كلاسيكو انجليزي مجنوون .. اجل هاتريك يا بربا ! .. بس صراحة الليفر قدم مباراة كبيرة بس مانشستر يستاهل الفوز .. بس هدف برباتوف الثاني .. ولا في الاحلام حتى فهد العتيبي انهبل .. عل العموم مثل ما قال العتيبي هذي المباريات الي تستاهل المتابعة .. مبرووك لعشاق المان .. هاردلك لعشاق الريدز
في أيامه الأولى بين صفوف الإحتياط مع سلتيك، أوكلت إلى دالجليش مهمة مراقبة أليكس فيرجسون الذي كان يلعب آنذاك مع رينجرز. وكان تعليق فيرجي عليه: "هذا الفتى السمين لن يكون لاعب كرة قدم على الإطلاق."
فحقق هذا الفتى السمين 3 بطولات دوري ابطال اوروبا التي لم يحققها فيرغسون طوال مسيرته كلاعب وكمدرب ايضاً !
لكن الى متى اذا جا فينا قول انخرشنا ؟؟ قسم بالله شي يرفع الضغط ابوهم ابو اللي جابهم ..
تبي تشوفون الخرشة شوفوا الحمار فلتشر يوم انحسب بلنتيهم !!
يلعن بليسه انواع المناولات الخطأ وانواع تجلية الكور ..
7 اهداف في 4 مباريات !!!! وش دعوى من متى المان ودفاعه كذا ولا تلاحظون زي ما قلت ما فيه مباراة يدخل علينا قول لا .. ياما ما يدخل علينا قول ولا يدخل 2 و ثلاثة .. لاعبينا يدخلون بشعار انت جب قول والثاني علينا .. وش ذا ؟؟
بهدف بربا الاول تمنيت كونشيلسكي صدها ولا دخلت تخيلت بلنتي وكرت احمر واااو من جد كانت بتكون تاريخية .. ايفانز على وش يحتج بالبلنتي ؟؟ بلنتي واضح انت ووجهك ..
زي ما قلت بردي بالرابطة توريس في اغلب اللقطات يجيب العيد ضد فيديتش لكن مشكلته اذا راح للمدافع الثاني .. برضو مشكلتنا ان دفاعنا الثانين ما يصفون بجنب فيديتش .. ايفانز مجتهد لكن توريس صعب عليه .. فيرديناند انتهى تقريبا .. الامل كله بسمالينق الحين ..
اليوم فيديتش وايفرا وبربا وناني وجيجز هم العمود الفقري للمان ..
مسكوا روني صح برضو ساعدهم روني ما صرنا نشوف القتالية اللي كانت من اهم مميزاته ..
من عندهم كونشيلسكي ميريليس بولسن جيرارد ..
نستاهل الفوز ما فيها كلام .. لكن لنفرض انهم جابوا الثالث بتطلع يالسير تقول الدفاع ما كان مركز ..
اعتقد وضحلك حجم الفرق بين فيديتش واللي حوله ..
اليوم اوشيه بطل بصراحة مغطي دفاعيا واجتهد هجوميا ..
كثرة الكروت اللي مالها داعي مثل كرت سكولز لازم برضو ينشاف لها حل .. كرت روني هذا اللي تقوم تصفقله ..
3 مباريات من 5 يدخل في مرماك اهداف ثنتين طارت من يدك والثالثة ربك ستر ..
هاورد ويب كان سيء بكل ما تحمله الكلمة من معنى ..
طرد اوشيه واضح مية بالمية بلنتي على كاراقر الشوط الاول لمسة يد .. طبعا لمسة اليد اللي في الشوط الثاني مب واضحة داخل المنطقة ولا برى ..
فاولهم يغبن من جد من فهاوة فلتشر وتصوير فان در سار والله يقدر يصدهم لكن الاحظ في فان در سار كثير تجي عليه اهداف زي كذا خصوصا اذا دخلت من بين الحيطة حتى لو صارت قريبة تلقاه يصور ..
هاردلك الليفر مبروك ويب ...
المباراه شوط اول للمان ولا شيء يذكر لليفر الشوط الثاني من بعد الهدف الثاني الرهيب للأسف انتفض الريدز وشفنا الروح المطلوبه واللي داما يكون قائد ثورتها جيرارد الكبير ...
النينو تحركاته ع الرغم من ضعف لياقته وفقدانه للكثير من حساسية الكوره الا انه سبب هدفين وسبب طردين لكن للأسف عقلية ويب الاكثر من رائعه حرمتنا ع اقل تقدير من تعادل كان يفرق معنا كثـير ناهيك عن قلب مجريات المباراه بلقطتين مفصليتين بالمباراه وممكن نشوف رباعية قبل العام تكرر .
إقتباس
شباب من يتحدى ان هاورد ويب يبي يجيب الغايبه بالليفر اليوم على الاقل بكورهـ فاصله بالمباراه والتحدي على لاب توب آبل 650 جيجا ا >> يبي يشريه من اول وهالطريق اضمن
قلتها وراح أضل اقولها اما اناا كاهن او عراف او انه شيء مسلم فيه ان ويب يحابي الشياطين والعياذ بالله .
نغوغ وجوده فك الرقابه شوي عن النينو ولو انه الله زباله الله يكرم الجميع والكلام ينطبق على ماكسي اللي تواجد اليوم بالاسم فقط
كول تمنيت خروجه بدلا من ميرا اللي كان مؤدي ومساند لليدر بكثير من الهجمات .
كونشسكي حتى الان ما اشوفه يستاهل ياخذ خانة اجيير وحتى وان كان هو مخضرم اكثر بهالخانه .
^^^^^^^^^^
الوافي اوشي كان بطل ؟؟؟؟ لاتكفى لاتقهرني
وين كان مغطي دفاعيا ومساند هجوميا ؟؟ دفاعيا ماسوى اي شي يستاهل الذكر
بالعكس فاول توريس كان غبي فيه وماكان له اي داعي خصوصا ان النتيجة 2-1
ولو سجلوا الثاني كان بيفوزون معنويا قبل كل شي ... وماكانت الكوره مضمونه لتوريس ..
وحتى خانته ماكان مغطيها وتلقاه ينزل لقلب الدفاع اكثر وتلقى خانته فاضيه
وسهل اي لاعب من ليفربول يفتح فيها ويرفع اوفر بكل سهوله .. حتى الفاول
اللي تسبب فيه وجابوا منه هدف ياخي الكوره مرت من جنبه ولا حاول حتى يعترضها
حسنته الوحيده اوفر الهدف الثالث مع اني اشوف انها تحسب لبربا مو لاوشي
ومو من زين اوفراته وحتى حق الهدف الثالث بربا كان ذكي وحضن على كاراجير
لين وصلته الكوره ولا الاوفر كان سهل قطعه ...
على العموم مبروك لنا
وهاردلك لليفر اللي والله كانوا كبار خصوصا لما قاموا يمسكون الكوره
بالشوط الأول كان هالشي ذكي منهم بسبب اندفاع المان وانه كان مشكل خطوره
وبرضوا خلونا نخاف بالمباراه مع اننا كنا متفائلين قبلها
في البدايه هاردلك وتعوضونها بالجايات ان شاء الله , بتكلم معك بكل عقلانيه واتمنى
الكل يناقش بحد المعقول على اساس نقاشنا يكون هادف ونطلع منه بنتييجه . .
علشان اكون صرييح معك استغربت من كلامك لمن تقول مبروك ويب !!
ويب كان سيء في المباراه كامله ومااشوف انه ظلم احد اكثر من الثاني بالمختصر
ان حاول يعدل بين الفريقيين على حساب نتيجة المباراه , يعني بامكانه يلغى الهدف
ويطرد لاعبكم وناخذ بلنتي وانت عارف البلنتي فرصة التسجيل منه كبييره
وبكذا نكون سجلنا وانتم خسرتم لاعب , الشي الثاني الكروت الكثيره مااشوف لها
داعي يعني اربع كروت على مانشستر واثنين على الليفر , معدل كبيير انا اشوفه
صح المباراه مشحونه وفيه نرفزه غير طبيعيه لكن برضو ماتستاهل كل هالكروت
وبالنسبه لـ ضربة الجزاء انا معك صحيحه لكن انها تستحق الطرد !! صعبه
مثل هاللقطه ياخذ احمر علييها , ولو في احد من المحللين قالو انها تستاهل احمر
انا برجع اتابعها مره ثانييه وادقق بكل ثانيه انبرش فيها ايفانز على توريييس
مانشستر الشوط الاول افضل بكثيير من الليفر , الشوط الثاني كان مقسوم على
الفريقيين والليفر كان خطيير واكثر هجوم من الشوط الاول , لو روي نازل
من بدري بتشكيله هجوميه كان تغيرت الاموور , لكن واضح ان روي يبي
يلعب على التعادل بداية المباراه , وحصل ان مانشستر سجل هدف علشان كذا
شفناه غامر ولعب بثلاث مهاجمييين اعجبني بالليفر اليوم الروح اللي لعبوا
بها , من زمان ماشفنا الليفر كذا , عموماً هاردلكم ومثل ماقلت قبل الحكم كان
عادل ومااظلم احد اكثر من الثاني ,
نجي لمانشستر . . الفريق اليوم كان بطل الشوط الاول . . لكن اللي حصل
ان اللاعبين ارتبكوا بعد الهدف الاول لـ الليفر واضح التوتر على فليتشر وسكولز
لدرجة ان فليتشر اخطأ اكثر من مره في تسلييم الكوره , لكن يبقى بطل , جيجز
خورافي , ناني خورافي , فيدا خورافي , . .
بربا . . عيب اتكلم والله . . لو في رمزيه ثانيه غير الموجود كان رزيتك برمزيتي
تشلسي لو اللياقة ما خانته بنصف الموسم وقت دور الـ 16 في التشامبيونز ووفت تصفية المنافسين على البطولة والمنافسين على المركز الرابع بيحطون سداسية برشلونة بشعر بويول .. يلعن بليسهم وش ذا الرعب يسمعون بتضييع الفرص لا احد يجي يقولي ما لعبوا ضد فريق قوي ..
يا شيخ خلهم ينهزمون ضد كل البيق فور لكن ضد الفرق الصغيرة تعطيهم بالثلاثة من الدقيقة 25 .. هنا اضمنلك تشلسي بيضمن الدوري من الجولة 30 من زود الفسقة ..
المان يمديه يجيب 3 من الشوط الاول لكن تلقاهم انواع التضييع ..
حاليا تشلسي ما عنده ولا نقطة ضعف .. ما جاء عليهم الا قول واحد من باركر قول بطل بصراحة .. انتشار الخوال بالهجوووم بطل ..
اشلي كول - ميكيل - ايسيان - راميريز - مالود - دروجبا - كالو وينضم لهم انيلكا كلهم خوال .. لكن فيه عقلية خوال وفيه خال مخه نظيف اللي ذكرتهم ينضمون للمجموعة الثانية ما عدى يمكن كالو لكنه بادي بداية بطلة ذا الموسم ..
اتمنى ان توقعي يكون بمحله ونشوف اللياقة تخونهم بنصف الموسم .. لان بكل صراحة احتياطهم ما هو بقوي زي احتياطهم العام ..
أبوحميد .. لا تتعب نفسك وتتكلم عن هاورد ويب والاتحاد الانجليزي الفاشل !
أصلا لو هم يفهمون كوره ويبون يعطون الفريقين حقهم كان ماحطوا هالأقرع حكم لهالمباراه مع انه له سوابق وقوادم
بدءآ من اليوم ! .. واذا جيت تتكلم قالولك لأنه الأفضل في انجلترا ! <-- الأفضل على حسابنا
تحليلي المبسط والسريع عن هاللقاء كتبته في الرابطه .. وهذا هو :
إقتباس
الحمد لله .. الحمد لله
هآردلكم شبآب
مدري أحزن ع النتيجه ولا أفرح ع المستوى والروح اللي أظهروها لاعبينا في الشوط الثاني
هاورد ويب كنآ خايفين منه .. وبصراحه ما مسك المباراه بالشكل الصحيح وما اعطى الفريقين حقهم بالكآمل ولو انه
كان قاسي علينا شوي واغفل بلنتي لتوريس وكرت أحمر على اوشيه ع ما اظن بس يالله الحمد لله على كل حال
رينا أعتقد اليوم ماقصر بس يعيبه عدم الثقه مفروض في اكثر من كوره كان يطلع وينقض عليها لكن وش نقول .. الدفاع اليوم كان جيد في التشتيت لكنه كان سيء جدآ في المراقبه ولو تلاحظون اهداف المان الثلاث كلها كانت بسبب سوء مراقبه لبربآ .. بولسن و ميراليس اليوم أبطال بصراحه .. جوكول الشوط الثاني بدآ يدخل العمق ويتحرك .. ماكسي حدث ولآ حرج ..
النينو نفس الشيء .. جيرارد ماراح أعطيه حقه لو تكلمت من اليوم لبكره .. الفريق اليوم كا في شوط سيء وفي شوط مميز .. واقادم أحلى بإذن الله
^^^^^^^^^^^^^
والله غريب امركم تراه حكم نهائي ابطال اوروبا وحكم نهائي كأس العالم
يعني من تبون يحكم بالله ... اذا اخطأ في بعض قراراته فهالشي بسبب قيمة المباراة
وحساسيتها ... يعني ما ادري بس بالله عطوني اسم واحد تشوفونه قادر على تحكيم مثل هالمباراة غير ويب
على العموم هاردلك لليفر والله كان بطل
بس برضوا المان ابدع واستحق الفوز
اووب , وش هالاعصاب مباراه ممتعه بالسيناريو وبالمستوى بالخصوص بشوطها الثاني , مباراه تستاهل المتابعه من الكل سواء عشاق البرمير او غيرهم التحكيم تعودنا عليه وعلى خياسه في الدوري الانجليزي , في مباراة اليوم هاورد كان مخيس لكن اخطائه على الطرفين
سيناريو المباراه كان مخيف وفيه ظغط على المان , بمجرد تقليص الفارق بضربة الجزاء والارتباك حاصل في لعيبة المان سواء بالوسط او بالدفاع , وبمجرد تقليص الفارق كل من يميل للمانيو يتذكر مبارتين فولهام وايفرتون سيناريو مخيف جدا على عشاق المان , خصوصا ان الحلول محدوده في دكة البدلاء بغياب فالنسيا وانخفاض مستوى بارك بعد التعادل ومع تبقي 10 دقايق على النهاية , عودنا السير انه يلجئ لدكة البدلاء , لكن مثل ما ذكرت الخيارات كانت محدوده
هودجسون , سوا تعطيل بن كلب لـ مفاتيح لعب المان , كتم سكولز المستلج من بداية الدوري وكتم ناني على الطرف مع انه توفق بالهروب في كذا فرصه الا ان ظهيرهم الايسر كان ناشب له , وبرضو روني كان ما يمديه يستلم الا ومظغوط وهذي الاشياء الايجابيه اللي سواها هودجسون وحد فيها من خطورة المان ..
ودي اتكلم كثير عن المباراه , لكن الفرحه + لخمة السيناريو .. خلتني اضيع شوي
آجل هآورد ويب كخه ! وووش اللى مآ سسآعدكم فيه .. ! بلنيتآت وآضضحه وويب لم يحرك سسآكن ! الاول على كونشسكي ولمسسة للكرهـ قبل دخولهآ المرمى - طرد وضربة جزآء .. ! الثآنيه على وزير الموآصلات .. وسسحبة لـ تيشرت فيدآ في منطقة الـجزآء - ضربة جزآء .. ! آغير يوم سسحب نآني وقآم يصيح عليه ! يعني بعد كل الحركآت تحطون خسسآرتكم في الحكم ! فعلاً الوضضع بدى يصبح مأسآوي لـ عشآق هآلفريق .. ! بدلاً من آنتقآد فريقهم السئ , وظهور لاعبينهم بـ مستويآت سيئه .. يتجهون للعذر الاضعف الـتحكيم ! على العععموم المآنيو حآليآ في مرآكز متقدمـه ! وغيرنآ حآله يححححححححححزن!
إقتباس
MANU10
عبدالله ! آفررررح يآ زين آفرررح .. فريقك فآيز ومبسسوط خلك من آعذآرهم وآسسطوآنتهم المعرووفه ( التحكيم ) .. وغن سسسسرى الليل يآ بووو ثلاثه , لك يآ عسسل