السلام عليكم و رحمة الله و بركاته ,,

الشهر مبارك عليكم .. و كل عام و أنتم بخير ..





كيف الحال .. عساكم طيبين ؟؟ بما إني من زمان عن المجلس .. حبيت أجيكم بموضوع يبرد التسبد
جبت لكم تغطية لـ معرض أقيم في قاعة نيارة .. اسمه " ليالي رمضان في بلادي "
المعرض مدته خمس أيام من السبت 4 رمضان إلى الأربعاء 8 رمضان .. طبعاً اللي تعجبه التغطية يمديه يروح

أنا رحت السبت يوم الإفتتاح تحت رعاية صاحبة السمو الملكي الأميرة :: نوف بنت سلطان بن عبدالعزيز .. و كان اليوم الأول دعوات خاصة لكبار الشخصيات

بطاقة الدعوة



المعرض كان قاعتين .. الأولى أغلبها مجوهرات و ملابس صورت لكم منها كم صورة بس .. و القاعة الثانية أركان وطنية هي أساس المعرض : ) ..
من كل منطقة جايين مجموعة يعرضون أعمالهم اللي تمثل منطقتهم .. من كل مناطق السعودية ..

أما الآن هيّا إلى التغطية

هذي الصور من القاعة الأولى .. نبدأ بالمجوهرات



عجبكم العقد ؟
هذا الله يسلمكم سعره 276,000 مائتان و ستة و سبعون ألف ..



و هذا خاتم ..
المحل مركز على رسومات الثعبان .. و فيه أشكال حلوة كثير





هذا محل شموع .. فكرتهم حلوة إن اللون في اللهب .. مثل الصورة الأولى ..
أنا اشتريت الكرتون اللي فوق


هذي صورة بنت من ركن الرياض ترحب بكم في القاعة الثانية





يا رياضي يالحبيبة يالحنونة جعلني كلي فداك ... حي حي ,, و بيت بيت ,, لا خلا ربي و عدم



هذا ركن حايل


تفضلوا .. حياكم الله ..


غرفة حايلية تراثية




هذا سعف يشتغلون فيه البنات في ركن حايل ..
وقفت شغلهم و صورت العمل قبل ما يكتمل






العمل بصورة نهائية

أعجبوني و الله كانوا محترفات .. و شغلهم متقن..





و هذي ابداعات عيال حايل ..
مصورين مبدعين و الله .. و المناظر روعة





هذا نموذج بسيط من ركن الشرقية ..
أعجبني فكرتهم في الرسم على الصحون .. لكن ماقدرت أصور أشياء أكثر .. كان زحمة
و كان جنبهم ركن خاص بالأحساء ..



خلاص الأحساء



موية " لقاح النخيل " يقولون مفيدة للمعدة جداً .. أنا ماقد جربتها ..: )

تشوفون اللقيمات اللي بآخر الصورة ؟



اللحين ركن القصيم

تبون سكري ؟
لا خلاص الأحساء و لا شي



و إلا عاد برحي ؟؟











لاتفوتكم الأساور و المهفة
و لا تهون الكليجا اللي فوق الراس




مرحباً ألف







مجسمات بيوت عسير الجبلية




أواني تراثية من عسير



بعدها ركن جيزان .. كله ورد




ورد مجمع بشكل مميز يعطر الجو




ريحان




عقود الفل
ريحتها تجنن .. صابغة المكان كله ..




و من أقصى الجنوب إلى أقصى الشمال






سجاد صنع أيادي أمهات من الجوف .. لما كنا ندور بالمعرض كانوا ينسجون و شغلهم ماشاء الله سريع




زيت زيتون + زيتون الجوف
غني عن التعريف .. لمن يعشق الزيتون الشامي



في النهاية .. رعاة الحفل






# كان ركن حايل + القصيم + الأحساء .. من أروع الأركان ..
# حضرت حرم كل أمير منطقة في ركنهم .. لكني ماشفت إلا حرم الأمير فيصل بن بندر أمير منطقة القصيم
# الركن الحجازي تمنيت يكون أحلى مما كان .. لكنه كان صغير و مجهودهم بسيط ..



أتمنى تكون التغطية عجبتكم ..
شكراً لكم على القراءة .. و شكراً لمن ساعدتني بالتصوير .. و الفوتوشوب الله يعطيهم العافية ..