رئيس علم الفلك في جامعة الملك عبدالعزيز // لا داعي لتحري رؤية هلال شوال لأنه لن يظهر ... شي جديد علينا ..!! - نادي الهلال السعودي - شبكة الزعيم

!. مجنون في زمن العُقلاء .! · #1 03/09/2010, 10:06 PM

السَلامْ عَليكمْ وَ رَحمَة الله وَبَركاته
توقع الدكتور حسن باصرة رئيس علم الفلك
في جامعة الملك عبدالعزيز
أن يوم الجُمعه القادم
هو أول أيام عيد الفطر المُبارك
مُستندا ً إلى علمه حيث ذكر في مُستهل حديثه
أن يكون يوم الخميس المقبل الموافق 9/9/2010 مكملاً لشهر رمضان، ويوم الجمعة الموافق 10/9/2010، هو أول أيام عيد الفطر المبارك، مشيراً إلى أن القمر سيغرب بمشيئة الله يوم الأربعاء 29 رمضان قبل غروب الشمس في كل أرجاء المملكة، وسيكون تحت الأفق بثلاث درجات لحظة غروب الشمس بمكة المكرمة، وعليه فلا حاجة إلى ترائي الهلال -هلال شوال- هذه الليلة، لغروبه قبل الشمس بنحو 10 دقائق.

لا داعي لتحري رؤية هلال شوال مساء الأربعاء

حيث ُ أن هلال شوال لن يظهر في هذه ِ الليله

وأن الخميس هو المُكمل لـ الثلاثين من رمضان المُبارك

//

ودي أفهم بس
إذا شرعنا يحث على تحري رؤية الهلال
مهما بلغنا من العلم
مع الأخذ بالأعتبار بأنه تكررت بالسنوات الماضيه
بأن يظهر الفلكين مؤكدين بأن الهلال لن يظهر
وبالنهايه يظهر

والعكس صحيح .. يتوقعون بأن يظهر وبالنهايه لا يظهر
يعني هـ الفلكي وش موقفه لو طلع الهلال يوم الأربعاء بالليل ؟
وصار العيد يوم الخميس

لـِ مُتَابعة ماتحدث به الفلكي الدكتور حسن باصرة رئيس قسم الفلك بجامعة الملك عبد العزيز،أضغط هنا

أنا أخاف أنه نصراوي

علشان كذا يقول لاتتحرون الهلال

:
:
:

احتيآج · #2 03/09/2010, 11:13 PM

إقتباس


	بأن يظهر الفلكين مؤكدين بأن الهلال لن يظهر وبالنهايه يظهر

و بعض آلآحيآن يقولون مآ رآح يظهر و مآ يظهر

/~

ع العموم آلشي آلعجيب بآلموضوع آلثقه آللي طآلع فيهآ آلفلكي
يعني من آلمفروض يقول رآيه بدون مآ يقلل من رؤيه آلهلآل
و يجزم على ذلك

( وما اوتيتم من العلم الا قليلا )

/~

!. مجنون في زمن العُقلاء .! · #3 03/09/2010, 11:59 PM

إقتباس

الرسالة الأصلية كتبت بواسطة احتيآج


	و بعض آلآحيآن يقولون مآ رآح يظهر و مآ يظهر

بسم الله عليك .. ماشاء الله
ذهينه

شي طبيعي اذا بكل عيد توقعات
مره تصيب ومرات كثيره تخيب
لابد يجي يوم ويصادف أحد الفلكين
خصوصا ً انه قبل سنتين
ظهر احد الفلكيين في جريدة اليوم وقال العيد الاثنين
وظهر فلكي آخر في جريدة عكاظ وقال العيد الثلاثاء
يعني طبيعي واحد منهم صح

//

أما الثقه الزايده .. بصراحه غريبه
وكان المُفترض انه يقول توقعاته بناء ً على علمه
ولكن ماتكون كـ تأكيد 100%
خصوصا ً أنه يقول مايحتاج تتحرون الهلال

الشيهـانه · #4 04/09/2010, 01:04 AM

اهم شي رمضان يتم 30 يوم

عالعموم كلامه مايودي ولايجيب

ياكثر مايقولون مثل هالكلام ويجزمون فيه كل سنه
وبالنهايه يطلع الفصل في القول للمترائين

!. مجنون في زمن العُقلاء .! · #5 04/09/2010, 01:53 AM

هلا بك الشيهانه
فعلا ً لايودي ولا يجيب
لكن استغربت تأكيده لدرجة إنه يقول لاتتحرون الهلال
يعني يبي يصير المرجع الاول والأخير هو بكل عيد ورمضان
بعض الناس ماودك انهم يتعلمون شي

ازعاج · #6 04/09/2010, 02:15 AM

اقول قله يلفقن العلم بيد الله ولايقعد يأكد من عنده

يرفعون ضغطك الي مسوويين يعنني

HILALYA ]~ · #7 04/09/2010, 02:16 AM

.

عندي احساس عجيب يقول العيد يوم الخميس < ض1 ..
لا صدق مدري ليه .. اتوقع لان العيد اللي راح .,
كان جمعه صح والا انا غلطانه < ما ضنتي ض1 ..
مجرد احساس

.. < وترا ما قد خاب ضني بس يمكن ض1 ..
وهذا بسم الله لا اله الا الله مررره واثق ض1 ..
عموما ..
.
.
كل عام وانتم بخير مقدما ق1 ..

FABREGS · #8 04/09/2010, 02:31 AM

على فكرة .. بآصرره هو اللي قآل ان شعبان بيكون كآمل وطلع كلامه العكس
وصرح انه ( مستحيل يبان هلال رمضان ولكن طلع كلامه خطأ )
كل شي بإرادة الله عز وجل ..
ارتآحوا بس .. لا ابو صرره ولا غيرره يعلمون شي ..!!

مستر حمص · #9 04/09/2010, 03:27 AM

أهلا بأخووي العاقل

وقبل يومين تقريبا المجمع الفلكي بالإمارات يدعو الدول الإسلامية بعد تحري الرؤية يوم الخميس
لأن العيد الجمعة

بس لا يهمونك أمس أعلنوا لتحري الرؤية
مدري يوم الخميس مدري الإربعاء >>> مافهمت شي من كلام الإمام

إقتباس


	ابو صرره

ماله داعي هالكلام
الرجال له اسم

تحياتي

عندليب الهلاليين · #10 04/09/2010, 03:59 AM

الحين باصرة مو حق البرتقال وش دخله ودخل الفلك

كل شيء بعلم ربي

the winer · #11 04/09/2010, 05:07 AM

انا ماعندي علم بالفلك لكني اطالع القمر وانا طالع من المسجد اشوفه صغير واليوم 26 يعني اتوقع العيد الخميس والعلم عندالله,

الخبراء · #12 04/09/2010, 05:09 AM

^^^
شف وجه العنز واحلب لبن

يابن الحلال كل هرجهم ماله سنع

والعلم عند الله ثم أهل شقراء ماشاء الله عليهم عندهم عيووون خخخ

!. مجنون في زمن العُقلاء .! · #13 04/09/2010, 06:07 AM

إقتباس

الرسالة الأصلية كتبت بواسطة هجور


	اقول قله يلفقن العلم بيد الله ولايقعد يأكد من عنده يرفعون ضغطك الي مسوويين يعنني

ودي اقوله
بس مااعرف رقم جواله

!. مجنون في زمن العُقلاء .! · #14 04/09/2010, 06:15 AM

إقتباس

الرسالة الأصلية كتبت بواسطة HILALYA ]~


	. عندي احساس عجيب يقول العيد يوم الخميس < ض1 .. لا صدق مدري ليه .. اتوقع لان العيد اللي راح ., كان جمعه صح والا انا غلطانه < ما ضنتي ض1 .. مجرد احساس .. < وترا ما قد خاب ضني بس يمكن ض1 .. وهذا بسم الله لا اله الا الله مررره واثق ض1 .. عموما .. . . كل عام وانتم بخير مقدما ق1 ..

طالما عندك إحساس غريب
فـ أكيد موب الخميس

//

وإنتي بخير وصحه وعافيه ق1

!. مجنون في زمن العُقلاء .! · #15 04/09/2010, 06:21 AM

إقتباس

الرسالة الأصلية كتبت بواسطة FABREGS


	على فكرة .. بآصرره هو اللي قآل ان شعبان بيكون كآمل وطلع كلامه العكس وصرح انه ( مستحيل يبان هلال رمضان ولكن طلع كلامه خطأ ) كل شي بإرادة الله عز وجل .. ارتآحوا بس .. لا ابو صرره ولا غيرره يعلمون شي ..!!

وش فيه هذا
يعني اول قال مستحيل والحين يقول مستحيل ؟
وش اللي موب مستحيل عنده

الظاهر المستحيل هو ان توقعه يطلع صح