والله انا يوم جاء االهدف الاول طرطعت ويووم جاء الهدف الثاني ضربت اخوي ويوم جاء الهدف الثالث كسرة الابجوره ويوم جاء الهدف الرابع مدري جاني شعور غريب والله العظيم قلت الهلال بيتاهل ومعصبت يوم جاء هدف ياسر وانا اطمر هاذيك الطمره ماريت الا انا فوق الكرسي واطيح على راسي واغمى علي ربع ساعه واهلي يصبون علي ماء وانا اقوم واشوف هيثم الحمادي مقدم قناة ابوظبي الرياضيه يقول الف مبروك للهلال التاهل واقمز واصرخ وانا دايخ بس الحمدلله عللى التاهل

انا بصراحه يوم جا الرابع تعبت نفسيتي وانقهرت لي نطلع الهلال اقوى وافضل قسم مووت يوم هدف ياسر واقول كفوو يا ياسر وفرحان وشوي ويجي هدف عيسى وانا افرحه وجسمي يرتجف مباراة مجنونه والله حلووه وتعليق فارس وجمهور روعه يارباااه ياهلال الكاس الكاس

جـــــــــــاني تمـــزق بإعصاب الأسنان.... من كثر ما أظغط عليها......

لكن لم أشاهد آخر 7 دقائق....

انا ما كنت متوقع اني احب الهلال لهذي الدرجه


طبعا المباراة كانها حلم يوم جا هدف ياسر اول مره بحياتي اصارخ وادور كذا ورحت ورى التلفزيون وفصخت ثوبي واحس اني منتقم من احد المهم كاني بحلم وشوي وجا الثاني واروح للباب ورجعت واصارخ بقهر من اللي قاعدين معي من الغير هلاليين وسجدت سجود شكر وغسلت وجهي وانا مرتبك وقعدت ما تكلمت مع احد وجوالي يخترش وسفط الى ثاني يوم ابغى ارتاح واقعد لحالي ما ابي احد يحلل ولا ابي اتكلم مع احد بس ابي استرخي . يا ناس وش ذا الهلال معقوله نحبه للدرجه ذي

آآآه على المباارت

أنا بصراحه من بداية المبارات واول هجمه للهلال كنت متفائل

يوم جاب الغرافه الهدف الاول قلت الله يسستر خطأ دفاعي قلت بنمشيها

عاد كنت أناضرها في الاستراحه وعندي واحد من عيال عمي نصراوي

ويشجع الغرافه وصيااح

يوم جابو الهدف الثاني ومن الربكه كل شوي شارب مويه

ويوم جاء الهدف الثالث جلس يناضرني ولد عمي ويقول بالله هذا فريق

واعطيه نضره وهو الي يسكت

المهم قلت ان شااء الله الشوط الثااني تتعدل الاموور

يوم جاب الغرافه الهدف الرااابع جلس يناقز ولد عمي ويصاايح وطبعا مواعدنا يقوول ان فاز الغرافه وتآهل مالكم الا من يعشيكم تيس

وكل شوي يقولي ان الهلال بيجيب هدف وبيتآهل

المهم يوم جت هجمة الغرافه قلت الله يستر وانا حااط يدي على قلبي

ولا يوم ضاعت هجمة ياسر نقزت نقزه واحط يديعلىرااسي

المم يوم جااب الهلال الهدف وانا انقز نقزه كنت احسب ان راسي بيصقع في الجدااار

وأمسك الجوال وانوااع البرودكاسات

المهم ويووم جاب عيسى الهدف بغيت أصيح

والحمد لله

ويووم أنتهت المبارات وانا الي أسفل ولد عمي وهو ضاايق صدره ويقوول بالله لا تكلمني

قلت بالله وانت من اليووم تنتف فيني جرب ماجربته أنا

تبغى الصراحه كنت متفائل مدري ليش

يوم جاء هدف المحياني جلست ابكي

كنا مجتمعيت في بيت اخوي وجيت متاخره بعد الهدف الاول حق الغرافه
وتفاجاة وجلست اهزاء الجالسين وقلت ماتعرفون تعلموني واجلس عند التلفزيون
وبديت اتوتر ويوم جاء الثاني واتغطى بعباتي وامل نفسي ويوم جاء الخطاء قلت هذا التعادل
وجاء بدت اعصابي تفلت واقوم واقعد واخوي جنبي يقول اقلقتينا وامي تقول اعقلي
وانا مالى خلق احد نشف ريقي يوم بدء الشوط الثاني زاد توتري وتعبت وبديت اصدع واقول مستحيل الهلال يخسر
واجلس اترجاء خواني وخواتي قلت تكفون طفوه والله ما اقدر اتحمل الله يقطعهم
قالوا اطلعي برى لاتشوفينها يوم جاء الرابع بغيت اصيح قلت اعقلي الهلال بيفوز
وصراخ على الهجمات وامي برى بالصاله تقول جاء هدف تقول لا
لدرجة ان اخوي قال ليتنا ماشجعنا الهلال ولا عرفنا الكوره <<< مو من قلب
ويجيك هدف ياسر وصرااااااااااااااااااااااااااااااااااخ بقوه اهتز بيت اخوي كل اللي برى دخلوا علينا وامي جت بالعصاء جلست تهزاء ولا احد سامع ياعمري ياميمتي الا ويجي الثاني وهالمره هبااااااااااااااااااااااااااااااااااااااااااااااااااااااااااااااااااااااااااااااااااااال

امي بس تسمى علينا

وبعدها اعصابي منتهيه استرخيت على الكنب الله لا يعيد هالمباراه ذبحتنا من جد
وبعدها اكلت حبتين بنادول
والسلام

لاازيد على شعور الزعماء ... اذكر كنت في حالة استغراب وذهول مما يحصل لزعيمنا !!

عندما جاء الهدف الثالث خرجت وانا اسمع تمتمات المعلق من خلفي وهو يثني على مجهود لاعبي

الغرافه ومستوى الهلال الهزيل المتخاذل ... وانا اقول في نفسي حينها لن نعبر الى الدور القادم


هذا مستوانا خرجت اصلي العشااا وبعدها ادور واهيم على وجهي بالشارع بلا هدف ولا اعلم الى

اين انا ذاهب .. اقسسم بجلال الله وانا في قمة حزني لاح لي تفاؤل لااعلم سبحان الله لم اتاني هذا

الشعور لكني كنت واثق بالله سبحانه ثم بالزعيم وقلت في قلبي سيفعلها انا واثق رغم كل

المؤشرات التي لاتنبئ بخير .. وجاءت الطامه ( الهدف الرابع ) اقسم بالله وانا ادعوو وادعووو

بصوت عالي .. يالله ياربي ياالله يالله وفقنا ياالله .. وما هي لحظات كانت اشبه بالحلم الى ان

استجاب القدر لندائي وتوسلي للرب سبحانه وجاء هدف ياسر وبعدها بدقائق هدف المحياني الذي

(احياني) من جديد صرررررخت بااعلى صوتي يالله يالله الحمد لله وأكاد اجزم ان كل الجيران

سمعوا صرختي وتوجهت فورااا الى سجادتي ودمعتي على خدي حمدلله يارب لم يخيب املي

وثقتي بقدرة رب العالمين ...

انا عن نفسي ابقول قصتي
اول المباراه تحمست كالعاده ومادريت الا ان الهدف الاول جاي وقلت الله يسامحك ياخيرات قلنا معليش مشيناها ويوم شوي الا الهدف الثاني قلت هذولا شاديين ويبون الفووز ومادريت الا الثالث جاي قلت الله يستر لا يفوزون وانتهى الشوط الاول وانا غاااضب جدا على مستوى الفريق السيء ويوم اشوط الثاني اتت هجمات من الطرفين وانتهى الشوط ويوم بدا الشوط الاضافي وجا الهدف الرابع حزنت كثيرا وقلت يارب الزعيم يسجل ويوم شوي الا ياسر امام المرمى ضيعها ؟؟ قلت اصدقها من الكل الا منك ياكاسر وقلت يارب يعوضها الا وشوي ويسجل الكاسر وفرحت كثير وقلت هذا الكااسر الا وشوي وطلق المحيا يسجل وقمزت قمزه صقعت اللمبه منها ههههههههه والحمدلله على التاهل ويالبيه ياويلي وياياسر ويامحياني وياشلهوب

لاهنت اخوي

اقدراقولك اني حتى هدقيقه فيني صداع نصفي وعيوني رايحه فيهامن المباراه
وأزين شي شفت أخوي الكبيريبكي وناااااااسه

اول شي اللهم لك الحمد حتى ترضى ولك الحمد اذا رضيت ولك الحمد بعد الرضى

آآآآه يالمباراة

انا قصتي قصه وراح اقول لكم وش اللي صار بالضبط

اول شي احنا مسافرين لاندونيسيا وجالسين بمنطقة بونتشاك (الجبل)

ومزهبين وضعنا بالفله ومطلعين الجلسة والتلفزيون بحديقه الفله بس المشكلة كل اللي معي مب يم الكورة ابد بس معطيني جوي

وقبل تبدا المباراة والعيال يتريقون علي ويقولون هاه يالمحلل وش نظرتك للمباراة قلت لهم خل تجي التشكيلة واقول لك نظرتي>>>اقعد يالشنيف


جت التشكيلة الغبيه من جريتس وقلت لهم اكبر غلط يحط محور واحد لان الغرافه مستميت وماعنده اللي يخسره والمشكلة ان الدفاع عليهم اخطاء بالتمرير وما جا اللي يستفيد منها

وهذا اللي صار باول دقيقتين

ولما جا الثاني قلت لهم اذا ما تدخل المدرب وطلع الفريدي ودخل البرقان بتروح على الهلال
والمشكلة انه طلع الفريدي ودخل العابد وبصراحه مدري وش يبي المدرب من التغيير هذا

وحنا ننتظر الهلال يفز ويجيب هدف جا الهدف الثالث وقتها قلت لهم مافيه معمول والقهوه خلصت بروح اجيبها من البقاله قالوا العيال يامنلحس القهوه مليانه بالعزبة ومانبي معمول نكمل على باقي التمر

جا الشوط الثاني وضيع ياسر كم هدف ومع كل هجمة تضيع يختفي فنجال والا بياله من الصينية

جت الاشواط الاضافيه وكني شفت ولي متحرك والمحياني لبى قليبه داخل قلت لهم يا جماعه الهلال بيتاهل ان شاء الله واذا ما تأهل باقي رحلتكم على حسابي

جا هدف الغرافه الرابع وقلت ياعيال انا مازلت عند كلمتي وطلعت بطاقة الفيزا وظلعت باقي السيولة اللي عندي قلت لهم هذه قدامكم والهلال بيفوز

جا هدف الهلال الاول والله اني فرحت بس ما قمت اناقز واصارخ والعيال مستغربين قالوا ما شفناك انبسطت قلت الهدف ذا ماله طعم الا اذا جا الثاني

وما امداني اخلص كلمتي الا عيسى جاب الثاني وقتها طمرت من مكاني وقعدت ادور على الفله وطلعت برا الفله وواحد من العيال يلاحقني يحسبني انهبلت ومسكني قال تعال لا تفشلنا ورجعنا لجلستنا الا كل شي متكسر البيالات والفناجيل والطاولة اثر العيال بعد متحمسين وكسروها من المناقز

طبعا يوم رجعنا لقيت نفسي بدون البلوفر والتي شيرت اللي كانوا علي وكنت مرطرط من المويه قال خويي يا مهبول وانت تقامز فصخت كل شي وطبيت بالمسبح


عاد الحين قاعد ادفع ضريبة الفرحة.... درجة الحرارة 39 والحلق ملتهب والفكس شغال


يارب ياكريم تفرحنا بآسيا

..
مبااراه مجنونه تابعتها مع خوالي طالعين في استراحه وكلهم هلاليييه لبى قلوبهم
من اكبر واحد فيهم إلى اصغر واحد وجايبين التي في شاشه كبييرره وركبنا الدش في
الإستراحه من الظهر تابعنا مبااراه اصفهان وبوهنج والزبد مبااراه الهلال .. المهممم بدة المباراه الكل على اعصابه جاء الهدف الأول ما كنت موجود على الجوال وصل دخلت في الإستراحه لقيت كل واحد ماد بوزه ..
واجلس بأخر الفرشه واشوي يجي الثاني ويجي الثالث والنفسسسيه زفت وتحليل بين الشوطين وهذا يدخل وهذا يطلع والعتيبي ليش سوا كذ ووويلي وينه وين مستواه !! .. وجاء هدفهم الرااابع وهذاااا الي كان ناقصصص !!
ومافيه احد ما مسك راسسسه .. اشوي ويجي هدف ياسر ورب الكعبه حاله هستره
قمنا نناقز فوق تحت وتخمخم وتبويس ههههههههههههههههه وطلق المحيا يجيب الثاني وخلاص
هباااااااااال رقص وهستررره .. اول مره احس في هالشعور المتناقض فرحه على عتب .. !
وياليت اللاعبين يعيشون اشوي من الضيم الي عشنآه تحس مافيهم حماس من اول المباراه

بس الحمد لله جت سسسسليمه وربك سستر
والف الف مبرووووووووووووووووووووووووووك

اولا السلام عليكم ورحمت الله وبركاته

انا مت ونجنيت ونهبلت والله صحت صياح ماقد صحته بحياتي اه بسسسس الله اعلم شكثر احب الهلال

وياااااااااااااااااارب الاسيويه ناخذهااااا ياااااااارب