تكفون فزعتكم يا أصحاب الآي فون عندي مشكله - نادي الهلال السعودي - شبكة الزعيم

Я ɒ ɨ ɗ ™ · #1 03/09/2010, 04:46 AM

السلام عليكم ورحمته الله وبركاته

والله من قرادة حظي قعدت ألعب شوي بإعدادات الآي فون خشيت على العام بعدين إمكانية الوصول
بعدين غير اللون طلع لي لون بني وأسود

اللي أكتشفته اني مااقدر أطلع وأنزل زي أول بالخيارات ولا حتى أقدر أكتب حروف

بس طلع لي حاجه بعد أي شي أضغطه ينطقه لي بالأنجليزي
حاولت أدخل على الشاشه الرئيسيه بس ماينزل لتحت بالعام

الظاهر والله أعلم أني شغلت voiceover

عز الله اللي يتعبث يطير

تكفون الفزعه

7 رونالدو 7 · #2 03/09/2010, 05:40 AM

اخوي رائد طول الله عمرك

شف فيه موضوع رسمي للايفون مثبت في القسم اكتب رد فيه واطرح مشكلتك وصدقني راح يساعدونك

Я ɒ ɨ ɗ ™ · #3 04/09/2010, 03:05 AM

إقتباس

الرسالة الأصلية كتبت بواسطة 7 رونالدو 7


	اخوي رائد طول الله عمرك شف فيه موضوع رسمي للايفون مثبت في القسم اكتب رد فيه واطرح مشكلتك وصدقني راح يساعدونك

الله يطول بعمرك حبيبي وأشكرك على الفزعه

14هلالي والراس عالي · #4 03/09/2010, 06:52 PM

السلام عليكم
أخوي إذا تبي تتحرك بين الصفحات استخدم الثلاث أصابع سوا وحركها بالعرض من اليمين لليسار. وبالنسبة إذا تبي تضغط على شي لازم تضغطه مرتين عشان يستجيب هذا إلي أعرفه, وأتمنى أكون أفدتك بشي
تقبل مروري.

Я ɒ ɨ ɗ ™ · #5 04/09/2010, 03:06 AM

إقتباس

الرسالة الأصلية كتبت بواسطة 14هلالي والراس عالي


	السلام عليكم أخوي إذا تبي تتحرك بين الصفحات استخدم الثلاث أصابع سوا وحركها بالعرض من اليمين لليسار. وبالنسبة إذا تبي تضغط على شي لازم تضغطه مرتين عشان يستجيب هذا إلي أعرفه, وأتمنى أكون أفدتك بشي تقبل مروري.

أنا أشهد إنك ذيبــان وكفو ونعم الرجل
جربتها ونجحت وحليت مشكلتي ورجعته الحمد لله زي أول

<< لا عاد تتعبث أنا وخشتك

ورده لك يالغالي

هـلالـي الـى الابـد · #6 04/09/2010, 07:24 AM

حبيبي اذا صادفتك اي مشكله
علق ع زر الباور والهوم لمدة عشر ثواني
وان شاء الله تنحل
اي استفسار حاضرين