شـآآب فقيــرر رآح يخطــب بنــت عمـــه ~ آتعـب وآنــآآ آقـول شعر يجــنننننن ^_^ هــذآآآ شاب فقيـر خطب بنت عمـهـٍ المليونيــــر وزود عمـهـٍ طلباتــه عليـهـٍ فقـآآل قصيــدهـٍ .. > > > > سبحان من يرزق بتوع الملاييـن ** الرازق اللي ما يخيب الرجـا بـه- لي عم عنده معـرضٍ للصواليـن ** أموت واعرف بس من وين جابـه - وإذا سألته قـال بعـت الدكاكيـن ** ما يدري إني ما هضمت الإجابـه - الشاهد إني رحت له قبـل يوميـن ** في قصره العامـر ودقيـت بابـه - قال ارحب ارحب عدّ ورد البساتين ** يا مرحبا باللـي لفـا يـا هلا بـه - قلت البقا عـدّ النفـل والرياحيـن ** يا شيخ شمل اهل الكرم والذرابـه- قال اسلم الله يحفظك لي من العين ** وآمر أوامر حضرتـك مستجابـه - قلت الصراحة طالبٍ قرب غاليـن ** ودي تزوجنـي كريمتـك يـابـه- ثنّى وقال اهليـن والله وسهليـن ** والكون ترخص لجل عينك رقابـه - لكن ترا عندي شـروط وقوانيـن ** قلت اشرط اشرط يا حبيب الغلابـه - قال أولاً مهر العروسـة ثمانيـن ** غير الرسوم وغير حق العصابـه - والثانية عمك يبي منـك سبعيـن ** رسم الأبـوّة والنسـب والقرابـه- وام العروسة حقها منـك ستيـن ** عشانها ست الحسـن والمهابـه - واخوانها كلن يبي منـك خمسيـن ** عداً ونقـداً تنـدرج فـي حسابـه- وخواتها الخمس اعطهن من ثلاثين ** عشان تتوثـق عـروق النسابـه - وتجيب طقم عيار واحد وعشريـن ** وخاتم من الماس المصفى ترابـه- واكياس متروسة كعوب وفساتيـن ** ألوانهـا واشكالهـا مـا تشابـه - وموتر بسواقـه وفيـلا بدوريـن ** أثاثهـا مـن بطرتـه ينحكـا بـه - واحجز لنا قاعة بقصر السلاطيـن ** واحجز بهـا رقاصتيـن وربابـه - وامنع دخول اهل اللحى والبزارين ** واعزم أميـر المنطقـة بالنيابـه - هذي الشروط اللي على بالي الحين ** وذكرني اللي ما حسبنـا حسابـه - قلت اذكر الله يا عـدو المساكيـن ** واستغفـره لا يبتلـيـك بعـذابـه - الظاهر إنك منت عارف أنا ميـن ** أنا لو ارقا فـوق متـن السحابـه - ما جبت حتى نص درزن مواعيـن ** واضحك بكيفك واعتبرهـا دعابـه- شروطكم هذي شـروط المجانيـن ** شروطكم شغـل ابتـزاز ونهابـه - شروطكم تقصم ظهـور البعاريـن ** شروطكـم همّـن وغـم وكآبـه - شروطكم والله سيوف وسكاكيـن ** تذبح بنات المجتمع مـع شبابـه - وين الرضا والعطف واليسر واللين ** اللي ذكرهـا الله بمحكـم كتابـه- وين الصفات اللي أمرنا بها الديـن ** وين اختفى نهج النبي والصحابـه - يا عم جعل اللي خلقنا من الطيـن ** يرد عقلك مـن خطـاه لصوابـه - ويجعل نصيبي عند غيرك قل آمين ** ويحسن عزا الصابر ويجزل ثوابه - قال انت لو فكرت تفكير صاحيـن ** ما شفت في مجمل شروطي غرابه - حنا بعصـر العولمـة والمزاييـن ** ماهوب عصر الفلسفة والخطابـه - الناس تسعى للرتـب والنياشيـن ** وانت اهتمامك بالشعـر والكتابـه- والشعر ما ينفعك لو هو دواويـن ** ما دام جيبك مثـل بيـت الخرابـه - يا بوك لا تسمع كلام المصاخيـن ** واسأل مجرب عاش في وسط غابه - قلت الله اكبر يا محـرر فلسطيـن ** من يسمعك يحسبك ذيـب الذيابـه- تراك شايب راس مالـك رياليـن ** والبنت ما تسوى جنـاح الذبابـه - قال انقلع مالت على وجهك الشين ** لا عاد اشوفـك عندنـا يالزلابـه - قلت ابشر ابشر لكن الباب من وين ** واقفيت من عنده على صوت بابـه- |
يعطيك الف عآفيه يآبطله وهذي غنآهــآ علي بن محمــد ، :) كلماتهآ تعجبني |
ايوه .. حلوه القصيده مرسي ع المرور |
اعجبني هذا البيت شروطكم والله سيوف وسكاكيـن ** تذبح بنات المجتمع مـع شبابـه - العنوووسة من اسبابها الشورط اللي مالها سنع |
ماني شايف اي ابداع نسخ ولصق بس حلوه ومشكوره سمو هلاليه والله لايحرمنا من مواضيعك الجميلة |
إقتباس:
اكيد بنسخ وبلزق .. يعني تبيني أألف من مخي .. سيبويه قدامك .. ولا شايفني طالعه من شاعر المليون العفو :to: غريبه .. طلع منك شئ زين .. في تطور مشكور ع الاسلوب الراقي الي تكلمت فيه:s4s: |
اختي سمو هلالية يعطيك العافيه على القصيده وصح لسان شاعرها وتسلم يد كاتبها الله يرزق الشاعر ببنت احسن من بنت عمه وتقعد البنت على كبد ابوها |
ماله حق ابو البنت يجيه مثل هالشاعر ويرفضه الله يالدنيا كله عشان وسخ دنيا |
عشانه مليونير مايبي يزوج بنته واحد فقير |
يعطيك العآفيه خيّو :smilie47::rose: |
الله يعافيك نورت .......... |
أتــوقــع أن الــي كــاتــبـ القصيــدة مبــالـغ كثيــرررر .. بــألنهــايــة الــزووواج قسمــه ونصيــب مـايحتــاج كــل الأكــشــن الي مسوويـه |
مشكور اخوي ع المرور الزواج قسمه ونصيب بس المقصد شوف الطلبات الي يطلبونها بعض الاباء |
والله قصيده اليمـــــــــه ،، وعجبتني كلها بس فيه ابيات قويه شووي قلت الله اكبر يا محـرر فلسطيـن ** من يسمعك يحسبك ذيـب الذيابـه- تراك شايب راس مالـك رياليـن ** والبنت ما تسوى جنـاح الذبابـه - قال انقلع مالت على وجهك الشين ** لا عاد اشوفـك عندنـا يالزلابـه - والله في الصميم عواافي اختي ،، وصح لســـــــاانه |
الله يعافيك مشكور ع المرور |
الوقت المعتمد في المنتدى بتوقيت جرينتش +3.
الوقت الان » 04:37 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd