمنظر ابو هلال  >>طلب اني اصوره وانزله بالمنتدى  *هذا اللي سويته في المباراة - طبعا انا بعد الهدف الثاني طلعت وجلست برى وماقدرت اتحمل بصراحه وكل شوي كان يجي معي واحد يفضفض لي وافضفض له واكثر واحد اجمعنا على سوءه ياسر.. - بصراحه ما آنسى واحد من كبار السن كان يكلمني ويقول تفائل وان شاء الله بنتآهل والحمد لله انه ماخيب رجانا .. -فيه زباله ( الله يكرمكم ) اتوقع انها تكسرت من كثر ما اشوتها من القهر -بعد الهدف الاول حصل انفجار غير طبيعي من الجمهور وكل واحد يخمخم في اللي قدامه حتى لو انه مايعرفه , وبعد هدف طلق المحيا  صار جنون من الجمهور وحالات اغماء , وبصراحه انا جلست اراكض وعيوني تدمع والحمد لله يارب.. وفي الاخير اتمنى ان الموضوع اعجبكم وان اصبت فمن الله وان اخطأت فمن الشيطان ..
وماحب انسى مجهود اخوي( هلاالي 20) معي والله يعطيه العافيه .. موفقين 
اخر تعديل كان بواسطة » ♥ N E V E S ♥ في يوم » 26/09/2010 عند الساعة » 12:24 AM |
... مآقصرت خيو ..بالنسبه للمباراة صراحه قد ماارتفع ضغطنآ وعصبنآ على المستوى الباهت من الفريق ككل 
الوضع المتطور
