بسم الله الرحمن الرحيم



اهلين وسهلين

مرحبا بالمجلساويه ايش اخباركم ياشطار عامليين ايه . الله صار لنا فتره ماشفناكم << انهج (يعني اسرع)

المووووهيم خلووونا بالمهم انا قررت خلاص قررت لحد يقول لاتسوويها خلاص ابسووويها

قررت اصنع سياره تتميز بالراحه والوساعه والرفاهيه وشكلها حلو وبسعر رخيص يعني 50 الف زينه والا

انقص لكن اني محتار بالقطع

مدري اجيب من برا والا اصنعها اخاف اجيب من برا وتطلع مثل سيارة غزال بعدين تنافسني هالغزال

لكن ابشركم ابحط لووون السياره لون ابيض ماني بحاط تفاحي ماهوب حلوو << اقول اخلص وش تبي

تقول بس

المووووهيم ليه مانصنع سيارات ليه مانستفيد من الشباب العاطل عندنا بفتح مصانع سيارات ونبدى من

الصفر وان شاء الله بعد كم سنه يعني خلوونا نقول عشر سنين

نطلع انواع السيارات يعني نطلع جيب اسمه لاهد جروزر مثل اللاند كروزر << يعني فيك فيك التقليد

او اي سياره المهم حنا نصنعها بكذا نقول ان نسبة العطاله يمكن تقل لما يكون كل الي يشتغلون سعوديون

ورواتبهم محترمه . غير كذا شبابنا اكثره يهوى السيارات وخلنا لو مرره نعتمد ع انفسنا

صراحه انا مرتفع ضغطي سيارتي خربت ورحت للوكاله ابي قطعه قالوا القطعه الي تبيها يبي لها شهرين انا وقف

شعر راسي

الحين جاي من مسافه وتقولي كذا يعني وش اسوووي استاجر شهرين علشان سياره ابيعها احسن طبعا هذا

الموضوع الي حمسني اكتب واتمنى تكون عندنا مصانع للسيارات يكفي اذا بغيت قطعه علطووول احصلها مو اجلس

شهرين .

لكن السؤال الي يطرح نفسه !!

هل تتوقعون اننا نصنع سيارات بالايام القادمه او السنين القادمه او القرون القادمه ان احيانا الله ؟! << افلق جدتي نوره ان صنعن سيارات

مجرد فكره تدور في بالي منذوا فتره



~~~~~~~~~~~~~~~~

سرقوني وانا اتمشى بالسووقي . وليتهم خلو جوالي علشان اكلم زوجي << مدري وش يحس فيه


من المحزن انك تذهب للتسووق وترجع وانت مسروووق سرقه مكشوفه يعني عيني عينك مثل الي حصل

لقريبتي .. قريبتي ذهبت للتسوق وتمت سرقتها

لو قلنا انه سرقها وهو على سرعه لا اخينا في الله كنه يقول اباخذ الشنطه يعني اباخذها وقام يسحب الشنطه

وقريبتي تسحب لحد ماسحب الشنطه بالقووه وهرب .

الشنطه تحتوي على مبالغ تعتبر كثيره غير الصرافات والجوالات طبعا اكيد ان بناتنا اهم من الشنطه والي فيها لكن

السؤال يطرح نفسه !!

هل نحن ببلد الامن والامان ؟ لماذا لايحاسبون هؤلاء ماابي اذا مسكناهم نسجنهم ابي قطع يد المشكله

ليتهم الحين يسرقون بالخفيه يكون اهون يسرق عيني عينك

اما عن طريق التهديد بالسلاحه اذا كان رجل او اذا كانت حرمه استعمل معها القوه واخذ الي معها .

انا مارحمت الا الي شاري موتر ويطلع الصباح مايحصل كفرات سيارته غير القزاز المكسر والشنطه مفتوحه

بعدها تأتيك حاله نفسيه لكن مالك الا ان تدعي عليه كود انه يجيه شي << سبع ارواح مايجيهم شي لكن نقول الله

مير يهديهم


~~~~~~~~~~~~~~~~~

سؤال محيرني الحين حنا شفنا الي حصل لجده والرياض بسبب الامطار وعدم وجود شبكات تصريف لكن السؤال الي ابغاه
هل تم بناء شبكات تصريف ام لا او ينتظرون كارثه جديده تأتي اتمنى احد يفيدنا لاني ماسمعت شي ؟





وبث خلصنا من البثاره

اتمنى اني وفقت بطرح الموضوع

اخوكم
صانع السيارات