جمهور الهلال ماذا تعلمتم من خسارة اليوم من الغرافه؟؟؟؟؟؟؟؟ دروس خصوصيه
 

السلام عليكم ورحمة الله وبركاته
هاردلك على الخسارة اليوم ومبروك التاهل الى نصف نهائي اسياء عندي بعض النقاط اللي اتمنى من كل الجمهور الهلالي تقبلها بصدر رحب .

1- فيه بعض الجماهير كانت مغروره غرور اعمى بعد انتهاء مبارتنا الاولى مع الغرافه واللي انتهت 3-0 للهلال لدرجة انهم صارو يستهترون في الدوري القطري بكل فرقه وكائنهم اخذو كاس اسياء وليس مجرد فوز في مبارة او في النصف الاول من المبارة واصبحو يتغنون ولا يحترمون الفريق الخصم او الغرافه وظنو انه فريق ليس بمستوا نص فريقنا الهلال لدرجة ان الغرور اعماهم ولم يسلم من استهتارهم مشجعين فريق الغرافه في منتدياتهم وانا شاهد عليهم ولا انكر وجود بعض الاخوان من جمهورنا المعتدلين الذين يتحفونك بكتابتهم واعتدالهم واحترامهم للخصم وجمهوره .

الدرس الاول-
يجب علينا احترام الخصم مهما كان غير منافس لنا واعطائه حقه في الاحترام والتقدير وعلينا ان نتعلم ان الكورة تعطي من يعطيها والمبارة احدا عشر لاعبآ ضد احدا عشر لاعب للمنافس وليسة مجرد اسماء اندية هي التي ستلعب بل الاعبين واحترامهم للخصم والعب بجديه وحماس طوال المبارة من اجل شعار نادي الهلال هي من سياتي بالانتصارت وليس العكس واذا انتم ياجمهور الهلال اصبحتم مغرورين فمن الموكد ان لاعبيكم سايصيبهم نفس الداء الذي اصابكم وهوى الغرور الم تتعضو وتتعلمو من جمهور النصر كبريأهم وغرورهم جعلهم لايرون بطولة من عشر سنوات ولماذا لان جمهورهم وبرغم من قلة امكانيات لاعبيهم يمجدونهم ويضخمونهم وعلى قولتهم يكذب الكذبه ويصدقها وهذا اللي نكبهم ونكب فريقهم وانتم ياجمهور الهلال اكبر من ان تقعو في مثل هذه الاخطاء ولكم في جمهور الجار عبره اذآ يجب علينا احترم الخصم مهما كانت امكانياته اضعف من فريقنا ولكم في مبارة اليوم عبره.

2- لنتكلم بصراحه باالنسبه للمدرب السيد قيرتس مع احترامي لكم وبكل صراحه مدرب مغمور وليس له اي انجازات تذكر قبل تدريب الهلال واللي يقول غير كذا ياليت يذكرلي البطولات اللي حققها جيرتس في مسيرته التدريبيه وانا من العام وانا هذا رائيي وقلتها بكل صراحه هذا مدرب عادي ولكن حسبنا الله على من كان خلف تضخيمه وتكبيره بشكل حتى لم يجده في مسيرته الكروية كلاعب وكامدرب في اوربا والله العضيم له الفخر انه درب الهلال بسبب تدريبه للهلال اصبح من اشهر المدربين في العالم بعد ان كان مغمورآ والسبب اعلام الهلال الذي وبكل بساطه لم يكن يريد ان يجرح اميرنا الرائع باانتقاده للمدرب العادي جدآ وبسبب المحاباة للامير عبدرحمان جعلو منه اسطورة في التدريب وبنسبه الى الفريق الهلالي الذي صنعه ليس قيرتس والفظل كله يعود الى المدرب ذو الفكر العالي السيد كوزمين بصراحه مدرب يعرف يقرا المباريات ويعرف متى يغير واين يغيروهذا هوا الفرق بينه وبين جيرتس الذي لايعرف الا يلعب بتشكيله واحده قبل المبارة واذا نجحة نجحة واذا لم تيسر الخطه كما ينبغي تجده يتخبط في تغيراته ولا يعرف اين الخلال في الفريق وضعيف جدآ في قراة المبارة اثناء سيرها وهذه حقيقه واللي مو مصدقني يرجع الى كتاباتي قبل 5 شهور وراح يلاحظ نفس كلامي في تعليقاتي ومواضيعي عن السيد جيرتس.

الدرس الثاني
بصراحه لم ارى مثلكم ياجمهور الهلال واليوم تاهلنا بعد فضل الله علينا ثم دعوات هذا الجمهور العاشق لهذا الكيان وانا انصحكم مثل مانتو واقفين مع ناديكم وتضحون لاجله من وقتكم ومالكم وتعبكم فلكم الحق ان تنتقدو نقدآ هادف وبناء من أجل مصلحة الفريق بهدف تحسين الخلل في الفريق وان لاتنجرو خلف الاعلام الهلالي وبعض كتابه الذين يضخمون كل شي على غير وجه حق واقرب مثل السيد قيرتس
ياجمهور الهلال العزيز الحقيقه التي يجب ان نعترف بها ان نادينا وفريقنا هم من يصنع المدربين وليس العكس جاء الينا الكثير من المدربين وفيهم من هم اكثر شهرتآ واكثر انجازآ من مدربنا المغمور والمضخم اعلاميآ وحققو مع الهلال اكبر الانجازت وذهبو وبقي الهلال يعانق البطولاة بغيرهم ولم نحزن او نخاف على زعيمنا
يذهاب مدرب وياتي مدرب ويبقى الهلال في المنصات يعانق الذهب وبكل صراحه اسواء مدرب فكريآ وليس لديه قرائه للمباريات هوى السيد قيرتس يضع الخطه والتشكيله قبل بداية المبارة ثم يصبح واحدآ من المتفرجين في الملعب واتحدا ان تنكرو ذالك
كلمة في خاطري للسيد قيرتس اذهب غير مأسوف عليك وباذن الله سيبقا الهلال كبيرآ بك او بغيرك:s3s:

3- هل الهلال بحاجه الى مهاجم محترف على مستوا عالي وهداف من طراز رفيع لايرحم الشباك ولا يضيع انصاف الفرص فمابالك في الفرص الكامله التي يضيعها مهاجمين الهلال وبكل برود
الدرس الثالث
اضن انه مبارة اليوم خلت اغلب الجمهو يقتنع اننا بحاجه الى مهاجم خطير ولو على حساب نيفيز لانه هوى الاضعف بين باقي محترفين الهلال وممكن العابد مع خبرة المباريات يغطي مكانه ومنها يعرف ياسر انه راح يصير حبيس دكة الاحتياط وذالك لوجود من يحل محله في الهجوم ومن مصلحة ياسر انه يكون في مهاجم افضل منه وهذا بيوجد شي من التنافس بينه وبين المهاجم الجديد وراح يقدم كل ماعنده في الملعب حفاضآ على مكانه في هجموم الهلال تخيلو فجاة ياسر يخسر كل شي يلقى الجمهور يتغنى في مهاجمه الجديد الذي يسعده ويسجل له صدقوني راح تلقون ياسر يحفر الملعب حفر يبي يستعيد مكانته بين جماهير الهلال وراح تكون بينه وبين المهاجم الجديد تحدي داخل الملعب وبائذن الله يستعيد حسه التهديفي ويرجع مثل ياسر زمان واذا مارجع على الاقل عندنا مهاجم هداف وفريقنا بخير وحنى ماراح نخسر شي راح هداف وجى هداف اخطر منه وعلى فكرة والله اني من اكبر محبين ياسر القحطاني بس بصراحه حب الهلال غطى على كل حب ثاني ونا ماراح اجامل ياسر على حساب عشقي الهلال .

ادري اني طولتها وهي قصيرة بس مبارة اليوم حطمة نفسيتنا ولعبة في اعصابنا كورة هههههههههههه:ba:
واخر شي اقوله الحمد الله جت على مانتمنى ومبروك التاهل اللي بطعم الخسارة وان شاء الله ننعدل الامور في المباريات الجايه ونحقق حلم الجماهير الهلاليه بفرحة كاس اسياء لو ان مبارة اليوم خلتني احط اكثر من ؟؟؟؟؟؟ على البطولة الاسيوية وهل نحن كفوآ لها؟؟؟؟؟؟؟؟؟:alzaeem:
وكل عام وانتم بخير

شكرآ للمشرفين على الرفع:ga:

الفريق اليوم كان مسخره معليش على الكلمه لكن مافيه غير هذي الكلمه تصف حال زعيمنا .

أما بالنسبه للداهيه قيريتس :d صراحه التشكيله اللي دخل فيها كانت نكته :d ماأدري كان يبي يضحك الجمهور مثلا :d

ماكان له إستراتيجيه واضحه لاهو اللي دافع ولاهو اللي هاجم الفريق ضايع :to: لكن ربك ستر والفوز توفيق من الله سبحانه وتعالى .

أحب أشكر جميع الجماهير اللي حضرت وتعبت وشرفتنا لكن فريقنا اليوم بروحه الإنهزاميه ماكان يستحق أن يقف معه هذا الجمهور الكبير .

عووووووافي يالغالي
الكلمة الوحيد والعذر الوحيد هو الهلال اليوم لم يكن بمستوها وبس
مشكووور

يعطيك العافيه واسعدني مرورك وبيني وبينك وش نقدر نسوي نحبه ونعشقه ونموت فيه وغصب نحضرله حتى لو ماكان بيومه وهذا العشق ومايسوي

موضوع مهم
لكن لأوافق في الدرس الأول والثالث

خاصة الأول
ترا اخوي حتى مورينو افضل ومدرب في العالم يفوز بصعوبة
معا ان فريقه يحمل نجوم كثير مثل اوزيل ورونالدو وهيجواين وغيرهم
وجورديلا خسر من فريق توه صاعد معا انه عنده نجوم كبار مثل ميسي وتشافي وانيستا وفيا وغيرهم

يعني لاتقلب على المدرب من مباراة وحدة
وتذكر الموسم الماضي الهلال بقيادته لم يخسر غير مبارتين وتعادلات تنعد على اليد الواحدة

أول شي الحمدلله على التأهل ..
ثاني شي أنا ما ألوم اللاعبين كثر ما ألوم ايريك جريتس
اللي بصراحه ماني عارف ايش يبي انت فايز بـ 3 بمباراة الذهاب
ومباراة الإياب خارج أرضك المفروض إنك تلعب بمحورين وتسيب الفلسفه حقتك ..
سجلوا الأول والثاني والثالث وبرضوا ما عرف يقرأ المباراة والله لولا الله ثم الغنام كان انتهى الشوط الأول
بأكثر من 3 أهداف ..
أتمنى من إدارة الكره وإدارة النادي الجلوس مع المدرب قبل مباراة دور الأربعه .. مع احترامي للغرافه نتيجة 4 في فريق مرشح للبطوله كبيره والله ..
المباراة والحمدلله راحت بحلوها وبمرها ..
انسوا مباراة الغرافه يوم الإثنين عندنا مباراة مهمة قدام الإتحاد وبصراحه هي مهمه نفسيا ومعنويا أكثر من إنها مهمه حسابيا ونقطيا ..
ادعمو الهلال في هذه المباراة آزروهم كالعاده أنا بإذن الله أول الحاضرين ..
وبالتوفيق للزعيـــــــــــــــــــم ...:ba:

فعلا المحياني اليوم يستحق الاشادة به ويستاهل لعب من كل قلبه والله عطاه على نيته وفرح الجماهير
اسعدني جدآ مرورك وتعليك ومبروك التاهل

نورتني بردك وتعليقك ومبروك والحمد الله التاهل

الحمدالله المبارة راحت بخيرها وشرها والحين كلنا مع الزعيم في الدوري والمباريات القادمه بس نتمنى من الاعبين ان يرتقي احساسمهم بهذا الجمهور العاشق للكيان الهلالي
كلامك على راسي من فوق ونورتني بتعليقك ومشاركتك

وجهة نضرك واحترمها بس ممكن تقولي في مبارة النصر اللي انتهت خمسه ثلاثه كم كانت النتيجه قبل تغبيرات قيرتس وكم صارت بعد تغيراته ولا قلي نهائي كاس الملك من اللي ضيعه بفكره الغير احترافي واضن كل الناس تكلمو عن تكتيك قيرتس في ذيك المبارة وانه فقير فكريآ ولا قلي وش رايك في مبارة الاتحاد في جده شف من اللي طلع ومن خش يطلع وسط صانع لعب ويدخل مهاجم من جد مدرب محترف اعلاميآ وليس عمليآ اكمل ولا اسكت تبي زود مبارة الاهلي الامارتي في الرياض ولا اقولك وش رايك في مبارة السد في الرياض وعلى شاني مبارة النصر العام في الدوري الدور الثاني العام تبي تصدق صدق واذا منت مصدق براحتك وهذا رايك ويجب على احترامه اسعدني مرورك وتعليقك

الله يعافيك والف شكر على تعليقك الحلو ياحلو

اخي العزيز كيف نسفت انجازات مدرب عشان مباراة واحده؟؟؟؟؟؟؟؟؟؟؟؟؟؟مدرب عالمي ومحقق انجازات مع غلطة سراي الدوري مرتين وماخذ الدوري البلجيكي ودرب مرسليا الفرنسي وكان على مشارف الهبوط ونافس وحصل على المركز الثاني وخسر على نهائي الكاس بركلات الترجيح ياخوي تأكد من معلوماتك قبل تكتب اي موضوع وانتبه من الاخطاء الاملأئية وشكرا