السلام عليكم .. وكل عام وانتم بخير ..


يعني بصراحه حنا كـ جمهور المفروض قد مانقدر نبعد عن اي ضغوطات ..

ونفكر في نادينا وتشجيعنا وبس ..

اول شي المباراهـ ذهاب واياب .. في مجال لتغير كل الحسابات فيها ..

وبعد الهلال فاز على بونديكور بجدارهـ .. ولا اعتقد الغرافه يقدر في بونديكور في مستوياته هذيك ..

يعني تفائلو وخلو ثقتكم في فريقكم كبيرهـ .. ولاتهتمون باللي ينكتب في منتدى الغرافه ولا في منتدى ( شماتة زعبييل )

يعني بالله بالله .. بالعقل يعني بتدخل بتلاقيهم يقولون الله يازعيم القرن

الله يانادي الهلال

يالبى قلوبكم وقسم تخوفون

يعني اكيد كل شخص يدعم حضور فريقه .. وجمهور المسيار عوايدهم والخليج كله يعرفونه مايحتاج


النقطة الآهم لنا .. هو دعم الفريق .. هو البعد عن كل ضغوطات المباراهـ ..

التشجيع والحماس في الملعب .. والمباراهـ محتمل يتآخر الهدف الهلالي محتمل يتقدم الغرافه اولا محتمل كل شي ..

مو يعني اول ربع ساعه تعادل ولا يتقدمون بهدف .. نفقد هالحماس في جمهورنا بسبب هالضغوطات ..

يعني بالعكس انا اشوف احسن حل لـ الجمهور في مثل هالمباريات ..

ان الواحد قد مايقدر يبعد عن الكلام الزايد والمتعصب والنقاشات العقيمه بـ هالخصوص ..

ويحط تركيزه على متابعة اخبار ناديه .. ويوم المباراهـ نشوفه في الملعب ..

اما قالو بمنتدى الغرافه والنصراويين قالو ومدري وشو .. هذا حكي فاضي واعرف ان مجموعه قليله تآثرت باللي شافته هناك ونقلت لنا صورة عنه ..

رغم اننا مانحتاجه ولا هو هدف ولا له اي فايدهـ ..

اذا تبونها كلام منتديات بعد تأهل الهلال لـ دور نصف النهائي .. كلنا نسوي حملة ونركب باصات اعضاء الشرف ونطب في منتدياتهم ووقتها خذو راحتكم


عموما .. نصيحه / لكل مشجع هلالي ..

ابعد عن الضغوطات وخلك بناديك ..

الثقه في لاعبينا وادارتنا ومدربنا كبيرهـ ..

قيرتس الحمدلله الآن في احسن مستوياته كـ مدرب وخاصه في ( التغيرات + تغير مجرى المباراهـ + قراءة الخصم )

ولو لاحظت عزيزي المشجع الهلالي .. كل الاهداف اللي فينا اخطاء لاعبين او بالاصح خطأ لاعب ..

يعني مايحتاج نشغل انفسنا بشي ماله اي فايده .. والاهم فريقنا واستعدادهـ وتشجيعه بالملعب 90 دقيقه ..


/

النقطة الاخيرهـ الخاصه بـ موبايلي /

كبيرهـ ياموبايلي .. لانها ماخلت الحضور مجاني ..

لانه باختصار تم توفير عدد كبير من الباصات وكل هالجمهور اللي بيجي فيها مضمونه تذاكر حضورهـ من قبل المشرفين على هالباصات ..

لذلك احنا مانبي بالملعب الا الهلاليين بس ..

وكل رابطه او جمهور نادي اعلن ولائه في هالمباراهـ للهلال ..

اما ناس تخرييب ورفعة ضغط بالمباراهـ مانبيها .. واحسن شي سوته موبايلي ..

وحق من طلع اشاعه ان التذاكر دبل عشر مرات عشان مايحضرون الا الهلاليين بس



/


ثقه + تشجيع + حماس في الملعب فقط = انتصار تاريخي باذن الله

هذي معادلة جمهور الهلال طول هالسنين .. لاتجون الحين تغيرون باشياء كلنا عايشينها من بدايات تشجيع الهلال ..


اللهم وفق الزعيم .. وحقق له مرادهـ دائما وابدا يارب العالمين




/


ختاميّه /

في جمهور كبير في السعوديه ..

مايشجع منتخبه في كثير من المناسبات ..

ونتذكر الكتابات المتعصبه بـ آن المنتخب الكحلي والمنتخب اللي اكثر لاعبينه من الهلال .. ومن هالحكي ..


لذلك عادي يعني ليش تستغرب حضورهم مع خصومك الخارجيين في المنتديات .. ؟!!

واما الملعب .. فهو لكم .. وآنتم رجاله