كيف تدعم الهلال وتزيد الجماهير بطرق سهلة ..!! - نادي الهلال السعودي - شبكة الزعيم

هلالي بكل بساطة · #1 15/09/2010, 03:56 AM

السلام عليكم ورحمة الله وبركاته

كل عام وانتوا بخير وجعل ايامكم كلها فرح وهنا

تصدقون أني مبلغ الشباب مابي احد يباركـ لي بالعيد الا بتاريخ 6\10

طبعا بعض الاخوان ما قصروا وباركوا مو عشان العيد بس عناد لأن ما عندهم الا مبارايات الأهلي والفيصلي

اللهم لا شماتة

يا شباب عندي لكم كم طريقة ممكن انها تساهم بزيادة عدد الجماهير بمباراة اليوم وفيها فايدة لزعيمنا

انا واحد من الناس اللي مالي علاقات كثيرة ودايما ما احضر مبارايات الهلال لحالي

لكن مثل هالمبارايات بيكون فيها حضور كبير ان شاء الله وصعبة اتكي من العصر لحالي خير نفسية

وجلست افكر باللي بمثل حالتي ولقيت كذا محل ممكن نفيد فيه زعيمنا ..

1- حاول انك تدعي اصدقائك بالدوام

يعني انا اشتغل بشركة دعيت 29 موظف ( فلبينيين - هنود - ومصريين - وبريطاني )

لاحظ العدد الكبير اللي بيحضر معي واللي بيسوي زيادة بعدد الجمهور

2- حاول تعزم اخويائك اللي برا الرياض

خصوصا اننا بويكـ إند يعني منها عزيمة يتعشون ولا يتغدون وتمشيهم بالرياض ومنها المباراة

3- دور بقرايبكم وشف من هالصغار اللي ابوه ماغير يتابع العربية ولا الجزيرة ولا يدري عن الكورة

صدقوني بهالحركة كسبت عدد كبير من الصغار وخليتهم يشجعون الهلال

4- واحد من اخويائك علاقتك فيه صارت باردة او بينكم مشكلة سابقة وودك تقوي العلاقة وتشوفه

مافيه افضل من هالمناسبة لان الكل بيكون متابع وبتضمون بعض مع الهدف وطاح الحطب

هذي أمور حبيت اذكرها على السريع

يعني مسألة الحضور ماهي متوقفة على شخص ولا شخصين انت بنفسك تقدر تزيد العدد وعليك الحساب

وبإذن الله نبارك لبعض بعد الفوز اليوم يارب

الوليد الهليل · #2 15/09/2010, 05:25 AM

وانا بكلم هندي البقالة ههههههههههه

عوافي يالغالي على هيك الموصوع المميز

20 - الهلال - 14 · #3 15/09/2010, 05:27 AM

اهااا شئ جميل <<

عندي فقراوي ، تسمحلي اجيبهـ..؟

لامبارد الزعيم · #4 15/09/2010, 05:30 AM

كل عام وانت بخير بتاريخ 6/10هههه فكرة حلوة وانا بجيب سواقنا واذا مسموح خدامتنا بعد ههه

)(تميمي ... أزرق)( · #5 15/09/2010, 05:32 AM

جمهور الهلال الحقيقي كافي وزود

هلالي والهلالي بكيفه · #6 15/09/2010, 05:36 AM

جمهور الهلال مايحتاج تجيب هنود وبنقاليه نقطه لا اتفق معك فيها ابداااااا

والله لو الهلال ماعنده جمهور؟؟؟؟؟؟؟ اشك انك مند؟؟؟؟
\

الملك الأزرق20 · #7 15/09/2010, 05:38 AM

إذا ترك جمهور الهلال الاتكالية ، والتكاسل ..

صدقني الملعب رح يمتلئ عن بكرة أبيه ..!

يااارب توفق الهلال وتجعل الفوز من نصيبه على الغرافة وبحضور 70 ألف مشجع هلالي .. اللهم آمين يارب العالمين[/COLOR]

هلالي بكل بساطة · #8 15/09/2010, 05:38 AM

يا أخوان انا ماني بجالس انتقص من جمهور الهلال

حسيتكم فهمتوني اني محتاج جمهور وناقصين

المسالة للي يجي لحاله اتمنى تقرون الموضوع زين

..{ روح الدعيع · #9 15/09/2010, 05:39 AM

‘
اللهْ يعطيك العآفية ع الموضوع
وفعلاً مثلْ مآ تفضلواْ الإخوآن ْ
الهلآلْ مو محتآجْ هندود !!
لو إنكْ حصرتْ موضوعكْ على الأهلْ والأصدقاْ أحسنْ

بالتوفيقْ لنآديْ القرنْ

مهيوو · #10 15/09/2010, 05:39 AM

حلوة الفكر ة بس انا ضد الاجاااااانب

جمااااااهير الهلال السعوديه والخليجية والعربيه موفية ومكفية

والحين نضحك ع قطر جماهيرهم اجانب هنود بنقاليه ونصير زيهم

مو مهم الكثرة المهم التشجيع والمؤآزرة يعني باللله هالهندي بيشجع معنا الا بيكون عاله ع الجمهور لان ماخذ مكان احد اكثر فاعليه منه ..

والله يوفق زعيمنا

الأولتراس الأزرق · #11 15/09/2010, 05:40 AM

إقتباس

الرسالة الأصلية كتبت بواسطة هلالي والهلالي بكيفه


	جمهور الهلال مايحتاج تجيب هنود وبنقاليه نقطه لا اتفق معك فيها ابداااااا والله لو الهلال ماعنده جمهور؟؟؟؟؟؟؟ اشك انك مند؟؟؟؟ \

حبيبي جمهور الهلال مو بحاجة بنقالي وصديقي شوف يالغالي احب أأكد لك بأن الي يحضر المباراة هلالي فقط لاغير واتحدى من اصحاب الميول الاخرى يحضرون لأنهم يكرهون الهلال كره اكثر من كره العدو وبعدين الموضوع طبق الاصل شفته في منتدى النصر واتمنى من المشرفين حذف الموضوع

هلالي بكل بساطة · #12 15/09/2010, 05:40 AM

إقتباس

الرسالة الأصلية كتبت بواسطة هلالي والهلالي بكيفه


	جمهور الهلال مايحتاج تجيب هنود وبنقاليه نقطه لا اتفق معك فيها ابداااااا والله لو الهلال ماعنده جمهور؟؟؟؟؟؟؟ اشك انك مند؟؟؟؟ \

تركت ثلاث نقاط محورية وركزت على نقطة وحدة ..!!

شكرا لك على ردك الجميل

S a m i - 3 7 7 · #13 15/09/2010, 05:43 AM

وش اللي تنادي فلبيني ومدري ايش ؟؟؟؟

تعال لحالك وما عليك لا تشيل هم الجمهوور ...

ومشكوور على موضوعك .....

هلالي بكل بساطة · #14 15/09/2010, 05:44 AM

إقتباس

الرسالة الأصلية كتبت بواسطة مشعل العسيري


	حبيبي جمهور الهلال مو بحاجة بنقالي وصديقي شوف يالغالي احب أأكد لك بأن الي يحضر المباراة هلالي فقط لاغير واتحدى من اصحاب الميول الاخرى يحضرون لأنهم يكرهون الهلال كره اكثر من كره العدو وبعدين الموضوع طبق الاصل شفته في منتدى النصر واتمنى من المشرفين حذف الموضوع

حياك الله عزيزي

اولا انا ما ادخل الا منتدى الهلال اما المنتديات الثانية مالي علاقة فيها

الشئ الثاني انا ما ادافع عن كلامي او اقلل

يا أخي شف الجمهور الاوروبي ولو اخذنا على سبيل المثال نادي تشلسي

تشوف فيه جاليات تحضر لهالنادي وتشجعه من كل دول العالم بما فيهم الهنود اللي تتكلم عنهم

انت تتكلم عن الزعيم نادي عالمي له معجبين بكل انحاء العالم مو بس علي وعليك

..

للاسف اذا كان اغلب الجمهور ما فهم كلامي او اني وصلت الفكرة غلط وتشوفون ان الموضوع يسيئ للهلال اتمنى اغلاقه

شكرا لكم

عاشق الهـــــلال · #15 15/09/2010, 05:48 AM

مشكووووووووووووووووووور

جمهور الزعيم نبي حماااااااااااس

: