|
معركة الوسط تشتعل في مدريد http://www.artonline.tv/gallery/imag...tted/38541.jpg يبدو أن صراع اللعب في التشكيلة الأساسية لريال مدريد اشتعل مبكرا وبصفة خاصة بين لاعبي خط الوسط والذي يشهد حاليا ازدحاما كبيرا بسبب الصفقات الأخيرة التي ابرمها النادي الملكي وهو ما يبدو صداعا مبكرا في راس البرتغالي جوزي مورينيو الذي يرى من جانبه أن كثرة اللاعبين والنجوم أمر لا يؤرقه بأي حال من الأحوال و يرى أن لكل لاعب وقته و دوره حسب البرنامج المخطط له مسبقا . و يشمل خط وسط الفريق الملكي حاليا كلا من مسعود أوزيل القادم من بريمن ومواطنه سامي خضيرة القادم من شتوتغارت إضافة إلى كلا من البرازيلي كاكا المصاب و معهم الهولندي فاندر فارت الذي حسم أمره بتأكيده البقاء في ريال مدريد و معهم غرانيرو و ممادوا ديارا و لاسانا ديارا و الأرجنتيني غاغو و كذلك الشاب الذي يحظى بإعجاب مورينيو و القادم من راسينغ سيرخيو كاناليس ومن المنتظر أن يواجه مورينيو أزمة كبيرة في الموسم الجديد بسبب وفرة لاعبي الوسط خاصة مع إعلان فالدانو عن غلق قائمة الفريق على مستوى الشراء أو البيع وان كانت المحاولات مستمرة من اجل التخلص من بعض اللاعبين مقابل الحصول على عائد مادي جيد. المصدر |
ببساطه ياعزيزي في لاعبين يعتبروا اضافه للدكة امثال ليون وكانيالس وفارت و غرانيرو وقاقو اما مامادو اتوقع خروجه شبه مؤكد ..! وثانياً عندك مدرب بحجم موري هو ابخص مني ومنك بالفريق يعني لاتخاف الطاسه مو ضايعه :naughty: |
رغم ان لاعبين الوسط كثيرين لاكن مافيهم بركه الا : كاكا سابقاً [ و اعتقادي ان الاصابه راح تدمره ] و اوزيل و خضيرة و كاناليس ان أثبت وجوده وفان دير فارت ان عاد لمستواه .. والباقي تكملة فراغ ! |
والله كأني قاعد أشوف سبحة من الألماس مو فريق كاكا , اوزيل , خضيرة , فان دير فارت , الونسو , لاسانا , ديارا , غاغو , كاناليس , غرانيرو هذا اذا اعتبرنا لاعبين مثل دي ماريا وكريستيانو ودرينتي مو لاعبين وسط 10 لاعبين وكلهم نجوم ومن الظلم ان يبقى منهم واحد على الاحتياط فما بالك اذا كان على الاقل 3 منهم ما بيشمون ريحة الكورة اصلا طوال الموسم لا أحد يقول تقوية للفريق , وربي لو انهم بيلعبون مع فريق من الفضاء ما جمعوا كل ذا اللعيبة بصراحة حانة مغادرة لاعبين منهم ومن المفروض على بعض اللاعبين ينتقلون لأي فريق ثاني مثل ديارا وغاغو وفان دير فارت ودرينتي ويمكن كاكا يخرج ليش لا بصراحة الليقا صارت مثل بعض الدوريات العربية فريقين بس اللي يلعبون والباقين تكملة عدد والسبب شراء اللاعبين عالفاضي والمليان بس والله الشرهه مو على الاندية , الا على بعض اللاعبين الدلوخ يشوف مركزة في اكثر من لاعب ممتاز ويجيك ماسح الطبلون المادة ماهي كل شي , لاعب مثل غاغو كان مستقبله بيكون أفضل لو فكر صح وفان دير فارت بعد وديارا ودرينتي لكن دلوخ ماعندهم سالفة أنا ما أكره الريال ولا أشجع برشلونة بس اللي يشوف حال الكورة هاليموين يطفش أجل برشلونة حسم لقب السوبر من الشوط الأول قبل كم يوم لا ومن دون مهاجم صريح وقدام اشبيلية , والريال الموسم اللي فات طاق الغواصات بست قنابل أغرقتهم اقول : حولنا فطور ؟ |
كلهم كويسين الا كاكا وجوده بيكون عاله على الوسط |
على شان كذا انا متراهن مع شخص مدريدي ان اوزيل راح يكون حبيس الدكة :D هذا اكبر دليل على العشوائية في الصفقات . ولاننسى كرستيانو و دي ماريا :d يعتبروون لاعبين وسط , بس ممكن كرستيانو يلعب في بعض الاوقاات مهاجم . بس يعتبر لاعب وسط :to: |
^^^^^^^^^^^^^^ جمهور البرشا مثل جمهور النصر يحب يتدخل في امور الابطال في الريال الهلال هو نادي القرن يعني هو الريال نادي القرن الاسيوي فأتمنا من جمهور البرشا الا يتدخلون في امور نوادي القرن واهتموا في نواديكم لاتسيرون مثل جمهور النصر وانتم بالكرامه |
هذي مشكلة المشكله للريال لاعبين وملاين من اليوروات وصفقات وبالاخير او اكثرهم يندفنون الي كرستيانو وكاكا ماجابوا ولا بطولة العام وش تبي تسوي يا اوزيل وابو خضيرة شف شنايدر وش مسوي مع الانتر وشف روبن بالبايرن وغيره وغيره حتى راؤول جاب هدف في اول مباراه معه في شالكه يعني لاعبين كانوا نجوم في فرقهم اصبحوا لاعبين محبطين حبيسي الدكه وانا وانت ويالله نبدا 1 - شنايدر - 2 - روبن - 3 - كاكا - 3 - فارت - 4 - ديارا المالي - 5 - متزلدر وماني متأكد بالاسم المهم انه المدافع الالماني 6 - بن زيما - 7 - روبينهو - باقي ولا وشلون .. :) |
3 لاعبين مهب لاعبين إلا في حالة إيقاف اللاعبين الباقين أو إصابتهم .. , ب التوفيق ل البرشا ! ألف شكر ~ |
كاكا وديارآ مصابيين ولاتنسى آن الفرييق بينافس على جمييع البطولات مع مورينهو مافييه عشوائييه فييه عقل وتكتييك مشكور آخوي |
إقتباس:
هذا في هامبورغ كان لاعب فلته .. و اعتقد مستحيل ان موهبه مثل كذا تندمر بسهولة ... ما تدري هي اصابة او نفسية او ايش .. لكن تمنياتي ان يتم الاستفادة منه بأكمل وجه .. |
إقتباس:
ليش حكمك من الان ياحبيب قلبي مآحب اللي يسبق الاحدآث دائما مع مورينهو آن شاء الله كل الامور بترجع مثل وآحسن كل اللاعبين اللي ذكرتهم كانو يحتاجون لمدرب روبينهو _ شنايدر _ روبين _ ديارآ <<آجل ذولا حبيسين الدكه من اللي جاب لنا الدوري عآمي 2006/2007 2007/2008 |
آلريآآلــــ آلنآآدي آلوحيييد آللي يملكـ آحتيآآطــ قووووي , , بسس في آلفترهـ آلآخيرهـ آفتقدو للمدربـــ آللي يوظفــ آللآعبين بآلششكلـ آلصحيح ومورينهو جآء , , وآكيييد بنششوفـــ آختلآفــ كبير في آلتششكيلهـ وفي آلعنآصصر |
ايه والله وخاصة مركز صانع الالعاب يعني فيها كاكا وفارت و اوزيل وكاناليس وين بيودون كل هل لعيبة انا من وجهه نظري انهم يصرفون كاكا بسبب كثرة اصاباتة ومامادو ديارا ما منه فائدة يعطيك العافية |
إقتباس:
بعدين ليكوون النادي لك وانا ما ادري :d حلوهـ هذي :d |
| الوقت المعتمد في المنتدى بتوقيت جرينتش +3.
الوقت الان » 05:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd