المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #226  
قديم 25/09/2010, 08:29 AM
الصورة الرمزية الخاصة بـ موج الخليج الأزرق
زعيــم مميــز
تاريخ التسجيل: 02/10/2005
المكان: في وطن الهلال
مشاركات: 2,922
انا كنت صايم وافطر بس يوم جت الاهداف تركت الاكل انسدت نفسي

وجتني حالة نفسية رهيبة

وكنت توني شاري لبن كبير وحليب ولا فتحتها

يوم جاء الهدف الاول قمت مثل المجنون واشوت الحليب وتمتلي الصالة حليب
ويوم جاء الهدف الثاني واشوت اللبن ونفس الطريقة الصالة صارت لبن وحليب

الله يسامحني بس كانت من دون شعور
اضافة رد مع اقتباس
  #227  
قديم 25/09/2010, 09:08 AM
الصورة الرمزية الخاصة بـ 16طـلـق الـمـحـيـا16
زعيــم مميــز
تاريخ التسجيل: 26/09/2009
المكان: كل التوفيق للزعيم
مشاركات: 1,562
انهيـــار نفسي و جسدي و صياح و نباح !!
اضافة رد مع اقتباس
  #228  
قديم 25/09/2010, 09:59 AM
الصورة الرمزية الخاصة بـ شبح الزعيم 111
في انتظار تفعيل البريد من قبل العضو
تاريخ التسجيل: 03/10/2006
المكان: الــقــــصـــيـــمـ - بــريـــدهـ
مشاركات: 1,184
يوم جت الاشواط الاضافيه وانا اقوم خفت لايصير فيني شي .. رحت لولد خالتي على ما وصلت سالته عن النتيجه قال 4 - 2 لو تشوووف وشلون الفرحه ربك ستر

بس اتمنى انهم يتعلمون من هذا الدرس لان ماهو كل مره يبي يوقف الحض معنا باخر المبارات .

بالتوفيق للزعيم في المبارات القادمه والمباريات الاخرى

تحياتي ..
اضافة رد مع اقتباس
  #229  
قديم 25/09/2010, 10:12 AM
زعيــم فعــال
تاريخ التسجيل: 08/12/2007
المكان: عنــ باريس نجد ــيزه
مشاركات: 204
يسلمووووووووو على الموضوع كانك حاس ان بداخلنا شي ودناا ونطلعه

اولا مبروووووك على الفوز والتاهل وعقبال البطوله

نفسيتي اللي ظهرت بذاك اليوم ماعمري شفتهاا بي ابد

اولا كنت باسترااحه ومليااانه ناس عالم مالي دخل فيهم من بنات وحريم وشباب

والبزارين هذولا شي ثاني عادلهم دور بنفسيتي

المهم الهدف الاول مادريت عنه وقلت شي عادي واذا عدا ربع ساعه بدون هدف بيرجع الزعيم لوضعه ويصحى

مادريت الا الهدف الثاني جاء والثالث بعد الثالث خلااص انتهيت بدت اعصابي تفور


واللي يقهرني كنت بصاله استقبال طويله عريض وجوا البنات وجايبين سماعات


ويشبكون المايك ويشغلون الاغاني تعليق مااسمع خير شر وتخطيم قدامي


ويجيك المصيبه الكبيره بزر عمره تسع سنوات يجي ويطامر عندي بعد ماطردوه الشباب

ويقول يحولي خسروا وجلس كل الشوط الثاني وهو ماعنده الا ثلاثه صفر ثلاثه صفر
لالا خلاص لاتصيحين وانا ماسكه نفسي ومزكمه وعيوني حمرت من وجع راسي و وحالتي حاله


بعد الرابع زادت حرارتي وكل هذا وانا لاصراخ ولا ردت فعل ابد

مااشوف الا البنات يحضرمن علي لان كانوا بيسون اختفال لليوم الوطني

وقالوا مافيه الين يخلص المباراه عشاني يعني

وطول الاشواط من الاول وانا استغفر وحاطه براسي ان الفوز لنا والياس مماله مكان بداخلي

واستمر بالاستغفار جاء هدف ياسر تحسبوني صارخت ولا شي لا

لاني ماكنت اسمع التعليق وكنت حاطه على الجزيره اللي كان معلقهم قطري شكله

وكانه مو هدف واصارخ على البنات اقول اسكتوا خلون اشوف هدف ولالا

ويضحكون تشوفين بعيونك والابذونك
ماقدرت استوعب انه هدف الا يجي الثاني واصرخ صرخه بسيطه عجزت اتحرك حسيت

اني مثبته على الجلسه ويجين الحريم الكبار هاه وش صار ووش ماوش واعلمهم

ويدقون على شايب من شيانهم بوه سكر وماقدر يتابع المباراه خاف على نفسه عاد هم بشروه

والحمدالله على توفيق ربي بس كانت ليله رعب صعبه صعبه صعبه

الله يسامحكم ياللعيبه ومعكم الجمهور اللي خلوكم تدخلون الملعب وانتم واثقين
انكم متاهلين
اسف طولت اهم شي فزنا والفمبروك لزعمااااء التاهل
اضافة رد مع اقتباس
  #230  
قديم 25/09/2010, 10:25 AM
الصورة الرمزية الخاصة بـ ســمــيــر نــصــري
زعيــم فعــال
تاريخ التسجيل: 28/06/2010
مشاركات: 436
انا قمت اصارخ واطامر

مشكوور عوافي
اضافة رد مع اقتباس
  #231  
قديم 25/09/2010, 10:44 AM
الصورة الرمزية الخاصة بـ **ılı. هلآليًة آلمشــآعرٍ .ılı**
زعيــم مميــز
تاريخ التسجيل: 06/04/2008
المكان: وين مايروح الأزرق قلبي معاه
مشاركات: 6,383
بعد ماسجلو الرابع صارت تجيني افكار وهواجيس مع الصدمه

قلت بس

شبيه الريح بيستقيل

سامي بيمشي

اللاعبين الاجانب بيروحون

الشبكة ماراح اقدر ادخلها الجمهور بيكون يغلي

الهلال بينهار

اعوذ بالله جتني افكار تبكيييييي الحجر

الله لايعيدها من مباراة
اضافة رد مع اقتباس
  #232  
قديم 25/09/2010, 10:57 AM
الصورة الرمزية الخاصة بـ امبراطور البدايع
زعيــم متواصــل
تاريخ التسجيل: 31/08/2010
المكان: البدائع
مشاركات: 178
انى لست أقل منكم من الصراخ والمناقز والهبال والله حلوه المباراه
ولكن اقول الله وفقنا هالمره ولكن مهب كل مره تسلم الجره وشكرأ
المباره كلنا نعلم انها درس لنا وللاعببين اولا في دم التراخي ً
اضافة رد مع اقتباس
  #233  
قديم 25/09/2010, 11:40 AM
زعيــم نشيــط
تاريخ التسجيل: 03/01/2007
المكان: الهلال - أمريكا
مشاركات: 694
الله لا يعيدها من لحظات ..

انا كنت وقتها في العمل وكان معاي 2 من اصحابي .. اول ماجاء هدفهم الاوول وهي تقفل معي قلت هذي هي البدايه واقوم واسبسب في خيرات وكل لقطه في المباره اسبه .. ولا يهوون ياسر برضوه يوم يضيع فرص .. جاء هدفهم الثاني وانا تقفل معي ويجي الثالث وانا اضحك من حر مافيني ..خويي كل ماجاء هدف لهم يقوول الهلال بيفوز وانا اقوول وين يفوز ياهو ..ويوم يجي الرابع وانا تجيني لحظه صمت رهيب كرهت الهلال وكرهت اسيا وكرهت الدنيا حتى خويي اول مره يقوول الهلال خلااص طلع من اسيا ..
وتجيك هجمات ياسر ويضيعها وانا يرتفع ظغطي مره .. خلاص سلمت المباره للغرافه .. مع ان كان فيه تفائل بسيط وغريب ان الهلال راح يفووز .. عاد اخر الدقايق قلت للشباب خلونا نصلي لبوها مباره لبوها رفعه ظغط .. عاد مع اني انا اللي قلت لهم يالله نصلي مالحقتهم الا في اخر ركعتين .. المهم يوم خلصنا الصلاه وانا اول واحد طبعا اقوم من الغرفه واروح للاستراحه اناظر .. كانت وقتها ع قناه الكأس واناظر الا والنتيجه 4-2 ماصدقت انصدمت مادري ايش اسووي .. رجعت للشباب وانا مو في وعيي واقول لهم تصدقوون قالووا ايش قلت الهلال مسجل هدفين قالووا كيف وكيف واحنا نرجع للاستراحه ونناظر ولا احد فينا مصدق ونقلب القنوات قلنا اكيد فيه غلط في النتيجه الا وكلهن 4-2 .. انا من الاعصاب اللي جتني المباره ماقدرت افرح ومنصدم منها .. الحمدلله عدت ع خيرر .. وانا متاكد ان هالبطوله هي اللي بتخلينا نحقق اسيا ..
اضافة رد مع اقتباس
  #234  
قديم 25/09/2010, 01:10 PM
الصورة الرمزية الخاصة بـ [~ الزعيمة ~]
زعيــم فعــال
تاريخ التسجيل: 01/09/2008
المكان: جــــــــــ غير ـــــــدة
مشاركات: 382
الحمدلله أنا ما تفرجت إلا الشوط الأول..

لأننا سافرنا مكة..
اضافة رد مع اقتباس
  #235  
قديم 25/09/2010, 01:23 PM
زعيــم مميــز
تاريخ التسجيل: 11/04/2006
مشاركات: 1,535
انا خفت على اميرنا ..

بعد ما انتهى الشوط الاول صليت ركعتين وادعي .. وبين الشوطين الاضافية صليت ركعتين وادعي وقل الشوط الثاني الاضافي صليت ركعتين ودعيت ..

وبالنسبة لي قررت اترك الرياضه سواء تشجيع او ممارسة

ولكن الله ستر والحمد لله
اضافة رد مع اقتباس
  #236  
قديم 25/09/2010, 01:24 PM
زعيــم فعــال
تاريخ التسجيل: 04/02/2008
مشاركات: 251
قصتي مع المباراة :


كنت متخوف من ولوج هدف مبكر وهذا ما حصل بالفعل

اتصل علي زميل لي بعد الهدف مباشرة وقالي شفت الهدف

قلت أيه

قال تعال ناظرها عندي

قلت : ولك وجهه تقول تعال عندي
انا مانيب مناظرها ابداً

قال تعال عندي واطفي التلفزيون

قلت لا

وطلعت من عند ربعي وتوجهت لبيت الماما وكان البيت خالي على عروشه ( مافيه أجد )

جلست ألين بقي تقريباً ربع ساعة وينتهي الشوط الأول

فتحت التلفزيون وشفت النتيجة وكانت واحد صفر

رحت لبيتي وجلست حتى انتهى الشوط الأول

قلت خل ادق على خويي واسأله

قلت كم النتيجة

قال من جدك ما تدري

قلت والله مدري اخلص علي تكفى كم النتيجة ؟

قال منتب مصدق

قلت عجل علي عطني النتيجة

قال تعادل

صراحة فرحت فرحة كبيرة

ثم قال تعادل 3 / 3 قلت وشلون يعني

قال جابوا فينا 3 أهداف

قلت يا شيخ ضف وجهك ما أصدقك وقفلت السماعة في وجهه

واتصلت على واحد ثاني وقلت له كم النتيجة

قالي ثلاثة صفر والحمد لله انها مهيب اكثر


صراحة ضاق صدري وقلت الله يعين الشوط الثاني

رحت وشفت شوي من الشوط الثاني ثم رحت اصلي العشاء

ورجعت اكمل المباراة والحمد لله انتهت بالثلاثة


والصراحة يوم جاء الهدف الرابع خلااااااااااااااااص تحطمت النفسية مره

وقلت الله يستر لا تجي 5 ونصير مضحكه عند اللي يسوى واللي ما يسوى


وصراحة يوم جاء هدف ياسر وبعده عيسى ما ادري انا في حلم ولا في علم

وما استوعبت إلا لما صفر الحكم والحمد لله تأهلنا وهذا هو الأهم


صراحة من اصعب المباريات اللي شاهدتها في حياتي حتى الآن
اضافة رد مع اقتباس
  #237  
قديم 25/09/2010, 01:41 PM
الصورة الرمزية الخاصة بـ Azozvic
زعيــم نشيــط
تاريخ التسجيل: 29/11/2008
المكان: in Riyadh
مشاركات: 601
اولا السلام عليكم
القصة ومافيها طفيت الاكس بوكس على اخوي وقلتله يضف وجهه انا ابناظر مباراة الهلال قالي اوك وانا ابناظرها معك مع العلم اخوي فقراوي خخخخخخ المهم جا الهدف الاول قلت عااااااادي وانا متوقع بس فرح هدف وجا الثاني قلت يعني عادي هدفين مش حالك يوم جا الثالث قفلت معي والي قاهرني فارس عوض مسوي يقصد ويشعر واديداس والماس وعساس المهم بعد الشوط الاول قمت ادور بالبيت ومعصب بدا الشوط الثاني واخوي معي يشجع مع الهلال موب زي اخوي الاكير الفقراوي الاخر الي رايح يشجع الغرافة بره مع اخوياه المهم الشوط الثاني حماس الهلال يضغط قلت الهلال يبي يجيب هدف بس يوم شقت وجه الحكم والله غسلت يدي مليون فاول ولا حسبه غش بغش المهم واخوي معي ومصارخ مدري ليه يشجع معي عشان مقفلة معي ولا وده اجي وامزع وجهه ولا وطني هاليوم وتجي الاشواط لاالاضافية ويجي الهدف دمعت عيني قلت حرام والله حرام واقعد سااااكت من بعد الهدف الرابع ويجي هدف ياسر واصرخ ذيك الصرخة الله يعين الي نايم ذاك الوقت ومستانس ومتشقق ويجي عيسى ويحط الثاني خلاص خلااااااااص صوتي راح من جد واخي مستانس بعد
والله كانت مباراة مجنونة مافي فرق بينها وبين السعودية والبحرين بس كان الحماس اقوى في مبارا الهلال
اهم شيئ تاهلنا والاهم نتفادى الاخطاء الي صارت مع الغرافة
واخيرا وليس اخرا نتمنى خالص دعائكم في مباراة الهلال و ذوب اهن اصفهان
والله يوفق الهلال في جميع مبارياته
اضافة رد مع اقتباس
  #238  
قديم 25/09/2010, 01:50 PM
الصورة الرمزية الخاصة بـ johnny deep
زعيــم فعــال
تاريخ التسجيل: 18/10/2009
المكان: والزمان في احضان عـروس الـبحر الأحـمر
مشاركات: 311
انا بصراحه جيت من دوامي الساعه 2 ظهر وجلست من الحماس منتظر المباراة جبت كل الجرايد حتى جريده اليوم اشتريتها المهم رجعت البيت لقيت ام العيال وبنتي نايمين جلست متكي في الصاله اتابع التلفزيون الين قرب التحليل ، صحت البنت وجت لمي قلت روحي لمك ماني فاضيلك نامت عندي بعد بدايه المباراه بصاله ( طبعا ماني مصدق بعد الهدف الاول للغرافه توقعت الانهيار لان هدفهم جى في دقيقه الاولى وخفت ع مستوى خيرات يتحطم بعد الهدف جى الثاني والثالث ونا سااااكت وفيني صيااح جلست افكر متى ناخذ الكاس يعني دايم نطلع من فرق خليجيه جى الرابع رحت للمجلس ولعت زقاره رجعت تكيت شوي الايجي هدف ياسر وصحت صياح سمعوني الي باخر الشارع قامت بنتي تصيح وتبكي من النوم انفجعت من الصراخ بصراحه ندمت اني صرخت البنت جلست ترتجف ضحنتها وشربتها مويه الين استردت عافيتها وسجدت لله شكر شويتين جى الهدف الثاني لعيسى جلست ارقص بصاله بس بدون صوت علشان البنت لاتنهبل هههههههههههه .
اضافة رد مع اقتباس
  #239  
قديم 25/09/2010, 02:28 PM
زعيــم نشيــط
تاريخ التسجيل: 29/10/2007
المكان: في مملكه الزعيم
مشاركات: 812
يعطيك العافيه
مشكووووووور وماقصررررت
تقبل ودي
اضافة رد مع اقتباس
  #240  
قديم 25/09/2010, 02:35 PM
زعيــم متواصــل
تاريخ التسجيل: 18/04/2010
مشاركات: 147
كنا 8 جالسين كلهم من انصار الزعيم وواحد اتحادي بس مع الزعيم كمان لما جاء الهدف الاول سكتنا والثاني تغيرت الوجوه والثالث تغيرت النفسيات والله اني قلت لهم قبل الاضافي ياشباب ضاقت فلما استحكمت حلقاتها فرجت وكنت اضنها لا تفرج
ضحكوا وقالوا انت مجنون الا والرابع جاي سكت وكنت ابطلع اشم شوية هواء قلت ياولد اصبر انت ريس الشله لو طلعت رايح يطلعون شوي والا هدف ياسر وهات يانط وضرب في بعض وضم ما جلسنا الا والثاني جاي يالله يافرحه فرحناها نص يبكي ونص يسجد وهات يافرح بس الموقف الي عجبني كنا نتابعها على دبي الرياضيه ونهاية المباراه حولنا على السعوديه وفيه جلسات يتابعون على الجزيره والسعوديه متقدمه في النقل ولما جاء الهدف صحنا والشباب يطالعون وش فيهم انخبلواااااا وشوي الا وهم هييييييه والله ضحكت ولما جاء الثاني صحنا وجري وهم مع الخيل ياشقراااااا ما يدرون من سجل لو طلعنا كذابين كان رحنا فيها دعس ههههههه المهم جات ونحمد الله على ما نتمنى واقول للهلال لا عاد تعودون لمثلها ترانا متعودين على الفوز ولا غير الفوز يرضيناااااا ودمتم سالمين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube