![قديم](images/coc/images/statusicon/post_old.gif)
23/09/2010, 08:35 PM
|
زعيــم مميــز | | تاريخ التسجيل: 10/02/2005 المكان: احضان الهلال
مشاركات: 1,704
| |
احداث المدرجات .. الهلال والغرافه القطري لسلام عليكم ورحمة الله وبركاته ..
الف الف الف مبروووك التاهل .. وعقبال ما نحقق البطولة
قبل كل شيء .. احب اشكر الاخوان القطريين على كرمهم وتواضعهم وحسن اخلاقهم
والله اننهم ما قصروا معنا بكل شي لا رجال امن ولا شعب ولا امن الملعب .. كلهم ما قصروا
شعب كريم ولا هو غريب منه الطيب ..
طبعا بسبب تواجدي هالايام بالخبر اتفقت انا واثنين من اخوياي نروح لقطر , وحركنا من الخبر
الساعه 1 الظهر وصلنا المنفذ الساعه 3 ونص تقريبا .. وتنقعنا في الى الساعه خمسة الا ربع
وبعدها دخلنا الدوحة ... وطلع كلها ملاعب .. وما ندري وين نروح
وقفنا واحد سعودي يحسب انا نعرف الطريق .. قلنا خلك وررانا وابشر بالخير
وقفنا دورية وقلنا وين استاد الغرافه .. جاء يوصفنا شوي ويقول تدرون خلوكم وراي ..
وفعلا مشينا وراه الين وصلنا الملعب .. بصراحه انصدمنا يوم وصلنا كل السيارات
سعوديه .. تذكرت شارع بدولة شقيقة كل السيارات فيها سعوديه .
دخلنا مع البوابة ولقينا الاخ ياسر الطلاسي يوزع التذاكر .. خذنا منه تذاكرنا
بس اللي ما فهمته ليه خذنا تذاكر لو دخلنا بدون تذاكر ما كان احد درى . . ما فيه احد يسال
عن التذكرة .. المهم دخلنا الملعب ولقيت 99 في المية من المقاعد المخصصه لجمهور الهلال
ممتلئة .. ويوم جلسنا صارت مية في المية ممتلئة .
كان الجميع متفاءل .. والجميع متحمس .. بس فيه رطوبة شوي هي اللي ضايقتنا
بدت المباراة .. واول دقيقة جاء هدف الغرافه . صراحه اكثر واحد انصدم انا
لاني اول مباراة احظرها هالموسوم وقلت في نفسي هذي بدايتها . طبعا الجميع لام حسن
خيرات على الهدف لانها غلطته مية بالمية .. بس المفروض ان الجمهور رفع من الرووح المعنوية
للاعب وخصوصا انه لاعب مبتديء يعني لو هتف باسمه اتوقع كان شي ايجابي يحسب للجمهور .
استمرت المباراة والكل خايف .. خصوصا من الهجمات المرتدة للغرافه .. واكثر الخوف كان من
خيرات لانه وضح عليه الارتباك .. مع مرور الوقت بدا التفاؤل يرجع للجمهور .
بس للاسف الغرافه اضاف الثاني .. وبعدها الثالث .. وهنا قمة الاحباط والصمت للجمهور الهلالي
طبعا من الصدمة صارت حالة اغماء وتدخل الاسعاف القطري .. والحمد لله مشت الامور بخير .
بين الشوطين الكل منصدم ولا هو قادر يتكلم ..
مع بداية الشوط الثاني دخل نواف العابد والغالبيه انصدموا من مشاركته خصوصا وان مستواه نازل
بقوووووووووووة وباقي لاعب صغير بالسن .. وما عنده خبرة ..
مع مضي الوقت ارتاح الممدرج الهلالي وبدا يتفاعل مع المباراة وخصوصا الثلث الاخير من
الشوط الثاني .. خصوصا لما طالب ويلهامسون من الجمهور ان يتفاعل .
فيه لقطة ما ادري اذا كان مخرج المباراة عرضها .. بس واحد من الجمهور رمى علبة موية
على حارس الغرافه .. وحاول حارس الغرافه انه يقول للحكم بس جاء ياسر واخذ العلبة وشربها
وما كأن شي صار . طببعا الجمهور اللي لاحظ الحركة تفاعل مع الموقف وهتف باسم ياسر .
اصيب الغنام ودخل البرقان .. واصيب نيفيز ودخل المحياني الذي قوبل بتحية كبيرة من الجماهير
انتهى الشوط الثاني والكل كان خايف من اهدار الهجمات الهلالية .. بدت الاشواط الاضافيه
وجاء هدف يونس محمود الرررابع .. والله بحياتي ما شفت الجمهور انصدم مثل صدمته
بهذا الهدف .. وصارت حول عشر حالات اغماء .. وفيه من طلع برى الملعب ..
طبعا يونس محمود احتفل بالهدف عند الجمهور الهلالي وما لقى منهم الا العلب .
بدا الشوط الاضافي الثاني .. اغلب اللي جالسين جالسين لانهم مصدومين
طبعا حاول الجمهور بالتظاهر انه متفاعل مع المباراة .. بس الصدمة قوية جدا ..
ولكن في عز الصدمة .. وفي عز الحزن .. وفي عز القهر .. يسجل القناص الاول للهلال
هو سجل والا ما سجل والجمهور تجنن .. وكلن بدا يحضن اللي جنبه سواء يعرفه والا ما يعرفه
وانا ضيعت اخوياي من الفرحة لقيتهم تحت ما ادري وش منزلهم .. وانا في قمة الفرح
ناظرت للجمهور وقلت الله يديمها عليكم .. وناظرت للمعلب وقلت والله حرام عليكم .
بس كل الجنون .. وقمة الفرح .. وعز الهستيريا يوم جاء هدف المحياني .. هنا الجمهور ما عاد
درى وش يسوي اللي ناقز واللي رمى شماغه .. واللي رمى فانيلته .. خلاص ما دروا وش يسوون
انتهت المباراة وتاهل الهلال وواصل الهلال افراحه ..
طلعنا من الملعب ووينك يا سوق واقف .. هناك قمة التواضع من القطريين كل من شافنا منهم
قال مبروووك وعقبال البطولة .. كان سوق واقف هادي .. فجاة صار مليان بالجمهور الهلالي ..
رجعنا للسعودية والحمد لله على الفوز .. والحمد لله على السلامة .
نقاطي
1/ اكتشفنا جمهور مسيار في قطر غير النصر في السعودية
2/ ما حدث كان درس وباذن الله يستفيد منه اللاعبين .. اتمنى ما نضغط عليهم اكثر
لازم نرفع من روحهم المعنوية .. نبي البطولة .. عشان كذا يدا بيد مع اللاعبين
الوقت ما هو وقت لوم وعتاب وانتقادات .. الحين ما يفيد الا التشجيع وقبل كل شيء الدعاء
3/ اللهم وفق الهلال واجعل اسيا من نصيبه
4/ اشكركم على المروووور .. ونلتقي بافراح اخرى ان شاء الله
ختاما ..
لا اله الا الله اقولها بادي .. سيروا بحفظ الله يا جوهر بلادي
شعارنا التوحيد .. لا اله الا الله .
بالتوفيق للهلال والشباب |