المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 18/09/2010, 05:38 PM
زعيــم فعــال
تاريخ التسجيل: 02/04/2010
مشاركات: 435
Icon18 مهم جدا : بالنسبه لمباراة الاياب ,, الله يستر :( وصلو الكلام لسامي او جيريتس

السلام عليكم ورحمة الله وبركاته

الكل عارف الهلال يملك اداراة احترافيه وواعية وانا متأكد انهم الحين نسو نتيجة الذهاب
وكل تفكيرهم منصب على مباراة الاياب بالدوحة وهذا شي طيب ,, لازم نتوقع ان اي شي ممكن يصير
الغرافة بيلعب بطريقة مغايرة وبيلعب بكامل قوته ويجب مانستهتر فيهم ابداَ

ولكن ....

اتمنى اللاعبين مايجازفون ويحطون في بالهم الفوز باكبر نتيجة ممكن يحققوها
لان ولله هالطريقة بتكلفنا كثييير الله يخليكم حنا مو ناقصين كروت ولا ايقافاات او اصابات
اهم شي عندنا هو التاهل ,, حتى لو فاز الغرافة اهم شي نتاهل للنصف النهائي

تكفى ياقيريتس مانبي نفرط باي شي ,,, لازم نتاهل باقل الخساير
بعد مباراة الذهاب اكيد مهمتنا صارت اسهل فلازم نستغل هالشيء ونتصرف بذكاء



الهلال اذا تاهل باذن الله باقي فريقين بس ونوصل لاسيا
تخيلو فريقين بس ,,, اسيا صارت قريبة
عشان كذا حنا مانبي نفرط باي لاعب



انا ماخلاني اقول هالكلام الا لسببين :-


الاول :- ياسر القحطاني

ياسر عنده كرت واصبح مهدد بالايقاف تعرفون الاسيوية كرتين اصفر وعلى طول ايقاف
اتمنى جيريتس مايلعب بياسر ويخليه بالدكه ويطلعه فقط اذا احتاج له
لا تقولو ان ياسر ماراح ياخذ كرت ولله مااحد يضمن وش يصير

شوفو هذي الصوره


موب صاحي ياسر
اجل يهايط ع الحكم وعنده كرت ,, !!

ترا ياسر وجوده في المباريات القادمه مهم جدا جدا جدا ,,,
لان الهجوم يعتمد عليه كثير صح اغلب اللي يسجلون لاعبين وسط
بس هذا لان ياسر هو اللي يشغل المدافعين ويعطي فرصه للوسط انه يسجل
صدقوني ماراح تعرفون قيمته الا اذا غاب ,, مافي اي لاعب يسد مكانه
لاعب كبير وعنده امكانيات في صناعه الاهداف والتسجيل صح انه بعض
احيان يضيع فرص هو بس ينقصه الحظ والتوفيق من الله



السبب الثاني:- الحكم




انا ولله مو من النوع اللي اتكلم على الحكام ,,,
لكن صدقوني بحثت عن الحكم ولقيت انه يملك سجل اسود وماضي سيء سيء لابعد درجه

عبدالملك بشير حكم يعشق شي اسمه كرت ,, تخيلو مافي اي مباراه له من غير كرووت
اللي يبي يبحث عن الحكم اكثر من هنا

بعض المباريات اللي حكمها ,,

مباراة الاهلي السعودي والجزيرة الاماراتي << كاس اسيا 2010
فيها 7 كروووت !!
3 اصفر للاهلي وكرتين اصفر للجزيرة
وطرد لاعب من كل الفريقين

مباراة السعودية وكوريا الجنوبيه << تصفيات كاس العالم
فيها 5 كرووت !!
3 كروت صفرا للسعودية ووحدة لكوريا
وطرد لاعب من السعودية


مباراة الاهلي الاماراتي و باختاكور الاوزبكي << كاس اسيا 2009
فيها 10 كرووت !!
5 كروت صفرا للاهلي و 3 لبختاكور
وطرد لاعب من كل الفريقين


وهذا الجدول فيه اكثر لبعض المباريات اللي حكمها


وش رايكم ,, هل تأيدون ان ياسر مايلعب ويكون بالدكه
اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:15 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube