السـلآم عليكم ورحمة الله وبركاته ..
أنا الحين اكتب الموضوع وراسي مصصصدع

ندخـل بالموضوع

جيريتـس دخل المباراة متكآبـر ! أشوف تصريحه بالجرايد اليوم يقول سأبدأ المباراة بخطه هجوميـه ! طيب ليه تهاجم وانت فايز ليه المكابره ؟؟ شي غريب صرآحة المكابرة !!

طيـب خلآص انت قايز 3-0 العب بخطه دفاعيه والله لعب فينا الغرافه لعب بس ربي ستر بآخـر دقيقتين !


لحد يقول هذا مستوى الهلال وفاشـل ومدري ايش ! الهلال ماكان بيومه واهم شي خطفنـآ التأهل بشق الأنفـس
انا بتكلم عن مستوى اللاعبيـن :




حسـن العتيبي : ماقصـر والله صد كور خطـرة وماينلآم على اي هدف الا الهدف الثاني حق يونس تقريباً ..

محمد نامي : مدري وشلون مستواه مايعرف يطلع كور ولا يعرف يتصرف بالكورة !

أسامة هوساوي : اليوم ماكان بيومه ولا أقدر احكم ع مستواه ماقصـر ..

حسن خيرات : وينك ياماجد المرشدي بس متى ترجـع لنـآ ! والله خيرات اليوم نكبه شوفوا الهدف الأول وش هالتمريرة بالله ؟؟

لي يونق : تارك مكانه واغلب الأهداف من جهته بس ان شاءالله كبوة جواد ..


الغنام : يعني مو مرة مستواه وسلآمات على اصابتـه ..

البرقان : نفس الكلام ع الغنام ..

نيفيز : ماكان بمستواه اليوم للأسـف وان شاءالله اصابه خفيفه وواضح ان نيفيز يشتكي من رجله قبل المباراة وانا شفته يأشر على رجله بس ان شاءالله مايتأثر بالاصابه ويلعب قدآم الاتحآد ..


نواف العابد : ليه الفرصه هـذي تضيع كانت 4-3 يعني فرق هدف وبـدقيقتين نسجل 3 اهداف شي مو معقول ..!


أحمد الفريدي : للأسـف برووووود لأبعد حد واستهتار وكأنه داخل تمرين !


ياسر : والله مايستحق أساسي ضيع فرص ماتتضيع


عيسى : آه ياعيسى بس والله العظيم بطـل يستحق أساسي وبكل جدارة وخلوا عنكم المجامله !

ـــــــــــــــــــــــــــــــــــــــــــــ


شـي مهم :


يجب ان نعلم انه لآمستحيــل في قاموس كرة القدم ناظروا كيف 4-0 للغرافه وع الزعيم والله انهبلت بس الحمدلله ربي ستر بآخـر دقيقتين وسجلنا هدفين قاتله !


الحكم والله فاااااشـــل للأســف غيروه ياناس وش التحكيم هـذا !


والـسـلآم عليكم ورحمة الله وبركاته ..

الف مبروك التأهــــل