|
محاكاه لمشاركات العضو خالد ..... اتمنى تعجبكم ... وتهمنى ارائكم بسم الله الرحمن الرحيم احبتي اطل عليكم من جديد بمشاركه اتمنى من الله ان تنال على رضاكم واستحسانكم والابواب مشرعه والمجال مفتوح للانتقاد . المشاركه عباره عن قصيد تحاكي مشاركتين لاحد الاعضاء (خالد) في هذا المنتدى اقول ياخالد في الحب ضدين من كل معنى ولكل ضد في الحب ضده فيه الوفاء والتضحيه والسعاده فيه الشقا و اللؤم حتى الخيانه ياخالد الحب ما فيه صامد حتى القوي لا حب لا عاد تعده ناس تقول الحب نعمه , ونقمه في عيون اللى انكوى من عذابه الحب مثل البحر مايرفض اللى يبحر من شواطيه ولا حي يرده غدار لكن داخله لؤلؤ ومرجان في ظلمة اعماقه تلاقي جماله ياخالد الوفا بين شخصين في هالزمن صعب تلقاه .... قله الحب ورده والوفا كنه المي يسقي العروق ويفضل الود تاجه وان جف نبع المي يعني الفراق يعني انتهت قصت محبه ياخالد لم اللى بقى من جروحك واحفظ لنفسك عزها والكرامه ان كنت وافي فالخساره لغيرك خله يلاقي غير قلبك يعزه ولو الظروف القاسيه عذر خلك والا الوفا سيد ن في صفاته مالك نصيب ن فيه ولا كتب ربي لك منه غير صده واخيرا ان اصبت فمن الله وان اخطأت فمن نفسي والشيطان تحياتي |
الف شكر اخوي وانا ردي هذا البيت من قصيدتك الحب مثل البحر مايرفض اللى يبحر من شواطيه ولا حي يرده غدار لكن داخله لؤلؤ ومرجان في ظلمة اعماقه تلاقي جماله |
إقتباس:
لك ودي وتحياتي |
اخي كلاسيك 2010 انا اسف جدا لتاخري على رسالتك لاني ما انتبهت للرسائل الا اليوم فقط كلمات جدا روعة ومعبرة مشكور على المحاكاة وانتظر مزيدا من مواضيعك الرائعة وتشرفت بمعرفتك |
كلمات معبرة وفيها عبرة الله يسلمك ويجزاك خير على ماكتبت . |
صح لســآنك يالغالي.. ذيب ويرد بمحــآكآهـ قصـيدهـ .. لذيب .. اهنيك اخوي على هالقصيدهـ الجزله .. تحمل طرح مميز كتميزكـ يالغالي.. اتمنى لك مزيدآ من التوفيق .. واتمنى تهتم بهالموهب اللي عندكـ وتحاول تزيد ان شاء الله نشوف لك ديوآن كــآمل يحمل الكثير من ابدآعــآتكـ.. تقبل توآجدي البسيط بين هالابدآع.. |
" مرحبا ألف أخي كلآسيك " شعور طيب تجاهـ أخينا خالد .. و هو من الرجال الكفو و يستاهل كل خير و الله ! لكن فيه نقطة و لازم تاخذها بعين الأعتبار : القصيدة فيها خلل واضح جداً في قافية العجز و كذلك قافية الصدر أو بمعنى آخر هناك خلل في قافية الشطر الأول و الشطر الثاني ! فالهاء هُنا تأتي بعدة مواضع و أنت استخدمت أغلب المواضع و هذا يعتبر خلل ! مثال للتوضيح : كلمة يردهـ : يأتي على وزنها كلآً من : صدهـ , شدهـ , ودهـ , ضدهـ تعدهـ ! يعني لازم تتقيد بالحرف اللي قبل الهاء اللي هو الدال كلمة : الخيانة : يأتي على وزنها كلآً من : جمانة , سكانة , شطانة , ذهانة ! و أنت ماشي يعني لازم تتقيد بالألف و النون التاء المربوطة أيضاً زبدة الهرج : حرف التاء أو الهاء إذا أتى قاف للقصيدة يجب أن تنظر للحرف الذي قبلة أيضاً ! أخوي كلآسيك : و الله العظيم أنك غالي لكن ماقلت هالكلآم ألا من محبتي لك ! تحياتي لكَ و صح لسانك و علآ شانك ! |
إقتباس:
اهلين اخوي والله دوبي اليوم الاحد الساعه 4:16دقيقه فجرا اشوف ردودك وردك اخوي واسف على تأخري الموضوع انتقل صفحات في المؤخره وتأخر الرد عليه ولا اخفيكم اني تحطمت لتأخر الرد عليه وظننت للوهله الاولى ان مالقي ترحيب وخفت انك اخوي خالد انزعجت من الموضوع لكن الحمدلله ان شاء الله الموضوع نال على اعجابك واعجاب الجميع وان كان فيه خطأ فمن نفسي ومن الشيطان وان اصبت فمن الله اسف على التأخير |
إقتباس:
وهذا من ذوقك واشكرك على المرور تحياتي |
إقتباس:
الف شكر ياغالى على الرد اللى يشرح الصدر يعطيك الف عافيه ومن ذوقك ياغالى لك ودي |
إقتباس:
بالعكس ياغالى احنا هنا علشان نستفيد من بعض ويعلم الله اني استفدت منك ولا تتردد في ابداء اي انتقاد وكن متأكد 100% اني بتقبل نقدك تماما كما اتقبل الاشاده من شخصك الكريم و جميع الاعضاء اشكرك واشكر جميع الاعضاء على المرور واسف على التأخر في الردي لك ودي |
ياخالد الوفا بين شخصين في هالزمن صعب تلقاه .... قله صح لسانك أخوي كلاسيك يعطيك العافيه على تقبل نصيحة أخونا تركي وهذا يدل على تواضعك في زمن قل من يتقبل النصح والنقد |
إقتباس:
واجبنا وانا اخوك نتقبل الانتقاد مثل ما نبحث عن الاشاده واشكرك على المرور لك ودي |
| الوقت المعتمد في المنتدى بتوقيت جرينتش +3.
الوقت الان » 05:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd