» •• :: طريقة تصميم ثيم خاص فيك للـPS3 :: •• « - نادي الهلال السعودي - شبكة الزعيم

زعيم بأخلاقي · #1 01/02/2009, 02:09 PM

السلام عليكم ورحمة الله وبركاته

حي الله الجميع .. بدون مقدمات لأني راسب في التعبير

الكثير مننا يبي يعرف شلون يصمم ثيم خاص فيه للـPS3 ..

.. وأنا كنت أتمنى اني اعرف .. بحثت هنا وهناك ودخلت هالمنتدى وذاك المنتدى لــيــن لقيت برنامج تقريبا هو الأفضل حتى الآن ..

طبعاً قبل ما تبدأ .. لازم تصيــر فآآآآآآضي وطفشآآآن

ورح جب لك هيلستون فراولة + سنيكرز

اوكي بسم الله نبدأ ..

نحتاج برنامجين أساسيات ..

البرنامج الأول ..

إسمه // ThemeBuilder 2.5 Full ..
حجمه // 12.5 مـيـقـا ..
وظيفته // صنع الثيمات ..
يندرج تحته // ثلاث أو اربع برامج ..
التحميل // :: إضــــــغــــــــــط هــــــــنــــــــــــا ::

البرنامج الثاني ..

إسمه // rcicsetup ..
حجمه // 8.8 مـيـقـا ..
وظيفته // تحويل صيغ الصور ..
التحميل // :: إضــــــــــغــــــــــط هـــــــــنـــــــــــا ::
طريقة العمل // إضغط على الصورة بالزر الأيمن ثم اختر إلى اي صيغة تريد التحويل ..
صورة للتوضيح //

:: التثبيت :: [ لم يتم شرح بالصور لسهولة التثبيت ] ..

الحين حمل البرنامج الأول اللي إسمه ThemeBuilder 2.5 Full وثبته طبعا التثبيت مثل أي برنامج آخر

بعد ما تخلص بيفتح لك نافذه تطلب منك تثبيت برنامج آخر [ Xross Media Simulator ] .. وهو عبارة عن مستعرض للثيم ..

ثبته مثل الأول بالضبط

بعد ما تخلص من التثبيت قــد يطلب منك تثبيت برنامج Net Fremework وتثبيته مثل الأول والثاني يعني ســــــهـــل

وهو برنامج اساسي تعتمد عليه برامج ثانيه يعني ممكن تلقاه مثبت أصلا في جهازك على العموم اذا جاك ثـبـته واذا ما جاك فهو خير وبركه

..

بعد ما تخلص من تثبيت الـNet Fremework [ اذا طلبه ] بتطلع لك نافذه رقم سبطعشر مليون

<< ادري النافذات كثير بس تحملوني

المهم بتطلع لك نافذه تطلب منك تثبيت برنامج إسمهDirect X و لازم تكون متصل بالنت لأنه بيحمله قبل ما يثبته

بيطلع لك اتفاقه [ شروط الاستخدام ] حط على الخيار I accept the agreement واضغط على Next وبعدها كمل لما يخلص التثبيت زي اللي قبل [ حجم التحميل تقريبا 36 ميقا ] بعد ما تخلص التثبيت وتضغط على Finish .. المهم البرنامج الأخير لو صارت مشكله في التحميل ما اعتقد بيأثر لأنه مجرد مستعرض يعني لا تعيد التحميل

.. ( مو معنى كلامي انك ما تثبته )

<< أحس اني استاذ يعطي الطلاب ملخص

..

[ اوكي الحين خلصنا من الجزء الطووووووووويل وآسف ما شرحته بالصور لأنه أصلا ما يحتاج شرح بالصور

ولظروف الاختبارات ]

ــــــــــــــــــــــــ فاصل إعلاني ــــــــــــــــــــــــ

هذا الموضوع برعاية

Marco Rossi

يعني كان فيك خير انفخ علي

ــــــــــــــــــــــــ فاصل إعلاني ــــــــــــــــــــــــ

الحين بعد ما خلصنا من التثبيت نروح نفتح برنامج PS3 ThemeBuilder [ إذا ما لقيته في سطح المكتب دوره في ابدأ ]

طبعا الحين ثبت البرنامج الثاني اللي اسمه rcicsetup وهو محول صيغ الصور لأننا ممكن نحتاجه يا بعديني << جمع بعدي

والحين الشرح بيكون بالصور لأنه هذا الجزء ممكن تحتاج شرح بالصور له

في البداية هذي واجهة البرنامج .. نضغط على New Theme

بعد كذا بيطلع لك مربع يطلب منك كتابة اسم الثيم .. إكتب اللي تبيه

بعد ما نكتب اسم الثيم نضغط Ok نحط اسم الثيم في المكان اللي فوق زي ما انا موضح في الصورة

ونحط ايقونه الثيم في المربعين زي ما انا موضح بعد

لكن بشرط .. لازم تكون مقاسات الصورة 64 × 64

وممكن ما يقبل صيغه الصورة لكن انا جربت Png وضبطت [ تقدر تستفيد من برنامج محول صيغ الصور ] أنا ضبطت صورة تقدرون تستفيدون منها لأني ادري العجازين في المنتدى كثير << ما يقصد أحد

<< خايف يتوقف

وهذي هي الصورة اللي أنا ضبطتها

بعد ما صلحنا اللي فوق كله نروح لم Icons , Colors , Font اللي فوق وتختار الايقونات والألوان ولو ما غيرت شي فيها بيخلي الأيقونات حقت الـPS3 الأصليه وهذي ميزه تحسب لصالح البرنامج

وأنا انصح انك ما تحثبر في الأيقونات

واذا خلصنا نروح لم الـBackgrounds وهنا نختار الخلفية ولكن تحت شروط ملحوسة بعض الشيء << ما ينفع (ملحوسه) و(بعض الشيء)

نضغط أول شي على Add a new background set بعدين نضغط على Browse For HD backgrounds إذا كانت شاشتك HD

و إذا كانت شاشتك SD فاختر Browse For SD backgrounds

و للعلم ... ( وهنا تكمن اللحسة كل ابوها

)
ابعاد خلفية شاشات الـ HD يجب أن تكون أبعادها 1920×1080 [ اللي يعرف للفتوتوشوب يصلح الأبعاد فيه واللي ما يعرف له يصلحها بالرسام

] وحجمها اقل من ميقا
ابعاد خلفية شاشات الـ SD يجب أن تكون أبعادها 640×480 [ اللي يعرف للفتوتوشوب يصلح الأبعاد فيه واللي ما يعرف له يصلحها بالرسام

] وحجمها اقل من ميقا

ملاحظة /// وأيضا لازم يكون بصيغة jbg [ تقدر تستفيد من برنامج تحويل الصيغ ]

وهنا أنا ضبطتها على شاشاتي اللي هي HD < اغلب الشاشات كذا

يعني اللي ما يعرف وش شاشته يجرب على الـHD قبل

الصورة المستخدمة [ قبل تعديل الأبعاد ] SAMI

وما اقدر احطها بعد ما عدلت الأبعاد حقتها لأنها كبيرة كبيرة كبيرة

وهذي صورتها في البرنامج بعد ما ركبتها عليه

الحين نضغط على Save وبعدها نضغط على Build Theme

وبعدها بتفتح لك شاشة سودا [ شاشة الدوس ] اضغط Enter

كذا تمام عليكم وأنتم احسن ناس في الدنيا كلها

الحين روحو لم s [ المستندات ] وبعدين بتلقون ملف اسمه My Playstation Themes وكذا صورته

افتحوه بتلقون فيه ملف اسمه نفس اسم الثيم افتحو الملف بتلقون مثل هالصورة ندور الملف اللي صيغته p3t وهذا هو الثيم وخلصنا

بس باقي طريقة نقله للبلاستيشن برب نوووم وبكره بكمل

باااك .. [ صباح الخير والاحساس والطيبة صباحن ما يليق الا بزعمائي ]

ــــــــــــــــــــــــ فاصل إعلاني ــــــــــــــــــــــــ

هذا الموضوع برعاية

Marco Rossi

يعني كان فيك خير انفخ علي

ــــــــــــــــــــــــ فاصل إعلاني ــــــــــــــــــــــــ

طريقة نقل الثيم من الـPC [ الجهاز المكتبي او اللاب توب ] إلى الـPS3 [ البلاستيشن ]

الحين لازم يكون عندنا فلاش ميمري [ Flash Memory ] أو هارد ديسك [ Hard disk ]

وهذا شكل الـ[ Flash Memory ] للي ما يعرف إسمه

وهذا شكل الـ[ Hard disk ] للي ما يعرف إسمه

أوكي الحين نفتح الفلاش أو الهارديسك ونسوي ملف جديد جواهـ إسمه PS3 وجوا ملف الـPS3 نحط ملف اسمه THEME < لاحظوا الحروف لازم تكون كابتل

يعني بهالطريقة .. // جوا الفلاش نحط ملف اسمه PS3

وجوا ملف الـPS3 نحط ملف اسمه THEME

وجوا ملف الـTHEME نحط الثيم نفسه ... اللي قلنا صيغته لازم تكون p3t

الحين نشيل الفلاش أو الهارديسك من الـPC [ الجهاز المكتبي أو اللاب توب ] ونحطه في الـPS3 [ البلاستيشن ] ..

ــــــــــــــــــــــــ فاصل إعلاني ــــــــــــــــــــــــ

هذا الموضوع برعاية

Marco Rossi

يعني كان فيك خير انفخ علي

ــــــــــــــــــــــــ فاصل إعلاني ــــــــــــــــــــــــ

الحين نشغل البلاستيشن ونشبك الفلاش عليه ..

بعد ما نشغل البلاستيشن ونشبك الفلاش نروح لم قائمة settings

بعدين نختار Theme Settings

بعدين بيطلع لك اربع خيارات نختار الأول اللي هو Theme

بيطلع لك شريط على اليمين نرووح فوووووق مره فيه شي اسمه Install نضغط عليه X

اذا ضغطنا X على Install بيطلع لك واحد من ثنين : -

اذا طلع لك صورة فلاش يعني ضبط ..

أو .. يمكن يطلع لك شاشة مكتوب فيها [ Insert storage madia ] وهذي تعني إنه ما لقى الفلاش .. جرب فلاش غيره

المهم إن شاء الله يلقى الفلاش .. إذا لقاهـ إضغط عليه X ..

بيطلع لك إسم الثيم الموجود في الفلاش [ انا سميته vb.alhilal.com ]

إضغط عليه X .. بيرجعك للقائمة حقت الثيمات انزل تحت مره لما تلقا اسم الثيم حقك .. وإضغط عليه X .

بيطلع لك مربع صغير على اليمين فيه ثلاث خيرات اضغط على الخيار الأول اللي هو Apply ..

بيطلع لك شاشة جديده تقول لك لا تصير عجل .. إصبر شوي < يقاله يترجم

المهم أنت خلك صديقه لأن الفايدة لك وإصبر شوي

.. اذا صبرت شوي بتلقا الثيم مركب ..

في النهاية حبيت أقول .. الموضوع إجتهاد شخصي مني فإن أصبت فمن الله وإن أخطأت فمن نفسي ومن الشيطان

واللي ما فهم أي جزء يسأل لا يستحي

واذا ما رديت عليه يعذرني يمكن لأني ما شفت رده وياليت ينبهني برسالة خاصة

دعواتكم .!!

موضوع يفيد ألـــ1000ـــف عضو ... أفضل من كتآبة ألـــ1000ـــف موضوع

ودّي لكم // زعيم بأخلاقي

ALMOSTSHAR_A · #2 01/02/2009, 02:34 PM

يعطيك العافيه ,

شرح كـآفي و وآفـي ..

لاعدمناكـ ولا عدمنا مواضيعك المميزة ..

كل الشكرر ..

سلالام ,

F.C hilal · #3 01/02/2009, 02:35 PM

وش عنده ابو خلف

عشان كذا ساحب اليوم ..!

صراحه موضوع خااااااااااااالع ويستحق التثبيت

خلنا الحين بنسوي كم ثيم لـ الفريدي

وابو دعيع

وابو سعيد

قبل شوي قاعد اقلب بفيسات الشبكة

.. بس للأسف لا تليق بنادي كبير كالهلال

زعيم بأخلاقي · #4 01/02/2009, 03:17 PM

F.C Hilal [ خالد ] منووور الموووووووضووووع

يالله ادهر وشغل يدينك شوي وصلح لك كم ثيم وأرسلهم لي

<< يبي كل شي يجيه ولا يسوي شي

ALMOSTSHAR_A حياك الله ومنور الموضوع

ميلانو1 · #5 01/02/2009, 06:44 PM

ابدااااااااااااااااااااااااااااااااااااااااااااااااااااااااااااااااااااااااااااااااااع

Mr:Aiman · #6 01/02/2009, 07:27 PM

مشكور مشكور مشكور

كفيت ووفيت وجزاك الله خير على الشرح

كنت اطالب بشرح لكيفية تصميم ثيمات البلاي ستيشن 3

هذا ردي بموضوع [ Ps3 Theames ]

إقتباس

الرسالة الأصلية كتبت بواسطة حثيني


	السلام عليكم ورحمة الله اخوي عندي اقتراح ليش ماتكتب طريقة صنع الثيم للبلاي ستيشن 3 بعد ذالك الاعضاء يسون الثيمات للصور اللي بيونها ثم ينزلون الثيمات هنا وبكذا يكون عندنا بالموضوع هذا مكتبة ثيمات للبلاي ستشين 3

زعيم بأخلاقي · #7 01/02/2009, 07:36 PM

هلا اخوي ..

الجزء الأول من الرد تطبق ولله الحمد وان شاء الله اصير قدرت افيدكم

والجزء الثاني اللي هو مكتبة الثيمات إن شاء الله بتصير فيه مكتبة للثيمات لكن اصبر علينا شوي .. ننسق مع المشرف وان شاء الله ما يكون خاطرك الا طيب

السـ9ـام · #8 01/02/2009, 08:52 PM

.

إبدآآآآآآآآآع ،، زعيم بأخلاقي ..

يعطيك العافيه ،، تسلم يديك

.

زعيم بأخلاقي · #9 01/02/2009, 08:56 PM

حياك الله ابو عزوز .. منور الموضوع بردك

abod-19@ · #10 01/02/2009, 09:10 PM

"
:
\

يلعــــن اوووم المشوووار

خلوها شد بلدها ابرك وازيــن

على العموم ...

موضوع جميــل وواضــح انة متعوووب عليــة وعلى نافذاتة

تحياتي

مشعل911 · #11 01/02/2009, 09:12 PM

الف شكر لك
.....................................

زعيم بأخلاقي · #12 01/02/2009, 09:17 PM

إقتباس


	يلعــــن اوووم المشوووار خلوها شد بلدها ابرك وازيــن على العموم ... موضوع جميــل وواضــح انة متعوووب عليــة وعلى نافذاتة تحياتي