ليش كذا جمهور حائل والمنطقه الشمالية غير مرغوب فيه - نادي الهلال السعودي - شبكة الزعيم

@# هلالي حتى الموت#@ · #1 03/09/2010, 04:05 AM

بسم الله الرحمن الرحيم
السلام عليكم ورحمة الله وبركاته ..

من دون مقدمات ..
ما هذا الاهمال؟! .. بل كيف يحدث هذا الشيء؟؟..

اين شمال المملكة من الحافلات ؟؟..
ليش يهملون الجمهور الشمالي ؟؟..

يعني والله يعذر بي اترك تشجيع الهلال ..

بل المضحك في الامر .. انهم تكفلوا بـ حافلات من البحرين ..وتركوا حائل وعرعر وباقي المدن الشمالية !! ..

انت الحين وش الي خلاك تآكد ان فيه جمهور هلالي في البحرين ؟؟..
بل ليش تجيب من البحرين وتترك ابناء الوطن ..

ما زال الجمهور الهلالي في حائل والمنطقه الشمالية بشكل عام ..
مطنش ..

ليش ياخي ..والله شيء يقهر ..ياخي والله اني اكتب الموضوع وانامن داخلي مولع ..

طيب فكر فيها شوي .. الحين انا ابن الوطن يهملوني ويروحون يجيبون من دوله ثانية !! ..
ليش انا يالمشجع الشمالي ماني مالي عينهم ..

وش الفرق بيننا وبين باقي الجماهير ..
حنا ماحنا بشر ولا وش ..

ليش مطنشين ..ودائم لا يعطون جمهور حائل حقه ؟؟..

البعض منكم راح يقول تعال بسيارتك الخاصة..
وانا ابغا ارد عليهم من الحين واقولهم وباقي الجماهير ليش ما تجي بسياراتها الخاصه ؟؟
ولا بس علينا ..

وش بقول .. والله اني مقهور قهر ما يعلم به الا الله ..

لان هالشيء صارحة قد يجعل بعض الجماهير الهلالية في المنطقة الشمالية تترك تشجيع الهلال ..
لم يحصل من عدما اعطائهم حقهم..

ماذا عساي ان اقول ..
احس اني اتكلم على شخص ما يسمع..

على كل حال ..
اتمنى ان يسمع صوتنا ..
ويسير حافلات من حائل ..

الشكوى لله .. زي كل مره راح اروح بـ سيارتي الخاصه مع العلم ان معي 7 من خوياي ..
نلتقيكم بـ درة الملاعب ..

دمتم بود..

@# هلالي حتى الموت#@ · #2 04/09/2010, 06:29 AM

شكراً لـ الاشراف لـ الموافقة على الموضوع ..

شـبـيـة الـريـح · #3 04/09/2010, 06:37 AM

,.كلآمك جدآً منطقي,.
’,اعلم ان هنآك جمهور هلالي عظيم بالمنطقة الشمآليه ’,
,.يتمنى ان يحظر للهلآل ,.
’,ولا اخفيك انه ليس فقط بالمنطقه الشمآليه’,
,.يوجد مطالب ايضآ من المنطقه الجنوبيهـ،,.
’,والصرآحه هالمنطقتين على حكم بعدهآ من الريآض’,
,.الآ انكم انهم يستاهلون كل خير,.
’,والي يضحي للزعيم يستآهل’,
,.والله اتمنى من اعضاء الشرف الداعمين,.
’,توفير باصآت من المنطقتين وربي’,
,.الزعمآء هنآك يستآهلون ,.
’,والله يكتب الي فيه خير يآرب’,
,.يعطيك الــ ع ــآفيه,.

BAD TO THE MOON · #4 04/09/2010, 06:41 AM

الحمدلله اني بالريآض

,,,,,,,,,,,,,,,وو

HAYA92 · #5 04/09/2010, 06:43 AM

لآتعصبوووووون
آن شــــآء الله آعضاء الشرف وشبيه الريح <<< مآيقصرونــ,,
:::::
:

FAISAL AL7RBY · #6 04/09/2010, 06:45 AM

الله يعطيك الف الف الف عافيه على الموضوع المميز

انا سمعت ان اداراة نادي الجبلين بحايل وفرت باصات

تقبل خالص تحياتي و تقديري لك

@القيصر الهلالي@ · #7 04/09/2010, 06:49 AM

كلامك صحيح وهو في عين العقل

ياليت من رجالات الهلال

الا يتناسو جمهور الشماليه والجنوبيه

لو يحضرو سيمتلآ الملعب بلا كلام .

9 زعيم ومن قدي20 · #8 04/09/2010, 06:54 AM

كلام منطقي وسليم 100%
والله يوفق الزعيم وانشاء الله
الاعضاء مااهم مقصرين معكم
وتقبلو مروري:9 زعيم ومن قدي20

$SNIPER$ · #9 04/09/2010, 06:57 AM

يعني أني >> بل ليش تجيب من البحرين وتترك ابناء الوطن .. <<

يآ حبيبي الرآبطه البحرينيه رجت المللعب رج وأنت وبطآطي تتفرجون ..
بعدين تعآل يآ أخي اللي تكفل بـ حقين القصيم رئيس الرآئد ورئيس التعآون بعدين جآي تهدد آنت تبي تترك الهلآل يعني أني آحد فكر فيك

طيب حنآ وش ذنبنآ بـ حآيل محد تبرع ويجيبكم لـ الريآض ..

لآ تزعل بس الحق حق << يعني أني حقآإآإآني

Fahad Alhamdan · #10 04/09/2010, 09:51 PM

إقتباس

الرسالة الأصلية كتبت بواسطة $SNIPER$


	يعني أني >> بل ليش تجيب من البحرين وتترك ابناء الوطن .. << يآ حبيبي الرآبطه البحرينيه رجت المللعب رج وأنت وبطآطي تتفرجون .. بعدين تعآل يآ أخي اللي تكفل بـ حقين القصيم رئيس الرآئد ورئيس التعآون بعدين جآي تهدد آنت تبي تترك الهلآل يعني أني آحد فكر فيك طيب حنآ وش ذنبنآ بـ حآيل محد تبرع ويجيبكم لـ الريآض .. لآ تزعل بس الحق حق << يعني أني حقآإآإآني

هذا الكلام اللي أبغى أقوله
وين تجار حائل والمنطقة الشمالية !!!!!!

الفلته20 · #11 04/09/2010, 06:59 AM

اللحين البآصات اللي من القصيم , من انديه القصيم , واللي من الشرقيه من انديه الشرقيه !
واللي بجده من اعضاء شرف هنآك !
حآيل , الشمآل , ححفر البآطن ! , المفروض وآحد من اهلها يتكفل مثل القصيم والشرقيه ؟!

والله الموفق

طلال1909 · #12 04/09/2010, 07:01 AM

كلام منطقي وسليم 100%
والله يوفق الزعيم وانشاء الله

HILALY 3 Z Z · #13 04/09/2010, 07:04 AM

السلام عليكم ورحمة الله وبركاته

انا من حائل وماشين بجمس سوبر بان 2009 من حائل الى الرياض ومعنا 20 واحد من اخويانا بنعيد هناك وبنحضر المباراة انشاء الله

>>> يكلمكم وهو ماشي بالطريق

الهلالي100% · #14 04/09/2010, 07:06 AM

جماهــير الزعيم بالجنوب والشمااال غير مرغوب فيهم او بلاصح لا يلاقوون الاهتمااام المطلبوووب ’’

امااا من يقول بعد المساافه فحائل اقرب بكــثير من الطائف وجده ومكه والمدينه

يعني عشان مابه عضو شرف ساكن بالشمال

او عشان انديتنا (فقيره)
اتمنى المرشدي يتكفــل بباصات مثل السهلاوي يوم مباراة الوصل

طيب موبايلي مانبي دخول مجاني نبي باصات من الشمال ومن الجنوب

الاداره ووووين

اعضاء الشرف لم نرى سواء فيصل بن فهد بن عبدالله(يسكن بالشرقيه)وحسن الناقوور(يسكن بالغرب)

والباقي انديه القادسيه والتعاون والرائد يشكرووون عــلى دعمهم

اماااا عن الجبلين فلحد الان لم يحصل شي رسمي

انا توي داخل منتداهم لم يعلن شيء لحد الان فستفسرت وانااا انتظر الرد

والله قهر بس نبي باصين بس اتمنى موبايلي او اعضاء الشرف يتكفلون بباصات

دمتم سعداء ’’

( الامــيــر ) · #15 04/09/2010, 07:06 AM

لا حول ولا قوة إلا بالله
مقدرين حالتك يازعيم بس ترى من ذاق طعم حب الهلال ما يفكر بغيره
وإن شاء الله مايصير إلا اللي يرضيك
وجماهير الزعيم بالشمااال معروفة بحبها لزعيمها
وكلامك سليم من حق جماهير الزعيم في مثل هالمباراة المصيرية والجماهيرية إنها تكون مساندة لزعيمها