#1  
قديم 23/08/2010, 03:53 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
ico8 ((يوميات رمضانية "12" )) المتميزة" ام متعب التميمي" . ( تنضم لـ وكاله cnn وماذا حدث مع الشيعيات ) ..!!



فكرة: سندريلا الهلال
اعداد وتصميم : الهنوووف + عسيريه


لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير

**][يوميات رمضانية 1431 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم
. في سلسلة تحمل بين طياتها يوميات الأعضاء الرمضانية من كل عام
هذه السلسلة أنتم أهل بيتها ونحن ضيوفا في حضرتكم ،،،


أهلا وسهلا بكم أحبتنا
ودعونا نرحب سوية بالضيف" الثاني عشر ام متعب التميمي
لكي تحكي لنا احداث يومها مع شهر رمضان المبارك






ماهو رمضان بالنسبه لك ..؟
من افضل شهور السنه الهجريه ..لما فيه
من الروحانيه.. التماسك... صفاء القلوب ... التمام الاسره ... قرب العبد لربه
راحه فالنفس.. بعد عن المحرمات ... تصفد الشياطين ومنهم عقل الهلال من دخل رمضان ماشفناه
برنامجك اليومي في رمضان ؟
اصحى الساعه 3 – اقرى قران لمدة ساعه – بعدها اخش المطبخ واشمر عن ساعدي تحت لهيب الفرن لاجل تكوين مائده لذيذه –أفطر – اطالع طاش وكم مسلسل – اروح بعدها اتوضاء واذهب للمسجد لصلاه العشاء والتراويح – اروح لبيت اهلي او اهل زوجي – وبعدها ارجع البيت واصلي الفجر ثمن انام
ماهي اكلتك ومشروبك المفضل في رمضان ؟
مشروبي لبن المراعي فقط لا غير اكلتي الفرنتش فرايز
متى اول مره صمت فيها .واذا عندك مواقف مع الصيام اذكرها ؟

انا كنت اصوم من عمري 4 سنوات لكن الكل كان يقول صوم الدجاجه والديك
وانا والله العظيم اني كنت اصوم زي الناس لكن مااصلي
اذكر مره وانا صغيره رحت مع امي واخوي لمكه ناخذ عمره كنت وقتها برابع وكنت صايمه انا وامي واخوي يروح يفطر بالحرم.. واحنا بالشقه الموهم احنا بالرياض لازم نحط القناة الاولى واذا حطو دخل الان وقت صلاه المغرب في مدينة الرياض افطرو اهليJ
الموهم انا وامي حاطين القناة الاولى وجالسين ننتظر اذان الحرم
لكن بدلاخه من محدثتكم يوم حطو دخل الان الوقت بالرياض افطرتJJوامي ماقالت لي شي تقول راحمتس شفايفتس بيضLيعني توتس ترحميني يوم بقى على الحرم 10 دقايقLL
لكن ان شاءالله اني مأجورهJ
موقف لاينسى حصل لك بـ رمضان..؟
الموقف الي ماانساه يوم كنت بثاني متوسط كنت بالمدرسا وطلعنا طلعه ومحد جاء ياخذني ابوي كان متكل على عيال عمي وعيال عمي على انه دور ابوي يجي ياخذني
الموهم الي كانت تراقب ملت مني وراها طبخ وانا عندي اهل ساحبين علي
اتصل ع البيت محد يرد دقيت ع بيت عمي ردت مرت عمي قلتلها قالت خلاص بدق على عبدالعزيز يجي ياخذك
الموهم انطقيت لحد الساعه 4 مادريت الا ينادي التميمي يوم طلعت الا ابوي جا ولد عمي جا اخوي طلع من دوامه وجا وكنت وقتها منهاره وطلعت كني تكرونيه طلعت فالشارع وانواع الصياح والصراخ بغوا يودوني لشيخ يقرا علي وانا الي اوقف بالنص وادعي عليهم قلت في هالشهر الفضيل وانا صايمه جعل سياراتكم تخربJ كانو وقتها يضحكون علي
حسبي الله على من طالني شره واذاه<<للحين محتره^_^
:::::::::::::::::::::::
موقف ثاني كنت بالجامعه الموهم دخل وقت صلاه الظهر وفرشنا الفرشات حق الصلاه في المبنى
يوم هذاك صفو 5بنات شيعيات وحطوا قدامهم مناديل
وتجي محدثتكم مسويه نظيفه.. واقعد اهاوش البنات قله ادب الفرشات للصلاه مهب زباله ماتحترمون احد البنات يصلون ومدري ايش والباقين يطالعون فيني مايدرون وش القصه واجي اضفضف المناديل حقتهم
(مسويه اماطة الاذى عن الاطريق صدقه)
وماأشوف الا صديقاتي ميتين ضحك يوم شافو الشيعيات يجرون عباتي وهم يصلون
جاتني صديقتهم قالت لا لوسمحتي هذي اغراضهم يصلون عليها

كيف نظامكم واجوائكم في رمضان ونظامكم بالفطور والعشاءوالسحور.؟
فطور تمر وقهوه ولبن ومويا وحلا
شوربه بعد الصلاه......
.....بعدين عشاء او سحور كلها واحد بعد التراويح عالساعه 12ويصير فيها كل مالذ وطاب

هل ترى اختلاف بـ رمضان في السنين الماضيه عن السنوات الاخيرهواذا نعم وش الاشياء الي افتقدتها.؟
ايه الحين رمضان تقل معاه بوغاتي طاير
مايمديه يجي الا هو رايح
الله يقبله منا يارب ويزيدنا بطاعته
هل تفضل الصلاه في المسجد القريب من بيتكم او تميل للتنويع ومن لقاريء الذي تحرص على الصلاه خلفه في رمضان؟
لا الي جنب بيتي مرررره صوته رهيب الله يوفقه ويجزاه خير
امم ولد الاحمد الشيخ لكن ماعرف اسمه
أجمل رمضان عشته حتى الآن , متى ولماذا ؟
كل الرمضانات زينه الحمدلله.
.لكن الافضل الرمضانات الي قبل 7سنين لما كنا نروح عند اهل امي بشقراء
ونجتمع كل خالتي وخوالي في بيت واحد

رسالة في هذا الشهر المبارك .. لمن تبعث بها وماذا تقول فيها .؟
ابعثها لكل شخص انا تكلمت فيه انه يسامحني ويحللني
وانا باذن الواحد احد اني ماانام الليل الا وانا محلله كل شخص تكلم فيني او اغتابني
واقول للجميع............احبكـم فالله


نبي صوره تلتقطها لنا من يومك الرمضاني المجال مفتوح لك..؟
هذا انا كل يوم عقب الفجر كذا وضعيـ





اليوميات .الرمضانية.



بسم الله الرحمن الرحيم....السلام عليكم ورحمه الله وبركاته.....العشر عليكم مباركه مقدما..
. هاه عاد شدو حيلكم فالطاعه ترى شياطينكم مربطه اقهروها لا تقهركم.
..لاتخلونها اذا قضى الشهر تدق اصبع لا انتو اخر الشهر اقلبوها اخبيتي اقهروها...


وبها المناسبه بقولكم بشاره في هاليوم المبارك.
.<<لاتحسبوني حامل اشاعهوالي قالكم اني متوظفه كان يبغا يمدح الخدمه المدنيه وقال هالمعجزه ..
يعني السالفه كلها خرطي وخذو البشاره مني

وابشركم خلست لبس العيد ..
. وبها المناسبه بنقيم حفله يوم العيد الي يبي يحضرها لان اول مره ام متعب تخلس بدري
وتحصل جزمه(الله يكرمكم) قبل العشر مدري وش قصه هالحريم يخلسون الجزم فرمضان




نبتدي اليوم بالتفصيل الممل... قمت من االنوم الساعه 3...غسلت وفرشت اسناني<<لزوم البرستيج .. جلست اتعبد ربي الله يقبل منا طاعتنا...صلحت حلى بس لان ناوين نفطر اليوم عند اهلي واذا الفطور عند اهلي اعتبره اجازه مااطبخ يا لبى اهلي بس





رحنا وافطرنا طالعنا طاش وجلسنا نسولف انا واخواتي واخواني
عاد اخوي ندور له مره وجالسين اخواني يتريقون عليه
حكم انه حاط سكسوكه الي تحت ومدبدب نوعاما ومانسميه الا غشمشم

الموهم قبل يأذن رحت تسبحت ولبست خلقتي(عباتي)ورحت انا واختي وامي للمسجد رجليه...

وجالسين نصلي العشاء وبعدها بدينا بالتراويح .. امامنا توه جديد ولسى صغير عمره 18 او 19 بسم الله عليه واحنا نصلي مادرينا الا صوته يروح شوي شوي

ثمن سكت وسمعنا الرجال يتنحنحون وشوي جا واحد كمل عنه وسلم بسرعه..

وسمعنا الرجال اختبو (تعني اختبو من فين اجيب لكم معنى ثاني>_<)).. .....

امه معنا قامت تصيح والحريم صيحوا والله خفنا مرا مرا وراحت امه لرجال وام المذن تطق الحاجز الي بينا وبينهم

الموهم انا واختي خفنا ونفسنا (أي الشهيق والزفير)بغى يوقف قلنا لامي نبي نرجع قالت خلاس بلحقكم
..رحنا ونشرنا الخبر فالبيت<<اصلا مارجعنا خوف رجعنا نشر الخبر قبل لاسمعونه من الغرب

جلسنا بالحوش ننتظر وش القصه وقفوا ماكملو تراويح.. جت امي تقول جو الاسعاف شالوه

الا شوي جا اخوي عبدالرحمن قلنا هاه بشر وش صار قال انه استفرغ علينا وطاح وخذوه الاسعاف
قالنا حي ولا ميت طيب؟؟؟

قال لا حي ان شاءالله .. ابوه يقول انه تعبان من اليوم معاه
( مر- حموضه – غيره.. نزله معويه...الخ مدري شتسمونها)

والله احنا جا فبالنا ان احد صكه بعين بحكم انه صغنون والعين حق لكن ان شاءالله ان الي فيه شي بسيط ويزول والله يرجعه لمكانه ...........

الموهم كنا مواعدين الكوافيرالساعه12 جتنا وقصة شعورنا وصبغنا وطلعنا نيو لوك


عقبها جبنا لنا عشى مدري سحور عالساعه2 كلنا





عقب جا بعلي ورحت لبيتي مرينا السوبرماركت اشترينا لبن وبيض

وجلست ع مصحفي لحد مااذن صليت واستغفرت ربي ودعيت لعمري ان الله يخليني لكم اوسع صدوركم ودعيت لكم بس لاتحسبون خصصت المجلس لا قلت للمؤمنين المؤمن فيكم شملته الدعوه والي مثل ويلي ورادوي لا ماتشملهم الدعوه طبعا كل صبح لازم اشيك ع المجلس وع ايميلي والماسن والفورم


عقب نمت
تصبحون على خير
:::::::::::::::::::::::::::::::::::::::




كل اللشكر
لـلمميز **][ "ام متعب التميمي" "♥][ **

وانتظرونا غداَ
مع مصمم المجلس العام ذآيب .

أرق التحايا وأطيبها من
مشرفي واستشاري
المجلس العام




  #2  
قديم 23/08/2010, 03:58 AM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,403


الهنوف الحين تقول هذي السناعه ..
موب زي واحد ابثرنا امسس ..

لي عوده لايوميات ام ميتو ..

عدنا ..

إقتباس
مشروبي لبن المراعي فقط لا غير اكلتي الفرنتش فرايز


اوما لبن المراعي ..
ياقدمك بسس .. ..
خبري باللبن اذا جابوه في العزايم ذاك ابو ريال وماكنت اشربه ..


إقتباس
انا كنت اصوم من عمري 4 سنوات

حرام عليك حسحس قام يصيح بالمسن ..
بس مشاء الله 4 سنوات وتصومين ..
الله لايحرمك الاجر صح بدون صلاه بس وشسمه .. << اهم شي اليوم انك استخدمتي فيس غيره ..

إقتباس
الموقف الي ماانساه يوم كنت بثاني متوسط كنت بالمدرسا وطلعنا طلعه ومحد جاء ياخذني ابوي كان متكل على عيال عمي وعيال عمي على انه دور ابوي يجي ياخذني


بجد ياشين ان الناس تنساك وتتلحط بالمدرسه .. << ياما صارت له ..
المشكله مره سويت نفسي برجع واضيع مع التاكسي
وبعدها حرمت اعتب باب المطرسه ..

إقتباس
ابعثها لكل شخص انا تكلمت فيه انه يسامحني ويحللني
وانا باذن الواحد احد اني ماانام الليل الا وانا محلله كل شخص تكلم فيني او اغتابني
واقول للجميع............احبكـم فالله

الله يحللك ويبيحكـ ..
وانتم حللونا جميعاً << نسى يكتبها بيومياته ..





واااااااااااااااااو

مشاء الله .. صح اني للحين ما قد شفت احد يظبطها زي سينابون ذاك الي بالمولات ..

إقتباس
وانتظرونا غداَ


مع مصمم المجلس العام ذآيب .



اووووووووهـ ذايب
يبي لها سواليف ع المسن اليوم ..

ع تعادل المان اليوم وفوز البلوز 6
وش قال قال الدوري للمان ..


شكرا ام متعب ..
شكرا الهنوف ..
شكرا عسيريه ..
.. ..

اخر تعديل كان بواسطة » ḾŎĤǍṀẠḊ في يوم » 23/08/2010 عند الساعة » 04:48 AM
  #3  
قديم 23/08/2010, 03:59 AM
الصورة الرمزية الخاصة بـ Hilaly Madridi
زعيــم مميــز
تاريخ التسجيل: 25/11/2008
المكان: ] [ . . . . https://twitter.com/Abdulmohsn10 . . . . ] [
مشاركات: 5,702
.. .. ..
.. ..
..




إقتباس
انا كنت اصوم من عمري 4 سنوات لكن الكل كان يقول صوم الدجاجه والديك



قايل لكمـ


إقتباس
واجي اضفضف المناديل حقتهم



....



إقتباس
قالنا حي ولا ميت طيب؟؟؟





فال الله ولا فالكم ..
الناس تقول إن شاء الله بخير ..
تقول عساهـ طيب ..
انتم حي ولا ميت


الله يعطيك العافية ام متعب يوم جميل..

الف شكر للإستشاريي ومشرفي المجلس ..

الي بعدوو..ذايب..



.. .. ..
.. ..
..


اخر تعديل كان بواسطة » Hilaly Madridi في يوم » 23/08/2010 عند الساعة » 05:52 AM
  #4  
قديم 23/08/2010, 04:01 AM
زعيــم مميــز
تاريخ التسجيل: 24/08/2007
مشاركات: 2,241


ما شاء الله ....مزاج عالي بتقديم الاكل ...

  #5  
قديم 23/08/2010, 04:06 AM
الصورة الرمزية الخاصة بـ احتيآج
زعيــم فعــال
تاريخ التسجيل: 09/12/2008
المكان: Riyadh
مشاركات: 433
صرآحه تحسفت آني حطيت رد مآفيه شي يحتآج تعليق
ولآودي آحذفه كثرت حذفي للردود
<-- برآ

/~



إقتباس
قمت من االنوم الساعه 3

آيه صح متى تنآمين ؟
لآن دآيمآ نشوفك آلصبح مآ شآء الله

/~

وكل عآم و آنت بخيير
  #6  
قديم 23/08/2010, 04:10 AM
الصورة الرمزية الخاصة بـ HILALYA ]~
زعيــم مميــز
تاريخ التسجيل: 01/09/2008
المكان: يارب ان متابعه بصمت لقت لي شي اكتبه ض1
مشاركات: 7,448


?اااااااااااا حراام والله هذي خامس مره تصيير ليييييه
< فيس يصيح •• ما ميتو كتب رد طوووول جدي
ااااااخ يالقههر عموما بعلق ع بعص ا?شياءات < فيس حزين
وشسمه خشيت جوو معك ع سالفه الامام ^^
يوم قلت وقف نقزت من السرير وجلست ع ا?رض :>
واتحمممممس مرره خخخخ ••
والباقي ^_~ هع
المهم ان الصحن اللي فيه ملعقه وشوكه مرررره راق لي
ماشاء الله عليك
والله يقوم امامكم بالسلامه
شكرا ام ميتو ق1

هنو & عسيريه
ق1 ما قصرتوا ابدا ق1
بانتطار صائد المواضيع ض1

اخر تعديل كان بواسطة » HILALYA ]~ في يوم » 23/08/2010 عند الساعة » 05:17 AM
  #7  
قديم 23/08/2010, 04:15 AM
الصورة الرمزية الخاصة بـ I B R A H E M
زعيــم مميــز
تاريخ التسجيل: 09/09/2009
المكان: رياض العز و الخير
مشاركات: 1,858
[/QUOTE]
وجلست ع مصحفي لحد مااذن صليت واستغفرت ربي ودعيت لعمري ان الله يخليني لكم اوسع صدوركم ودعيت لكم بس لاتحسبون خصصت المجلس لا قلت للمؤمنين المؤمن فيكم شملته الدعوه والي مثل ويلي ورادوي لا ماتشملهم الدعوه طبعا كل صبح لازم اشيك ع المجلس وع ايميلي والماسن والفورم



عقب نمت
[/QUOTE]



الموضوع نزل قبل ما يأذن و شلون صليتي و دعيتي لنا

نوم العوافي مع أنه مدري وشلون قايل

شكلك معك بوغاتي


إلا على فكرة أنتي وش عرفك بالبوغاتي

البنات كل اللي يعرفونه كامري و كابريس و جمس و فورد


إقتباس
وانتظرونا غداَ
مع مصمم المجلس العام ذآيب




  #8  
قديم 23/08/2010, 04:26 AM
الصورة الرمزية الخاصة بـ همس الحراااير
زعيــم مميــز
تاريخ التسجيل: 05/08/2008
المكان: الموج الأزرق
مشاركات: 4,137
الله يحفظ ولد جيرانكم مسكين يحزن

وانا اقراء القصة توقعت عين

مو خبرك صايرن موسوسين العالم كل من صار له شي

قلنا عين الله يحفظة لاهلة..





ما شاء الله طبق مشهي جدا ما ودك ترسلين لنا بالمجلس ترى نمون

بالهناء و العافية


تحياتي
  #9  
قديم 23/08/2010, 04:33 AM
الصورة الرمزية الخاصة بـ ع ـشقهــا هـلالـي
زعيــم مميــز
تاريخ التسجيل: 18/11/2007
مشاركات: 4,488
لي هذآك الي تعرفـه هلاليـه ذذ ض1

بآك

آم ميتـوو يوميآت حلـوه وخفيفـه وبعد سريعـه

اومآآ الشيعيآت وقسم شي زين انتي تشيلين قشهم اخوي
بـ الحرم كل ماشافهم تفل عليهم وقال ياسفله

وانتي يوم بمكه ليه تفطرين بـ الشقه في احد يفوت جلست الحرم
لو مكآنك ماطلعت من الحرم لين يجروني منه جر

الله يحفظ امآمكم شكله شارب بارد الله يشفيه ان شاء الله ..



ماشاء الله متعوب عليه نفسي اذوقه

ام ميتووو اشكرك ع هـ اليوميآت الحلوه بس كآن ختمتي ودعيتي
لـ فالنسيا ترى فيهم مسلمين

امنآ هنـو خآلتنآ عسيريـه شكرآ بحجـم السمآء ع مجهودكم



اخر تعديل كان بواسطة » ع ـشقهــا هـلالـي في يوم » 23/08/2010 عند الساعة » 04:51 AM
  #10  
قديم 23/08/2010, 04:43 AM
زعيــم فعــال
تاريخ التسجيل: 31/10/2008
المكان: قلـــ ياسر ــــب
مشاركات: 238
ماشاء الله عليكم


حوار شيق استمتعت به
  #11  
قديم 23/08/2010, 04:59 AM
الصورة الرمزية الخاصة بـ جوري الربيع
زعيــم مميــز
تاريخ التسجيل: 13/03/2008
مشاركات: 1,816


هلا وغلا بأمنّا أم متعب ..

إقتباس
مشروبي لبن المراعي فقط لا غير

رغم أني ما أحبه الا إني أتخيل الحين علبة بيدي وأشربهااا مرآآآ عطشآنه قاعده أشرب كولا وما انتبهت الا وهويأذن الله يتقبل بس

أما السنيبون فيآآربآآه طعمه شئ

والله يحللك ويبيحك

ألف شكر لمن يعملون خلف الكواليس
  #12  
قديم 23/08/2010, 05:43 AM
قلم تربوي بالمجلس العام
تاريخ التسجيل: 30/11/2008
مشاركات: 1,912
تقبل الله منا ومنك صالح العمل والقول


يومك جميل الله يسعد أيامك ويرزقك متعب ومشاعل عاجلاً غير آجل .
  #13  
قديم 23/08/2010, 05:46 AM
الصورة الرمزية الخاصة بـ هـلاليه مخلصه
زعيــم نشيــط
تاريخ التسجيل: 26/04/2010
المكان: الرياض .. حالياً
مشاركات: 524
Arrow

يالله حيّها أم متعب

يوميات روعه و الحلو فيها انها عفويه

اوووما سالفتك مع الشيعيات


||





^
|

ابي سينبون
شكلي بسويه اليوم


||


يعطيك العافيه ع اليوميات الحلوه
  #14  
قديم 23/08/2010, 05:54 AM
الصورة الرمزية الخاصة بـ abo-homood
زعيــم مميــز
تاريخ التسجيل: 25/07/2007
المكان: яỉчαḋн сỉтч
مشاركات: 1,685
يعطيكم العافية

يعطيك العافية يا ام متعب

سالفة الشيعيات فطست عليها ضحك ههههههههههههه

الله يقوم امامكم بالسلامة

تقبلوا مروري
  #15  
قديم 23/08/2010, 06:00 AM
زعيــم متألــق
تاريخ التسجيل: 20/04/2009
المكان: هُناك ! عندهم
مشاركات: 1,115
Smile

..
أهلاً وسهلاً بـ أم متعب .,

/

انا كنت اصوم من عمري 4 سنوات لكن الكل كان يقول صوم الدجاجه والديك
وانا والله العظيم اني كنت اصوم زي الناس لكن مااصلي
^^
خخخخخخخخ مصدقينك مصدقينك ذكرتيني بأختي .. نقول صلي طيب مادام انك صمتي
تقول طيب هو رمضان .. على بالها رمضان حق صيام وبس .,

/
موقف ثاني كنت بالجامعه الموهم دخل وقت صلاه الظهر وفرشنا الفرشات حق الصلاه في المبنى
يوم هذاك صفو 5بنات شيعيات وحطوا قدامهم مناديل
وتجي محدثتكم مسويه نظيفه.. واقعد اهاوش البنات قله ادب الفرشات للصلاه مهب زباله ماتحترمون احد البنات يصلون ومدري ايش والباقين يطالعون فيني مايدرون وش القصه واجي اضفضف المناديل حقتهم
(مسويه اماطة الاذى عن الاطريق صدقه)

^^ زين ماسويتي .,
/
هل تفضل الصلاه في المسجد القريب من بيتكم او تميل للتنويع ومن لقاريء الذي تحرص على الصلاه خلفه في رمضان؟
لا الي جنب بيتي مرررره صوته رهيب الله يوفقه ويجزاه خير
امم ولد الاحمد الشيخ لكن ماعرف اسمه

^^ ياحظك لايكون الشيخ عبدالمحسن الإحمد .,
/
وابشركم خلست لبس العيد ..
. وبها المناسبه بنقيم حفله يوم العيد الي يبي يحضرها لان اول مره ام متعب تخلس بدري
وتحصل جزمه(الله يكرمكم) قبل العشر مدري وش قصه هالحريم يخلسون الجزم فرمضان .,

^^ لا الله يبشرك بالخير " على البركه آجل والعقبة لنا .,

/




^^ سنيبون لا حرام عليك .. .,

/
امامنا توه جديد ولسى صغير عمره 18 او 19 بسم الله عليه واحنا نصلي مادرينا الا صوته يروح شوي شوي .,

^^ بما انه امامكم أجل ألف الحمدلله على سلامته ومايشوف شر .,


/

أم متعب يعطيك ربي ألف عافيه ..
يوم جميل وخفيف ...,


:
مشرفيين وآستشاريين المجلس العام " شكراً لكم .,


   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:30 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube