المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 23/09/2010, 08:24 PM
الصورة الرمزية الخاصة بـ الكـ0ـاسـ2ـر
زعيــم فعــال
تاريخ التسجيل: 11/03/2010
مشاركات: 327
Thumbs up وش صار عليك اثناء وبعد مباراة الهلال والغرافة في الاياب في المباراة المجنونه -اغماء - اهبال - اللي صار لك أُكتبه

السلام عليكم يا زعماء
ودي نترك الموضوع ذا
للمباراة الماضيه وهي مباراة الهلال والغرافة الاياب
وش صار عليك اثناء متابعة المباراة وبعدها
انا بسرد لكم قصتي
واتمنى انه لا يكون هناك ردود شكر فالكل مشكور بقرائته ومشاركته بالموضوع نفسه

القصة تقول

انا جالس اناظرها بمقهى
جاءهدف
قلت ميخالف
جاء الثاني
قلنا ميخالف
جاء الثالث
تحمست
ومنقهر قووووووة
المقهى صك القناة وقت الصلاة
رحت وصليت ودعيت ربي
ورجعت
ويوم جاء الهدف الرابع
جاني احساس انه يبي يجي للهلال هدف ونبي نفوز
بس قلت كسل الصراحة اتحمس ويمكن اخربها (تخرب النفسيه)
وتصير النفسيه زعلانة قوووووووووووووة
وهمن قمت وطلعت من المقهى
ورحت
والسيارة خربانه
ومشيت رجليه حول كيلوين بعد الهدف الرابع
اومر امر من عند حلاق
وانا ادخل وهو يجي هدف ياسر
واااااااااااااااااااااااااااااااااااااااااااااوك
انواع الوناسه
وجاء الهدف الثاني
بغيت اسجد لله شكرا على هذا الهدف من داخل الحلاق
انا الصراحة
جايني احساس قبل المباراة انه يبي تصير المبارات شينه
ليش ؟؟مدري !! وغالبا تصدف الاحساس يكون صحيح
ويوم جاء الهدف الرابع للغرافة توقعت يبي يفوز الهلال
بس قلت تدري
مهب لازم كورة
وانا عند الصيحة من القهر
ايه والله ربك ستر
وهذي قصتي



لكن ايش صار عليكم انتم


نبي منكم التفاعل
وبالعربي لا يهمنا شكركم بقدر ما يهمنا ايش صار عليكم - اغماء - فترة اهبال - مجانين- اي شيء

شكرياتي لكم


ولا ننسى التفاعل
منكم والشكر لكل المارين على الموضوع[/SIZE][/SIZE]

اخر تعديل كان بواسطة » الكـ0ـاسـ2ـر في يوم » 24/09/2010 عند الساعة » 01:51 AM
اضافة رد مع اقتباس
  #2  
قديم 23/09/2010, 08:40 PM
زعيــم متواصــل
تاريخ التسجيل: 01/10/2009
مشاركات: 166
ما صدقت الغرافه جاب 3 اهداف
بدت الاشواط الاضافيه قلت اللياقه تخدمنا
جابوا الرابع قلت الله يستر من الخامس ونصير علج بحلوج الناس
جلست افكر وشلون بقابل النصراويين
جاب الهلال الهدف الاول واقوم اركض واحب الباب والى خشتي منشقه وبها دم
رحت اغسل واسمع هدف والعيال يناقزون وانسدح وابكي ونا مو مصدق
والله لا يعيدها من مباراة
وافكر اعتزل التشجيع<<تكفا
اضافة رد مع اقتباس
  #3  
قديم 23/09/2010, 08:56 PM
الصورة الرمزية الخاصة بـ k9k9
زعيــم فعــال
تاريخ التسجيل: 14/06/2010
المكان: بالمنتدى.....
مشاركات: 386
انا صراحة جاني تفاؤل في الاشواط الاضافيه مدري احساس >>اوخس يابو احساس..........
والله مباراة مجنونه صياح ونياح وانهيارات وفرحة مجنونه بس الحمدلله على التاهل...........
تحياتي اخوي الكاسر...............
اضافة رد مع اقتباس
  #4  
قديم 23/09/2010, 09:01 PM
زعيــم متألــق
تاريخ التسجيل: 05/08/2005
المكان: آرفـايـن - مـخـرج 10
مشاركات: 1,381
انهيـــار نفسي و جسدي و صياح و نباح !!
بس صراحة التفاؤل كان موجود حتى مع هدفهم الرابع ،، والحمدلله على الفوز
اضافة رد مع اقتباس
  #5  
قديم 23/09/2010, 09:05 PM
زعيــم متواصــل
تاريخ التسجيل: 05/09/2010
المكان: حيث أكون
مشاركات: 169
حلو الموضوع ..

انا بصراحه .. كنت عادي بالهدف الاول ..

الثاني : صرت ادقق باللاعبين و التخبطات ..

الثالث : انجنيت .. من جد قهر .. متأكد بيجي لنا هدف بس اللي قهرني ليه توصل 3 ..

بعدها حطيت رجل ع رجل بأنتظار الهدف و نخلص ..

الرابع : سكرت التلفزيون .. و حطيت حرتي بالمنتدى .. اركد المعصبين .. و بيني و بينك اتابعها من المواضيع هههههه

تقدر تقول لاعب ع نفسي ..

بعد ما شفت خبر قوووووووووووووول هنا ..

اشتغل التلفزيوووون .. و جلست اطامر المشكله اني فرحان بس جسمي حااااااار و يصب عرق .. تحت مكيف

قلت بعذر حالات الاغماء مع الرطوبه الله يكون يعونهم ..


و بس ..؟؟
اضافة رد مع اقتباس
  #6  
قديم 23/09/2010, 09:05 PM
الصورة الرمزية الخاصة بـ الكـ0ـاسـ2ـر
زعيــم فعــال
تاريخ التسجيل: 11/03/2010
مشاركات: 327
التفائل مطلب اخوي k9k9
خانني التعبير اقصد انا فيه تفائل عندي
اضافة رد مع اقتباس
  #7  
قديم 23/09/2010, 09:14 PM
الصورة الرمزية الخاصة بـ هلالي مختفي
زعيــم مميــز
تاريخ التسجيل: 14/05/2009
مشاركات: 2,164
مشكووووور اخوي والله مبارة جدااااا مجنونه انا لما دخل الهدف الاول حق الهلال جتني كتمه
وبكيت .................
اضافة رد مع اقتباس
  #8  
قديم 23/09/2010, 09:18 PM
زعيــم مميــز
تاريخ التسجيل: 24/04/2009
مشاركات: 2,200
انا والله كان عندي دوام بالجامعه وسحبت عليها عشان الهلال

الين ماجا هدفهم الرابع وبقى على الاشواط الاضافيه وتنتهي 10 دقايق قلت ماظنتي فيها شي خل اروح اكمل دوام الجامعه ازين

وطلعت ورحت كملت يوم رجعت وافتح موقع كوره وانا جالس افكر وطفشان شوي الى اقرا الغرافه تالق ولكن الزعيم للمربع الذهبي ويجن جنوني وصراخ وهبال وافتح على مباريات اليوم واشوف النتيجه ويجن جنوني اكثر لكن والله مباراه مجنونه تمنيت اني شفت الاهداف مباشره
اضافة رد مع اقتباس
  #9  
قديم 23/09/2010, 09:19 PM
زعيــم متواصــل
تاريخ التسجيل: 25/02/2009
مشاركات: 54
كنا جالسين بالمجلس حوالي 10 اشخاص

وكل ماجا هدف الكل يسب وصرنا محللين المفروض يطلع هذا والمفروض يدخل هذا

المهم اربع ترامس شاي خلصت من القهر واللي ملاحظ الاهداف كلها جات على مرمى واحد

واحد من الشله يقول المرمى الثاني فيه شي فوق الشبك (دنبوشي ) ههههههههه المهم

اخر الدقايق قامت مسجات الشماته من النصراويين تأتي

وسبحان الله يوم جا الهدف انقلب المجلس فوق اللي وصل الشقف واللي سجد واللي رمى شماغه وعقاله واللي حضن الجدار

وماجلسنا واقفين وجا الهدف الثاني على طول وقمنا نطامر وفرح عارم ولله الحمد

ومشكور اخوي ع الموضوع
اضافة رد مع اقتباس
  #10  
قديم 23/09/2010, 09:19 PM
الصورة الرمزية الخاصة بـ عاشق الهلال يونايتد
زعيــم نشيــط
تاريخ التسجيل: 17/03/2009
المكان: الخرج خرجك
مشاركات: 759
بعد الرابع تووني ماسك الجوال بــروح ارقد قـال اخوي يعني بيـفوز لين رحت تنــام وتـكيت اول مـاجاء هدف يــاسر قمــت اصـراخ وانــابح حـسيت ان دخـل فيني سكني من الصراخ وبعد هـدف عـيسى مـاعاد ادري وش الســالفة حـسيت انه حـلم ليـن نمت وصحيت وفـــرحة والحمد الله والشــكر الف وبـأذن الله الكــأس هلالي
اضافة رد مع اقتباس
  #11  
قديم 23/09/2010, 09:33 PM
زعيــم نشيــط
تاريخ التسجيل: 11/04/2006
المكان: في قلبها
مشاركات: 786
انا تعبت نفسيا وتركت المباراة في الشوظ الاضافي الثاني الدقية التاسعة ورحت اشوف ولدي وامه وجلست معهم وبعدين قلت خلني ارجع اشوف التصاريح بعد نهاية المباراة لقيت المباراة ما خلصت باقي منها 5 دقائق والا يجي هدف ياسر القحطاني مثل المية لما تشربها وانت عطشان مثل ... وبعدها لما جاء هدف عيسى المحياني طرت من الفرحة هدفه محى كل تصاريح اندية الفقر واستهزاءهم فينا
وفي الاخير اقول الحمد لله على كل حال
وهذه قرصة لنا نستفيد منها ونبي اللاعبين يعو ذلك
اضافة رد مع اقتباس
  #12  
قديم 23/09/2010, 09:45 PM
الصورة الرمزية الخاصة بـ تــركي
زعيــم متواصــل
تاريخ التسجيل: 01/06/2010
المكان: الرياض
مشاركات: 135
انا صراحه تحطمت نفسيا مدري وشلون

ادخل لتعرف ماذا يكن النصر للهلال من حقد
http://vb.alhilal.com/showthread.php...1#post15948497
اضافة رد مع اقتباس
  #13  
قديم 23/09/2010, 09:46 PM
زعيــم مميــز
تاريخ التسجيل: 29/09/2007
المكان: الاحساء
مشاركات: 2,198
قمت انقز وابوس الي يمي واطب هنا وهناك في الديوانيه

لبى الحااااااااااااااااااااااااااااااااااسم عيسى
اضافة رد مع اقتباس
  #14  
قديم 23/09/2010, 09:59 PM
الصورة الرمزية الخاصة بـ هلالي عرباوي
زعيــم نشيــط
تاريخ التسجيل: 22/02/2009
مشاركات: 852
اول شي الجمدلله على الانتصار والتأهل يارب لك الحمد ..


ثآني شي انا جالس اتابع وشوي ويجي الهدف الاول والثاني والثالث ويوم جآء الرابع هديت وجالس اتابع وانا ساكت ومنصدم على الرباعيه ..


وشوي ويجي هدف ياسر وانا اسجد شكر لله وابكي ويوم جاء الرابع وابكي بكآء من قلب الصراحه بدون مجامله ومن الفرحه كان بجنبي كاسه واضربه وتنكسر بيدي وتنفتح وبعد المباراه رحت للسعاف خيطوها والحين انا بخير ..

واهم شي الانتصار وآلتأهل الف الف الف مبرووووك لجميع الهلالين الف مبروك ..
اضافة رد مع اقتباس
  #15  
قديم 23/09/2010, 10:08 PM
الصورة الرمزية الخاصة بـ قنـاص جـده
زعيــم متألــق
تاريخ التسجيل: 26/01/2009
مشاركات: 1,121
انا يوم جابوا الأول قلت الحين نعدل المباراه توها باديه
لما جا الثاني قلقت شوي وقلت ان شاء الله نجيب هدف ونلخبط امورهم
يوم جا الثالث بصراحه اتنرفزت وعصبت وأنواع القهر وقلت في بالي ان شاء الله يجي هدف للهلال ونتأهل
استغربت وانتهت الأشواط الأصلية وراحوا للإضافي يوم جا هدف يونس وانا احط يدي على وجهي وأقعد ادعي
وقلت في بالي يالله يعني بنطلع من اسيا خلاص راح الحلم اذا ما اخذنا اسيا بهالفريق والأسماء المتميزه متى راح ناخذها
انتهى الشوط الإضافي الأول وبدأ الثاني قلت في بالي ان شاء الله نجيب هدف بس يوم جا فاول وضيعها الشلهوب قلت المباراه انتهت
مع ان كان فيه وقت 10 دقايق باقي عالنهاية .. الا شوي ويجي هدف الهلال من ياسر وأنا اقوم انقز فالبيت من مكان لمكان وبكيت لين قلت اميييين ههههه ويوم جا الثاني اصرخ بأقوى ماعندي قلت الله ياعيسىىىىىى واطلع اعدي وأقول الله اكبر الله اكبر اهلي حسبوني انجنيت ههههههه بس اللي قهرني العابد يوم ضيع الفرصه اللي قدام الباب كانت 4-3 بدال 4-2 بس يالله اهم شي التأهل
وبإذن الله الكأس هلاليه قولوا امين

تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:31 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube