الهلال ليس الأقوى ولاكنه الأفضل - نادي الهلال السعودي - شبكة الزعيم

zizo_md · #1 19/09/2010, 06:25 AM

بسم الله الرحمن الرحيم .

السلام عليكم ورحمة الله وبركاته .

ما عندي مقدمة , بدخل الموضوع على طوووول ..

اتوقع الموضوع لفت انتباهكم !! مثلي انا << طالع برااا

الهلال مو هو أقوى فريق ,,,, فيه فرق عندها امكانيات كبيرة .

بس ماهي عارفه تطلع قوتها !! << أحسن شيء

بس الهلال في وجهة نظري انه هو الأفضل بكل شيء ..

الموضوع وما فيه بتكلم عن مباراة الأياب ..

في مباراة الإياب الهلال لازم يفوز عشان يتأهل والفوز ع الغرافة في أرضه صعب !

لازم نلعب بتشكيله هجومية بحته عشان الغرافة ما يهجم أبد !!

ونسجل كبر عدد من الأهداف ..

ولازم الشوط الأول ينتهي 1-0 لللهلال ..

والشوط الثاني ندخل بكل قوتنا في الهجوم من ياسر والمحياني ونفيز وولي بمساندة الشلهوب ولي يونق ..

ونسجل هدف وتنتهي المباراة تماما بالنسبة للغرافة ...

وشي ردة فعل الغرافة ؟؟؟

الخشونة وهو الشيء الوحيد اللي بنتقمون من الهلال فيه ..

لازم نفيز ووليهامسون وياسر يطلعون ,,,,,

لأن فيه مباراة هامة أمام الإتاحد ..

ولا نحط اللوم على الحكم ,,, الهلال مو النادي اللي يتأثر بالتحكيم ..

---------

الغارفة نادي كبير .

وقوي ويملك أسماء كبيرة ولا يتأثر بغيابات ..

مثل الهلال ,, يجب اننا ما نستهين بالغرافة .

مثل ما سجلنا 3 وكان ممكن نسجل 5 يقدرون يسجلون 6 في الاياب .

ولا فيه مستحيل بكرة القدم

-------

احنى شعب الهلال بكلامنا الان جالسين نخدر لعيبتنا !!

اتمنى ان سامي وجيرتس يبعدونهم عن الصحف والنت والجمهور والشارع الرياضي بشكل عام .

لان الان اللعيبة جالسين يقولون كلام ان فيه شوط ثاني .

بس الكلام ما يودي ولا يجيب ..

لازم الهلال يدخل وهو خسران بالذهاب 3

وجيرتس مدرب كبير يقدر يخليهم يقلبون النتيجة ويتوقعون انهم خسرانمين بالثلاثة ..

هذا كل ما عندي ..

تحياتي \\ zizo_md

حمـ(الهلالي)ــد · #2 19/09/2010, 07:49 AM

؟؟؟؟

اذا كنت الأفضل طببيعي ان تكون الأقوى ...

وين اذنك ياجحا ..

حاتم · #3 19/09/2010, 07:59 AM

عوووووووافي يالغالي
كلامك سليم بالنسبة للمبارة
اما الاقوى والافضل فهو الهلال
لا يوجد فريق باحتياطه الشلهوب او المحياني او عزوز الدوسري فلا يكون الاقوى
الهلال الاقوى والامثل والافضل والاميز والاكثر تحقيق البطولات
مشكوووور

هلالـ الفن · #4 19/09/2010, 08:08 AM

يااخـي موضـوعك .. ماادري وش تقصـد بـه ..

الهلال يعنـي يتأثــر بالغيابات ,,<<< اذا هـذآ القصـد فأسمحلي أنت ماعندك سالفـه لاانه شف شلـون بمباراة الغرافـه كيف كان الغيابات

وكيف كان المستـــوى ~

والغرافـه ناادي يملك نجـوم ويمكن ان يسجـل في الهلال 6 << بعـد أقـول مـو معقـوله نملك مثل هالفريق ولا يكون عندنا لو بصيص من الثقــه

يعني مو الهلال اللي يطلع خاســر بـ 6 أهـداف حتى لـو كان الفريق المقابل بـرشـلـونا موعاد فريق نفخـه الأعـلام زياده عن اللـزووووووووم

بالنهايــه / نعرف جيدا بأن كـره القدم ليس فيها مستحيـلات لكن ثقتنا بالله ثم بفريقنا كبيـــــــــــــره ..~

تقبل تحيـآآتــــــــي ~

الوليد الهليل · #5 19/09/2010, 08:12 AM

إقتباس


	اذا كنت الأفضل طببيعي ان تكون الأقوى ...

كلآم منطقي وآقف معك

إقتباس


	وين اذنك ياجحا

looooooool

abcdefghijkl · #6 19/09/2010, 08:16 AM

أخالفك الرأي .. الهلال الأقوى والأفضل في آسيا برمتها ..

أخطاءك الإملائية الكثيرة حتى في عنوان الموضوع توحي أنك كتبت الموضوع على عجل .. تريث وفكر جيدا .. هلالنا الأفضل والأقوى..

الــدكــتــ 15 ـــور · #7 19/09/2010, 08:18 AM

الله يعطيك العافية

طيب ماعرفنا الحين تبي الفريق يهاجم ولا يدافع

مرة تقول فريقنا قوي بالهجوم

ومرة آخرى تقول الغرافة فريق قوي ويملك نجوم ويستطيع ان يسجل 6 أهداف

وبالأخير تقول بأنهم راح يكسرون لاعبي الهلال ويجب أخراج ياسر ويلي ونفيز ؟؟؟

طيب انا الحين ابي اجاوب بس مو عارف وش أجاوب عليه يالغالي

اقحمتنا بثلاث مواضيع في موضوع واحد

تسلم وماقصرت على جهدك وحذرك الشديد احترامي وتقديري

عزووووز2010 · #8 19/09/2010, 08:20 AM

يعطيك العافيه
اكيد ان الهلال هو الافضل مو عشان اني هلالي لاوالله بس هذي الحقيقه
الي ماحد راضي انه يفهمها وانشاءالله الفوز

jamiline · #9 19/09/2010, 08:24 AM

اخي الله يوفقك
لكن مو لاكن

تحياتي

zizo_md · #10 19/09/2010, 09:47 AM

اهلا وسهلا منورين كلكم ...

أعجبتني الانتقادات ..

بالنسبة للهلال الافضل وليس الاقوى المقصود هنا = لافضل من ناحية فنية والاستقرار بالفريق .

وصعب تقول الهلال اقوى رغم انه فريق قوي ولا يقهر ممكن يكون الغرافة اقوى مننا في الاياب !!

حاتم حبيبي -- اكيد اذا كان هذا الاحتياط رايح يكون قوي بس لا تنسى يوم لك يوم عليك يمكن الهلال ما يكون بيومه .!! >>الله لا يقوله

هلال الفن -- الهلال ما يتأثر بأي غياب ,, ونذكر الموسم الماضي مو مباراة الغرافة الهلال والشباب ..

الهلال لعب بالاولمبي والشباب لعب بكامل نجومه وفاز الهلال ...

أنا أقول لك الغرافة ما يتأثر بالغيبات ,,, أما اذا نملك فريق كبير مو معناته ما نخسر ,,,
أكبر دليل ريال مدريد شوف النجوم اللي عنده ويخسر ,,

إذا على الستة ممكن أكون بالغت فيها بس مثل ما أن الهلاليين يقولون نقدر نفوز بالخمسة حتى الغرافة يقولون نفس كذا !!!!

أرجوكم ما نكون واثقين ومتفائلين مثل أم صلاص

ونخسر اسيا !!!

والحمد لله واثقين بفريقنا ولعيبتنا بس ما نكبر هالثقة ونخدر الفريق بزيادة .

** اذا كنت الافضل طبيعي بتكون الاقوى **

معليش ما اكون معكم بهذي الجملة ,,,,

الفريق الأفضل هو الهلال والفريق الاقوى هو الهلال الان شيء طبيعي ...

لاكن &&& ممكن تمر فترة الهلال يكون افضل في الملعب والخصم يكون يملك نجوم بشكل كبير وهو الأقوى ...

الغرافة عندهم قوة بشكل غير طبيعي بس ما قدروا يطلعونها أمام نادي القرن ..

والله يستر من الإياب ..

الأخطاء الإملائية أعذروني

ممكن من السرعة الزايدة

الدكتور 15 -- ** أفضل وسيلة للدفاع هي الهجوم **

بالنسبة لكلامك اللي ثلاث مواضيع صح أنا حاط أكثر من شيء في موضوع واحد ..

الغرافة فريق قوي ولازم نحذر منه ولازم جيرتس يطلع هذول الثلاثة عشان ما يصابون مثل رادوي .

عندنا مباراة قدام الإتاحد مهم صعبة ...

عزوز حبيبي منور الصفحة ..

jamiline --- ما فهمت لاكن مو لاكن هذي !!!

نورتوا تصفحي بطلتكم

عاشق الزعيم-_- · #11 19/09/2010, 10:10 AM

يعطيك الف عافيه اخوي " " " " " "

هلالــي شقراوي · #12 19/09/2010, 10:19 AM

أخالفك الرأي .. الهلال الأقوى والأفضل في آسيا برمتها ..

zizo_md · #13 19/09/2010, 10:35 AM

هلا فيك عاشق ... منور الموضوع
تحياتي لكــ \\

هلالي اهلا وسهلا فيك كل انسان له رأي ووجة نظر ...

تقديري لكــ \\