بسم الله الرحمن الرحيم.

أسعد الله مسائكم بكل خير..

حيآني الله في المجلس العآآم بعد غيآب لفترة طويلة.

ورجعت لكم بموضوع يشغلني من فترة حقيقة وودي أسمع أرائكم فيه.

طبعاً انا انسان كما أي سعودي طفشان ماعنده شئ غير الفرفرة في الشوارع وأزعاج الناس و...الخ.

قبل فترة انتقل اخي الى رحمة الله تعالي وكان لهذا الحدث أثر كبير على شخصيتي بحكم قربي الكبير من اخي المتوفي..رحمه الله واسكنه فسيح جنانه.

ومن وقتها بديت أفكر في الموت وفي المعاصي وفي التوبة وفي امور كثيرة في ديني كنت بعيد عنها ومادري عنها.

المهم وبعد تفكير أستمر أسبوع تقريباً قررت الالتزام.


المهم وبحكم اني كنت طآآحس زمآن وكنت أبي دقن بسرعة وماخليت حلاق والى انا عنده اقوله حط موس هنا عشان يطلع دقن كثير..

طبعاً قرار الالتزام مآعلمت احد فيه ..يعنى كان قرار لنفسي فقط.

المهم بعد اسبوعين ممكن بدا الدقن ينمو بصورته الطبيعة .
وكنت متردد كثير في حلقه كما العادة أو تركه..
وفي النهاية قررت تركه لقول الرسول صلى الله عليه وسلم((حفوا الشوارب وأعفوا اللحى))
ومن هنا بدات الحكاية ..!!

حيث أني كلما أجد أحد الاصدقاء يصر علي للذهاب للحلاق لكي احلق وطبعاً اقابله بالرفض وآخر يقول لي لو حلقت بأعطيك 500 ريال..!

والادهي والامر من ذلك ..
انني حتى في بيتنا العزيز اوجه ضغوط كثيرة من أبي حتى أختي الصغيرة.
الجميع لايتقبلني كشخص ملتزم..!
فوالدي يقول البززر صار عنده دقن..واختي الصغيرة تقولي شكلك حوووثي.
والناس كلهم صاروا ينادوني مطووع بريدة..
احد يقولي من مطوع بريدة نفسي اعرف وش يقصدون بهذا اللقب.!!

وحيااتي حوووسة حتى بعض أصحابي رآحوا عني عشآن الدقن..

علماً انني لست بذلك الالتزام..
فقط عدلت نفسي في امورالصلاة ..أو التعامل مع الناس ..او تسديد راعي البقالة.

يعنى عادي بعض اوقات الفراغ نفلها شوي ونسمع لأبو نورة.

اتمنى تكونوا فآهمين وش أقـصـد..!

اعذروني الموضوع قصيروعلى عجالة عشاني مدوخ وبانام.


سؤالي /

لماذا الملتزم يواجه أضطهاد من المجتمع..ولايتقبل كما هو خاصة اذا لم يكن ملتزماً من بداية حياته..!

هل الانطباعات الاولى تدووم ولايمكن لشخص ان يغير افكاره عن الاشخاص الذين يقابلهم..؟

تخيل انك في يوم من الايام تكون ملتزم..!
ايش تتوقع تكون ردة فعل الى حوولك...؟؟





لكم خالص الشوق.

بورتريه
حيـــــــآكـــــــ...
"""
وربي يرحم آخـــــــــــوكـــــ وجميع موتـــآ المسلميــــــن آميــــــــــــــــن

وربي يوفقكــ... ويثبتكــ,, بآلعكس المطوع له هيبة ومآعليك لآنهم مآتعودوا على شكلك
وآستمر ولآ تحلقهـآ...
آنـآ ولد خالتي حافظ القران وملتحي ...<<< قع ـد تقريبآ 2 سنتين لآنه من طلعت لم يحلقهـآ
بس آصدقآء السوء يضحكووون عليه وينتفون فيه فــــ آنحرج وخففهآ لين صآرت (دقن خليجي)
"""
الزبـــــده :- محد نآفعكــــ إلآ دينكـــــ قال الله تع ــآلى:- (يوم لآينفع مآل ولآبنون إلآ من آتى الله بقلب سليم) وتذكر دآيمًأ ذلك لكي يكون محفز لك لئلا تترآجع <<< ترجع للآيآم الخوآلي والنــآس شوي شوي ويتعودون ع ـــليك
"""""
آنـــــآ ودي آعرف ليش يقولون مطووووع بريده هل القصمآن مطآوعه لهذي الدرجة
آنــآ بصراحة آعرف وحده قصيميه من جنبهــــآ .... فلين آمهـــــــآ وبقووووووة
...
تخيل انك في يوم من الايام تكون ملتزم..!
آميـــــــــن ربي يهدينــــــآ ويوفقنــــــآ ..

ايش تتوقع تكون ردة فعل الى حوولك...؟؟
مممممممممممممم
طبع ــــــًا صعب في الفتره الآولى لآنك تريد مسح آشيآء كنت تفعلهـآ .............إلخ
وتريد ان تكون شخص متدين وع ـآقل وممكن تكون شخصيتك آول عكس ذلك ...
فــــــ هي آصعب مرحلة لكـــــ لآنك تتحول من شخص لـآخر
من آزحف وآحد في الشـــله إلى اع ـقل وآحد ممكن
بس الواحد اذا بدء رآح يكوووون سهل البآقي ربي ييسر آمرك ويثبتكــــ...
و لآزم الدعــــآء بآلثبــــــــآت ونحن في شهر فضيل...


اللهم يآمقلب القلوووووب والآبصآر ثبت قلووووبنــــــــآ علي دينكـــــــــ...
""

انا زيـــــــــــك بس مع الوقت يتعودون على شكلك فأنصحك بأن تشتري ماعند الله وتترك ماعند الناس

الله يرحم اخوك ويرم موتى المسلمين اجمعين

والله يثبتك ان شالله ويزيدك صلاح وماعاد تسمع ابو نوره
وبالنسبه لاهلك واصدقائك اصدقاء السوء :P<<< بتنجلد
محد راح ينفعك يوم الدين واهم شي ماتكون زي مطاوعه هاليومين اللي بس لحيه وثوب قصير اهم شي من الداخل
تكون انسان متصالح مع نفسك <<ياشين الفلسفه

وما اطول عليك اخوي ربي يهدينا اجمعين ويثبتنا على طريق الحق ,,

ماشاء الله تبارك الله ترى يالغالي اكثير الي يحسدونك على قوة عزيمتك كثير مننا يتمنى يلتزم

ويعرف ان هذا هو الطريق الحق لكن التعلق بالملهيات او ضعف العزيمة او اصدقاء السوء او كلهم

معا يبعدهم عن ذلك فما شاء لله عليك اخوي انت تخطيت كل هاذي ويالله يارب الله يهديك بعد عن

سماع الاغاني وغيره واما يالغالي عن موضوع اهلك والي حولك بأنهم واجهوك بالاستنكار

والسخرية وخصوصا الي حاول يرجعك عن طريق الحق والصواب اقصد اصدقائك السابقين اصدقاء

السوء فهذا بلاء من الرحمن سبحانه وتعالى يبغى يختبرك هل انت فعلا راح تصبر وتحتسب وجاد

في التزامك الى طريق الحق او لا ثانيا منطقيا ترى يطلع من اهلك شيء لو قليل من هذا الكلام لانوا

شيء جديد عليهم وتغير جديد فاكيد راح تلاقي ردة فعل مستنكرة وغيره لكن بأذن الله مع الايام راح

يتعودون بل انهم راح يحترمونك اكثر واكثر ان شاء الله اما عن اصحابك فنصيحتي لك لا تمشي

برغبتهم او تسايرهم بما يريدون اما ان تمشي معهم بدون مايضايقونك في اي شيء من

التزامك ويحترموا قرارك بل يساعدونك عليه بحيث لا يدخنوا عندك او يسمعوا الاغاني عندك مثلا

ان الله هداك عن الاغاني والا فلا تصاحبهم ولا تمشي معهم فهم ليسوا بكفؤ صدقني باذن الله ابحث

وستجد اصدقاء افضل بكثير منهم يعاونوك على دينك ودنياك بما فيه خير وانتبه ان تقنط او تتراجع

لانك ساتكون اسعد الناس يوم القيامه اذا تمسكت بدينك وسنة نبيك صلى الله عليه وسلم بأذن الله

الله يوفقك يارب ويثبتك ويهدي كل شباب وبنات المسلمين انه ولي ذلك والقادر عليه

إقتباس

إقتباس اللافندر 8 marsal كهـــرمـــان المغيري 1412 نـوف الهلال khaledx66x

أخواني الاعزاء شآكر لمروركم العبق.
واسال الله الايريكم مكروه في شخص عزيز عليكم وأن يجعلكم من عتقائه في هذا الايام المباركة.

إقتباس الرسالة الأصلية كتبت بواسطة F.C.H ملتزم وتسمع لأبو نوره ؟؟ ماتجي الالتزام يبدا من القلب أخوي تبتعد عن المحرمات وبعدين فكر باللحيه اسأل الله ان يثبت قلبك على طاعته

أبد طال عمرك أنت شكلك مو فاهم صح.

يعنى انا ماأقول اني مثل السديس أو الشريم..

أنا في بداية حياتي وفكرت في عمل الخطوات واحدة تلو الاخرى..!

لو انني بديت بداية قوية أخاف بأن أطفش وأنتكس على عقبي.

لكنني أسير بخطوات قصيرة وقضية أبونورة تراني ماسمعه كثير يعنى اذا كان بالصدفة ركبت مع واحد مشغله في السيارة سمعت لكني ماني مهتم وأبحث عنه.

والحين بديت أسمع اناشيد لبوخاطر و سمير البشيري وأبوعلي..

ونسآل الله الثبآآت..

اتمنى تكون الصورة واضحة.

الدين موب في لحيه او ثوب .. اسمع هذي القصه

كان الرسول مجتمع مع اصحابه وقال لهم سيدخل عليكم واحد من اهل الجنه بعدها دخل احدهم فلما انفضو من المجلس اخذ احد الصحابه مراقبه من قال عنه الرسول انه من اهل الجنه فلم يجد شي يميزه عن البقيه بل ان البعض كان يجتهد في الطاعات اكثر منه فسئم هذا الصحابي من مراقبه زميله فقرر ان يسأله ذهب إليه وقال انه ذالك اليوم قال الرسول انه سيدخل احد من اهل الجنه ودخلت انت ولاكن لم اجد مايميزك عن البقيه فماذا تفعل قال الصحابي -الي اخبر الرسول انه من اهل الجنه-انني اذا هممت ان انام لم احمل في قلبي على احد شي .. يعني الصحابي هذا لم يفعل شي خارق للعاده كي يكون من اهل الجنه فقط اذا جاء ان ينام سامح كل من اخطى عليه ..


اعتقد الأهتمام بالأهم فالأهم يعني الأجر موب في اللحيه وفي الثوب اعتقد ان الأهتمام في العبادات الي ورد فيها اجر كبير واحاديث تبين عظمها اهم من اللحيه اذا كانت ستسبب لك الانعزال عن الاخر يعني الصلاه والصدق والصدقه وقراءة القران قبل ان تنام ولو نص صفحه والأسغفار وبر الوالدين وبر الوالدين وبر الوالدين وبرالوالدين تجزي عن اللحيه .. يعني خلصت كل العبادات وركزت على الشي الي بسببلك اذى وانعزال ؟؟ راجع عقلك وانا اخوك

إقتباس الرسالة الأصلية كتبت بواسطة _ricardo_KAKA الدين موب في لحيه او ثوب ..

كلامك سليم ..

ياما ناس مطولين اللحيه ومقصرين الثياب ووراهم بلاوي ..

وياما ناس تشوفهم سكسوكه والا حالقين الدقن ومع ذلك تلقاهم غير !

يعني بار بوالديه , آخلاقه روعه , محبوب عند النآس >>واعرف كم وآحد كذا , وزياده على كذا امام مسجد !

يعني الطوع في القلب موب في المظهر ..

يعطيك العافيه

للأسف أصبحنا نعيش بزمن انقلاب المفاهيم حيث يرى البعض :
أن التدين رجعية
وأن الإلتزام تخلف
حقا نعيش في زمن القابض على دينه كالقابض على جمرة
اسال الله لك الثبات فى الدنيا والاخرة

إقتباس الرسالة الأصلية كتبت بواسطة _ricardo_KAKA الدين موب في لحيه او ثوب .. اسمع هذي القصه كان الرسول مجتمع مع اصحابه وقال لهم سيدخل عليكم واحد من اهل الجنه بعدها دخل احدهم فلما انفضو من المجلس اخذ احد الصحابه مراقبه من قال عنه الرسول انه من اهل الجنه فلم يجد شي يميزه عن البقيه بل ان البعض كان يجتهد في الطاعات اكثر منه فسئم هذا الصحابي من مراقبه زميله فقرر ان يسأله ذهب إليه وقال انه ذالك اليوم قال الرسول انه سيدخل احد من اهل الجنه ودخلت انت ولاكن لم اجد مايميزك عن البقيه فماذا تفعل قال الصحابي -الي اخبر الرسول انه من اهل الجنه-انني اذا هممت ان انام لم احمل في قلبي على احد شي .. يعني الصحابي هذا لم يفعل شي خارق للعاده كي يكون من اهل الجنه فقط اذا جاء ان ينام سامح كل من اخطى عليه .. اعتقد الأهتمام بالأهم فالأهم يعني الأجر موب في اللحيه وفي الثوب اعتقد ان الأهتمام في العبادات الي ورد فيها اجر كبير واحاديث تبين عظمها اهم من اللحيه اذا كانت ستسبب لك الانعزال عن الاخر يعني الصلاه والصدق والصدقه وقراءة القران قبل ان تنام ولو نص صفحه والأسغفار وبر الوالدين وبر الوالدين وبر الوالدين وبرالوالدين تجزي عن اللحيه .. يعني خلصت كل العبادات وركزت على الشي الي بسببلك اذى وانعزال ؟؟ راجع عقلك وانا اخوك

جزاك الله خير وماقصرت ..

وانا انشاء الله ماأكون مقصر في شى وربنا عالم بماتخفي الصدور.
وبالنسبة للحية بأذن الله انها تكون وقار وحفظ لي من اهواء الشيطان.