ـآآهـ مـأأ أعنف "آلريآإض" تآإلي آلليل ~ ! - نادي الهلال السعودي - شبكة الزعيم

مـوت ومـيـلآد ! · #1 01/09/2010, 10:02 AM

[ آلغريب

, أللي ليآ جآء يتذكر ديآره يحن ~, لو تذكرهآ يذوب ولو تذكرهآ بكى

] !

9:34
- يبه تكفى نبي نروح للسسسوق

!
- يآبنيتي والله زحممممه

!
- إذآ تبتل تقوول هالكلآم مآحنب ششآرين شي للعيد

!
- طيب تولمّوآ

!

10:45
- يآلله يبه وقف بأي موقف

!
- يعني بالله شششآيفه الششآرع فآضي

!
أنزلوآ

نص سآعه واحتريكم يآآلله

!

~ !

- زيآد : أوه يآهلآ وينك أنت

مآعآد تنشآف ولآ اليوم متاخر

!
- رآيد : يآخي والله زحممممه

! طآلع من البيت بدري ووالله

!
بعدين والله ملل بهالديره

! كل شي عوآيل بالله وين نروح

!
حدنآ استرآحه وبيت والبقآله لأغرآض الاهل

! وزين بعد اسمحوآ لنآ نروح للثمآمه

!
- زيآد : تعآل بس تآبع مبآرآة الريآل وبرشآ

!
- رآيد : كم كم

!؟

~ !

8:00
- أم بدر : لآ تنسى تطمني عليك

طيب !
- أبو بدر : ابشري

!

9:15
- ابو بدر : السلآم عليكم

!
- الرسبشن : وعليكم السلآم

!
- أبو بدر : عندي موعد مع دكتور الاسنآن

!
- الرسبشن : متى موعدك بآلضبط

!
- ابو بدر : 8:30

!
- الرسبشن : دقيقه بس

!
- ألرسبشن : اسسف

أخوي انت متاخر عالموعد

! فيه غيرك دآخل

! تقدر تتفضل لحد مآننآديك

!
- أبو بدر : والله يآخوك زحمه وفيه حآدث وهذآ اللي اخرني

!
- الرسبشن : أسف وفيه غيرك جآيين على نفس الموعد !
- أبو بدر : طيب

! الشكوى لله

! لآ إله ألآ الله

!

~ !

7:56
- امل : الو هلآ

!
- ريم : وينك انتي

!؟
- أمل : بالطريق

!
- ريم : بتتأخرين

!
- أمل : مدري الطريق زحمممممه

! أسمعي جت الركتوره

!
- ريم : ايه

! بس لا تشيلين هم ! قلت لهآ عندك ظروف بالبيت

!
- امل : صدقت عآد

!
- ريم : مدري عنهآ والله ! تقل وتقل

!
- أمل : طيب والله يعين

!
- ريم : انتبهوآ بس يالله اشوفك بالمحآضره

!
- أمل : اوكيشن

!

8:21
- أمل : السلآم عليكم

!
- الدكتوره : لآ بدري يآآأخت

!
- أمل : والله زحممممه

! وطآلعه بدري وقسسم

!
- ألدكتوره : كلنآ نطلع بدري ونجي بدري

!
- أمل : طيب شنسوي بهالزحمه غصبن علينآ

!
- الدكتوره : تأخير ربع سآعه

! وإن تكرر هالشي مره ثآنيه أحسبه غيآب

! تعالي وقعي واجلسي يآلله

!

~ !

- أبو خآلد : لا يشيخ

! وش عقبه جآييين ! بعد مآآحترق البيت كله بكبره !
- احد رجآل المطآفي : والله تعرف الطريق زحمه وقرف ويالله يالله تخطينآ السيآرآت

!
- أبو خآلد : هذآ عذركم اصلا

! ززحمه ززحممممه ! وليه مآآختصرت طريق ثآني

!
- أحد رجآل المطآفي : كل الششوآرع زحمه

! واطلع شف بعيونك

!
- أبو خآلد : حسبي الله ونعم آلوكيل

!
- أحد رجآل المطآفي : ونعم بالله ! بالبيت ولا بالأنفس يآآخوك

!
- أبو خآلد : مالي إلآ الله اطلب منه العوض

!

~ !

مآذآ قآلوآ عن آلريآإض

!

- آلبدر

: [ في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيدي .. ومشينا .. ]

......

- غآزي القصيبي ( رحمه آلله

) : [ في قصيده له أسمهآ " أنت الرياض " ]
حيث تذّكره مدينة آلريآض بالحبيبه

, والحبيبه بآلريآض

,!
والحب في النهاية هو الحب نفسه ــ حسبما يراه الشاعر ــ .
وعند غآزي القصيبي يكشف عن علاقةٍ حميمة ومشاعر صادقةٍ في أعماق قلبه تجمع بين المرأة والوطن ،
وتُظهر نوعاً من الحرمان الذي كان يعانيه عندما كان بعيداً عن وطنه ، فيمثل حضور المرأة أمام عينيه حضوراً للرياض ،
ويمثل غيابها نوعاً من الألم والقسوة التي يمثلها غياب الرياض ،

. يقول

:
[ وفاتنة أنت مثل الرياض ترق ملامحها في المطر
وقاسية أنت مثل الرياض تُعذب عشاقها بالضجر
ونائية أنت مثل الرياض يطول إليها إليك السفر
وفي آخر الليل يأتي المخاض
وأحلم أنّا امتزجنا
فصرتُ الرياض / وصرتِ الرياض
وصرنا الرياض
ولا يكتفي القصيبي بذلك ، بل يختم القصيدة ببوح صادق يمثل شوقاً إلى الرياض ورؤيتها حين يقول :
عرفت الرياض
فأنشدت شعراً
وغنيت للحب فيها البياض
فصرنا الرياض
ومهما تنائيت عنها ستبقى الرياض بوسط الفؤاد ]

......

- خآلد الخنين [ في قصيده يلتقي الفخر بالرياض

بالحنين إليها والشوق لها ،
ويذكي ذلك في نفسه بعده عنها للعمل خارج المملكة سنوات طويلة ،

يقول

:
[ مدي جناحك تيها وانتشي طربا من قال إنك أخت المجد ماكذبا
مامر طيفك في الأعماق يشعلها إلا وجنّ دمي بالشوق واصطخبا
وإن نأيت ولو حينا على مضض ضج الحنين وثارت مقلتي غضبا
وراح يشعل وجداني على عتب فكيف أطفئ فيه اللوم والعتبا ! ؟
أدير عنك عيوني والشجون بها كمن يروم بساح المحنة الهربا
يحيي صباي عبير منك منسكب طاب العبير من العينين ما انسكبا
أنت " الرياض " جناح مد هامته إلى الذرى وجناح عانق الشّهبا ]

.......

- حسين عرب [يبث الرياض

وأحياءها حبه وشوقه لها حين يقول

:

[ يانسيم الرياض في أرض نجد كيف عادت حال الأحبة بعدي
شفني الوجد من هواهم ولقيا هم مدى غايتي وغاية وجدي
إن لي( بالملز

) إخوان صدق وبوادي( البطحاء

) أخدان ودّ
كم تفقدت في ( المربّع

) ربعي وتعودت في( الشميسي

) وعدي ]

~ !

بعض النآس اللي حوولي

! مسكتهم على جنب وسألتهم هـ ـآألسؤال

!

[ أوصف لي الريآإض

] ! وهـآإت يآلعجب

!

- تبي تفلسس .. عيش بالرياض

!

- هي كالسمبوسه

. بالشهر تصير لذيذه

!

- بآلنهآر قبيحه .. وبالليل جميله

!

- عروس في ليلة طلآقهآ

!

- كئيبه حددد آلضيآع

!

- جدآ جميله .. بدون عشششق

!

- احلى ليآلي آلريآض

.. فوز الزعآمه بالخط آلعريض

!

- عشآقهآ كثآر .. وكفى

!

- ويحدثوني عنهآ وأبتسسسم

!

- آلريآإض

!
عآالم مليآن بخربشآت برئيه بأطفآالهآ
وخربشآت فله بشبآبهآ
وخربشآت حشمة ببنآتهآ
وخربشآت عزه بشيبآنهآ !

~ !

بآلريآض

!

صعب تلقى وظيفه

! صعب تعيش فيهآ بسسهوله

! صعب تتاقلم مع آلنآس اللي فيهآ

! صعب تلقى مشوآر قريب

! صعب ....آلخ !
بسسس بذمتكم

! مو تحبونهآ على كثر جفآهآ

!

مدري هي تغيرت

! ولآ النآس غيروهآإ

!
مآتلآحظون بعد

! أنهم دآيمآ يحطون اللوم عالريآض

! إذآ غآب الحبيب أو شخص عزيز

!
يعني بس بالريآض تفقدونهم

! يعني ابد أبد مآعمرك فقدت احد بالقصيم

أو جده

! يآسآتر

!

وترقبوآ موضوعي عن رمضآإن والناس في الريآإض

! والله بتشوفون العجب

! <<---- يآإهي بتبثركم بعد

!

سسسسي يووو

!

يآسر ، الهلآلي · #2 01/09/2010, 10:08 AM

إقتباس


	وترقبوآ موضوعي عن رمضآإن والناس في الريآإض ! والله بتشوفون العجب ! <<---- يآإهي بتبثركم بعد !

أبثرينــاً ب كل جديدك دآمهآ عن زحمتنآ وغثانا

موضوعك يآعزيزتي ، صآر متنفس لـ أهل العآصمه

بأنتظـآر رمضآن العآصمه

مهند77 · #3 01/09/2010, 10:10 AM

الحمد اله انا ساكن بالدمام لا زحمه ولا شي خخخخخ مساكين اهل الرياض والله

مفرووض تمشي قبل الموعد بيوم يومين عشان توصل للي تبغاه >> يعني اني حق مواعيد

رومنسي مزيون · #4 01/09/2010, 11:28 AM

اي والله قلق الرياض وزحمتها

فيه تشابه بين تشجيع الفقر وزحمة الرياض

كلهم يرفعون الضغط

................................................

مريل دحيم · #5 01/09/2010, 12:23 PM

الحمد لله انا ساااكن بتبوك يعني مرهـ مافيه زحمـه

الشوراع اكثر من السكان بس شوي ضيقه

والله يعينكم يا اهـل الرياض تراكم مدلعين خخخخخ

الهلالي دائماً · #6 01/09/2010, 01:26 PM

موضوع رائع بجمال الرياض

يعطيك العافية هلالية ايطالية

إقتباس


	وفاتنة أنت مثل الرياض ترق ملامحها في المطر وقاسية أنت مثل الرياض تُعذب عشاقها بالضجر ونائية أنت مثل الرياض يطول إليها إليك السفر وفي آخر الليل يأتي المخاض وأحلم أنّا امتزجنا فصرتُ الرياض / وصرتِ الرياض وصرنا الرياض

رحمك الله ابا يارا فقد احسنت الوصف للرياض

برغم الزحمة ورغم الحرارة ورغم الغبار تبقى الرياض في قلوبنا

نشتاق اليها ونهفو لها ونحبها وتحبنا

شكرا

md7t · #7 01/09/2010, 04:41 PM

انا اذا طلعت من الرياض احس بوحشه مدري ليش

هيكتور نجد · #8 01/09/2010, 05:01 PM

مثل السمبوسه بالشهر حلوه مره ..الله الله على الوصف

بالرياض صعب تلقى وظيفه الله الله على الصراحه

موضوعك حلو واكثر من حلو انتظر جديدك

تقبل مروري..

Hilaly Madridi · #9 01/09/2010, 05:46 PM

انا اذا جيت للرياض أحس بكئابهـ ..

مدري وش لاقين فيها

زحمه وقلق ..

والله لو هي شسمه ذيكـ

الله يعطيكـ الف عافية هلاليه ايطاليه ..
امدحي ديرتك طيب

لايهمك حكيهم ياياسر · #10 01/09/2010, 06:11 PM

الريااض؟؟

خلصت مدن المملكة ’’

يالبيه يا القصيم و جده بس’’

فديتهم’’

شكرا ع الموضوع

أوَار · #11 01/09/2010, 07:00 PM

الرياض رئة ثالثة

أحد يقول غير هالكلام ؟ :$ ..

&لاتغرك ضحكتي& · #12 01/09/2010, 07:06 PM

لـــــــــــــــبى قلبكـــــــــ حوووبوو

على الموضوع الأطلق من رآئع

من جد معك حق

مع اني مو من سكان الرياض ولامرة جيتهآ

الآ اني احس بحنين لهآ

يمكن الي خلآني احبهآ زحمتهآ هههه

ثآنكس يسلموو

بأنتظآر جديدك بكل شووووق

am-20am · #13 01/09/2010, 07:06 PM

هلا بالي ما تنشاف وينكي زمممممممممممممان ماشفن موضعكي

انت يااهل الرياض بلوتكم بلوه كل من جاب اهل ابو الرياض زحمه ليه

اجيه في الدراسه زحمه

اجية في اجازة زحمه
متى اجي يم الرايض والقه فاضيه؟؟؟

وشكر,,,

صـمـت · #14 01/09/2010, 07:15 PM

اآآآآآهـ اآآآآآآهـ اآآآآآهـ

حطيتي يدكك عالجرح....انا يوم شفت العنوان دمعت عيني,,,

ما عاد ابي اطلع و السبب هالزحمه,,,المشكله اني عاشق لـ(COSTA ) يعني لازم كل يوم اطلع له....

لا عاد لا جيته دبلة تسبد هالهيئه... ابس اشوا السيكيورتي قدني معرفه معه

اقوول ما تعرفون محل لـ ( COSTA ) غير اللي في سلام..؟؟

قرقاص · #15 01/09/2010, 07:27 PM

مرحبا هلالية كثر زحمة الرياض

يقول الشاعر: قلبي تولع بالرياض حب ورثته من الجدود

الرياض وزحمتها حكاية بدت ولم تنتهي !!

والأمل بعد الله في رئيس الهيئة العليا لتطوير مدينة الرياض الأمير سلمان في وضع حلول جذرية لهذه المشكلة !!

بعض المشاوير بالرياض تاخذ اكثر من ساعة كاملة رايح !! ون واي

وشغلك تخلصه في خمس دقايق وبعدين ساعة راجع

بالنسبة لي اما اني اخرج قبل موعدي بفترة كافبه او اني اقعد بالبيت !!!