نادي الهلال السعودي - شبكة الزعيم - الموقع الرسمي - كل شئ عن الهلال في قطر وماذا قال الجمهور القطري عن الزعيم والتشكيلة حسب ماشاهدة في التمرين

:rose:

السلام عليكم ورحمة الله وبركاتة

الحمد لله ابشركم ياشباب وصلنا قطر مساء يوم الأثنين علشان ناخذ إحتياطنا سبحان الله يكون فيه زحمة ولاشئ

وهذا ماحصل زحمة صراحه مو طبيعية , لا والخط بعد لكم عليه شوي صراحه حفريات وحوسه الله يستر على

جماهير الزعيم أتمنى من الجماهير الي راح تحضر من الرياض عدم السرعة لأن الطريق زي ماقلت كله حفريات

المهم مالكم بالطويلة انا راح أختصر كل الي صار لنا حتى نضعكم في الصورة على نقاط :

1ــ أول ماوصلنا رحنا ندور سكن والحمد لله حصلنا بس أسعارهم شوي مرتفعة مقارنة بعدم وجود أماكن سياحية

سوى سوق واقف التراثي .:smilie47:

2ــ يوم الثلاثاء صراحه بدء يحضر الجمهور الهلالي وصراحه كان فية قمة التعاون بين الجماهير الكل يوصف

للثاني الملعب والي يقول فيه شقق في الجهة الفلانية حتى والله ماهو مدح لنفسي لكن مسوي فيها الدليلة في قطر

ههههه أي شخص نشوفة لوحة سيارتة سعودية نوقفة ونقول له بشر لقيت سكن ولا ألحقنا نروح ندور له

ولي نوصف له الملعب لأن بعيد والله شوي حتى مرة بنرجع للشقة متعبين مره وفيه واحد يسئلنا عن الملعب

نوصف له ولا عرف عاد وش نسوي قمنا وخليناه يلحقنا ونورية الملعب مع أنه كنا مرهقين جداً بس كل شئ يهون

من أجل جمهور الزعيم .:alzaeem:

3ــ صراحه الشعب القطري شعب حبوب وبشوش انا وأخواني لابسين بدلة الهلال ونتمشى بسوق واقف والله الكل

يتمنى لنا التوفيق واكثر شئ يسؤلون عنه ياسر القحطاني ومحمد الشلهوب وأحمد الفريدي حتى فيه شخص يقول

جايينا عشان تهزمونا بثلاثة مرة ثانية ههههههههههه .:ap:

4ــ صاحب محل في سوق واقف صراحه انا استغربت منه والله كل شئ عن الزعيم يعرفة تاريخه بطولاتة وحتى

طلب مني أني أعطية رقم جوال أحمد الفريدي لكن للأسف ماقدرت أخدمه لأنه ماهو عندي .

5ــ دخلنا مطعم بخاري وأحنا طالعين الا فيه باكستانين أثنين شافو اللبس حق الهلال والله على طول قالوا

((الهلال ياسر القحطاني)) لله درك أيها الزعيم .s13s

6ــ صور أبوعبدالله سامي الجابر والله مزينة دولة قطر في كل شارع تمر معة تحصل له صورة كبير يا سامي .

7ــ جمهور ليس بالقليل حضر تمرين الهلال والكل متفائل بالفوز بإذن الله.

8ــ عضو شرف نادي الهلال الأمير المحبوب/فهد بن محمد كان متواجد في التمرين والله في قمة الأخلاق كنت

في حديث جانبي مع سموه وأبلغته أننا جايين من الرياض وماراح نرضى بغير الفوز ورد علي قال انا ماراح

أرضى الا بالبطولة .:smilie47:

9ــ سمو نائب رئيس نادي الهلال الأمير / نواف بن سعد يالبى قلبه بس والله رجل محترم وقفناه وصورنا معاه

والله يالربع ماتدرون وشلون هالشخص متواضع في قمة الاخلاق:smilie47:

10ــ في نفس الوقت الي يتمرنون الهلال في الملعب الرئيسي للغرافة كان لاعبين الغرافة يتمرنون في ملعب الرديف

شاهدنا الاعب سطام الشمري وأبدى إعجابة بجماهير الهلال الغفيرة.

11ــ الاعب رقم (4) الي كسر رادوي حسبي الله عليه شاهدته وقلت له ليش تكسر رادوي طبعاً بالأنجليزي رد علي

( أيام سوري) .:ranting:

التشكيلة المتوقعة على ما شاهدتة في التمرين

حسن العتيبي

لي يونج حسن خيرات أسامة هوساوي محمد نامي

عبد اللطيف الغنام

أحمد الفريدي

محمد الشلهوب تياجو نيفيز

ويليهامسون ياسر القحطاني

وفي الأخير أعذروني على التأخير والأسلوب في الكتابة والأهم ان شاء الله الفوز في المباراة

ادعوا لنا نوصل بالسلامة للرياض ان شاء الله

وصلى الله وسلم على نبينا محمد وعلى أله وأصحابة أجمعين

أخوكم / فهد