نادي الهلال السعودي - شبكة الزعيم - الموقع الرسمي - نيفيز وبروده و انانيته ... كنا بفريدي واحد صرنا بفريديين ... والعتيبي و خيرات لا للاعارة نعم للبيع النهائي

السلام عليكم ...مبروك التأهل بعد طلعة الروح ....ما صارت ... والله حرام اللي قاعد يصير من خيرات و العتيبي ولا يهون نيفيز هذا يبي له مجلد كامل ويبي له جلد كامل حسبي الله على بليسه ...

العتيبي ...يا ابني هذا المرمى اللي تدافع عنه موب مرمى الوطني ... الله يا زمان الهلال يستقبل 3 اهداف حتى مو مزعات كلها كور تمشي على اقل من مهلها لما تخش المرمى كان من الممكن انه يصدها لو انه مد نفسه شويه و حاول يصدها ... وضع جدا غريب منه ... كل اهداف الغرافه و هو جالس و تارك الزاويتيين الجانبية بدون حراسه ولا حتى الزاوية العلوية ولولا الله ثم رعونه ال..... العراقي كان مدنا استلمنا خمسه قبل الدقيقة خمسين ...حرااام والله حرااام ... رجعوا الدعيع لو تعطوه مليون عن كل مباراة ... بس ارجع و رجع ايامك رجع عملقتك مو على الجالس .... حارس جبااااان و نكبه و خايف من التداخل مع الكورة لسبب مجهووووول ...
هذا يحرس مرمى فريق متواضع دوروا لنا حارس صااااحي ... تراه اكبر نكبة اليوم :mad:

غير الفضيحه الخطا اللي نفذه لاعب الغرافه في الهدف الثالث :ranting: يعني حائط ما تقدر تسفطه ..اعمى على غفله ولا كيف؟؟؟ الزاوية اللي دخل منها الهدف كانت مكشوفه تماما و هذاهي ميب مزعه ولا شي ... اخف كورة في العالم واخف بمليون مرة من كور جونينو ...شاللي تغير ؟؟؟ شوفوا لنا حل في هاللاعب تراااه رفع ضغطي ؟؟

خيرات ... يا ناس والله من زمان اشوفكم تفخمون في هاللاعب وما قدرت افهم على ايش ؟؟؟ هوساوي و الكوري شايلين الدفاع على روسهم بس هذا مسوي ثغرة فظيعه في النص و كل التسلسلات هو اللي كاسرها و يونس لاعب فيه لعب ...يعني اخطاءة كارثية بكل المقاييس كل هجمات الغرافة الخطيرة من جهته حسبي الله على بليس ....لاعب حتى تكتيكات الدفاع الاساسية ما يعرف لها ..يعرقل في منطقة الجزا هذا بالله لاعب عنده خاتمه ؟؟؟ حتى سرعته مرة بطيئة ولا بديهه ولا شي ... نسقوه نسقوه بس لا يرتكب احد فيه جريمه

نيفيز و ما ادراك ما نيفيز ....بروووود مو طبيعي ...يناور كل ما جات الكورة معاه وما يكفيه انه يعدي ثلاث لا بيعدي كل خط الدفاع و الوسط و البديهي انه بتنقطع منه ميسي زمانه الاناني .... اكثر من كورة يكون الشلهوب في موقع تهديف ومع كذا يلف جهه ثانية و يناول لاعب وراه و يعطل الهجمة اللي كانت عسل لين وصلت لرجوله ... احد يفهمني اش مشكلته بالضبط .. في اكثر من مباراة يكرر نفس الحركه مع الشلهوب بالذات بدون اي مبرر .... علم اللاعبين الانانية الزايدة كلنا شفنا هجمة ياسر اللي ما مررها للاعب منطلق من جنبه الظاهر ويلي وكانت هدف ... والشلهوب طنش ياسر في هجمه مع انه كان في موقع عجييييب ...الفريق كله اناني باستثناء ويلي اللي كان متحمس و يحترق في اكثر من كورة .... و كله كوم و التكتيك الواضح انه يبي فاول و الحركة مكشوفه اكثر من مرة يكررها في منطقته المفضلة واللاعبين كلهم فاهمينها و الحكم فاهمها و ما هو راضي يعطيه لانه كله تمثيل ... والله والله والله اني دعيت انه ينكسر و يطلع و يفكنا من انانيته و تعطيله و سبحان الله يوم طلع اللعب صار على اللمسه الواحده و شفنا السرعه و القتاليه .... افتكينا من بروده الفريدي و جانا هذا ببروده اللي يذبح كل الكور تنقطع منه على الاقل الفريدي يقاتل على الكورة اذا انخذت منه مو مثل هالزلابه اذا اخذوا الكوره ارتدت خطيرة ,,, حتى العابد اللي بنص بنيته الجسمانية يقاتل على الكورة كأن روحه معلقه بها .... الغنام الواضح ان المباراة اكبر منه ... ونفس الكلام على البرقان .... مافيه مثل رادوي و يليه عزيز ... ولو ان عزيز هفواته كثير بس انه يقاتل و يغطي الثغرات الذفاعية ...آآآه يا قلبي يعورني .. اول مرة افرح و ازعل في نفس الوقت ان كان جاني ضغط كله من هالمهزلة

بعد ما شفت نماذج من الردود ممن يتظاهرون بالمثاليه على حساب سمعة الفريق عقبت بهالتعقيب للتوضيح و ليس التراجع عن كلامي القاسي :ranting:

إقتباس:

الرسالة الأصلية كتبت بواسطة دافنشي الازرق (مشاركة 15935045)

شوفوا يا اخوان انا يمكن قسيت على بعض اللاعبين لكن اكثر من مرة اشوف تهاويلهم و اقول يالله الفريق يشيل بعضه ... ذولا يخطون غيرهم يصحح .... لكن كلنا شفنا اليوم الفريق كله مهو مصحصح ابدا ولا فيه ذرة قتالية ....
اليوم غيرهم صحح اخطائهم بس تظل حرقة الاداء السيء تعشعش في الاجواء غصبا عني و عنك ... ولا بالله هذا حال منتدى فريق متأهل لدور الاربعه الاسيوي ؟؟؟ كله انتقاد للاعبين لانهم ما قدروا الجمهور و تعب الادارة يعني انتم تشوفون ثانيين مقصرين عادي قولوا اللي عندكم بس ذولا الثلاث اكثر من مباراة احط يدي على قلبي من اخطائهم اللي محد راضي يتكلم عنها ... نتكلم الحين قبل فوات الاوان عشان يصححون الوضع او يدورون نادي ثاني ...اي لاعب مو قادريتقبل جمهور مثلنا ما راح يتحمل الضغوط و يكمل مشوار بالاسيوية
بالمنطق الكلام اللي تحت مو صح ..بالذمه بالذمه
العتيبي معروف باخطائة و هفواته من قبل لا يجي الدعيع وكررها اكثر من مرة هالموسم
و خيرات ممكن نقول اذا بندور له عذر انه خبرته تخذله و يغطي بطريقة خاطئة واذا قدامه مهاجم ماكر بيعديه بدل المرة الف وشفناها اكثر من مرة هالموسم
و نيفيز و انانيته اللي تذبح و يكررها اكثر من مرة خصوصا هالموسم
تنبيه اللاعبين لاخطائهم الصريحه و الواضحه مو عيب وانتقادهم مو عيب العيب اننا نشوف الغلط و نسكت