السلام عليكم
مساء الزعامه الضائعه
اسمحوا لي ان ابدء بهذه التحيه ... ولكن اعتقد ان الكثير يجد لي العذر
ودي ابدء بالرأس الكبيره
# شبيه الريح في مباريات مهمه لابد ان تكون موجود مهما كلف الامر وجودك اكبر دافع للاعبين و يبعث الاطمئنان لنا كجماهير .
# نواف بن سعد كفيت و وفيت ... لكن تترك الملعب في اخر الدقايق معناه تشاؤم .. الله يعطيك العافيه على الجهد المبذول .
# جيرتس ( ما كنا كويسين ليه كدا )والله اني متأكد انه الاعبين ما أدوا الادوار بالشكل السليم لكن الفريدي ليه اساسي و عديم الفائده العابد ليه الشوط الثاني اثنينهم خليهم يمك احتياط او يلحقون الصويلح والعنبر .. اتوقع افضل لنا و لهم خليك جريء والعب باثنين راس حربه المحياني و ( ياسر ) او الجيزاني وين عبدالعزيز الدوسري ليه ما يلعب حتى اخر ربع ساعه في المباراه .
# حسن العتيبي في عام 1999 كنت افضل حارس بعد الاخطبوط الدعيع ولازلت ولكن اتوقع انك تحتاج شوية مباريات قويه وشوية تركيز .
# هوساوي مستوى متدني هذا الموسم ما أدري منك او عدم وجود المرشدي اثر عليك .
# خيرات في الدرة كنت الافضل و في الدوحه كان خيالك فقط متواجد شد حيلك انت سند الزعيم في المستقبل .
# نامي ليتك تطالب ان تلعب في مركزك علشان نقدر نحكم عليك لأنك غير مقنع في الظهير و اتمنى نتابع لعبك في منطقة الوسط لكي نقول لك مع السلامه الى الانصار او البقاء مع الزعماء .
# لي يونق رايتك بيضه الله يعطيك العافيه .
# الغنام يبي لك متابعة رادوي و عزيز كيف يلعبون وتتعلم منهم .
# الشلهوب تابعتك وحيدا ذاك المساء تصول وتجول .... لكن اليد الواحده لا تصفق .
# ويلي تبقى افضل السيئين في ذلك المساء .
# نيفيز ( يحتاج موضوع خاص ) كان في شد وجذب بين الهلال و الاتحاد من يظفر بيتوقيع نيفيز ويا ليت وقعت لهم وقعنا معاك متخصص في الكور الثابته ما شفنا الا القليل مع اني ما اذكر اي واحده منهم تبي تسدد من اي مكان حتى عندما يكون لاعب الخصم امامك وانت في زاويه ضيقه الرجاء الابتعاد وسط الزحمه غير مأسوف عليك .
# الفريدي ؟؟؟؟؟؟؟؟؟؟؟؟؟.
# ياسر ( اخاف اتكلم ويتم حجب الموضوع ) بإختصار سجل لو ( بوزز) ما نبي هدف نحطه في الجوال ونتراسله بالبلتوث او عبر الايميل .. اذا تبي باقي قيمة العقد قل لهم عطوني فلوسي او ما ابي العب و ريحنا .
# المحياني المفروض انك اساسي لإنك لما كنت في الوحده دائما هداف الدوري .. وما عندك مهاري الوسط المتواجد في الهلال الا انك كنت الهداف لكن الواسطه يمكن لها دور .
# سامي نزولك للملعب يمكن كانت رساله من شبيه الريح وكانت قاسيه في معانيها .. وهاهم فهموها في اخر خمس دقايق .
# رادوي انت القلب النابض انت الروح المفقوده لدى الهلاليين جميعا انت الحسنه الوحيده من بقايا كوزمين اعتقد ان هذا يكفي .. لما يجي طاريك في رهبه للخصوم .
# عزيز اذا بترجع غيابات و هروب من المعسكر في اخر الموسم قولها من اللحين وخلينا نلحقك مع المفرج او الغامدي او نبروزها ونقول قرر الاعتزال مثل اللي قبلك .
وللحديث بقيه
تحياتي
الوضع العادي
