نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   الفريدي وخيرات وحسن والعابد ونامي والاهم ياسر (http://vb.alhilal.com/t932559.html)

سلووم هآمسون 22/09/2010 10:46 PM

الفريدي وخيرات وحسن والعابد ونامي والاهم ياسر
 
اتوقع من العنوان باين كل شي


الفريدي وما ادراك ما الفريدي لاعب بارد مستهتر اناني ضيع فوز الهلال من اول هجمه والثانيه بعد برود عدم مسانده ليش يكون اساسي...!!:mad:


خيرات لاعب حس انه بيكون اساسي وكسب ثقه المدرب مع انه والله والله والله نقطه ضعف

حسن يا الله هنا الكلام 3 اهداف ولا هدف حاولت او حسست الجهور انك تبي تصد آآآخ بس:mad:

العابد لاعب خلاص الغرور صاابه مهاره باص غلط ما ادري صرحه اتمنى يراجع نفسه:mad:

نامي عدم تغطيه ويفتح خاان يا الله بسسسسسسس اووووف:mad:

يآسر وآه من يآسر كم فرصه وكم هجمه وكم وكم صدق فآرس عوض يآسر ليس القحطآني الذي اعرفه

بس صحصح بالهدف:mad:

اشياء اتمنآهآ

الفريدي اتمنى يجلس بالدكه ويلعب شوط ثاني ويحس بالخانه وبمكان الاحتياط

خيرات وجود ماجد المرشدي ليس لك مكان بالتشكيله الاساسيه

حسن اتمنى تشوف الدعيع وتساله وتتعلم منه ترا مكانه ماثر وربي

العابد في الموسم اللي راح شي وفي نهايته والان شي

نامي لك مباريات ومباريات نبيك يا الزوري

ياسر القحطاني لا تفكر باي الا الهلال وجمهوره وبسسسسس انسى الحثاله اللي براا

اتمنى تكون وجهت نظري وصلت لكم

وربي وربي وربي واحد من اخواني طاح والان بالمستشفى وعنده ضغط لو بيلعب الهلال بهذا البرود اتمنى اني ما اشوفه ما كتب لكم هالموضوع وهذه النقاط الا للفائده الوم شي والعتب شي اخر لو ما احب الهلال ما قلت كذا ولا كتبت هالموضوع وفي النهايه شكرا لكل الزعماء اللي حضرووازرو وشكرا ارجو اني ما اكون طولت

سلووم هآمسون 22/09/2010 11:01 PM

اتمنى يرفع الموضوع

يا مشرفين..!!!

سلووم هآمسون 23/09/2010 10:09 AM

مآفي ولآ رد؟؟؟؟؟؟؟؟؟؟؟؟؟؟؟؟؟

الهلالي بيانكو 23/09/2010 10:14 AM

سلوم كلامك سليم و الله ميه في الميه .......
لكن صدقني اللاعبين فيهم بلى قبل المباراه الثقه الزائده يمكن ....؟

يعطيك العافيه

البحر الأحمر 23/09/2010 10:23 AM

الاخ العزيز سلوم

اول شي ما اقوم به هو اخذ رقم 15 من الفريدي لأنه هو سبب تدهور حالته الكروية ،،

الضرب بيد من حديد لكل من يطبل للاعب وخاصة في البدايات .

السماح بنقد اللاعبين حتى يعرفواجمهور الهلال ويعرف اللاعب المستهر أن الهلال ليس شعار وهذه بطولة نتعب ورارها .

ياسر القحطاني يجب على المدرب وسامي والرئيس مخاطبته بشدة حول احتفاظه بالكرة وضياع الهجمات السهلة في مباراة الإياب ومباراة النخبة سانتوس الكرة تذهب بإتجاه الجماهير مع إن المرمى 7م !!

hillal2009 23/09/2010 10:31 AM

المشكلة اني أحب اداء الفريدي يذكرني بصاحب قميصة السابق
والهلال البارحة كان كلة سئ حتى المدرب
يعني (دروب جماعي)

زاوية حادة 23/09/2010 10:34 AM

بعد الهدف الرابع جاءتني
صدمة نفسية وانهرت انهيار نفسي ووضعي النفسي سئ مايعلمها الا الله
خلاص احاول اقنع نفسي واستوعب ان آسيا طارت
والله العظيم حلم الى الآن مصدوم من السيناريو
يا اخي قسم بالله ان الكوره ترفع الضغط وتجيب المصايب
ودي اعرف وشلون النصراويين مستحملين فريقهم
مباراة وحده بهالمستوى والاهداف الفضيحه بغت تجلطني وشلون
هم صابرين 10 سنين !!
ااااااخ بس يا ليتني ما اعرف شي اسمه كوره
ما ابي افرح بالبطولات ولا ابي تجيني صدمة وهستيريا مثل امس !!
يا حظ اللي ما يعرف من الكوره الا اسمها !!

مجنوون بفن الزعيم 23/09/2010 10:56 AM

بصرآآآآآآآحه من المفترض معاقبة اللاعبين لاستهتارهم بهالمباراة ,, لانو من الطبيعي اذا انت عطيت لاعبك مكافأة فوز بدور ال 16 وقدرها 200 الف ريال بيكون عند اللاعب تشبع, أتمنى عدم تدليع اللاعبين أكثر من اللازم , اوكيه آنا معكم يااداراة الزعيم نجوم ويستاهلون لكن 200 الف قووويه شوي خآصة انو وقتها كان بدري ...


آنا عندي ثلاث أسماء هي اللي من جد كانت رافعه ضغطي بهالمباراة وعلى الاداراة معاقبتهم وهم / 1/ العااااااااااابد < مغرور >
2/ خيراااااات < والله فآشل وأخطاءه كثيره مو اول مره يخطي خطاء غبي لذلك أتمنى تنسيقه >

ياسر < لاتعلييييييق >


وربي هالكلام ماطلع الا من حبي للزعيييييييييم, أتمنى مااحد يزعل والا ياخذ بخاطره مني ....

الأعور 23/09/2010 10:57 AM

كل الخمسة اللي ذكرتهم سيئين جدا وأولهم ياسر القحطاني الذي يتفنن في اضاعة أسهل الفرص .
ولاتنسون ويلي اللي كان عالة على الهلال.
حسن خيرات هذا هو مستواه الحقيقي لاعب لايجيد المراقبة ولا قطع الكور الهوائية .
قريتس لم يحسن قراءة المباراة جيدا ولعب بنفس تكتيكه لمباراة الرياض .
عيسى المحياني هو النجم الأوحد لأنه يحاول اثبات وجوده مقارنة مع القحطاني لذلك المفروض الجيزاني والمحياني ياخذون فرصتهم .
العابد ؟؟؟؟؟؟؟؟؟ لايجيد التهديف وسريع التوتر ومغرور .
للأسف الشديد ضاع حلم آسيا والدليل هالمستوى المخزي اللي شفناه
نبي خروج مشرف أمام الفريق الايراني يعني مانبي نصير ملطشة زي ماسوى فينا الغرافة.

الوافــــي 23/09/2010 11:01 AM

اولاً الف الحمد لله على سلامة اخوك

مو بس اخوك الله يشفيه اعصابنا امس تالفه والسبه اشباه الاعبين في الشوط الاول الروح الانهزاميه اللى لعبو فيها

دخل عليكم هدف في اول الدقائق ولم يدخل عليكم 3 اهداف في اول الدقائق اجل لو كان فزنا في الرياض 3 -1 وش كان لسان حالكم

بعد الهدف الاول للغرافه على ارضه (( لاطارت الطيور بارزاقها ))

انا اكثر من الوم المدرب جريتش فتح العمق للغرافه ولعبو بدون جونينيو الذي يعد مفناح من مفاتيح المدرب الغرفاوي

فريق متقدم في ارضه بـ 3 اهداف يهاجم فريق ماعنده اي شي يخسره بعد الخساره بـ 3 دون مقابل

المدرب اخطى في اشراك الغنام بمفرده بمنطقه المحور الارتكازي متوقع من ان الغنام ( رادوي )

لا اشكك بامكانيات الغنام لكن من تابع الغنام في مباراة الامس جيداً يعرف راح ياكد كلامي ان الغنام تايه في منطقة المحور

انا لا الوم الغنام لكن الوم المدرب واذا كان المدرب قد اوكل الفريدي بمساعدة الغنام مثل مافعل في مباراة الرياض والفريدي

ماسمع كلام المدرب هذي كلام عليه الف علامة استفهام

المفروض من المدرب تكون تشكيلته امس 4 - 4 -2

اللعب بمحورين ارتكاز وللعب على الاطراف نزول البرقان اعاد هيبة الهلال نوع ما في المحور لن هذي المنطقه خارج الخدمه في الهلال

انا اتسائل بتوكيل الشلهوب بالعوده لمحور الارتكاز ؟؟؟!!!!!

الشلهوب لا ينفع لهذا المركز بتاتاً لاعب ضعيف جسمانياً ولا ينفع لهذا المركز

الفريدي وما ادراك مالفريدي

ارجو من الاداره الكريمه وضع النقاط على الحروف الفريدي يمر بمرحلة شرود ذهني وحاليا هو خارج التغطيه

فيه لاعبين احق منه في اللعب من بداية المباراة

نيفيز امس قاعد يلعب على كيفه يحتفظ بالكوره يراوغ اكثر من 3 لاعبين واتوقع في تفكيره انه يبغى يراوغ جميع لاعبين الغرافة

احتفاظ بالكره الزايد عن حده

طبعا ياسر تعبنا واحنى نتكلم ونقول لكن لا حياة لمن تنادي

ياسر ياليت تترك عنك الفلسفه واللعب على السهل الممتنع فيه هجمات بامكانك تخلصها براسك واضمن بعد مشيئة الله سبحانه

وتعالى ومضموه بنسب اعلى من انك تلعبها بقدم

طلق المحيا ومن غيرك ياطلق المحيا من احياء جماهير الهلال في الكره الارضيه بعد الله عز وجل

مع هذا الظلم اللى حاصل لك من قبل المدرب واشراكك في مركز لا يناسب امكانياتك ومع ذلك

تكافح وحاولت تكرار ومرارا ان تصنع الكرات وفي الاخير اراد الله منك ان تصنع الافراح الهلاليه (( في ليله ظلما يفتقد فيها البدر ))

لو خسر الهلال امس لا قدر الله وخرجنا بهذه الصوره

اولاً احمل المدرب مجمل المباراة بهذه التشكيله (( لختياره بعض العناصر الموجوده )) مثل الفريدي مع سو مستواه

وثانيا لابد من الاداره اتخاذ اجراء صارم على الاعبين وعدم منحهم المكافئه وتعليق المكافئه لحين الحصول على البطوله

في حال حصول الهلال على البطولة ان شاء الله يعطون مكافئة مباراة الغرافه كامله وفي حال عدم التأهل لا قدر الله لا تصرف لهم

واتخاذ قرارات صارمه على الاعبين المتقاعسين وتهديدهم بدكة الاحتياط او خارج التشكيله لكي يراجعو حساباتهم


واخيراً انا لا اشكر الاعبين لكن الشكر لله ملايين المرات لنه هو من انقذنا وليس فلان ولا علان


دمتم بود

!عتروش آلريآض! 23/09/2010 11:04 AM

كلآم جدآ حككككيم !


لآكن الثقه في النفس الزآيده عن حآجتهآ خربت الوضع !:)


وبالنسبه للفريدي مآفي شي جديد لآعب بآرد :) وانشاءالله يتحسسن مستوآه :)


يعطيك الف عآفييه !

الصائب 23/09/2010 11:13 AM

هذا وقته الكلام هذا.
مشكلة الهلال امس انهم ماهم في يومهم عدا المحياني.
الفريدي من افضل لاعبين الوسط بالسعودية بس مشكلته البرود ومع الوقت ان شاء الله يزول.

حاتم 23/09/2010 11:14 AM

فديت انا دموعكم ،، الله يلوم اللي يلومكم ,,
من اللي يشوف الدمعة تنزل لأجل الهلال ولا يعذركم ،،
حسبي الله ونعم الوكيل ،،


فالك اسياء ياهــــلآآآآآآآآآآآآآآآآآآآآآآآآآل ...





الفريق ككل لم يقد المستوى المامول
ولكن الحمدلله والشكر لك يارب على هذه النعمة ........

عبــد الرحمن 23/09/2010 11:56 AM

يالبى قلبك ياسلووم هامسون والله خليتني ادور رقمي السري واسجل من اجل اشارك في موضوعك نواف العابد سئ ولايستحق ان يستمر في الهلال لاعب مفلس( لديه امكانيات رائعه لكن لايمتلك تكوين جسماني ولاذكاء يساعده على الاستمرار في الملاعب) وحسن خيرات من طريقة قطعه للكره بقدم واحده وانحناء جسمه للخلف تحس انه يصلح يرقص في الجنادريه ماله دخل في الكورره وياسر في اول دقيقه كان من المفترض ان ينهي المباراة بحيث بقمة لياقته وقوته وامامه لاعب واحد فقط من المفترض ان يتجاوزه ويسجل هدف او يأخذ ضربة جزاء وكرت احمر لكن اسهتاره وتوقعه ان المبارة انتهت في الرياض

زعيم وعاشق زعيم 23/09/2010 01:05 PM

ما ادري اقول الف مبروك او الحمدلله على السلامة


الوقت المعتمد في المنتدى بتوقيت جرينتش +3.
الوقت الان » 09:18 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd