المتميزkoly

لكي يحكي لنا احداث يومه مع شهر رمضان المبارك

< p>

بسم الله الرحمن الرحيم
حبيت اشكركم , ع اختياري بهذا الموضوع المتميز ,

ماهو رمضان بالنسبه لك ؟
رمضان الخير , رمضان المحبة , رمضان التواصل , رمضان الصلح

برنامجك اليومي في رمضان ؟
وقت الصباح مع الظهر نائم , اصحى العصر
اصليي واقرا القراان مع عيال االحارة , ثم بعدها اجلس بالبيت احتري
الولدة تعطيني فطورة لهنود الحارة , ثم بعدها افطر وعين خير
واصلي المغرب , واتكي بالنت لان اكثر المسللسلات سخافة وسامجة
الى العشاء ثم اصلي العشاء بالحارة , وطلع اتمشى مع ربعي بـ ديرتنا العزيزة
الي الساعه 12 تقريبا , ثم اروح مع ربعي للاسترحة ونلعب طائرة ونفلها وبلوت وهيكات
ثم لاجت الساعه 3 الكل يروح للبيت يتسحر , وترا بعض ربعي مايجلسون عشان يناظرون حليمة ,,
ثم اتسحر , واصلي الفجر واجلس مع الحارة الى الساعه 6 ، ثم اروح البيت واجلس عالنت الى النوم يصك راسي.

ماهي أكلتك ومشروبك المفضل في رمضان ؟
باف بسترررري >> معشوقتي
وفيمتو مع ثثثثثلللج >> ياويلي ويلاة

متى أول مره صمت فيها ,وإذا عندك مواقف مع الصيام أذكرها ؟

تقريبا بصف خامس ، المواقف كثيره لاكن بذكر واحد
تقريبا حصل لي رمضان 1428 هـ , كنت بمكة يوم وصلنا هناك تقريبا وهم يصلوون الفجر
طبعا صلينا وادينا العمرة , ثم اتجهنا للفندق , وكنت عادي فيني نشاط غير طبيعي
واسمع امي تقول لجدتي اذا تعبانة عادي تفطرين لاننا مسافرين , وتدق عندي فكرة
اني اروح للبقالة واشتري لي وافطر , مع اني مالي نية , وابشركم افطرت وبعدها نزلت
واشتريت كورة وجلست اطقطق تحت , الا ويجوني 3 قالو بنلعب قلت حياكم ,
وهم مايركضون عشانهم صايمين , وانا شغال ركض , الا جاني واحد منهم وقال لا تركض عشان ماتتعب نفسك
قلت وش دخلك >> بكل كبرياء ، اصلا انا مسافر ومفطر
رد وقال الشرهه مو عليك ع اللي يعلمك , وقال لربعه خلنا نروح يتعبنا وهو مفطر
قلت بقريح انت وياااه >> حسيت اني قوي وقتها .

موقف لاينسى حصل لك بـ رمضان ؟

اووف اما المواقف انا ابوها , هذا الموقف كل ماتذكرتة يضيق خلقي
ذاك اليوم وانا عند بيت عمي والكل نايم , قلت طفش وسرقت سيارة عمي ورحت اتمشى شوي
يوم رجعت الا وعمي الثاني عند الباب قال خير ان شاء الل ماخذ الموتر
وقته توهقت , لوقلت رايح افطر , بيقول صايم انت
واذا قلت , اتمشى بيفقع وجهي ,
وترجلت وقلت , رايح اعبي بانزين >>> زدتنا من الطين بلة
قال من اللي قالك رح عبي البانزين , قلت حبيت اسوي فيك خير >> قوي وجهه
وقالي للي ماابي خيرك ويلا ادخل ارقد ووعدك العصر
والحمد نساها والى يومك واهو ناسيها

كيف نظامكم واجوائكم في رمضان ونظامكم بالفطور والعشاء والسحور ؟
طبعا نظامي , وقت الفطور ماا اكل كثير غير الباف بستري والفيمتو
ثم بعد العشاء اكل من المطعم , والسحور يكون الساعه ثلاث .

هل ترى إختلاف بـ رمضان في السنين الماضيه عن السنوات الأخيره وإذا نعم وش الأشياء اللي افتقدتها ؟
اكييييييييييد , احس اول في طاعه وقرب الى الله اكثر
وبعد صله الارحام , الحي ماعندك احد .

هل تفضل الصلاه في المسجد القريب من بيتكم او تميل للتنويع ومن القاريء الذي تحرص على الصلاه خلفه في رمضان ؟
مسجدنا العزيز , بقيادة الشيخ فالح الوحيد .

أجمل رمضان عشته حتى الآن , متى ولماذا
رمضان 1428 هـ , يوم كنت بمكة والفلة , افضل رمضان
وزاد الفلة بالعيد لباااة , عشان يختلف الجو هناك بمكة .

نبي صوره تلتقطها لنا من يومك الرمضاني المجال مفتوح لك ؟
هذي صورة لمكآأآأني المفضضضل

وهذا الي مسنع اموري , اخوي فيييصل

رسالة في هذا الشهر المبارك .. لمن تبعث بها وماذا تقول فيها ؟

ارسلها لكل شخص شايل علي , واتمنى يبحيني ويحللني
ومدري احس شوق الكويت زعلانة بعد الذبة ع صورتها , واتمنى تسامحني .

اليوميات الرمضانية

بسم الله الرحمن الرحيم
اولا شي صليت الفجر وجلست قليلا من الوقت مع عيال الحارة , وطبعا ضايق صدري من الاب حق اللي خربتة انا
ثم رحت للبيت واخذ لاب اختي , وجلست علييه الى الظهر ثم نمت وصحيت العصر , وححدي متكككسر
ورحت اودي الفطور للهنود , وافطرت شوي , وصليت وحسيت تو فيني نومة

واتابع شوي التلفزيون وانام الى العشاء , صحيت وصليت العشاء ,
ورحت مع ابوي الغالي الي محل الملابس , نشتري اغراض العيد , وانا داخل ع طول الهندي بوجهي
تبي شماغ الهلال , قلت فكنا فكنا بس , ابي البسام بلس 8
ويعطيني واشتري عطر , والملابس الداخلية , والجزمة , وكل الاغراض

ثم رحت للبيت , وجلست شوي ومرني خويي , ورحت طلعت الاب ,
قلت للمبرمج شف اذا تقدر ترجع الاشياء اللي فيها عطيتك اللي تبي وجلس يبربر علي , قلت خلاص يعني ماتقدر
قال لا قلت طيب يعافيك ربي ,

وطلعت وطبعا خويي ابراهيم ، مسجل بالشبكة بـ المايسترو معي , طبعا توه شاري له بلاك بيري > منزل رووس الرجاجيل
وعندة تقريبا الرصيد مية ريال , وقالوا لة شرركة موبايلي تراهي بتروح الساعه 12 الييل واحنا الساعه 10 تقريبا

قال ياولد ابي اخلصها , ويدق ع خلق الله ويهبل فيهم , ووشوي طفش ويدق علي وانا جنبة , ونسولف بالجوال
وماخلص الرصيد :S

وننتظر الى الساعه 12 وما سحبوها , الى وحدة ولسا , والظاهر الى الحين ماسحبوها ,

وشوي تجيني رساله , اترك لكم المشاهدة

الظاهر صرت اب وانا مدري ، عيش ومدري وش

قلت خلني ادق واشوف وش سالفة , كلمت ولقيتة بنت ياااااي , قالت بابا >> قلت بنفسي ياريتني حليب بس
قلت لاغلطانة , قالت سوري , قلت لاعادي وحياك باي وقت ..
طبعا ماني ناقص ازعجات

بعدها لاعبنا بلوت , وبعدها طائرة , ثم رجعت للبيت وتسحرت , وجيتكم اكتب اليومية ..

برايفت / حبيت اشكر اختي الهنوف اللي تحملتني واجلت يوميتي من يوم 10 رمضان الى عشرين , لضروفي .
وبعد تراني ماكتبت الموضوع الا بعد الفجر , وكانت اليومية ع سريع , واتمنى تنال ع اعجابكم , لكم التحية .

كل الشكر

لـلمميز **][ " koly" "♥][ **

وهـا نحن وصلنا الى مسك الختام في سلسله (يوميات رمضانية 1431 هـ)

اسال الله ان نكون قد وفقنا فيها
ونتقدم بالشكر لكل من استجاب لنا بالقبول فكان لنا شرف اللقاء
وكل الشكر لكم انتم على تفاعلكم
فـ ماكان من صواب فمن الله وحده وماكان من خطأ من نفسي والشيطان

اللهم اجعل هذا الشهر شاهداً لنا ، وحجة لنا لا حجة علينا..
اللهم إن كان في سابق علمك أن تجمعنا في مثله فأحسن عملنا فيه..
وإن قضيت بقطع آجالنا فأحسن الخلافة على باقينا..
وأوسع الرحمة على ماضينا..

المجلس العام