|
الرجال يبي السمكه و الحرمه السناره ؟ بسم الله الرحمن الرحيم السلام عليكم ورحمه الله وبركاته ... شخص قريب لي جدا له في اعمال الخير الكثير فلا يمر اسبوع حتى يأتيه مال من كل مكان ومبالغ هائله تاتيه من زكاه وصدقه قد تكون مال (كاش ) او قد تكون عباره عن ارزاق ( رز , سكر , ملح , زيت ) او عباره عن ملابس سواء كانت جديده ام مستعلمه في الشتاء الماضي تم توزيع عدد كبير من البطانيات والقروات والجاكييتات وفي هذا صيف تم توزيع عدد كبير من المكيفات على الارامل والمطلقات قهو اسبوعيا يذهب بنفسه للمحتاجين ويدخل داخل بيوتهم ويفتح ثلاجاتهم ويتاكد . *** يحدثني هذا الشخص دائما بعد عودته بموافق منها ما يحزن ومنها الطريف لنبتعد عن الحزن ولنتحدث عن الطريف هذا الشخص كان مع احد الامراء لكن الامير كانت هيئته عاديه فقابل شاب في العشرينيات من عمره فقال له ( انت ليش ما تتوظف ) رد عليه انا توظفت في ماكدونلدز وكانو يعطوني 2500 ريال قالو له طيب حلو ليش طلعت قال يجونك ذا الاميرات ينافخون عليك ويهزاونك ..قالو له كيف عرفت انهم اميرات فقال كل الي في العليا اميرات :s2: ^^^^^^^ ثقافه ذوي الدحل المحدود او من لا دخل لهم او من لم يكمل تعليمه :) موقف اخر مره هذا الشخص اعطى طفله 100 ريال فجات الطفله تقول قل لامي لا تاخذها مني اذا طلعت والام تناظر البنت بعيونها s121s ^^^^^^^^^^^^ طفله خافت ان الفرحه ما تكمل ------------ *** الحاصل هنا ان هذا الشخص ما يقوم به عباره عن اعطاء الفقراء السمكه فتسالت انا كثيرا لم لا يعطيهم السناره لم يدربهم على شغله معينه ويتم توضفيهم مثلا هذه وظيقه للرجال والنساء ( صبابات او قهوجيه ) المستلزمات عباره لبس نظيف + طريقه اعداد القهوه اليوميه راح تكون ب 200 ريال كمعدل لو اشتغل 15 يوم هذي 3000 ريال شهريا ما يحتاج لا شهادات ولا لغه <<<>>>لكن يختاج الابتاسامه والنظافه *** في ايام المتوسطه او الثانويه لا اذكر بالتحديد دخل علينا مدرس الحديث وكتب على الصبوره قال الرسول صل الله عليه وسلم ((يا أبا عمير ما فعل النغير)) ثم سكت لمده 5 دقائق ثم قال جلس احد الائمه( انا لا اذكر اسمه) يفكر في هده الجمله ليله كامله فخرج ب 70 فائده من هذا الحديث .. ثم قال لدينا ساعه 45 دقيقه ولنتحدى نحن هذا العالم حتى نخرج فوائد من هذا الحديث فخرجنا ب 58 فائده ب 45 دقيقه ^^^^^^^ حينا نفكر ونستثمر عقولنا نجد الحل ولكن بالتعاون فاليد الواحده لا تصفق لذلك ارجو من الجميع المساهمه في ايجاد سناره للفقراء بدل من اعطائهم السمكه لنفكر في مشاريع تفيدهم 1- مثلا يكون قهوجي او صبابه نعلمهم الصنعه لديه فكره اخرى 2- لماذا لا نجمع مبلغ من المال ونفتح معهد لتعلم الخياطه قبل يومين رحت للخياط ابي اقصر حينز شغله كلها 5 دقايق اخذ مني 25 ريال بعد ما كاسرته وهو تقصير اما لو ابي اضيقه او اعدل فيه راح يكلف فوق 100 ريال *** ارجو من كل من يدخل الموضوع انه يعطينا 5 دقايف من وقته 5 دقايق بس ويفكر في شغله بسيطه للمحتاجين واذا ما عرف يشوف افكار الاعضاء ويحاول يطورها انا عندي امل باذن الله اننا نوصل ونجد 100 فكره انا حاليا قلت 2 وباقي 98 وكل شخص يحاول يخط افكار على قد ما يقدر *** حل نحارب الفقر سويا والي عنده اي مشروع ويبي موظفين او موظفات يعطيني خبر حتى لو كان صاحب المشروع يبي يترزق وبيهم يشتغلون عنده مثلا لو وحده عندها مشغل وعندها استعداد انها تدرب وحده او تخليها سيكيروتيه او تمسك الحساب او او او ..... يالله باقي 98 فكره جديده خل نوصل لها مافي تشــــــــاو :s2: |
الله يعطيك العافية متعب :smilie47: بصراحة ما كان ودي ارد اول واحد لاني عارف اني ما اصبر عن تنتيفك :d:smilie47: لكن ما قدرت اتحمل اشوف ها الموضوع الكويس لك ولا ارد :razz: بصراحة اهنيك على الفكرة وبالفعل الواحد لو فكر يقدر يسوي الف شغلة وشغلة .. بالنسبة لقصة الحديث الشريف ((يا أبا عمير ما فعل النغير)) هو ان احدهم قال انكم اهل الحديث ترون احاديث لا فائدة منها !! واستدل بهذا الحديث فاستخرج الامام ابو العباس الشافعي ( ابن القاص ) اكثرمن 60 فائدة من هذا الحديث . وبالنسبة للعنوان فذكرتني بالمثل الصيني اللي يقول : لاتعطني سمكة ولكن علمني كيف اصطاد :yes: لانك اذا اعطيته سمكه شبع ذاك اليوم فقط اما لو علمته الصيد بيقدر يصيد كل ما جاع :wub: عموما انا الحين صايم ومقفل شوي:d اذا افطرت ابشر بالافكار :yes: شكرا متعب :smilie47: والله يكتب لك الاجر ومن ذكرت :) دمتم بحفظ الله ,,, |
إقتباس:
هلا والله ما شاء الله يا ماجد يا مطوعنا جبا اسم الشيخ على طول :wub: وش رايك تمسك خط الشرقيه لجل تفطر ووقتها تمزمز وتعطينا افكارك النيره :s2: المهم بانتظار العوده بالافكار يا مشرف |
يآمرحبآ بغالي متعب .!! الحقيقة جميل أنه الشخص يفكر بالفقرآء وكيف مسآعدتهم .؟!! ولكن يآأخي مآأجمل أن تسلمهم بيدك .!! لكي ترآ معآلم الفرحة على أوجههم البريئة .!! وأبتسآمة منهم بسببك تغنيك عن كل شيئ قد تسعى له .؟!! لا أعلم لمآذآ لم يشتغل هذآ الرآكن ولكني أعدك بالعودة وسأجبره على أن يشتغل لكن بعد الفطور :s2: |
إقتباس:
تشـــــــاو |
الفكره رائعه , بس مين يطبق |
يعطيـك العافيه متعب..........موضوعك جدا مهم احسن من حق قبل يومين :) الله يغنيهم بخيره ويرزقهم من عنده ويغنيهم عن سؤال الناس وبالنسبه للصبابه والقهوجي االحين فيه حاجه عند الحريم فالاعراس او في النفــاس ممكن تكون تخلف نوعا ما:) لكن بعض الخلق عندهم فلوس وفي ناس محتاجه ممكن تشتغل هالشغله الا وهيــا: ان يكون فيه حرمتين موظفـات بس الي عليهم اذا بعرس يزغرطون ويهلون بالي دخلو واذا نفــاس بس يهلون ويرحبون بالي دخلو ويشترط اللسان الطويل الذرب وبس والراتب 2500 فاليوم :):) تحياتي |
مقال رائع أخوي متعب العمل الحلال موجود ما يهم أنه يكون عيب إجتماع لكن العيب أن الشخص يقبل الصدقة من الآخرين أقلها أن الحرمة تبيع والبيع ما هو عيب ولا حرام وكثير يسوونه أو حتى الرجل يبيع الأجانب هنا يشتغلون هالشغلات ويكسبون ذهب أنا أتكلم عن التجارة بالشنطة مثل ما يسمونها الكثير من النساء االعفيفات تلاقيهم يزينون التقديمات للمواليد أو الزواجات يطبخون يخيطون يبيعون ولا يمدون يدهم لأحد وبرضوا فاتحين بيوت ويصرفون على رجال يشوفون الشغل عيب وما يحاولون يتطورون العمل فاتح أبوابه لكن من يصبر على العمل الى ما ربي يفتحها عليه ويطور نفسة الكل يبي عمل سهل وراتب مضمون حروفك رائعه أخوي متعب ننتظر بالتأكيد قادمك الأجمل بالحب والإشراق |
هلابك اخوي.. شف شغلة قهوجيه ولا صبابين انسى يا سيدي انسى...تدري ليش..؟؟ لان ربع ام الهكي الافارقه حقين البطحا هم اللي ممشين السوق...!! شف فيه شغلات واجد...مثل مطعم منزلي...يعني مثل حكيمه في مسلسل حياله... يعني تطبخ بالبيت و توصل للمنازل...مثل ما هي صايره الحين...عاد ما اظن ان هالمشروع خاسر...لان الناس يدورون الاكل السعودي من الايادي السعوديه النظيفه...:yes: الشغله الثانيه...هي كوافيره او حقت ذولا وشسمهم اللي يحنون الحناء... يعني تروح للناس في البيوت و تحنيهم و تزينهم و تمكيجهم و تستشورهم و مدري ايش...بس الظاهر بعد ربع ام الهكي مسيطرين على هالشغله...:yes: وشغله ثالثه معروفه...الا وهي خطابه..<<ولا تحتاج تعريف:d وشغلة رجال...توصيل معلمات..<<<عاد والله ياهي تكسب هالشغله...يعني قل تشتريلك فان على بالدين... و تنقط فراش المدرسه عشان يخي زوجته تسويله دعايات في المدرسه:s2: وقل عشر روس معلمات الوحده في اخر الشهر تعطيك خمسمية ريال...يعني يصفالك شهريا خمس الاف ريال...:s5s: عاد تطور نفسك مع الوقت و يصير بدل الباص باصين و بدل السواق سواقين ثم ثلاث باصات و ثلاث سواقين...الخ بس شف ما اقدر اقول الا مثل ما قال عبد الله السدحان... الشغل موجود...بس وين اللي يصمل...!! |
فكرة رائعة نمر :) كان ببالي افكار بس قالها الاخ/ت صمت :D وخاصه شغله الكوافيرة بالبيوت راس مالها علب ميك اب واشياء للشعر ماتكلف وتبقى عندها فترة الحين كل وحده لابغت تسوي تسريحة وميك اب يبيلها 500 ريال هذا اذا ماكانت عروس طبعا اكثر وغالبا الي يجيبون الكوافيرة لبيوتهم يصيرون واجد :) لي عودة لاطرالي شي جديد |
إقتباس:
راس المال الي نحتاجه للمشاريع لن يكون كبير مثلا القهوجي راح يكلفنا 200 ريال فقط وهي لبس وقد تكون ارخص بكثير بالنسبه لاقتراحك ان الحريم يتعلمون فنون الطبخ انتي تقصدين انها مثلا تجي بيتكم وتطبح لكم ؟؟ او تطبخ في بيتها ؟ تشـــــاو |
إقتباس:
بالنسبه لموضوع قبل يومين انا كل مواضيعي زينه لو ما حطيته كان ما دريتي عنها لا نريد ان نكون مثل النعام نظع راسنا في التراب كي لا نرى ما حولنا :rose: والله الوظيفه الي قلتيها بطله ما يبوني انا اجي اهلي وبروح مصر اخذ لي كورس زغرظه و ولوله :d بس من جدك 2500 في اليوم تشــــــــــــــــاو |
إقتباس:
افاا يا ذا العلم تشبهني بنعامه :):) نعنبوا ذا الفره اقلها قل بطه :) نعامه ترفسك :)<<ع قوله فؤاد :) |
إقتباس:
رائد الزعيم اطروحه جيده واضافه اجمل لكن هناك امر كيف يمكن تثقيف من ينتظر قوته الى ان ياتيه الى باب بيته هناك عمل صحيح ولكن ليس بالسهل الف شكر للتواجد تشــــــــــاو |
إقتباس:
مافهمت قصدي :d :rose: |
| الوقت المعتمد في المنتدى بتوقيت جرينتش +3.
الوقت الان » 12:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd