انا مرررره انقهرت على الاهداف اللي جت بسببنا حنا

بس كنت متفائل والله بالشواط الاضافيه وفيه واحد رفيقي كل شوي يتصل بي يقول الوضع كيف

يبيني اطمنه وانا قلت فيه هدف للهلال تطمن والحمد لله ماخاب ضني

والحمد لله على كل حال وجتني نوبة بكاء يوم شفت سامي لبى قلبه يبكي

واللهم لك الحمد على نعمك الظاهرة والباطنة

هبااااااااااال من نوع اخر

خاصه لا صار عندك مشجع نصراوي جالس يتشمت

آآآآآآآآآآآآآآآه من الزعيييييييييييييييييييم

والله تحطمت بعد الاربعه

وصرت ابكي واضحك بعد هدف ياسر وعيسى

يوم سجل ياسر الهدف ماني مصدق اقول لاخواني هذا تسلل هلال يجيب هدف غريبه
ما صدقت لين شفتها في الاعادة

انا كنت بمقهى عربي ببريطانيا مع مجموعه من اخوياي وكان فيهم نصراوية وكان معانا زميل قطري غرفاوي محترم جدا وتابعنا المباراة وحنا مو مصدقين الي نشوفة ومرة الدقايق والاهداف وحنا بحالت ذهول وزودها اخويانا النصراوين شوي ... وكان خوينا القطري يقول الهلال بيفوز وراح تشوفون ,, بعد الرابع المقهى صار بحالت صمت رهيب!!!! وتقربيا فقدنا الامل ,, واخر المباراة سمعنا صراااخ غير طبيعي بمقهى جنمبنا ,,, ولا ندري وش السالفة , وشوي ويجي هدف الاهلال واستجن المقهى بالصراااخ ,, وعرفنا ان المقهى الثاني حاطين على الجزيرة وحنا على ابوضبي والبث يتاخر تقريبا 5 ثوانيي عن الجزيرة ,, ونطلع مثل المهابيل نركض للمقهى الثاني ,, ويوم جاء هدف المحياني صار المقهى مجنوووون الى درجة ان العاملين بالمقهى انهبلو مو عارفين سبب جنووون الهلاليين بعد هدف الفوز واحمدو ربهم ان المباراة خلصة وافتكو منا ,,,
والحمد لله على كل شي,,,

وش صاار ؟؟!

عن نفسي أنا بنت و اتابع المباراة مع خواتي السحبه

بعد الهدف الرابع الكل راح و سحب ما بقى الا انا و اختي قالت خلااااص خسرنا ما فيه اسيا و من هالخنابيق

و أعطيها كم كلمع تسكتها اقول لها ما خسرنا و مدري وشو بااقي هدفين بسس

أول مرره أرفع صووتي عليهاا

عاد هي ارتاعت و حامت تسبدها و جت بتطلع من الغرفه الي نتابع المباراة فيها الا و هدف ابو عزووووز لبى قلبه بس

بعدين رجعوا كلهم و عشنا حياة سعيده ههههههههههههههههههه

ههههههههههه والله انكم فلة


صراحة انا اولا اعاني مشاكل من القلب

المهم يوم جاء هدف ياسر كالعادة صراخ وقفز وجنون

يوم جاء هدف عيسى خفت يكون تسلل بعدها يوم شفتهم يفرحون


ما دريت بروحي الا وانا في المستشفى قعدت فيه الين الصباح قالوا قلبك تعب شوي

والحمد لله انا بخير الان

الله يعطيك العآفيه

طبعآ آنآ كنت مقهور جدآ لأنه دوآمي أول ليل

وقبل المبآرآة طبعآ مع الشعور بالفوز باللقآء الأول كنت مطمئن نسبيا بصرآحه مع الخوف

من نآحية أمر المدرب مع الهلآل وخآصة أعرف طريقة لعب الدوري القطري وخآصة لمآ يكون

مع المنتخب أو أندية الوطن يكون تكسير ودخول عنيف يجعل اللآعبين يخآفون على أنفسهم بصرآحه

وهذآ اللي حصل

المهم انا بالدوآم وصديقي اتصل علي بعد دقيقتين من بدآية المبآرة وقال لي هدف للغرآفه طبعا تضايقت شوي

وقلت فيه امل الفارق لكن مع الهدف الثآني جاني خوف والثالث جاب المصيبه وحسيت بخوف على الهلآل

قلت خلني اطلع من الدوآم واختلقت قصة لرئيسي بالعمل حتى اطلع

قلت حق نفسي لآزم اشوف المبآراه ولا الهلال راح ينهزم مدري احسآس دآخلي فيني اذا ماشفتهآ راح ينهزم الهلآل

المهم وانا بالطريق اتصل علي صديقي قآل الرآبع جآبوه الغرآقه وقلت انا الحين دآخل المقهى جآيك

ولمآ شفت لاعبي الهلآل ولعب الغرآفه معهم قلت بس رآيحين فيهآ

بس الأمل بالله كبير وخآصه الحكم طلع الله لايرجعه ولاعبي الغرافه انتهت لياقتهم قلت ان شآء الله جآي الهدف

وفعلآ جآء الهدف الأول قلت بس انفتح دفآع الغرآفه مما يعطي الأمل بهدف ثاني وثالث

والحمدلله على الفوز وانبسطت

وصقعت رآس ثاآني لزوم الروقآن خاصه الرآس الأول مآجآب رآسي

وسلآمتكم يالغآلين

يوم المبارة من الصباح وانا صاحي حاس بأن اليوم هذا فيه أمور معقده
المهم بعد الاهداف جلست اتابع ولا انا متعود اطلع
لما جاء الهدف ما صدقت
سجدت وأخوي الصغير عمره 10 سنوات بكى من القهر
جاء الهدف الثاني ما عاد قدرت اقوم من محلي

بالتوفيق للهلال

الهدف الاول مشيناه الثاني بعد الثالث صراحه خلاص فقدت الامل ويوم جا الرابع دمعت عيوني شوي بس شوي ما بكيت بس دمعت
ويوم جا هدف الهلال كسرت التلفزيون وكسرت البييلات والفناجيل وعفسه في المجلس ويوم جا هدف الهلال الثاني انهبلت خلاص وقهرني عاد مدربهم يوم تهدد للحكم ودي اني موجود معهم العن وادا اللي جابوه
وشكراا
هههههههه
ان شاء الله ما تتكرر المباراه ذي

بعد الهدف الثالث جمدت بمكاني ولاتحركت وبعد الهدف الرابع الا الدمعة بدت تنزل
وكان عندي واحد عراقي قام يصرخ من الفرح ويتونس علي << تذكرت مشجعين النصر لما نتونس عليهم
المهم انا ضليت من بعد الهدف الثالث الى الدقيقة 114 ساكت لاحركة وقلت خلاص انتهى امر الهلال وهذه اول مرة اقول مافي امل لهلال وخاصة بعد الفرص السهل اللي ضاعت
وبعد الهدف الاول انفجرت بالصراخ وحمدت الله وسجدت شكرا لله واتونس على العراقي
وخويي قال بضربات الجزاء نطلعكم زي ما طلعونا ام صلال ولسا ماكمل كلام الا يجي الثاني وسكت خويي مرررررة وبعدها صرت اغني(اجيبه)
** لما ياسر ضيع المقصية تحمست وقمت وكان جنبي اخوي الصغير دفيته وكان بينفقش لولا لطف الله

انا الصراحه لما جاء الهدف الثالث طلعت ادور بالشوارع الى نهاية المباراة