في البداية احب ابارك للشعب الهلالي بالفوز المستحق على الغرافة وباقي المشوار طويل وان شاء الله مو صعب على الزعيم.

كل اللاعبين كانوا نجوم في المباراة وخصوصا (الغنام و الشاطر حسن) وما ابخس حق البقية لكن الاثنين برزوا في المباراة وخصوصا الغنام.


اما الحين ودي اتكلم عن الموضوع الاساسي واللي بصراحة منرفزني لابعد درجة.
كلنا متفقين على المعلق الكبير الاستاذ عصام الشوالي انه من افضل المعلقين العرب في الفترة الاخيرة لكن المتابع لمباراتي الهلال في البطولة الاسيوية امام بونديكيور والغرافة اكيد لاحظ كيف ان الشوالي ماكان معطي الهلال حقة او بالاحرى كان معطي الخصوم اكثر من حجمهم (ماهو انتقاص) لكن ماهو منطقي ان الهلال مسيطر على المباراة ومتقدم بهدفين على بونيديكور ومع ذلك يتكلم عنه كانه يتكلم عن انتر ميلان او مانشستر ويرشحه ان هو اللي بيفوز بالبطولة وحتى بعد الهدف الثالث كان يقول ان بامكانه يرجع كانه يتكلم عن امنياته.
ونفس الشي تقريبا صار مع الغرافة .
اتمنى من المعلق الكبير الاستاذ الشوالي انه ينتبة لهذي النقطة لانه ممكن يخسر الكثير من متابعية.
اسف على الاطالة.
Nasser020 مراسلكم من سان انتونيو ,تكساس