اخيرا القناة السعودية وجدت الحل لمخرج اجنبي - نادي الهلال السعودي - شبكة الزعيم

الهــــ معاذ ـــلالي · #1 19/09/2010, 01:33 PM

بسم الله الرحمن الرحيم

السلام عليكم ورحمة الله وبركاته

الكل يعرف المشاكل التي حصلت في مباراة الهلال الاخيرة

والذي انا اقصده لماذا الرئاسة العامة لرعاية الشباب

ماتسوي مثل الدوريات الاوربية

بحيث يتم التعاقد مع شركة نقل تلفزيوني كما يحصل في اوروبا وايضا اسبانيا وايطاليا

تكون الاستفادة للاندية بحيث يتم عمل احصائية كما لاحظنا في ابطال اوروبا يطلعون اللاعب كم مشى من كيلوا وكم سدد وكم سجل

تكون هنا الفائدة مو بس للاندية حتى القناة الرياضية ماتوفر كميرات وتشتري وايضا يكون مخرج اجنبي لايعرف هلال ولا نصر

ووايضا هو بنفس الوقت ارضاء لك انت ايها المشاهد

لو تلاحظون الاحترافية العالية في الدوري الاسباني بسبب التعاقد مع الشركات اتمنى ان توصل هذه الرسالة الى سلطان بن فهد

والسلام عليكم ورحمة الله وبركاته

استغفر الله

حلا الهلاليه · #2 19/09/2010, 02:40 PM

ياليت يجيبون مخرج آجنبي بدال هالمريبيض المريض..

بس هالشي لن ينفذ..

تحياتي..

ω α ŋ Ŧ Є Đ · #3 19/09/2010, 02:43 PM

^

الله
يسسسمع منك ..

مشكوور

الرجل المحايد · #4 19/09/2010, 02:45 PM

هي جت على ذي
كل شيء بالسعوديه يسير ببطئ

تكابر وتعشق الكاسر · #5 19/09/2010, 02:49 PM

يعطييييييييييييييك لعاافييه
والصراحه القناه من يومها تعباااااااااااااااااانه

MAK5555 · #6 19/09/2010, 02:55 PM

والله ان تبطي ياحبيبي
تبي تخلف وتعصب خذ,,,,,,

المنتهـي · #7 19/09/2010, 02:59 PM

والله فكرة حلوووة , لكن وين اللي يقوم بهذا العمل

والله الظاهر مافي , دام هذي قناتنا الرياضية

القنوات الرياضية الخليجية تطورت الا هي وهي الأقدم , شوفوا قناة الدوري والكأس حكومية
ومالها تقريبا 4 سنوات فاتحة وشوفوا كيف التطور

الله يسعدلي مساك .............

abody8 · #8 19/09/2010, 03:03 PM

في هاذي معك حق والله القناه تعباااانه

يبيلها تطوير

مافي زي الجزيره

بالتوفيق...

حاتم · #9 19/09/2010, 03:04 PM

عوووووووافي يالغالي
هذي فيها دفع فلوووس
والرئاسة العامة الرعاية ؟؟؟
ما تحب تدفع الفلووو س تقول هذي خسائر ومالها داعي وليش تبون التتطور
خلونا نستمتع وحنا نخسر من الصين وبكرة من سوريا والاردن
خلونا نفرح كيف المخرج يتعلم او يخرب على الجمهور ...
يعنـي وبـصراحة وش تبي بالخسائر هذه كلامهم مافي ميزانية وهم اكبر ميزانية رياضية باسيا
واكثر اتحاد يتارجع للخلف
ومين يقول لا لالا شفنا الكراسي والعشب ومن هذه الكلام اقول له شف ملاعب اندونسيا وتايلاند افضل من ملاعبنا
مشكووور

عشقي زعيمM · #10 19/09/2010, 03:09 PM

قناة كيف الحال

ماش يزينون منا ويحوسون منا

blueice · #11 19/09/2010, 03:13 PM

ياليت والله يجيبون مخرج اجنبي

غثونا هالمخرجين

ما يحتاج سعودة اذا كانوا ما هم كفو

حارة الزعماء · #12 19/09/2010, 03:13 PM

بيني و بينك الرئيس بنفسة يبيله شيل

و يحطوون واحد الشعب يكمن يحاسبه على الخطأ

الكررة السعودية متجة الى الخلف

سيف زهران · #13 19/09/2010, 03:15 PM

كلام جميل لاكن من يسمعك

مستحيل يتنفذ طالما هناك عصام الدين

قال ايش سعوده !!!!

الهــــ معاذ ـــلالي · #14 19/09/2010, 04:00 PM

اهنيكم على المرور

ويضا ازيد واتمنى لو بكون عبدالله بن مساعد هو الرئيس العام هذا الشخص الوحيد اللي شفته يشتغل بذمة هو واخوه عبد الرحمن الله يحفظهم لكن عبدالله يعرف الاحتراف الحقيقي شاهدنا كيف خطف اسامة هوساوي من الوحده باحترافية
وايضا لي يونج خطفه باحترافية عالية هذا الشخص هو الوحيد الذي يستحق المكان هذا

وما اقول الا (الله يرحمك يافيصل بن فهد)

هلاك · #15 19/09/2010, 04:24 PM

الله يسمع منكـ

ان شالله تووصل للرئاسه العاامه ويطبقوون القرار هذا

لان ولله عاناينا كثير من المخرررجـ هذا

يبي الشهره على حساب الزعيمـ