فكرة: سندريلا الهلال
اعداد وتصميم : الهنوووف + عسيريه

لنا من كل عام شهر فضيل ..

أعاده الله علينا وعليكم وجميع المسلمين بالخير واليمن والبركات

وكل عام وانتم بخير

**][يوميات رمضانية 1431 هـ ♥][ **

لقد عدنا اليكم .. تحملنا الاشواق للقياكم .. ونسعد ان نعيش معكم

. في سلسلة تحمل بين طياتها يوميات الأعضاء الرمضانية من كل عام
هذه السلسلة أنتم أهل بيتها ونحن ضيوفا في حضرتكم ،،،

♥

أهلا وسهلا بكم أحبتنا
ودعونا نرحب سوية بالضيف" التاسع عشر
المتميزBaRiO
لكي يحكي لنا احداث يومه مع شهر رمضان المبارك

البدآية اشكر توآضعكم لاختيآري في اليوميآت الرمضآنيه لشبكتنآ شبكة الزعيم

وهذي فرصه كبيره ابآرك فيهآ للي انقبلوا في الجآمعآت السعوديه والجآمعات الخآرجيه
والله يوفقكم ان شآء الله وترفعون روسنآ بالشهآدآت العآلية
واللي ماحآلفهم حظهم شي .. ان شآء الله يحآلفهم الحظ في المرآت الجآيه ومايفقدون الامل .. لانهم مايدرون وين الخيره فيه

ماهو رمضان بالنسبه لك ..؟

رمضآن شهر الذي انزل فيه القرآن .. شهر الغفرآن .. شهر العطآء ..

برنامجك اليومي في شهرمضان ؟
يبدا يومي في شهر رمضآن المبآرك من آذآن الفجر
بعدهآ اشوف طآش مع الاهل والاقآرب سوآء ( خوآل . اعمآم . اصحآب )
بعدهآ نتحرك لمسجد القآرئ يآسر الدوسري افضل حنجره في تآريخ الكره الارضيه .. نصلي عنده العشآء وركعتين من صلآة الترآويح
بعدهآ نتحرك لمقهى الشيشه ( مقهى الوآن ) خلف كبري الفحص
نتآبع فيه مسلسل بآب الحآره .. ونآخذلنا كم صكة بلوت
بعدهآ ارجع للبيت اريح شوي الى مايجي السحور
طبعآ دايم اعاني من السحور وهذي مشكله كبيره عندي في هذا الشهر الفضيل
اسالهم متى يجي السحور ؟ ويعطيني وقت مثلا 3 ونص .. واروح وآكلي كم صحن حلا .. الا وهذا السحور حآطينه فتنسسسسد نفسي
بعد صلآة الفجر نكون مجتمعين 10 او 11 نفر ماعندنا شي الا نحضر للتفحيط
بالبدآية كنت احسب اللي يروحون هناك ناس ومتخلفين ومجرمين .. الحين الوضع تطور وش السالفه لايكون الطفش لعب فيكم ياهل الرياض نطرد ورا هالتفحيط لما تفجرر روسنآ من شآرع لشآرع بعدهآ ارجع للبيت اطقطق على النت خفيف .. خآصه على موقع الفيس بوك
.. وصحيفة السآعه الالكترونيه بمآ اني محرر اخبآر فيهآ
والنومه تقريبآ على 11 الصبح
اللي عآجبه جدولي ويبي يخاويني لايبخل علينآ بالرسآله الخآصه

ماهي اكلتك ومشروبك المفضل في رمضان ؟
والله انا احب خلية النحل مدري ليش اعشقهآ
واحب الفيمتو طبعآ والميرندآ برتقآل هالفتره احب اشربه كثير

متى اول مره صمت فيها .واذا عندك مواقف مع الصيام اذكرها ؟
والله انا انسآن جريه
يعني اغلب الرمضآنآت اللي رآحت مسددلها الخآمس
طبعآ الوالده الله يخليها اعلنت علي حرب الصيآم وانا في رآبع ابتدآئي تقريبآ
كنت ارجع من المدرسه قسم بالله ريقي نآشف .. احس بروح اكتب وصيتي من العطش
كان على وقتنا بالابتدآئي والمتوسط رمضآن درآسه طبعآ
فكنت اصبر لما يحطون السفره .. لاحطوها اتفلت يمين يسآر
مافي احد اخذ رآحتي بالاكل لما يجون بعدين اوقف
اسال نفسي بعد ماقوم ليه سويت كذا ؟
طيب بياذن بعد عشر دقايق ؟

موقف لاينسى حصل لك بـ رمضان..؟
والله الموآقف كثير لكن مايحضرني الا هالموقف
اخر يوم في رمضآن بكرآ العيد الساعه 12 بالليل العالم مبسوطه ومستآنسه
وقعت الكآرثه كآرثه الى الآن بصماتها موجوده
بالتفصيل الملل كنت اركض في الحوش وكآن ظلآم
نسيت بوكي في الملحق فيه فلوسي فلوس شروخي والله حقتي اركض والدموع تتسآقط من عيوني
فجأه ظلمت الدنيآ لا اله الا الله
طحت في الخزآن ونص ساق رجلي صقع في حافة الخزآن
فرأتني الشغاله وانقذتني طبعآ كانت تأشر على رجلي وتقول عزم عزم .. انا احسبه اني مسرع ولاشي انها تقول عزم اثر عظمي طآلع مادريت ان الوضع كذآ
واخذني عمي للمستوصف وكنت افكر بالطريق وش اسوي بالعيد بكرآ
كآن عمري اتوقع 12 سنه
رمضآن لاينسى
الله يحللك ويبيحك يالخزآن

كيف نظامكم واجوائكم في رمضان ونظامكم بالفطور والعشاء والسحور.؟
فطآئر × فطآئر .. والبطن طآير طآير

هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟
اكيد وشي كبير بعد
الحمدلله رمضآن هذا رآحه نفسيه كبيره لادرآسه ولاشي
حتى ان كآن في مشواير اسويها الصبآح وانا لسى مآنمت
الله يكون بعون الموظفين

هل تفضل الصلاه في المسجد القريب من بيتكم او تميل للتنويع ومن القاريء الذي تحرص على الصلاه خلفه في رمضان؟
انا مآنوع صرآحه صلآة الترآويح في مسجد الدخيل فقط

أجمل رمضان عشته حتى الآن , متى ولماذا ؟
رمضآن 1429
احدآث كثيره
انكسر اصبعي << يلعن ام الحدث
بصرآحه كآن افضل رمضآن في حيآتي
كنا سآكنين في حآرة عماني
وبيتنا عن بيتهم لفتين
من بعد التراويح للسحور لعب كوره بالحآره
وطول الوقت انا موجود عندهم , وكنت بنفس الوقت اعرف ان هذآ اخر رمضآن في هالحآره , لان بيتنا ناثثه اللي حنا موجودين فيه الحين
كآنت ايام ماتنسى صرآحه
حآرتنا القديمه
بصرآحه انا افضل السكن في الحآرآت القديمه افضل من الحآرآت الجديده
تصدقون اني اطلع الحين للشارع ويمر جارنآ قدامي حتى مايسلم علي
المشكله ليته هو الوحيد .. كل الحآره تتعآمل بهالطريقه
بعكس حي المعذر يالبى المعذر واهله بس
ماعلينآ
ماراح انسى ذآك رمضآن ابد ابد

رسالة في هذا الشهر المبارك .. لمن تبعث بها وماذا تقول فيها .؟
والله مالي رساله معينه لشخص معين
لكن احب اقول للشعب السعودي .
. بطلوا حليمه بولند وانتبهوا لحريمكم لايروحون عليكم
لاني اشوفكم فليتوها بالملاحق ولويدرون عنكم هالحريمات .
. قسم ان تنامون بالشآرع
دعآبه دعآبه

فالبدآية احب اوجه نصيحه وياليت الكل يسمعني
انا والحمدلله بطلت دخان في اخر يوم من شهر شعبآن
وهذا الحمدلله يرجع بفضل شخص عزيز على قلبي اقنعني اتركه بعد ضغط مدة ثلاث سنين من الالحاح والقلق
والله نصيحه ياشبآب الدخآن مافيه ماخير .. الدخآن مافيه خير
توني احس بصحتي ونشآطي ..
توني اشم الريحه الحلوه
.. توني اتذوق طعم الاكل
اول استحي اجلس جنب امي او ابوي او اختي .
. من ريحة هالكريه بفمي وملابسي
والله العظام انه سؤال مافي مايقدر اي مدخن يجآوب عليه


ليش تدخن ؟ تقدر ترد علي ؟ اقنعني يالله ؟
خمس سنين كل يوم اشفط 20 زقآره !!
كنت انا مجرم مع نفسي بصرآحه
ماكنت افكر انا وش قاعد اسوي

نصيحه ياشبآب بهالشهر الفضيل
اتركوه ومافي شي اسمه مقدر
تراه موضوع نفسآني
خلك مثلي بس صكه بالجدآر ولاعليك منه
ترآ مافيه خير

اليوميات الرمضانية

يوم في شهر رمضآن
بدأ هذآ اليوم من السآعه 12 بالليل بعد لخبطه كبيره في نظآم النوم
بالعربي ضرب السيستم بتآعك يامحمد
قمت ومعي ولد خالتي وقعدنآ نسولف شوي منلخمين من الوقت
وتآبعنا بآب الحآره وهذآ شي اكيد في هذآ الشهر الفضيل
بعدهآ شغلنا الاكس بوكس ولعبنآ كم لعبه نضيع فيهآ الوقت
فجأه اذن
اذذذذذذذذذذذذن
بدت اليدين تنآفض تبحث عن رمق من المآء
فلم نجد مآء حتى انتهى الاذآن < يآسلآم
واستمرت هذه الحآله المستعصيه الى السآعه الـتآسعه صبآحا
جوع , عطش , تعب , طفش


حاولنا ننسى الموضوع ونتكلم بموضوع ثآني
لكن مافي امل احسآس العطش والجوع رآكبنآ
واستمرت هذه الحآله الى الساعه 4 العصر
اقسم بالله اني ماحس بشي ذآك الوقت
حسيتوآ بشعوري ؟


نمت من التعب اشين نومه في حيآتي

وقمت على الساعه 12 بالليل للمره الثآنيه على التوآلي
ههههههههههههههههههههههههههههههه
ههههههههههههههههههههههههههههههه
قمت اناظر فيه واضحك تمزع بطني من الضحك وانا جوعآن
24 سآعه لاكل ولاشرب
حآله يرثى لهآ وقسم بالله

كان في تآريخ 4 رمضآن


والى الآن ماتبت عن هالحآله واليوم قآيم 12 بالليل
استرهآ يآرب اليوم استرهآ


كل الشكر للمنتدى الاستشآري على استضآفتي وان شآء اني كنت ضيف خفيف على الجميع

كل الشكر

لـلمميز **][ " BaRiO" "♥][ **
والحمد لله على تركك التدخين
والله يثبتك

وانتظرونا غداَ ومسك الختام

مع المتميز koly .

أرق التحايا وأطيبها من

مشرفي واستشاري
المجلس العام