إنتقالَي منَ مجتمع السـين إلى مجتمع الشيَن .. !! - نادي الهلال السعودي - شبكة الزعيم

شوق الكويت · #1 16/08/2010, 11:18 AM

بسم الله الرحمن الرحيم

عسى الله يتقبل صيامكم وقيامكم يارب

اللهم اجعلنا من العابدين والقانتين لك بهالشهر

مدخل :

قَالَ رَسُولُ اللَّهِ صلى الله عليه وسلم:

إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ

جَهَنَّمَ وَسُلْسِلَتِ الشَّيَاطِينُ رواه البخاري ومسلم

موضوعي اليوم مجررد سوالف حبيت اشاركم فيها وتنفعوني بآرائكم

طبعا العنوان لان احنا بالكوييت نسميهم سين وشين

يمكن انا تربييت بمنطقه الحمدلله بمستوى معين والسكَان فيها من نفس المستوى < المستوى الاجتماعي والديني << شلون ديني ؟

يعني اقصَد تقريبا كلنا سنه ونادر جدا القى وحده شيعيه .

تربيت ايام الابتدائي الى الثانوي وانا اشووف نفس البنات تقريبا .. لان كل منطقه ماتقبل الا بنات منتطقتهم وماتقبل من برا .. فـ عشنا بمجتمع صغير مغلق

صار اليووم اللي انطرره من زمان الا وهو اني تخرجت من الثانويه

كان بالنسبه لي حلم مستحيل يتحقق ... كنت ابي اتخرج بأي معدل المهم اتخرج

دخلت عالم ثاني اللي هو ( الجامعه )

مجتمع اكبر واوسع يحمل كل فئات المجتمع

انا ضد فكرة المستويات داخل المجتمع ولما اقوول فئات او مستويات اقصد فيها سني , شيعي ,,

او اقصد العوايل المعرووفه بتربيتها الزينه والعوايل اللي عكسها

ماابي اتكلم عن فئة البنات اللي مو متربين ,, لان اللي متربي زيين لو تحطه بأي مكان مايأثر على تربيته

ابي اتكلم عن سنه وشيعه

اتوقع بالكويت نسبة الشيعه 30 % هذا اذا مازادت

من دخلت الجامعه ويصادف اي محاضره ادخلها البنات كلهم شيعه

بدون مبالغه كلهم ..

انا هنا دخلت تجربه يديده بحياتي وماتوقعت ادخلها ولا استعديت لها ولا اهلي هيأووني لها

صح همزة هيأووني ؟

اقعد مع بنات يسوولفون يقولون علي عليه الصلاة والسلام

هذه اسهل جمله سمعتها منهم ... وفي اكبر منها وااايد مايقدر يتقبله اي عقل مسلم

انا في هالحال مجبووره اقعد معاهم خاصه وقت البريك مافي غيرهم .. وولاعمري شاركتهم الحديث دائما التزم الصمت او استخدم البيبي

لكن سؤالي .. هل لو سكت لهم وهم يقولون جذي يجووز ؟

والله اسمع كلام يشيب الراس لكن مااعرف الطريقه اللي افهمهم فيها ان كلامهم غلط وممكن يوديهم للنار .

تعودت اتكلم بثقه لو صارت مناقشه بين مسلم وغير مسلم .. واعرف الاحاديث والآيات اللي استخدمها وحتى القصص اللي اذكرها

لكن سني وشيعي !!

احس بتأنيب الضمير لو مانصحتهم لكن .. اقول هم كبار واكبر مني وماراح اكوون انا سبب لتغيير قناعتهم اللي تربو عليها اكثر من عشرين سنه !!

الحين تطووروا وقاموا يرسلولي مسجات وايميلات عن الشيعه

الله اعلم انهم يبوون يخربوووني معااهم

مره دخلت مصلى الجامعه بصلي واشوفهم ماشاءالله مجتمعين

قالولي يالله بسرعه بسرعه جمااعه ..

انا خليت الكتب ورحت بسرعه يعني بلحق عالجماعه ونسيت انهم شيعه

توها قايله الله اكبر ولا اشووف كل وحده حاطه جدامها صخره او مدري شنو شي يسجدوون علييه

حسيت اني بورطه ولو قطعت صلاتي فشله

قلت استغفرالله نسيت اني مو متوضيه بروح اتوضى مره ثانيه << هذا الكلام بصوت عالي بعد ماقطعت صلاتي علشان يسمعووني

مرات يطلعون صوور مرسوومه ويقولون هذا الحسن والحسين

استغفرالله استغفرالله

في قصه قدييمه ومعرووفه للكل اتوقع :

صار اتفاق بين سنه وشيعه علشان يتناقشون بهذا الموضوع ويشوفون من هو الصح فيهم اتفقوا على يووم .. راح سني واحد ومجموعة من الشيعه .

اول ماوصلوا المجلس فصخ السني نعاله ومسكها بيده بيدخلها معاه !!

قالوله الشيعه ليش بتدخلها معاك .. قال لان ايام الرسوول كانوا معروفين الشيعه يسرقوون( النعل كرمكم الله)

ردوا عليه الشيعه ولكن ماكان في شيعه على ايام الرسوول

قالهم السني : انتهت المناقشه اذن من اين اتيتم ؟

كنت بنزل جم ايميل وصلي منهم بس احتراما للشهر الفضيل مسحتهم .!

للأمانه البنات من ناحية الاخلاق والتربيه ماشفت عليهم شي والنعم فيهم

ســ ؟
من حصل له من قبل وعاشر هذه الفئه من الناس ؟!

كيف اتعامل معاهم ؟

اقدم نصيحتي ولا اسكت احسن لي .!!

مخرج :

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم:
ذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتِ الشَّيَاطِينُ وَمَرَدَةُ الْجِنِّ،
وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ فَلَمْ يُغْلَقْ مِنْهَا بَابٌ،
وَيُنَادِي مُنَادٍ: يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ . وَلِلَّهِ عُتَقَاءُ مِنَ النَّارِ، وَذَلكَ كُلُّ لَيْلَةٍ

اختكم شوق الكويت